Новости за 04.11.2021

ټاکل شوې چې د ایران او د نړۍ د قدرتونو ترمنځ د ایران د ۲۰۱۵ میلادي کال د اټمي تړون د را ژوندي کېدو په اړه خبرې د روانې نوومبر میاشتې په ۲۹مه نېټه د اتریش په پلازمېنه ویانا کې بېرته پیل شي. دغه خبرې له پنځو میاشتې راهیسې په ټپه دریدلې دي. د اروپایي ټولنې د بهرنیو چارو د خدمتونو ادارې پرون چهارشنبه (د لړم ۱۲مه) په یوه بیان کې د دغو خبرو د بیا پیلېدو خبر ورکړ او د ایران د بهرنیو چارو مرستیال وزیر علي باقري چې د تهران له خوا د مرکچي پلاوي مشري کوي، هم په یوه ټویټ کې تائید کړه چې د دواړو لورو ترمنځ خبرې به د نوومبر په ۲۹ مه نېټه بېرته پیل شي. Читать дальше...

په کابل کې د امریکا د بې پیلوټه الوتکې د برید په اړه د امریکا د دفاع وزارت د څېړنې ښیي چې په دغه برید سره هېڅ قانون تر پښو لاندې شوی نه دی. د کابل هوایي ډګر ته نژدې پر یوه کور د اګسټ په ۲۹مه نېټه په دغه برید کې د یوې کورنۍ د ۷ ماشومانو په ګډون ۱۰ ملکي وګړي ووژل شول. د امریکا د وسله والو ځواکونو سرمفتش جنرال سامي سعید پرون چهارشنبې په واشنګټن کې خبریالانو ته وویل چې پلټونکي ټیم یې هغه شواهد او استخباراتي معلومات وارزول چې د دغه برید ترسره کوونکي ټیم ارزولي او پر اساس یې دغه برید ترسره کړی و.... Читать дальше...

په کابل کې د امریکا د بې پیلوټه الوتکې د برید په اړه د امریکا د دفاع وزارت د څېړنې نتیجه ښیي چې په دغه برید سره هېڅ قانون ترپښو لاندی شوی نه دی. د کابل هوایي ډګر ته نژدې پر یوه کور د اګسټ په ۲۹مه په دغه برید کې د یوې کورنۍ د اوو ماشومانو په ګډون لس ملکي وګړي ووژل شول. د امریکا د وسله والو ځواکونو سرمفتش جنرال سامي سعید پرون چهارشنبه (د لړم ۱۲مه) په واشنګټن کې خبریالانو ته وویل چې پلټونکي ټیم یې هغه شواهد او استخباراتي معلومات وارزول چې د دغه برید ترسره کوونکي ټیم ارزولي او پر اساس یې دغه برید ترسره کړی و. Читать дальше...

دا د مشال راډیو لومړۍ خپرونه ده چې پکې تر خبرونو وروسته رپورټونه، له خبریالانو خبرونه او رپورټونه او سندرې در خپروو.

ټاکل شوې ده چې د افغانستان د فوټبال غوره لیګ لوبې سبا په کابل کې پیل شي. په دې سیالیو کې شاهین اسمایي، سیمرغ البرز، توفان هریرود، میوند اتلان، اباسين څپې او د هندوکش عقابان برخه اخلي. ټاکل شوې ده چې نن پچه واچول شي او څرګنده شي چې کومه لوبډله له کومې یوې سره مخامخېږي. دا لوبې لس ورځې دوام کوي.

د روسیې د بهرنیو چارو وزارت پر افغان ډلو غږ وکړ چې خپلمنځي ستونزې د خبرو له لارې حل کړي او له جګړې دې ډډه وکړي. د روسیې د بهرنیو چارو د وزارت ویاندې ماریا زاخارووا پرون چهارشنبه (د لړم ۱۲مه)په مسکو کې خبري غونډې ته په دې اړه وویل: "موږ فکر کوو چې قومي-سیاسي ډلې باید د اوس لپاره داسې هڅې ونه کړي چې د افغانانو ترمنځ د جګړې باعث کېږي. دوی باید پر داسې لارې چارو فکر وکړي چې ملي روغې جوړې ته لار هواروي، سوله ټینګوي او په افغانستان او شااوخوا سیمه کې د دوامدار ثبات او امنیت لامل کېږي." په افغانستان... Читать дальше...

د کرکټ د شل اوورونو نړیوال جام لوبو په ترڅ کې ټاکل شوې ده چې نن اسټرالیا له بنګله دېش سره سیالۍ وکړي. دا لوبه د اسټرالیا لپاره مهمه ده. بنګله دېش له دې جامه وتلی دی او اسټرالیا باید بنګله دېش ته په ډېر توپیر ماتې ورکړي چې نیمه پایلوبې ته یې هيلې ژوندۍ پاتې شي. د نن ورځې بله لوبه د ویسټ اینډیز او سریلانکا ترمنځ ده. سریلانکا بل پړاو ته د وتلو هیله نه لري خو د ویسټ انډیز لا هم هیله شته. د شل اورونو د کرکټ د نړیوال جام لوبې په متحد عربي اماراتو او عمان کې روانې دي. دا لوبې د اکتوبر په اوولسمه... Читать дальше...

د بېلاروس یوه کارګو الوتکه د سربیا په جنوب ختېځ کې لوېدلې ده چې اووه کسه په کې وژل شوي دي. چارواکي وایي، د بېلاروس د ګروندو شرکت انتونوف «12NA»الوتکه د چهارشنبې په ورځ د ایرکوڅک په سیمه کې ولوېده. روسي رسنۍ وایي، دا الوتکه وروسته تر دې له راداره ورکه شوه چې یو ځل ونه توانېده چې کینې. تر اوسه د دې الوتکې د غورځېدو علت نه دی معلوم. په دې الوتکه کې دوه عمله د بېلاروس، دوه په کې روسان او دوه هم اوکراینیان وو.

د افغانستان نامتو ستورپیژندونکی عبدالله کندهاری ومړ، ده وړمه شپه د ناروغي له امله په کابل کې ساه ورکړه. کندهاري د ستور پېژندلو په برخه کې په بهر کې زده کړې کړې وې. یو وخت د ښار جوړولو وزیر و او د کابل په پوهنتون کې استاد هم پاتې شوی و. عبدالله کندهاري د فلکیاتو په برخه کې یو شمېر اثار هم لیکلي دي.

له ازبیکستانه د افغانستان له لارې پاکستان ته د تجارتي لاریو تګ پيل شو. پرون چهارشنبه (د لړم ۱۲مه) د ازبیکستان یو شمېر مالونه له تورخمه واوښتل او له پولي سره د دې تجارتي مالونو هرکلی د پاکستان د ملي امنیت د شورا سلاکار معید یوسف وکړ. ښاغلي یوسف په خپل ټویټر کې عکسونه خپاره کړي دي چې په تورخم کې د دې تجارتي مالونو هرکلي ته دریدلی دی. له ازبیکستان سره د افغانستان له لارې پاکستان ته د مالونو د انتقال تړون یوه میاشت مخکې تر دې په تاشکند کې لاسلیک شوی و چې طالبان کابل ونیسي.

د ملګرو ملتونو د عالي کمېشنرۍ له لوري به یوه اندازه ژمنۍ مرستې نن په الوتکه کې کابل ته ورسېږي. 'یو.اېن.اېچ.سي. ار' پرون هم په الوتکه کې ۳۳ ټنه وسایل او مواد کابل ته انتقال کړل. د ملګرو ملتونو عالي کمېشنرۍ ژمنه کړې ده چې د ژمي تر پیلېدو مخکې به شااوخوا ۵ لکه بې ځایه شوېو افغانانو ته په افغانستان کې ژمنۍ مرستې ورکړي.

د شل اوورونو د کرکټ د نړیوال جام تېر اتل هند- افغان لوبډلې ته تېره شپه د شپږ شپېته منډو په توپیر ماتې ورکړه. د دې ماتې سربېره په دې نړیوال جام کې نیمه پایلوبې ته د افغان لوبډلې هیلې شته خو د تېرې شپې له لوبې وروسته نیمه پایلوبې ته د هند مړه هیله راژوندۍ شوه. د افغانستان کپتان محمد نبي د متحد عربي اماراتو په پلازمېنه ابوظبۍ کې پچه وګټله او د لومړي بېټنګ نوبت یې هند ته ورکړ. هندي لوبغاړو ډېره تېزه لوبه وکړه. د هند د پیل دوو لوبغاړو یوسل او څلویښت منډې په ګډه جوړې کړې چې بیا روهیت شرما د جنت په... Читать дальше...

د ماشومانو لپاره د ملګروملتونو د ملاتړ صندوق ژمنه کړې ده چې داسې یو سیسټم به جوړ کړي چې افغان ښوونکو ته په مستقیم ډول معاشونه ورکړي. یونېسف په داسې وخت کې دا ژمنه کړې ده چې نړیوالې ټولنې د طالبانو په مشرۍ له حکومت سره خپلې مرستې درولې دي. د افغانستان لپاره د یونېسف د تعلیمي برخې مشرې جینیت فوګلار رویټر اژانس ته په استولي ایمیل کې څرګنده کړې ده چې یونېسف به په مستقیم ډول افغان ښوونکو ته معاش ورکوي پرته له دې چې دا پیسې د چارواکو له لارې معلمانو ته وسپاري. یونېسف په داسې وخت کې دا ژمنه کوي چې... Читать дальше...

د سې شنبې په ورځ پلازمېنه کابل کې د سردار محمد داوود خان پر روغتون حملې چې مسؤلیت‌یې د داعش ډلې په غاړه اخیستی د نړۍ د مختلفو رسنیو پام ځان ته اړولی دی. نیویارک ټایمز د نیویارک ټایمز ورځپاڼې کښلي پر سردار محمد داوود خان روغتون د داعش ډلې په حمله کې لږ تر لږه ۲۵ کسان وژل شوي او لسګونه نور کسان ټپیان دي. ورځپاڼې ویلي چې د جګړې وېره او د ډزو غږونه د ورځې تر ناوخته احساس کېدل.  نیویارک ټایمز وايي چې د طالبانو یوه چارواکي وحیدالله هاشمي ورته ویلي چې د پېښې په وژل شویو کې یو هم د طالبانو لوړپوړی قوماندان مولوي حمدالله شامل دی. Читать дальше...

د پاکستان پوځ او طالبانو ته نېږدې سرچینو مشال راډیو ته ویلي دي چې دا خبرې له شاوخوا دوه اوونیو راهیسې د لوړپوړو پاکستانیو چارواکو او د تحریک طالبان پاکستان د مشرانو ترمینځ په افغانستان کې روانې دي.