Новости за 21.10.2019

Хабари пешниҳоди афви 20 ҳазор нафар гурӯҳе аз сокинони Тоҷикистонро ба кам шудани муҳлати ҳабси пайвандонашон, раҳоии онҳо ва ё аз ҷавобгарӣ озод шудани наздикони таҳти пайгардашон умедвор кардааст. Вале барои гурӯҳе дигар, ки ҷабрдида ҳастанд, ин хабар чандон хушҳолкунанда набудааст.  Барфимоҳ Камолова, сокини шаҳри Душанбе, хабари пешниҳоди тарҳи қонуни авфро аз расонаҳо шунидааст. Вай мегӯяд, ҳар рӯз бодиққат хабарҳоро пайгирӣ мекунад, то дар ин бора маълумоти бештар бигирад. Писари 35-солаи ӯ тақрибан як сол боз дар маҳбас аст. Читать дальше...

Хабари пешниҳоди афви 20 ҳазор нафар гурӯҳе аз сокинони Тоҷикистонро ба кам шудани муҳлати ҳабси пайвандонашон, раҳоии онҳо ва ё аз ҷавобгарӣ озод шудани наздикони таҳти пайгардашон умедвор кардааст. Вале барои гурӯҳе дигар, ки ҷабрдида ҳастанд, ин хабар чандон хушҳолкунанда набудааст.

Масъулони Бонки Ҷаҳонӣ ҳафтаи гузашта дар таҳқиқоте гуфтанд, ки агар суръати коҳиши фақр дар кишварҳои Осиёи Марказӣ, аз ҷумла Тоҷикистон, чун солҳои пеш идома мекард, то охири имсол миллионҳо нафар аз банди камбизоатӣ раҳо мешуданд. Мақомот мегӯянд, сатҳи камбизоатӣ дар муқоиса ба солҳои гузашта камтар шудааст. Худи сокинон чӣ мегӯянд? Оё аз нигоҳи онҳо вазъи зиндагӣ дар беҳтар шудааст? Видеоро бинед ва навиштани назари худро фаромӯш накунед.

Брюс Панниер Мақомот аз нӯҳ кишвари Осиёи Марказӣ ва Ғарбӣ дар Тошканд созишеро имзо карданд, ки роҳро барои таъсиси бозори минтақавии энержӣ кушода, барои миллиардҳо сокини Аврупову Осиё хидмат мекунад. Вале комёбии ин тарҳ аз сармояҳои ҳангуфт, бовари ҳамаҷониба ва ҳамкориҳои наздики миёни иштирокдоронаш вобаста аст, ки на ҳамеша бо ҳам робитаҳои хубу наздик доранд. Охири моҳи сентябри имсол мақомоти вазоратҳои энержии Афғонистону Озарбойҷон, Гурҷистон, Қазоқистон, Қирғизистон, Муғулистон, Покистон... Читать дальше...

Садҳо хонавода аз шаҳри нимавайронаи Мавсили Ироқ, ки ду сол пеш аз дасти ҷангҷӯёни гурӯҳи ба ном "Давлати исломӣ" озод шуд, баъд аз тарки урдугоҳ дигарбора ба инҷо баргаштаанд.  Хаймааш холист, худаш бекор. Оилааш аз ҳисоби кумакҳои башарӣ зиндагӣ мекунад. Ниҳоя Исо ночор дар урдугоҳи Ироқ зиндагӣ мекунад, чун дар зодгоҳаш шаҳри Мавсил ҷойи иқомат надорад. Ин шаҳрро дар шимоли Ироқ ду сол пеш аз дасти ҷангҷӯёни ДОИШ озод карданд, аммо даҳҳо ҳазор сокинонаш, ки дар урдугоҳҳо паноҳ ёфтанд,  хонаҳояшон барнагаштаанд. Читать дальше...

Садҳо хонавода аз шаҳри нимавайронаи Мавсил, ки ду сол пеш аз дасти ҷангҷӯёни гурӯҳи ба ном "Давлати исломӣ" озод шуд, баъди тарки урдугоҳ дигарбора ба инҷо баргаштаанд. Чаро ба хонаҳои худ намераванд? Дар ин видео бубинед.

Кумитаи миллии олимпии Тоҷикистон аз таъсиси Лигаи баскетболи кишвар хабар дода, афзуд, бори аввал мусобиқаи ҷумҳуриявӣ дар доираи лига баргузор мешавад

Баҳси масъулони ширкати IRS бо вазири нақлиёти Тоҷикистон, муҳоҷири тоҷик талаб дорад, ки афсарони рус барои таҳқири ӯ ҷавоб диҳанд, боздошти мухолифин дар Озарбойҷон, шикояти афсарони ихтисоршудаи хадамоти гумруки Тоҷикистон ва матолиби дигар.

Президенти Қазоқистон Қосимҷомарт Тоқаев фармонеро имзо кард, ки ба Пешвои халқ, президенти нахустини Қазоқистон, раиси Шӯрои Амнияти ин кишвар Нурсултон Назарбоев салоҳиятҳои бештаре медиҳад. Акнун пешво метавонад аз нав мисли пешина аъзои ҳукумат шавад ва ҳамчунин раисони шаҳру ноҳияҳоро тағйир ё барканор кунад ва ба баъзе аз идора ва муассисаҳо назорати пурра дошта бошад. Фармон дар сомонаи ҳуҷҷатҳои ҳуқуқии Қазоқистон нашр шудааст. Бино ба фармони нав, президенти Қазоқистон аз ин ба баъд... Читать дальше...

Эрон сохтани постгоҳҳои низомии Туркияро дар Сурия рад кард ва гуфт, ки марзҳои миёни ду кишвар бояд риоя карда шаванд. Сухангӯи Вазорати корҳои хориҷии Эрон Аббос Мусавӣ дар нишасти хабарии ҳафтаина, ки аз телевизиони давлатӣ пахш мешавад, гуфт, масъалаҳои миёни Сурия ва Туркия бояд “бо роҳи дипломатӣ” ҳал карда шаванд. Ӯ афзуд: "Мо ба зидди сохтани постгоҳҳои низомии Анқара дар Сурия ҳастем...  Пуррагии қаламрави Сурия бояд  риоя карда шавад.” Ҳафтаи гузашта президенти Туркия Раҷаб Таййиб Эрдуғон созиш кард... Читать дальше...

Президенти Украина Владимир Зеленский бо як сафари чоррӯза ба Ҷопон сафар кард, ки дар ҷараёни он дар маросими ба тахт нишастани император Наруҳито иштирок мекунад. Дафтари президенти Украина рӯзи 21 октябр хабар дод, ки дар мулоқот бо нахуствазири Ҷопон Шинзо Абе, Зеленский Токиоро барои идомаи кӯмакҳояш дар амри тақвияти истиқлолият ва тамомияти арзии Украина ташаккур кард. Ду раҳбар барномаҳои сармоягузорӣ ба Украинаро баррасӣ ва таъкид карданд, ки мизони ёрии молӣ ба Киев аз соли 2014 ба ин сӯ 1,8 миллиард долларро ташкил додааст. Читать дальше...

Иттифоқи касабаи байналхалқӣ аз мақомоти Қазоқистон дархост кард, ки роҳбари иттифоқҳои мустақили касабаи ин кишвар Ерлан Балтабойро аз ҳабс раҳо кунанд. Вай баъди ду моҳи раҳоӣ дубора боздошт ва ҳабс шуд. Ерлан Болтобой рӯзи панҷшанбеи 17 октябр дар толори додгоҳ ба ҳабс гирифта шуд. Балтабой аз пардохти ҷаримаи наздики 4 ҳазор доллар саркашӣ кард ва додгоҳ ӯро ба зиндон фиристод. "Пеш аз ҳама, ҳабси Ерлан Балтабой комилан исботнашуда буд. Тамоми равандаи баррасии парвандаи вай поймолсозии қонун буд ва мо аз авфи вай истиқбол карда будем. Читать дальше...

Ҳукумати Тоҷикистон ба тарҳи тағйиру иловаҳо ба моддаи "қаллобӣ"-и Кодекси ҷиноӣ, ки аз тарафи вакилони порлумон пешниҳод шуда буд, мухолифат кардааст. Ин тарҳ сангинтар кардани ҷазо барои қаллобиро дар назар дошт. Тарҳи ислоҳи қонун аз тарафи вакилони порлумон моҳи июни имсол омода шуда, барои гирифтани хулоса ба ҳукумат фиристода шудааст. Пешниҳоди порлумон аз он иборат буд, ки ҷазо дар шакли ҷарима аз моддаи 247-и Кодекси ҷиноӣ, яъне қаллобӣ бардошта шуда, ба ҷойи он ҳабс таъйин гардад. Ҳоло... Читать дальше...

Хориҷшавии Бритониё аз Иттиҳоди Аврупо мумкин аст, то моҳи феврали соли 2020 ба таъхир гузошта шавад. Дар ин бора расонаҳои Бритониё бо такя ба манобеи дипломатӣ дар Иттиҳоди Аврупо хабар медиҳанд. Бритониё ҳамчунин метавонад, пеш аз моҳи феврал - дар моҳҳои ноябр, декабр ё январ аз Иттиҳод хориҷ шавад, дар сурате ки агар тарҳи қонуни хориҷшавӣ дар порлумони Бритониё тасдиқ гардад. "Агар сарвазири Бритониё бо монеаҳои нав рӯ ба рӯ гардад ё порлумони Бритониё баргузории раъйпурсии навро талаб кунад... Читать дальше...

Чорӣ Гилиҷов, ноиб-сарвазири Туркманистон дар умури тиҷорат рӯзи 18 октябр аз анҷоми чораҳо оид ба пуштибонии тиҷорати хурду миёна, инчунин дар бораи густариши истеҳсоли дохилӣ ва содироти маҳсулот ба хориҷ ба президенти он кишвар Қурбонгулӣ Бердимуҳаммадов ҳисобот дод. Бердимуҳаммадов ба Гилиҷов дастур дод, ки бозорро омӯзад, талаботи истифодабарандагони дохилиро таҳлил намояд ва барномаҳои муосирро барои тавлиди маҳсулоти рақобатпазир роҳандозӣ кунад. Ба ҷуз ин, президенти Туркманистон гуфтааст... Читать дальше...

Полис дар Боку, пойтахти Озарбойҷон чанд нафарро боздошт кард, ки бо ҳадафи ширкат дар  рӯзи дуюми эътирозҳои иҷозанашуда ҷамъ омада буданд. Рӯзи 20 октябр дар маркази шаҳри Боку ҳудудан 50-60 нафар, аксаран занон ҷамъ омаданд, вале полис нагузошт раҳпаймоии онҳо баргузор шавад. Тибқи гузоришҳо, афсарон шиорҳои дар дасти эътирозгарон бударо хароб ва ба илова, чанд эътирозгарро боздошт карданд. Ҳадафи эътирозгарон мубориза бо хушунат нисбати занон аст ва дар шиорҳои онҳо ҳам ҷумлаҳои мисли “Нест бод хушунат алайҳи зан” навишта шудааст. Читать дальше...

Давоми 2,5 соли охир дар муассисаҳои буҷавии Узбекистон дар доираи харҷҳои кумакпулӣ барои ҳомиладорӣ ва таваллуд 330 ҳазор доллар ғайримақсаднок харҷ шудааст. Дар ин бора аз Додситонии кулли Узбекистон хабар доданд. Ба иттилои додситонӣ, дар муассисаҳои буҷавии он кишвар ҳолатҳое мушоҳида шудааст, ки бо роҳи тақаллубкорӣ ба мардон кумакпулии ҳомиладорӣ ва таваллуд додаанд. Барои мисол, ба як коргари бемористони вилояти Ҷиззах 2,1 миллион сӯм ва ба муҳофизи мактаби №20 дар Ҷиззах 900 ҳазор сӯм пардохт шудааст. Читать дальше...

Ҳомии ҳуқуқи маҳкум ба ҳабси якумрии Қирғизистон Азимҷон Аскаров ба Комиссари олии ҳуқуқи инсони СММ, намояндагии Иттиҳоди Аврупо дар ин кишвар ва маркази Созмони Амнияту Ҳамкории Аврупо дар шаҳри Бишкек номаи боз навиштааст. Номаро раҳбари бунёди ҷамъиятии "Voice of Freedom" Абдумомун Мамараимов дар шабакаҳои иҷтимоӣ нашр кард. Аскаров дар ин номааш аз муносибати сардори зиндони рақами 19-и Қирғизистон Н. А. Труспеков шикоят карда, гуфтааст, ки Труспеков вохӯриҳои ӯро бо наздиконаш маҳдуд карда... Читать дальше...

Додгоҳи ҳакамии байналмилалӣ ҳукумати Узбекистонро вазифадор кард, ки ба ширкати туркии "Gunes Tekstil Konfeksiyon Sanayi ve Ticaret Ltd" $40 миллион ҷуброн пардозад. Дар ин бора нашрияи "Global Arbitration Review" (GAR) иттилоъ дод. Шаҳрванди 50-солаи Туркия Воҳид Гюнеш, ки солҳои 2004-2011 дар шаҳри Тошканд фурӯшгоҳи "Turkuaz"-ро таъсис дода буд, ҳукумати Узбекистонро ба додгоҳи ҳакамии байналмилалӣ кашида, талаб кард, дороии мусодирашуда дар моҳи апрели соли 2012 баргардонида шавад. Маркази байналмилалии ҳалли баҳсҳои сармоягузорӣ... Читать дальше...

Раиси Маҷлиси намояндагони Амрико Ненси Пелосӣ ва чанд узви баландпояи Конгресс бо як сафари эълоннашуда 20 октябр аз Афғонистон дидан карданд. Дар иттилоияи расмии баъди хатми ин сафар нашршуда, ӯ  бо президент Ашраф Ғанӣ ва ҳам вазири дифоъ Марк Эспер, ки дар Кобул буд, бо чанд фармондеҳи баландпоя ва сарбози амрикоӣ дидору гуфтугӯ кард. Ҳайати Конгресс аз намояндагони ҳарду ҳизб иборат мебошад. Ин нахустин сафари Эспер ба Афғонистон баъди таъиноташ дар моҳи июл бо ҳадафи зоҳиран талошҳои нави... Читать дальше...

Дар задухӯрди рӯзҳои 19-20-уми октябр дар марзи Покистону Ҳинд гуфта шуд, ки дасти кам 7 мулкӣ ва се сарбоз кушта шуд. Ба эҳтимоли ғолиб, аз моҳи август ба ин сӯ ин ҳодисаи хунинтарин дар минтақаи зери назари Деҳлии Кашмир мебошад. Гузоришҳои мухталиф мегӯяд, ки шумори қурбониҳо метавонад афзоиш ёбад. Сухангӯи артиши Покистон генерал-майор Осиф Ғафур дар паёме тавассути Твиттер рӯзи 20 октябр тирандозии бесабаб аз ҷониби Ҳинд дар хати назорати марзиро гунаҳгор кард, ки ба гуфтааш, “махсус зидди мардуми мулкӣ” нигаронида шудааст. Читать дальше...

Вазири нақлиёти Тоҷикистон аз кори ширкати IRS (Innovative Road Solutions), мутасаддии нигоҳубин ва ҷамъоварии пул дар роҳи Душанбе-Чаноқ, танқид карда ва гуфтааст, "ин ширкат дар пешниҳоди ҳисобот ба мақомот худсарӣ мекунад". Ширкати IRS то ба ҳол вокуниш накардааст. Масъулони ширкат дар суҳбат бо Радиои Озодӣ гуфтанд, ки дертар ҷавоб медиҳанд. Гуфтугузор дар бораи кори ширкати IRS дар ҷаласаи Вазорати нақлиёти Тоҷикистон сурат гирифтааст, ки тақрибан даҳ рӯз пеш баргузор шуд ва баъзе аз ҷузъиёти онро рӯзномаи расмии "Нақлиёт" нашр кард. Читать дальше...

Мусобиқаи қаҳрамонии ҷаҳон оид ба ҷудо миёни гуштигирони то 21-сола дар Марокаш шоми якшанбеи 20-уми октябр ба поён расид. Ба иттилои торнамои расмии Федератсияи байналмилалии ҷудо (IJF), дар қаҳрамонии ҷаҳон миёни варзишгарони солҳои таваллудашон 1999 - 2001 дар Марокаш дар рақобатҳои инфиродӣ 513 варзишгар (293 мард ва 220 зан) аз 81 кишвар ширкат дошт. Мусобиқа аз рӯи 14 дараҷаи вазнҳо (7 вазн миёни мардон, 7 вазн миёни занон) сурат гирифт, ҳамчунин рақобатҳои дастаӣ доир гардид. Аз рӯи... Читать дальше...

Рӯзи якшанбеи 20-уми октябр бозиҳои даври нуздаҳуми мусобиқоти қаҳрамонии футболи Тоҷикистон миёни дастаҳои лигаи олӣ   баргузор шуданд. Дар ду бозӣ мизбонон ғолиб омаданд. «Кӯктош»-и Рӯдакӣ бар «Хатлон»-и Бохтар бо ҳисоби 2:1 ва «Регар-ТадАЗ»-и Турсунзода бар «Истаравшан»-и шаҳри Истаравшан бо ҳисоби 5:2 пирӯз шуданд. Дар як бозӣ меҳмонон ғалаба карданд. «Истиқлол»-и Душанбе «Панҷшер»-и Ҷалолиддини Балхиро  бо ҳисоби 4:2 шикаст дод. Як бозӣ мусовӣ шуд. «Хуҷанд»-и шаҳри Хуҷанд дар майдони... Читать дальше...