Новости за 14.11.2019

د افغانستان د کرکټ ملي لوبډله به نن د نومبر په ۱۴مه، له وېسټ انډیز سره د درېیو ۲۰ اوره سیالیو لړۍ پیل کړي. دا سیالۍ د هند په لکهنوو ښار کې کېږي. افغانستان او وېسټ انډیز تر دې وړاندې درې یو ورځنۍ (پنځوس اوره) سیالۍ درلودې چې د نومبر په ۶مه پيل شوې، خو افغانستان درې واړه لوبې وبایللې. د افغانستان د لوبډلې د غوراوي پلاوي مشر انډي مولز د اکټوبر په ۲۶مه اسوشیټېډ پرس ته ویلي و چې د نړیوال جام په سیالیو کې تر سختې ماتې وروسته، په هند کې دا سیالۍ افغانستان ته ډېرې مهمې دي. د ۲۰ اوره مسابقو دوهمه... Читать дальше...

د میزان د شپږمې د ولسمشرۍ انتخابات د طالبانو د تهدیدونو تر سیوري لاندې ترسره شول.

فرشته نیکسا غواړي د دغو نقاشیو په وسیله خپلو مخاطبینو ته د زړه خبره ورسوي. شفیع کریمي په دې راپور کې د نیکسا یو ګالري را اخستې ده.

ډیپلومات چې د نوم د نه‌افشا کېدو په شرط خبرې کولې، په دې اړه چې تبادله ولې له مخکېني پلان سره سمه نه‌ده شوې، د جزئیاتو له څرګندولو ډډه وکړه.

د سلواکیا په لوېدیځ کې د یوې بار وړونکې لارۍ او د مسافر وړونکي بس په ټکر کې ۱۳ کسان وژل شوي او ۲۰ نور زخمیان شوي دي. په سلواکیا کې د اوروژنې ادارې ویاندې کترینا کریزانووا ویلي چې دا پېښه پرون د نومبر په ۱۳مه، د هغه هېواد د پلازمېنې، براتیسلاوا ختيځ لور ته شوې ده.   هغې د  سلواکیا سلوېنسکا راډیو ته ویلي، "په دې پېښه کې موږ ته د ۱۳ کسانو د وژل کېدو او د ۲۰ کسانو د زخمي کېدو معلومات رارسېدلي دي، خو ممکن د قربانیانو شمېر تر دې زیات وي." د پېښې علت او د قربانیانو هویت نه‌دی څرګند شوی.​

د افغانستان د ټاکنو خپلواک کمېسیون به نن د نومبر په ۱۴مه، د جمهوري ریاست د ټاکنو د ابتدايي پایلو په اعلان کې د بیا ځنډ په اړه معلومات وړاندې کړي. د دغو ټاکنو لومړنۍ پایلې باید نن اعلان شوې وی، خو د ټاکنو خپلواک کمېسیون پرون اعلان وکړ چې د ابتدایي پایلو اعلان‌یې ځنډولی دی. د دغه کمېسون یوه ویاند عبدالعزیز ابراهیمي پرون رسنیو ته وویل، د تخنیکي ستونزو او نورو مسئلو له امله دا کار له ټاکلي مهالوېش سره سم نه‌شي کېدلائ. دا دوهم وار دی چې د میزان ۶مې ولسمشرۍ انتخاباتو لومړنۍ پایلې ځنډېږي. په پام... Читать дальше...

په پاکستان کې د عمران خان د حکومت مخالفو اعتراض کوونکو پرون (چهارشنبه) اعلان وکړ چې د پلازمېنې اسلام‌اباد په لویه لار کې د دوو اوونیو اعتراضي پلتۍ پای ته رسوي، خو د هېواد نورې لارې بندوي. دا اعتراضونه د ازادۍ د مارش په نوم د اکټوبر له ۲۷ څخه د کراچۍ له جنوبي ښاره د جمعیت علمای اسلام ګوند د مشر مولانا فضل‌الرحمن په لارښوونه پیل شول. دوی د صدراعظم عمران خان حکومت په انتخاباتو کې په درغلۍ او د هېواد د اقتصاد په خرابولو تورنوي، خو حکومت د دوی تورونه ردوي. پرون مولانا فضل‌الرحمن خپلو پلویانو ته... Читать дальше...

د امریکا د متحده ایالاتو ولسمشر، ډونالد ټرمپ پرون چهارشنبه د ترکیې له ولسمشر رجب طیب اردوغان سره وکتل. امریکا او ترکیه دواړه د ناټو غړي هېوادونه دي. په وروستیو کلونو کې د دواړو اړیکې ترینګلې شوې دي. خو ولسمشر ډونالد ټرمپ پرون د رجب طیب اردوغان تود هرکلی وکړ.  د امریکا د متحده ایالاتو ولسمشر ډونالد ټرمپ وویل چې په دې کتنه کې به پر دوو مهمو مسئلو چې د واشنګټن او انقرې اړیکې یې کړکېچنې کړې دي، بحث وشي چې یوه‌یې د سوریې په شمال کې د کردانو پر سیمو د ترک ځواکونو حمله  او بله‌یې له روسیې د دفاعي سیستمونو اخیستل دي. Читать дальше...

د ولسمشر د استیضاح پر امکان په بحث کې د ډموکراتانو او جمهوري غوښتونکو په دریځونو کې د ځمکې او اسمان اختلاف و.

دا خپلواکه اداره په نړۍ کې د ډموکراسۍ او ازادۍ د ملاتړ لپاره معلومات خپروي او د خلکو ترمنځ د ارتباط ټینګولو هڅې کوي.

د روسیې د امور سیمې په مرکز بلاګوفیشچینسک (Blagoveshchensk) ښار کې نن (پنجشنبه) د یوه محصل له لوري په ډزو یو تن ووژل شو او درې نور ژوبل شول. تاس خبري اژانس او نورې سیمه‌ییزې خبري رسنۍ وايي، ژوبل شوي کسان چې عمرونه‌یې ۱۷، ۱۹ او ۲۰ کلن دي، روغتون ته رسول شوي او د دوو جراحي عملیات شوي دي. راپورونه وايي، کله چې پولیس امور (Amur) پوهنتون ته ورسېدل، وسله‌وال حمله کوونکي له دوهم پوړ څخه پرې ډزې وکړې. حمله کوونکی د پولیسو په ځوابي ډزو ووژل شول.

د ارګ په خبرپاڼه کې ویل شوي، د امنیتي او دفاعي سکټور مسؤلینو په ځانګړي ډول په کابل کې د امنیتي تهدیدونو د مخنیوي لپاره د خپلو پلانونو په اړه ولسمشر ته معلومات ورکړي دي.