Шарти Украина барои баргузории интихобот дар минтақаи шарқӣ
Украина муваққатан розӣ шудааст, ки дар қаламрави ду минтақаи шарқии ишғолшудаи худ интихоботи маҳаллӣ баргузор шавад. Ин ҳам пас аз он ки ҳама воҳидҳои мусаллаҳ ин минтақаро тарк кунанд ва назорати масофаи 400-километрии наздисарҳадӣ бо Русия аз нав ба даст оварда шавад.
Президенти Украина Владимир Зеленский рӯзи 1-уми октябр дар нишасте дар Киев гуфт, ин созишнома дар Минск миёни Русия ва Созмони Амният ва Ҳамкории Аврупо (САҲА) ба даст омадааст ва барои поён додани ҷанг дар Донбасс роҳи гуфтушунидҳои сулҳро бо Маскав фароҳам мекунад. Ин созишномаро шаш сол шудааст.
Зеленский гуфт: "Дар зери мили яроқ интихобот баргузор карда намешавад ва нахоҳад шуд. Ҳеҷ гуна таслимшавӣ ҳам нахоҳад буд".
Минтақаҳои ишғолшуда пас аз баргузории интихоботе, ки аз тарафи САҲА озод ва одилона ҳисобида мешавад ва аз рӯи формулаи маъруф ба Штайнмайер, ки як ҷузъи харитаи роҳ барои ба даст овардани сулҳ аст, мақоми худидоракуниро соҳиб хоҳанд шуд.
Русия ва Украина ҳамаи маҳбусони мондаро доду гирифт мекунанд ва Киев пеш аз интихобот назоратро ба қаламравҳои ишғолшуда ба даст хоҳад гирифт, ки аз рӯи Конститутсия ва қонунгузории Украина баргузор хоҳад шуд.