Новости за 18.10.2019

Моёншо Маҳмадбеков падари акнун қаҳрамони ҷаҳон Сомон Маҳмадбеков бо ирсоли номаи ҷавобӣ ба раиси ВМКБ барои муборакбодӣ ва таҳсину офаринхонӣ нисбати фарзандаш, изҳори миннатдорӣ намудааст

Пирӯзии Сомон Маҳмадбеков дар мусобиқаи қаҳрамонии ҷаҳон дар Марокаш манзили волидони ӯро дар Тоҷикистон пур аз меҳмон кардааст. Бисту чаҳор соати ахир Моёншо Маҳмадбеков фақат паёмҳои табрикотӣ мегирад ва бо онҳое, ки ба табрикаш меоянд, мулоқот мекунад. Писари 21-солаи ӯ Сомон Маҳмадбеков шаби 17-уми октябр қаҳрамони ҷаҳон оид ба ҷудо миёни ҷавонон шуд. Ин нахустин медали тиллои варзишгарони тоҷик дар риштаи ҷудо дар қаҳрамонии ҷаҳон аст. "Бовар кунед, шаб нахобидаам. Бештар барои ман хурсандиовар ин аст... Читать дальше...

Бархе аз сокинони Душанбе гуфтанд, ки чаро ҳар сол ҳангоми даъвати ҷавонон ба артиш масъалаи "облава" ё маҷбурӣ ҳозир кардани ҷавонон ба комиссариати ҳарбӣ сар мезанад. Далелҳои мардумро дар ин бора ва ҳамчунин роҳҳои аз байн бурдани ин мушкил дар ин видео бубинед.

Умар Нурмуҳаммедов, писарамаки Ҳабиб Нурмагомедов гуфт, ки оилаи ӯ дар латукӯби варзишгари муҳорибаҳои омехта Расул Мирзаев иртибот надорад

Ғолибияти Сомон Маҳмадбеков дар мусобиқаи қаҳрамонии ҷаҳон, манзили волидони ӯро дар Тоҷикистон сермеҳмон ва онҳоро пуркор кардааст.

Додгоҳи Қазоқистон як пешвои тазоҳургарон дар шаҳри Жанаозенро бо гуноҳи авбошӣ ба 5 соли зиндон маҳкум кард. Ержан Элшибоевро бо гуноҳи осеби ҷисмонӣ расонидан ба як нафар дар ҷараёни занозанӣ дар соли 2017 гунаҳкор донистанд. Элшибоев аввали имсол тазоҳуроти гурӯҳе аз ҷавонони бекорро раҳбарӣ карда буд. Худи ӯ ва тарафдоронаш мегӯянд, ки парванда ангезаҳои сиёсӣ дорад ва Элшибоев барои он ба зиндон маҳкум шудааст, то дар оянда тазоҳурот баргузор накунад. Элшибоев яке аз раҳбарони намоишҳои эътирозии ҷавонони бекор дар шаҳри Жанаозен буд. Читать дальше...

Дар натиҷаи ду таркиш ҳангоми намози ҷумъа дар Афғонистон 30 нафар кушта шудаанд. Сӯҳроб Қодирӣ, узви шӯрои вилояти Нангарҳор гуфт, ки дар ин бомбгузорӣ дар рӯзи 18-уми октябр бештар аз 100 каси дигар ҷароҳат бардоштаанд. Фоҷиа дар ноҳияи Ҳаска Мена рух додааст. Сӯҳроб Қодирӣ афзуд, “Мумкин аст, теъдоди қурбониёну осебдидагон зиёдтар бошад, чун маъмурони наҷот ва мардум ба берун кашидани ҷасадҳо аз зери харобаҳо идома медиҳанд.” Маълум нест, сабаби таркиш чӣ будааст, аммо бино ба баъзе гузоришҳо, тири минамёт ба боми масҷид бархӯрдааст. Читать дальше...

"Салом Икром", ягона корхонаи шахсии пахтатозакунӣ дар деҳаи Саричашмаи ноҳияи Восеи вилояти Хатлон, рӯзи 16-уми октябр ба коми оташ рафтааст. Ин корхонаро моҳи августи имсол ба истифода дода буданд. Масъулони корхона гуфтанд, дар беш аз як моҳи мавсими ҷамъоварии пахта анбори онҳо аз "тилои сафед" пур шуд ва як бахши пахтаи коркардшуда аз байн рафта, қисми дигар осеб дидааст. Онҳо тахмин мезананд, ки зиёни расида аз сӯхтор ба миллионҳо сомонӣ баробар аст, аммо комиссияи вижа ҳанӯз хулосаи худро нагуфтааст. Читать дальше...

Барканории 36 корманди раёсати минтақавии Хадамоти гумруки Тоҷикистон дар шаҳри Турсунзода, дар наздикии марз бо Узбекистон, ҷанҷолбарангез шуд. Кормандони пешини Хадамоти гумрук иддао доранд, ки дар натиҷаи аттестатсия ё санҷиши, ба гуфтаи онҳо, ғайришаффоф "ноодилона аз кор ронда шудаанд". Мақомот мегӯянд, онҳо ба пурсишҳо ҷавоби пурра надоданд ва ба вазифаҳои худ муносиб набуданд.

“Салом Икром”, ягона корхонаи шахсии пахтатозакунӣ дар деҳаи Саричашмаи ноҳияи Восеи вилояти Хатлон, рӯзи 16-уми октябр ба коми оташ рафтааст. Ин корхонаро моҳи августи имсол ба истифода дода буданд.

Як гурӯҳи корӣ таҳти раҳбарии раиси вилояти Суғд дар пайи мулоқоти муовини сарвазири Тоҷикистон Азим Иброҳим бо муовини сарвазири Қирғизистон Жениш Разақов оид ба аломатгузорӣ ва ташхиси марзи муштараки ду кишвар, аз мавзеъҳои сарҳадӣ дар ҷамоати Ворухи Исфара дидан намудааст. Дар ин ҳайат мутахассисони Идораи заминшиносӣ, геодезӣ, бахши топографӣ ва намояндагони ҳукумати Исфара ҳузур доштаанд. Як манбаъ аз ҳукумати шаҳри Исфара рӯзи 18-уми октябр ба Радиои Озодӣ гуфт, ки гурӯҳи корӣ таҳти раёсати... Читать дальше...

Бонки Миллии Тоҷикистон рӯйхати нави "афроди алоқаманд ба терроризм"-ро нашр кард, ки тақрибан 2 ҳазору 400 нафарро дар бар мегирад. Баъзе аз шахсиятҳое, ки дар ин рӯйхат ҳастанд, дар гузашта ҳама гуна иртиботи худро бо терроризм рад карда буданд. Як сол пеш Бонки Миллии Тоҷикистон рӯйхати "афроди алоқаманд ба экстремизм"-ро низ нашр карда буд, ки 122 нафар, аз ҷумла рӯзноманигори мухолиф Додоҷони Атовулло ва фаъоли сиёсӣ Шабнам Худойдоваро дар бар мегирифт. Ин рӯйхат то оғози моҳи октябри имсол дар торнамои расмии Бонки Миллӣ истода буд... Читать дальше...

Сомон Маҳмадбеков қаҳрамони ҷаҳон дар ҷудо дар байни ҷавонон шуд, Бонки миллии Тоҷикистон рӯйхати нави афроди моил ба терроризмро нашр кард, сӯхтор дар корхонаи пахтаи ноҳияи Восеъ ва матолиби дигар.

Мушкили муҳоҷирон дар Русия ва суҳбатҳо дар бораи қабул шудан ё нашудани Тоҷикистон ба Иттиҳоди Иқтисодии АвруОсиё аз мавзӯҳои барномаи "Озодӣ Онлайн" аст. Зоҳиран ин ҳафта ҳафтаи кашокашу бурдану овардани муҳоҷирон дар Русия буд ва бисёре аз видеоҳоеро, ки корбарон фиристоданд, ҳаминро нишон медод. Корбаре бо номи Иброҳим аз ноҳияи Кирови шаҳри Санкт-Петербург навореро фиристод ва шикоят кард, ки маъмурони милисаи Русия ҳар рӯз бо онҳо чунин рафтор мекунанд. Иброҳим гуфт, "меоянд, мепурсанд... Читать дальше...

Созмони Милали Муттаҳид мегӯяд, аз моҳи июл то сентябр дар Афғонистон теъдоди бесобиқаи мардуми ғайринизомӣ куштаву маҷрӯҳ шудаанд ва хушунат дар инҷоро “ғайриқобили қабул” номид.  Дар як гузориши тозае дар рӯзи 17-уми октябр Созмони Милалӣ гуфт, ки дар ин муддати кӯтоҳ дар Афғонистон бештар аз 1170 нафар кушта ва бештар аз 3100 нафар захмӣ шудаанд. Дар гузориш омадааст, “унсурҳои зиддиҳукуматӣ” ба мисли Толибон гунаҳкори аслии афзоиши талафот дар миёни мардум аст. Дафтари Созмони Милал дар Афғонистон мегӯяд... Читать дальше...

Ба далели вазъи бади иқтисодӣ дар Туркманистон хонандагони синфҳои болоӣ дар шаҳри Марӣ дар қаҳвахонаву тарабхонаҳо ба ҳайси пешхизмат кор мекунанд. "Дар бисёре аз қаҳвахонаву тарабхонаҳои шаҳри Марӣ пешхизматонро аз ҳисоби хонандагони мактаб зиёд дидан мумкин аст. Писарону духтарон ҳангоми ҷашнҳои арусӣ пешхизматӣ мекунанд",-иттилоъ дод хабарнигори бахши туркмании Радиои Озодӣ рӯзи 16 октябр. Ба гуфтаи вай, соҳибони тарабхонаҳо ба синну соли хонандагон таваҷҷуҳ намекунанд. Одатан онҳоро ба хотири шакли зоҳириашон ба кор қабул мекунанд. Читать дальше...

Дар Қирғизистон телевизиони "Апрел"-ро ба далели дар ҳабс будани амволаш иҷозаи фаъолият надоданд. Дар ин бора ҳайати эҷодии "Апрел" хабар дод. Рӯзноманигорон гуфтанд, ки шабакаи "Апрел" баста нашудааст, зеро иҷозатномаи вазорати фарҳанг ҳанӯз амал мекунад. "Мо барнома таҳия кардем, мушкилиҳои техникиро рафъ сохтем. Аммо иҷозат надоданд, ки ба эфир бароем. Ширкати "Технологияҳои рақамӣ", ки пахши барномаҳои "Апрел"-ро таъмин мекунад, посухи рад дод. Қубод Оторбоев, мудири "Технологияҳои рақамӣ" гуфт... Читать дальше...

Бо вуҷуди созиши оташбаси ҳосилшуда бо миёнҷигарии Амрико рӯзи 18-уми октябр тирандозиву ҷанг дар шаҳри марзии Рас ал-Айни Сурия идома кард. Дуд аз ин шаҳр, саҳнаи асосии ҷанг миёни нерӯҳои Туркия ва размандони курд ба ҳаво мепечид, вале дар дигар манотиқи марзӣ оромӣ ҳукмфармо буд ва садои ҷангу тирандозӣ ба гӯш намерасид. Созмони Нозири Ҳуқуқи Башар дар Сурия, ки дар Бритониё қароргоҳ дорад, гузориш дод, ки даргириҳои пароканда дар Рас ал-Айн идома ёфт, ваде баъди мувофиқати Анкара ва Вашингтон... Читать дальше...

Иттиҳоди Аврупо (ИА) хориҷшавии Бритониёро аз созмони мазкур мувофиқа кард. Дар ин бора Доналд Туск, раиси Шӯрои Аврупо дар поёни саммити Иттиҳоди Аврупо дар Брюссел хабар дод. Ба гуфтаи вай, созишнома имкон медиҳад, ки аз бархӯрд байни Лондон ва Брюссел пешгирӣ шавад. Дар изҳороте, ки дар сомонаи Иттиҳоди Аврупо нашр шудааст, гуфта мешавад, Бритониё 1 ноябр аз Иттиҳод хориҷ мешавад. Аммо бар асоси қонунгузории Бритониё, ин кишвар танҳо дар сурате метавонад аз Иттиҳод хориҷ шавад, ки порлумони он кишвар созишномаро тасдиқ кунад. Читать дальше...

Кашокашу бурдану овардани муҳоҷирон дар Русия, гуфтугӯҳо дар бораи қабул шудан ва ё нашудани Тоҷикистон ба Иттиҳоди Иқтисодии АвруОсиё аз мавзӯъҳои барномаи имрӯзаи Озодӣ Онлайн аст.

Палатаи конститутсионии Қирғизистон 23 октябр шикоят дар бораи маҳрум шудани Алмосбек Отамбоевро аз мақоми президенти пешин баррасӣ хоҳад кард. Дар ин бора Хадамоти матбуотии Ҳизби сотсиал-демократии Қирғизистон (ҲСДҚ) иттилоъ дод. Як қатор вакилони порлумон ва намояндагони ҲСДҚ ду бор ба Палатаи конститутсионии Қирғизистон муроҷиат карданд. Муроҷиати якум ба таҳрири нави қонун "Дар бораи кафолати фаъолиятҳои президент" аст, ки президентҳои пешинро аз фаъолиятҳои сиёсӣ маҳрум мекунад. Дар муроҷиати... Читать дальше...

Раҳбарони Иттиҳоди Аврупо рӯзи 18-уми октябр дар шаҳри Брюссел дигарбора буҷаи иттиҳод барои мубориза бо тағйири иқлимро баррасӣ мекунанд. Рӯзи аввали нишаст бе қабули қарор дар бораи узвияти эҳтимолии Македонияи Шимолӣ ва Албания поён ёфт, чун Фаронса гуфт, ки ин ду кишвар ҳанӯз барои қабул омода нашудаанд. Анти Ринне, нахуствазири Финландия субҳи 18-уми октябр гуфт: “Мо умедворем, ки ба созиш мерасем”. Гитанас Науседа, раиси ҷумҳури Литва ба хабарнигорон гуфт, “Мо бояд эътироф кунем, ки ба мувофиқа нарасидем... Читать дальше...

Ҳавопаймои ширкати "Uzbekistan Airways", ки аз шаҳри Тошканд ба шаҳри Санкт-Петербурги Русия парвоз мекард, маҷбур шуд, дар шаҳри Қазон фуруд ояд. Ба огаҳии ширкати "Узбекистон ҳаво йӯлларӣ", халабонҳо дар пайи бад шудани вазъи сиҳатии як мусофир тасмим гирифтаанд, ки дар наздиктарин фурудгоҳ - шаҳри Қазон ба замин нишинанд. Ду рӯз пеш низ ҳодисаи ҳамсон рух дода буд. Ҳавопаймои "Uzbekistan Airways" 15 октябри соли равон ҳангоми парвоз аз шаҳри Фарғона ба шаҳри Москваи Русия ба далели вазъи... Читать дальше...

Мақомоти Узбекистон ба ниҳодҳои умури дохилии ноҳияҳои Бешариқ, Фурқат ва Узбекистони вилояти Фарғона дастур додаанд, ки назоратро ба тақводорони тундрав дар ин минтақаҳо сахттар кунанд. Ба гуфтаи як намояндаи ниҳодҳои интизомӣ, ин қарор замоне гирифта шуд, ки рӯзи 10-уми октябр дар деҳаи Деҳқонтӯдаи ноҳияи Бешариқ гуруҳи махфие бо номи "Ҷиҳодиён" кашф ва чанд узви он боздошт шуданд. "Боздоштшудаҳо аз 10 нафар бештаранд", -- гуфт ин манбаъ. Аммо Вазорати корҳои дохилии Узбекистон рӯзи 16-уми октябр... Читать дальше...

Майк Тайсон гуфтааст, ки имкони ба майдони набард баргаштанро дорад, агар пешакӣ маблағи ӯро пардохт кунанд