Новости за 15.05.2020

د پکتیا د ولایتي شورا غړي او یو شمېر مدني فعالان وایي، چې د دې ولایت په یو شمېر ولسوالیو کې د چرسو کر بیا پیل شوی او په ولایتي اداره غږ کوي، چې د دې توکو د کرنې مخه ونیسي. په پکتیا کې یو شمېر مدني فعالان وایي، په دې ولایت کې د واورو له ختمېدا او د هوا له ګرمېدو سره سم د دې ولایت په یو شمېر ولسوالیو کې د نشه یي توکو کر پیل شوی. د لویې پکتیا د فرهنګي ټولنې مشر سید جمال الدین اصف خېل له ازادي راډيو سره په خبرو کې وویل، چې د نشه یي توکو په وړاندې په مبارزه کې ولایتي اداره پاتې راغلې. د هغه په وینا... Читать дальше...

په ارزګان کې د هوايي بريدونو او نښتو پر مهال لسګونه طالبان وژل شوي دي.

نن د سولي ولسي حرکت غړو په جلال اباد ښار کي د وروستیو بریدونو د غندن په خاطر لارون کړی وو. تر لاریون پیلېدو مخکې د ملي امنیت ځواکونو ۵ د سولې ولسي حرکت غړي نیولي وو او دوه ساعته وروسته یې راخوشې کړل. د دغو کسانو د نیول کېدو لامل نه دی بیان شوی. د سولې ولسي حرکت ویاند وویل چې تر دې مخکې دا لاریون د ننګرهار ولایت له چارواکو سره هماهنګ شوی وو خو نه پوهېږي ولې يې غړي نیول شوي دي. د دې پيښې انګېزه تر اوسه نه ده معلومه. په ننګرهار ولایت کې د ملي امنیت عمومي ریاست چارواکو تر اوسه په دې اړه څه نه دي ویلي. Читать дальше...

پاکستان وايي، د یوه امریکايي شرکت څخه یې پر کوویډ-۱۹ د اغېزناکو درملو جواز تر لاسه کړی دی. د پاکستان د صدراعظم عمران خان سلاکار ظفر مېرزا نن په اسلام اباد کې په یوه خبري کنفرانس کې وویل، د دې درملو د جوړولو کار تر راتلونکو شپږو څخه تر اتو میاشتو پورې پیلېږي. میرزا وویل: "ډېر خوشاله یم چې په امریکا کې د ګیلیاد شرکت جواز مو چې دې ته داوطلبانه جواز وايو، په ټوله نړۍ کې پنځو شرکتونو ته ورکړل شوی دی. د دې جواز له مخې به د رمیډي سېویر په نوم درمل په پاکستان کې هم جوړ شي،رمیډي سېویر هغه درمل دي چې په... Читать дальше...

د افغانستان د بهرنیو چارو سرپرست وزیر محمد حنیف اتمر سکرتر مطیع الله عبدالرحیمزی په کابل کې په یوه وسله وال برید کې ټپي شوی دی. د بهرنیو چارو وزارت په یوه اعلامیه کې ویلي دا برید د پنجشنبې په ورځ د مې په څوارلسمه نېټه د کابل پر لس نیمو بجو په اتمه ناحیه کې وشوه. په اعلامیه کې راغلي چې د ښاغلي عبدالرحیمزي روغتیايي وضعیت د ډاډ وړ دی. د افغانستان د بهرنیو چارو سرپرست وزیر د دې بريد په غندلو سره ټینګار کړی چې تروريستي اعمال نشي کولای د ملي ګټو او سولې ته د رسېدو په لاره کې خنډ شي. تر اوسه د افغانستان... Читать дальше...

د کاپیسا ځايي چارواکي وايي چې وسله والو طالبانو نن د دې ولایت د اله سای د ولسوال پر کور برید کړى دى. د اله سای ولسوال نقشبند صافي په دې اړه نن جمعه د مې په پنځلسمه نېټه ازادي راډیو ته وویل چې د ولسوالي په مرکز کې د ده پر شخصي استوګنځای برید شوى. ده وویل چې د کورنۍ غړي يې د ښځو او کوچنیانو په ګډون په کور کې وو، هغوی ته زیان نه دی اووښتی خو د کور ودانۍ يې خرابه شوې ده. د صافي په وینا وسله والو طالبانو په دې بريد کې له لاسي بمونو او نورو وسلو کار اخیستی. دی وايي امنیتي ځواکونه د پېښې ځای ته... Читать дальше...

د هوایي ترانسپورټ نړیواله ټولنه وایي، دغه سکټور به تر ۲۰۲۳ کاله پورې بېرته هغه حالت غوره کړي چې له کرونا وبا مخکې یې درلود.

کرونا ویروس د هر هېواد په څېر د پاکستان اقتصاد هم ځپلی دی، خو دغه هېواد اوس له بل ډول اقتصادي بحران سره مخامخ دی.

په تېرو ۴۸ ساعتونو کې په افغانستان کې د کرونا ویروس ۸۲۷ مثبتې پېښې ثبت شوي دي.

د امریکا سنا هغه لایحه تصویب کړه چې ولسمشر ډونالډ ټرمپ په چین کې د اویغور مسلمانانو د ځپلو په خاطر پر چین د بندیزونو لګولو ته هڅوي.

افغان حکومت یو ځل بیا وسله وال طالبان د افغانستان په بېلابېلو ولایتونو کې د وروستیو خونړیو بریدونو عاملین وبلل.

په نړۍ کې د کرونا ویروس د مړینو شمېر تر درې لکه کسانو زیات شو. د جانز هاپکنز پوهنتون د راپور له مخې په امریکا کې تر اوسه په دې ویروس د اخته کسانو شمېر څلور نیم میلیونه ته رسېدلی دی. د نړۍ یو شمېر هېوادونه غواړي شرکتونه او تجارتونه بېرته پرانېزي ځکه د کرونا ویروس له کبله میلیونونه کسانو دندې له لاسه ورکړي. په امریکا کې یو اعشاریه څلور میلیونه کسان په دې ناروغي اخته شوي او اتیا زره مړینې ثبت شوي دي چې دا په ټوله نړۍ کې تر ټولو لوی شمېر دی. امریکايي چارواکو د کرونا ویروس واکسین جوړېدو ته خوشبیني... Читать дальше...

په پکتیا کې پر طالبانو د هغوی خپل ماین چاودلی او ۴ وسله وال طالبان وژل شوي او یو بل ټپي دی. په پکتیا کې د ۲۰۳ تندر قول اردو مسولین وایي، دا پېښه پرون د دې ولایت د ځاځي اریوب ولسوالۍ په سیمه کې وشوه. د دې لوا د رسنیو د دفتر مسول ایمل مومند د مې ۱۵ مه د جمعې ورځې په سهار ازادي راډیو ته وویل، چې یادو کسانو د سرک په غاړه ماین ځای پر ځای کاوه چې ورباندې چاودلی. د دوی په وینا ټپي کس د دې ډلې مشر وو. د یوه بل خبر له مخې پرون د پکتیا ولایت د جانیخېلو ولسوالۍ مرکز ته نږدې دوه تنه وسله وال طالبان هغه... Читать дальше...

د بلخ ولایت مدني فعالان او ځایي اوسېدونکي وایي، درې ورځې وړاندې په یوه هوایي برید کې وژل شوي او ټپيان ټول ملکیان دي.

د منځنۍ اسیا تر ټولو لوی بازار له نژدې یوې میاشتې راهیسې بند دی. له دې کبله د دغه بازار کارګر له سختو اقتصادي ستونزو سره مخامخ شوي. په قرغیزستان کې د کورونا وایرس د خپرېدو له کبله د دغه بازار بندېدو نژدې ۵۰ زره تنه اغېزمن کړي دي. نور په دې ویدیويي راپور کې ووینئ.

د ارزګان ولایت یو شمېر اوسېدونکې وايي، چې په دې ولایت کې د بیو د لوړوالي له امله ان د دې ولایت ځینې اوسېدونکې له وچي ډوډۍ سره روژه ماتوي.

واشنګتن پوسټ لیکي، په داسې وخت کې چې کرونا ویروس د لسګونو زره امریکایانو ژوند اخلي، په بهر کې د یوه ترورستي برید درک سخته کيږي، خو څه چې د سې شنبې په ورځ په کابل کې وشول، ډېر وحشي و او د هېرېدو نه دي.

په امریکا کې شا او خوا ۳ میلیونه نورو کسانو هم د بیکارۍ له امله د مرستو غوښتنه کړې ده. له دې سره د امریکا په متحدو ایالتونو کې د هغو کسانو شمېر چې د کرونا د خپرې شوې وبا له کبله یې دندې له لاسه ورکړي، شا او ۳۶ میلیونو ته ورسېد. په داسې حال کې چې د شپږمې پرلپسې اوونۍ لپاره په امریکا د هغو کسانو شمېر په کمېدو دی چې د بې کارۍ له کبله د دولتي مرستو غوښتنه کوي، خو د کرونا وبا د خپرېدو له کبله په نړۍ کې اقتصادي زیانونه لا هم مخ په زیاتېدو دي. د اروپا، اسیا او شمالي امریکا اقتصادونه د بې کارۍ د زیاتېدو او د تولیداتو له کمي سره مخ دي. Читать дальше...

شاهین قول اردو د بلخ ولایت په چاربولک ولسوالۍ کې په یو هوايي برید کې د ۴ طالب وسله والو د وژل کېدو خبر ورکوي. د ۲۰۹ شاهین قول اردو ویاند حنیف رضايي رسنیو ته په استولي غږیز پیغام کې ویلي چې دا برید پرون ماسپښین شوی. هغه ویلي: "د چاربولک ولسوالۍ په خان آباد سیمه کې د ترهګرو طالبانو پر سنګرونو یوه هوايي حمله هغه مهال وشوه چې دوی غوښتل هلته تروریستي فعالیتونه ترسره کړي." وسله والو طالبانو تراوسه د دې ادعا په دې اړه رسنیو ته څه نه دي ویلي.

افغان حکومت د هېواد د پنځو ولایتونو لپاره نوي والیان وټاکل. د سیمه ایزو ارګانونو د خپلواکې ادارې ویاند سیدشاه سقیم تېره شپه په دې اړه آزادۍ راډیو ته معلومات ورکړل. هغه زیاته کړه: "تورنجنرال محمد نبي احمدزی د زابل، محمداجمل شاهپور د لوګر، نورمحمد کوهنورد د غور، سیدانور رحمتي د بامیان او محدضیا همدرد د دایکنډي د نویو والیانو په توګه ټاکل شوي." افغان حکومت تراوسه د لیرې شویو والیانو د لیرې کېدو د علت په اړه څه نه دي ویلي. ښاغلي سقیم وویل، د سیمه ییزو ارګانونو خپلواکه اداره هیله لري چې نوي والیان... Читать дальше...

د افغانستان د بهرنیو چارو وزارت وايي، سوله د دولت تر ټولو مهم لومړیتوب دی خو په عین حال کې په هېواد کې د امنیت د ټینګښت او د خلکو د دفاع لپاره به له خپلو ټولو امکاناتو کار واخلي. د بهرنیو چارو وزارت دا بیان د افغانستان لپاره د روسیې د ځانګړي استازي ضمیرکابلوف د وروستیو څرګندونو پر وړاندې په غبرګون کې خپور کړی دی. کابلوف د چارشنبې په ورځ وروسته له دې چې ولسمشراشرف غني افغان ځواکونو ته له دفاعي حالت څخه د راوتلو او د تهاجمي عملیاتو د پیل امر وکړ وویل چې دا اقدام به د بین الافغاني خبرو پر لور د حرکت مخه ونیسي. Читать дальше...

ناټو وايي چې په افغانستان کې د تاوتریخوالي له زیاتېدو سره سره لاهم دا امېد شته چې د سولې هڅې به پایله ورکړي. د ناټو د پوځي کمېټې مسوول د بریتانیا هوايي مارشال سټیوارت پیچ پرون پنجشنبې د ناټو د دفاع وزیرانو د غونډې په پای کې چې د ویډیو کنفرانس له لارې وشوه دا څرګندونې وکړې. ښاغلي پیچ له بروکسل څخه په دې ویډیويي خبري کنفرانس کې په افغانستان کې د تاوتریخوالي وروستۍ پېښې وغندلې. هغه زیاته کړه: "افغانستان ته په خواشینۍ سره روانه اونۍ بیا پام واوښت، موږ پر روغتیايي مرکزونو د دې اونۍ حملې غندو، د... Читать дальше...

د رسنیو د آزادۍ څارونکو ډلو د ایران پر حکومت غږ کړی دی چې د رسنیو د کارکوونکو له پرله پسې توقیفولو څخه په تېره اوس چې د کرونا وبا په خپرېدو ده، لاس واخلي. دا غوښتنه وروسته له هغه کېږي چې یوه سیمه ایز خبریال د تهران په ایوین زندان کې د حبس اتلس میاشتنۍ دوره حبس پیل کړه. د خپلواک ژورنالیست او کالم لیکوال حسن فاتحي د حبس دوره وروسته له دې چې د ۲۰۱۸ کال په یوه جنايي قضیه کې د استېتاف غوښتنه یې رد شوه تېره اوونۍ پیل شوه. د بشری حقونو د فعالانو خبري آژانس چې مرکز یې په امریکا کې دی او د ایران اړوند... Читать дальше...

ټاکل شوې د متحدایالاتو د سنا د استخباراتي کمېټې جمهوریپال مشر ریچارډ بارو په داسې حال کې چې په یوه مالي قضیه کې کې د هغه د ګډون په اړه څېړنې روانې دي نن له خپلې دندې لرې شي. د دې څېړنو په پای کې به معلومېږي چې آیا ښاغلي بارو له مالي تاوانه د ځان د ژغورنې په مقصد د ونډو د پلورلو لپاره د کورونا د وبا د خپرېدو په اړه محرم معلومات کارولي دي کنه؟ په سنا کې د اکثریت مشر مایکل مککونیل پرون د مې په ۱۴مه په یوه بیان کې وویل ښاغلي بارو سهار تماس ورسره ونیو او ده ته یې د څېړنو په معلق حالت کې له دندې د لاس اخیستو خبر ورکړ. Читать дальше...

د مونټينیګرو پولیس وايي چې د پنجشنبې په شپه ۶۰ معترضان له نښتو وروسته نیول شوي دي. معترضانو د سربیا د ارتودوکس کلیسا د اتو روحاني شخصیتونو د خوشې کېدو غوښتنه کوله. دا کسان په دې تور نیول شوي دي چې مذهبي مراسم یې جوړ کړي وو، ځکه د کرونا ویروس له کبله د ټولنو جوړول ممنوع اعلان شوي دي. پولیسو د چارشنبې ورځې په شپه په نیکسیچ او پلجیولا ښارګوټو کې د اعتراضونو د تیت و پرک کولو لپاره له اوښکې بهوونکي ګاز او د بېسده کوونکو بمونو څخه کار واخیست. پولیسو په یوه بیان کې ویلي دي چې د نښتو په ترڅ کې ۲۱ پولیس هم ټپیان شوي چې یو پکې روغتون کې بستر شوی.