نیوزیلنډ خپل یو ډپلوماټ افغانستان لپاره ځانګړی استازی وګوماره
د نیوزیلنډ حکومت خپل یو دپلوماټ د افغانستان لپاره ځانګړی استازی وګوماره.
د نیوزیلنډ د بهرنیو چارو وزیرې Nanaia Mahuta نانایا ماهوتل ویاندې پرون دوشنبه (د لړم۱۰مه) وویل، په متحده عربي اماراتو کې د نیوزیلنډ سفیر ماتیو هاوکینس د افغانستان لپاره د نیوزیلنډ ځانګړی استازی ګومارل شوی او دا دنده د دې لپاره ورسپاري چې له افغانستانه د نیوزیلنډیانو او هغو افغانانو په ایستلو کې مرسته وکړي چې د نیوزیلنډ وېزې لري.
د نیوزیلنډ حکومت تر ۱۲۰۰ ډېرو افغانانو ته چې افغانستان کې یې د نیوزیلنډي ځواکونو ملاتړ کړی او همدا راز د هغوی د کورنیو غړیو ته وېزې صادرې کړي دي.
نیوزیلنډ په بامیان کې د ولایتي بیارغونې نسبتاً کوچنی ټیم درلود.
د افغانستان لپاره د نیوزیلنډ ټاکل شوی استازی هاوکینس تېره اوونۍ دوحه کې و چې له قطري چارواکو سره یې خبرې وکړي.
د قطر هوايي شرکت له نیوزیلنډ سره له افغانستانه د کسانو په ایستل کې مرسته کړې ده.