Новости за 23.10.2019

Хабаргузории «Ройтерс» рӯзи 23-юми октябр бо такя ба як манбааш дар ҳукумати Тоҷикистон иттилоъ дод, ки ширкати давлатии Talco нақшаи афзоиши истеҳсоли алюминийро аз 20 дарсади пешина то ба 5 дарсад кам кардааст. Масъулон сабаби бозбинии нақшаи истеҳсолотро ба поин рафтани нархи алюминий дар бозори ҷаҳонӣ ва мушкилот дар интиқоли ашёи хом гуфтаанд. Ба қавли манбаи “Ройтерс”, “дар натиҷаи чанд ҳодиса интиқоли ангишти коксӣ ва гилхок ба ширкати Talco мушкил шуд”. Зоҳиран манзур аз “чанд ҳодиса” роҳбандии Туркманистон аст... Читать дальше...

Як духтари ҷавон дар Душанбе иддао дорад, ки мақомот ӯро барои сатр доштан дар кӯча дастгир карда, ҷарима бастаанд. Мақомоти додгоҳ мегӯянд, Мунавварахон Исломова на барои сатр, балки бо айби “итоат накардан ба амри милиса” ҷарима шуд. Баҳсҳо дар бораи пӯшидани сатру ҳиҷоб, ки мақомоти Тоҷикистон онро “либоси бегона” мехонанд, чанд сол боз идома дорад. Созмонҳои байналмилалӣ ва кишварҳои ғарбӣ онро маҳдуд кардани озодиҳои интихоби одамон номидаанд.    Мунавварахон Исломова, сокини 20-солаи шаҳри Душанбе... Читать дальше...

Дастаи мунтахаби миллии футзали Тоҷикистон дар аввалин бозиаш дар марҳилаи интихобии қаҳрамонии Осиё-2020 мунтахаби Непалро бо ҳисоби 6-0 шикаст дод. Футболбозони тоҷик дар ҳар як нимаи дидор сеголӣ ба самар расониданд. Ин бозии дари аввал дар гурӯҳи “А” рӯзи чоршанбеи 23-юми октябр дар шаҳри Урмияи Эрон баргузор шуд. Рустам Ҳамидов ва Файзалӣ Сардоров дуголӣ, Умед Қузиев ва Парвиз Раҳматов якголӣ заданд. Дар бозии дигари гурӯҳи “А” мунтахаби Узбекистон тими миллии Афғонистонро бо ҳисоби 6:2 мағлуб кард. Читать дальше...

Вакилони порлумон соҳибкорони тоҷикро аз пардохти боҷи давлатӣ ҳангоми таъсис ва барҳам додани ширкат ё корхона озод карданд. Ин дигаргунӣ рӯзи 23-юми октябр бо қабули тағйиру иловаҳо ба қонун дар бораи боҷи давлатӣ сурат гирифт. Пардохти боҷи давлатӣ танҳо барои таъсиси корхона беш аз 1300 сомонӣ (баробар ба тақрибан 130 доллар) таъйин шуда буд. Қаблан баъзе аз соҳибкорон шикоят карда буданд, ки на танҳо пардохти боҷи давлатӣ барои таъсис ва ё барҳам додани ширкат гарон аст, балки вақти зиёд металабад. Читать дальше...

Мунтахаби футзали Тоҷикистон дар бозии интихобӣ ҳарифони худ, тими Непалро бо ҳисоби калони 6:0 маглуб намуд

Порлумони Тоҷикистон рӯзи 23-юми октябр ба Кодекси андоз баъзе тағйиру иловаҳо ворид кард. Бар асоси он, ба сармоягузорони дохилӣ ва хориҷие, ки дар арсаи истифода аз сарватҳои зеризаминӣ кор мекунанд, ҳақ дода шудааст қабл аз оғози кор андози "бонуси обунавӣ"-ро пурра напардозанд. Тағйироти дигар аз чӣ иборат аст, дар видео бинед.

Нурсултон Назарбоев, раиси ҷумҳури нахустини Қазоқистон, ки то ҳол ҳукумат зери назораташ аст, бо чанде аз аъзои хонаводааш дар чанд ҳафтаи гузашта қаҳрамони хабарҳое шуданд, ки бешак ба обрӯи хонавода латма мезанад.   Назарбоев баъд аз 27 соли ҳукумат дар Қазоқистони саршор аз захираҳои нафт моҳи марти имсол аз мақомаш истеъфо дод. Дар замони Шӯравӣ ҳам ду сол кишварашро раҳбарӣ кардааст. Оҳангудози собиқ дар замони ҳокимияташ сарвати зиёдеро ҷамъ овардааст, ки дар бораи миқдори он фақат тахмин задан мумкин аст. Читать дальше...

Дар Маскав духтари сафири Эрон дар Русия ба ҳалокат расидааст. Ҷасади ӯро дар яке аз кӯчаҳои марказии шаҳр пайдо кардаанд.

Дафтари озодиҳои шаҳрвандӣ, як созмони ҳомии ҳуқуқи инсон дар Тоҷикистон, ба пуштибонӣ аз як фаъоли ҷамъиятӣ садо баланд кард, ки моҳи сентябри имсол навори робитаи маҳрамонааш дар шабакаҳои иҷтимоӣ нашр шуд. Ҳомиёни ҳуқуқ мегӯянд, ҳадаф зарба задан ба обрӯи ин зан ва ҳушдор додан ба фаъолони дигар аст. Вале мақомот қазияро таҳқиқ накардаанд.  Ин зан, ки бо далелҳои ахлоқӣ аз ӯ М. Д. ном бурда мешавад, мегӯяд, қаблан ба Вазорати корҳои дохилии Тоҷикистон ариза навишта буд, ки паҳнкунандагони наворро пайдо кунанд ва ба ҷавобгарӣ кашанд. Читать дальше...

Салоҳиддин Раббонӣ, вазири умури хориҷии Афғонистон аз мақомаш истеъфо дод. Оқои Раббонӣ аз моҳи январи соли 2015 ба ин тараф дар ин мақом кор мекард. Ӯ аз наздиктарин муттаҳидони Абдуллоҳ Абдулоҳ, раиси иҷроияи Афғонистон -- рақиби умдаи президент Ашраф Ғанӣ дар интихоботи раёсати ҷумҳури он кишвар мебошад. Салоҳиддин Раббонӣ, рӯзи 23-юми октябр дар истеъфономаи худ ба президент Ашраф Ғанӣ навишт, ки "дар ин муддат фазои корӣ дар ҳукумати ваҳдати миллӣ, аз ҳамон оғози рӯзҳои ин ҳукумат то ин рӯзҳои поёнӣ, матлуб набуд". Читать дальше...

Марк Эспер, вазири дифои Амрико, бо сафари аз пеш эълоннашуда ба Бағдод рафт, зеро Иёлоти Муттаҳида нерӯҳои худро аз шимолу шарқи Сурия ба воситаи Ироқ мебарорад. Интизор меравад, Эспер рӯзи 22-юми октябр бо вазири дифои Ироқ Наҷаҳ ал-Шаммарӣ ва сарвазир Одил Абдул Маҳдӣ вохӯрад. Як рӯз пеш низомиёни артиши Ироқ гуфтанд, сарбозони амрикоие, ки аз Сурия мераванд, иҷозати дар Ироқ мондан надоранд. Эспер рӯзи 22-юми октябр дар Арабистони Саудӣ гуфт, нерӯҳои бароянда аз Сурия пеш аз баргаштан ба Иёлоти Муттаҳида "чанд гоҳе" дар Ироқ хоҳанд монд. Читать дальше...

Размикори ирландӣ Конор Макрегор мегӯяд, Тонӣ Фергюсон бе муболиға варзишгари моҳир аст, аммо дар рақобати онҳо ба пирӯзии Ҳабиб бештар боварӣ дорад

Имрӯз дар бораи сӯхтори хонаи муҳоҷирон дар Русия, ҷамъоварии санг ва фурӯши он дар Тоҷикистон ва вокунишҳо ба барканории даҳҳо корманди идораҳои давлатӣ мегӯем. Барномаро бо видеое оғоз мекунем, ки аз Ёқутистон фиристодаанд. Муаллифи видео мегӯяд, онҳо аз ноҳияи Ҳисор ҳастанд ва дар ин гӯшаи дури Русия роҳро мумфарш мекунанд. Ба қавли ҳамсуҳбати мо, "агар дар Тоҷикистон низ барояшон фурсату маблағ ва техника дода шавад, омодаанд, даҳҳо километр роҳро таъмиру бозсозӣ намоянд". Дар навори дигаре... Читать дальше...

Ахбори Тоҷикистону ҷаҳон

Полиси Бритониё дар Wales мошини боркашеро ёфт, ки дар он 39 ҷасад буд. Гумон меравад, ин мошин аз Булғористон омадааст. Полиси Бритониё рӯзи 23-юми октябр  гуфт, марди 25-солае аз шимоли Ирландия, ки ронандаи мошин буд, ба гумони  куштор дастгир карда шуд. Дар мошин ҷасади 38 калонсол ва як наврас дар парки саноатии Waterglade, 32 километр дуртар аз Лондон пайдо шудааст. Эндрю Маринер, раиси полис ба хабарнигорон гуфт: “Ин як фоҷиа аст, ки одамони бисёре ҷон додаанд. Ҷустуҷӯи мо барои рӯшан кардани воқеа давом дорад.” "Мо боварӣ дорем... Читать дальше...

Кумитаи миллии олимпии Тоҷикистон мегӯяд, 22 октябр дар шаҳри Душанбе чемпионати кишвар дар риштаи тенниси рӯи миз ҷамъбаст гардида, ғолибон муайян шуданд

Анҷумани миллии расонаҳои мустақил (НАНСМИТ) ва Шӯрои Васоити Ахбори Оммаи Тоҷикистон аз мушкили сабтиноми хабарнигорони Радиои Озодӣ дар Вазорати корҳои хориҷӣ изҳори нигаронӣ карданд.  Ду созмони ҳомии ҳуқуқи хабарнигорон рӯзи 23-юми октябр дар изҳороте аз мақомоти Тоҷикистон хостаанд, ки аккредитатсия ё сабтиноми хабарнигорони хориҷиро ҳамчун абзор ё василаи маҳдуд кардани озодии сухан дар кишвар истифода накунанд. Ҳоло 5 хабарнигори Радиои Озодӣ дар Тоҷикистон аз шаш моҳ то ду сол боз аз... Читать дальше...

Кумитаи миллии олимпии Тоҷикистон варзишгари маъруфи кишвар Сомон Маҳмадбековро бо 10 ҳазор сомонӣ мукофотпулӣ қадрдонӣ кард

Имрӯз дар бораи сӯхтори хонаи муҳоҷирони тоҷик дар Русия, ҷамъоварии санг ва фурӯши он дар Тоҷикистон ва вокунишҳо ба барканории даҳҳо корманди идораҳои давлатӣ мегӯем.

Порлумони Тоҷикистон рӯзи 23-юми октябр ба Кодекси андоз баъзе тағйиру иловаҳо ворид кард. Бар асоси он, ба сармоягузорони дохилӣ ва хориҷие, ки дар арсаи истифода аз сарватҳои зеризаминӣ кор мекунанд, ҳақ дода шудааст қабл аз оғози кор андози "бонуси обунавӣ"-ро пурра напардозанд. Пештар ширкатҳо муваззаф буданд, ин навъи андозро пурра пардохт кунанд ва баъзан гаронии он боис мешуд, соҳибкорон корро қатъ намоянд. Бонуси обунавӣ андозест, ки ширкатҳо баъд аз гирифтани иҷозатнома ё литсензия барои... Читать дальше...

Чанд соат пеш дар варзишгоҳи "Жозе Либеранч"-и шаҳри Сан-Паулуи Бразилия футболбозони навраси тоҷик бо дастаи Академияи бошгоҳи футболии "Аудакс" дидори рафиқона анҷом доданд, ки он бо ҳисоби мусовии 2-2 хотима ёфт

Ҳукумати Афғонистон мегӯяд, ки Чин аз онҳо даъват кардааст, то дар гуфтугӯи миёни афғонҳо, иштирок кунад. Толибон низ гуфтаанд, ки чунин дархостеро аз Пекин дарёфт кардаанд. Ҳарчанд ҳукумати Афғонистон дар мавриди иштироки худ дар ин гуфтугӯ тасмим нагирифтааст, аммо сухангӯи Шӯрои амниятии миллии ин кишвар шаби гузашта ба Радиои Озодӣ гуфт, "дар ин рӯзҳо мақомҳои Чин бо мо тамос гирифтанд ва гуфтанд, ки қарор аст онҳо як нишасти байни афғониро ба ҳадафи дубора оғоз кардани музокирот на, балки ба ҳадафи гуфтугӯҳои сулҳ, мизбонӣ кунанд". Читать дальше...

Паҳлавонони тоҷик дар мусобиқаи байналмилалӣ оид ба ҷудо (Abu Dhabi Grand Slam 2019), ки рӯзҳои 24-26-уми октябр дар пойтахти Имороти Муттаҳидаи Арабӣ - шаҳри Абу Забӣ – баргузор мешавад, ширкат меварзанд. Чунонки сомонаи расмии Федератсияи байналмилалии ҷудо (IJF) хабар додааст, дар ин мусобиқаи байналмилалӣ, ки барои бори панҷум бо мақоми “Grand Slam” (“Тоскулоҳи бузург”) баргузор мешавад,  603 варзишгар (351 мард ва 252 зан) аз 104 кишвари панҷ қитъаи олам иштирок мекунанд. Ба ҳайати дастаи... Читать дальше...

"Бо як бор риск кардан мешавад барои ҳамеша хушбахт шуд" - чунин садо медиҳат мақоли маъруфи муаллифи номаълум дар бораи ишқ, ки зиндагии бисёре аз муҳоҷирони меҳнатиии тоҷикро ҳам хеле хуб бозгӯ мекунад. Фақат ин ҷо дар натиҷаи таваккал ишқу хушбахтӣ не, балки мақоми муҳоҷири меҳнатиро метавон барои солиёни дароз ва шояд барои тамоми умр ба даст овард. Беруншудагон аз ин тилисм низ ҳастанд, вале ин "наҷот"-и онҳо аз гирдоби муҳоҷират маҷбурӣ ё тасодуфӣ дониста мешавад. "Муваққатан, аммо ҳамешагӣ" Мусо... Читать дальше...

Мусобиқаи қаҳрамонии Тоҷикистон оид ба пойгаи мотосиклронӣ бахшида ба 25-умин солгарди Конститутсияи Ҷумҳурии Тоҷикистон рӯзи якшанбеи 27-уми октябр доир мегардад. Пойга дар маҳаллаи Меҳрободи ҷамоати Испечаки ноҳияи Рӯдакӣ соати 9-и субҳ оғоз меёбад. Ин мусобиқаро Кумитаи Марказии Ташкилоти мададгори мудофиаи Тоҷикистон баргузор менамояд. Дар ин бора ба Радиои Озодӣ аз хадамоти матбуоти Кумитаи Марказии Ташкилоти мададгори мудофиаи Тоҷикистон рӯзи 23-юми октябр хабар доданд. Ба иттилои ин манбаъ... Читать дальше...