Новости за 06.06.2020

Ҷавонони тоҷики довталаб аз вилояти Сухи Узбекистон имкон пайдо карданд, ки дар донишгоҳҳои ин кишвар бо забони модарии худ, яъне тоҷикӣ имтиҳони дохилшавӣ супоранд. Рӯзи 3 уми июн дар ҷаласаи ҳукумати вилояти Сух, ки  таҳти раёсати  сарвазири ин кишвар Абдулло Орипов сурат гирифтааст, масъалаи ба забони тоҷикӣ имтиҳон супоридани ҷавонони Сух таъкид шудааст. Тавре дафтари матбуоти ҳукумати ноҳияи Сух дар сомонааш рӯзи 3 июн зикр кардааст, Абдулло Орипов дар ин ҷаласа зикр кардааст, ки бинобар... Читать дальше...

Криштиану Роналду футболбози португалӣ ва ҳамлвари бошгоҳи “Ювентус” нахустин футболбозе эълон шуд, ки аввалин миллиард доллар кор кардааст

Беш аз 20 муҳоҷири зиндонии тоҷик, ки мӯҳлати тӯлонии ҳабсашон дар як зиндони Мордовияи Русия тамом шудааст, дубора ба боздоштгоҳи ноҳияи Рузаевка интиқол ёфтаанд ва моҳҳо боз дар интизори бозгашт ба ватан ҳастанд. Ин муҳоҷирон дар тамоси телефонӣ ба Радиои Озодӣ гуфтанд, ки бархе чор моҳ ва бархеи дигар ду моҳ боз дар боздоштгоҳ ҳастанд. Маъмулан, бар асоси қонунҳои Русия пас аз озод шудани хориҷиҳо аз маҳбас онҳо аз қаламрави ин кишвар хориҷ мешаванд, вале бинобар баста будани роҳҳо ин муҳоҷирон дар боздоштгоҳ монданд. Читать дальше...

Ҷудочии машҳури тоҷик Расул Боқиев дар бораи иштирокаш дар маросими умумирусиягии “Раҳмат бар шумо” (Спасибо вам), ва кумакаш ба кӯдакон гуфт

Даҳҳо нафар, ки бо даъвати ду ҳизби мухолиф бо талаби ислоҳоти демократӣ дар Қазоқистон рӯзи 6-уми июн ба хиёбонҳо баромада буданд, аз ҷониби пулис боздошт шуданд.​ Бар асоси гузоришҳои расида даҳҳо нафар дар шаҳри Алмаато ва чаҳор шаҳри дигари Қазоқистон боздошт шудаанд. Боздоштҳо дар ҳоле сурат мегиранд, ки рӯзи 20-уми май дар Қазоқистон қонуни ҷамъомадҳои осоиштаро тағийр доданд. Созмонҳои ҳуқуқи башар Қосим-Ҷомарт Тоқаев, президенти Қазоқистонро танқид мекунанд, ки пас аз сари қудрат омадан... Читать дальше...

Мақомот тафтишотӣ мегӯянд, Хурсандмурод Хуррамов, ронандаи раиси шаҳри Кулоб “бо гумони қаллобӣ барои фурӯхтани қитъаи замин” боздошт шудааст. Чаҳор нафари дигар низ дар шарикӣ бо ӯ гумонбар дониста мешаванд. Як манбаъ аз Додситонии вилояти Хатлон рузи 6 июн ба Радиои Озодӣ гуфт, ронандаи раиси шаҳри Кулоб нимаи дуввуми рӯзи 29 май дар дохили мошин ҳангоми гирифтани пул аз як сокини Кулоб, ки аз ӯ барои бехатариаш “АМ” ном мебаранд, боздошт шуд. Ба гуфтаи ҳамсӯҳбати Радиои Озодӣ, агар тафтишоти... Читать дальше...

Расонаҳои Ҳиндустон хабар доданд, ки панҷ нафар аз шаҳрвандони ин кишвар, ки ахиран аз Тоҷикистон баргаштаанд, мубталои коронавируси нав будаанд. Ба навиштаи The New Indian Express, бемор будани ин афрод дар рӯзҳои 4 ва 5 июн дар фурудгоҳҳо ошкор шудааст. Вале гуфта намешавад, онҳо бо парвози мустақим аз Тоҷикистон омадаанд ё дар роҳ бо афроди бемор дар тамос будаанд. Расонаи дигари ҳинду навиштааст, ки онҳо донишҷӯёни риштаи тиб буда, дар Тоҷикистон таҳсил мекарданд ва 27 май ба кишвари худ баргаштаанд. Читать дальше...

Раиси кумитаи порлумони Қирғизистон оид ба буҷа ва молия Эмил Токтошев дар ҷаласаи порлумонӣ гуфт, ҳуқуқи кишвараш дар доираи Иттиҳоди иқтисодии Авруосиё (ИИАО) бозбинӣ шавад. Зеро ба гуфтаи вай, Бишкек бартарии иқтисодии узвият дар ИИАО-ро эҳсос намекунад. Ба гуфтаи Токтошев, ба ин масъала вазъи мавҷуда дар марз бо Қазоқистон метавонад асос шавад, ки навбатпоиҳои тӯлонии мошинҳои боркашро аз тарафи Қирғизистон дар пай дорад. Қирғизистон 12 августи соли 2015 шомили ИИАО шуд. Узвият дар иттиҳод интиқоли озоди мол... Читать дальше...

Дар Ӯзбекистон аз 8 июн дари масҷидҳое боз мешавад, ки дар минтақаи "сабз" ҷойгиранд. Дар ин бора дар изҳороти Комиссияи махсуси ҷумҳуриявӣ гуфта шудааст. Пештар комиссияи давлатии ин кишвар хабар дода буд, ки дари масҷиду иттиҳодияҳои дигари динӣ дар минтақаҳои "сабз" аз 5 июн боз карда мешавад. Бар асоси изҳороти ахири комиссия, аз 5 то 8 июн барои таъмини бехатарӣ дар масҷиду калисоҳо ва аз сар гирифтани фаъолияташон як қатор чораҳо андешида хоҳад шуд. Ин чораҳо ба риояи қатъии қоидаҳои беҳдоштӣ равона шуда... Читать дальше...

Комиссияҳои муассисаҳои тиббии вилояти Лебапи Туркманистон дастури шифоҳӣ гирифтаанд, ки қайди сокинон барои маъюбиро коҳиш диҳанд. Муҳлати табобате, ки баъди он бемор ҳамчун маълул қайд мешаванд, аз 5 то ба 10 сол боло бурда шудааст. Ба гуфтаи табибон ва беморон, шаҳрвандон то ба ҳол низ маҷбур буданд, барои муайян кардани маъюбияшон дар беморхонаҳои вилоят худро ба қайд гирифта, давоми 5 сол ҳар шаш моҳ табобат гиранд. Танҳо баъд аз ин бемор ҳамчун маъюб эътироф шуда, ҳаққи дарёфти кумакпулӣ аз ҷониби давлатро пайдо мекунад. Читать дальше...

Иттиҳоди озодиҳои шаҳрвандии Амрико (ACLU) - яке аз созмонҳои маъруфи ҳомии ҳуқуқи ИМА рӯзи чоршанбе зидди маъмурияти президент Доналд Трамп даъво бурда, онро ба поймол кардани ҳаққи конститутсионии амрикоиҳо ба ташкили ҷамъомад айбдор кард. Ба иттилои хабаргузории Associated Press, пулис тазоҳуроти осоиштаи майдони Лафайетро дар наздикии Кохи сафед ғайриқонунӣ танҳо барои он пароканда кард, ки президент барои рафтан ба калисо аз он гузарад. Дар шикояти иттиҳод омадааст, президент Трамп, додситони... Читать дальше...

Дар натиҷаи таркиши мина дар Бадахшони Афғонистон як фармондеҳ ва ду сарбоз кушта шудааст. Саноулло Рӯҳонӣ, сухангӯи пулиси Бадахшон рӯзи 6-уми июн дар сӯҳбат ба Радиои Озодӣ гуфт, ки таркиш соати яки шаб рӯх додааст. “Мутаасифона қумондон Мазорӣ, ки як фармондеҳи маҳалӣ дар Хоши Бадахшон буданд, ҳангоми сафар ба минтақаи дигар барои кӯмак ба ҳамкоронаш ба минаи сари роҳ бармехӯранд”,-гуфт ӯ. Дар минтақаи Хош нерӯҳои ҳукумати бо ҷангиёни гурӯҳи Толибон даргир ҳастанд. Сухангӯи пулиси Бадахшон гуфт... Читать дальше...

Сафорати Амрико дар Душанбе хабар дод, ки наздики 60 шаҳрванди Тоҷикистонро барои бозгашт ба ватан кӯмак кардааст. Ин хабар рӯзи 6-уми июн дар саҳифаи Фейсбукии сафорати ИМА дар Тоҷикистон нашр шуд. Онҳо аксаран донишҷӯёни барномаҳои "Флекс" ва "Фулбрайт" будаанд, ки дар як парвози чартерӣ ё ғайринақшавӣ аз Амрико ба Душанбе расиданд. Сафорати ИМА дар саҳифаи фейсбукиаш ба кормандони фурудгоҳи Душанбе барои мусоидат дар роҳандозии ин парвоз сипосгузорӣ кардааст. “Тавассути ҳамкориҳои давомдор... Читать дальше...

Вазорати адлияи Русия ҷорӣ шудани маҳдудиятҳо дар замони пандемияи коронавирусро дар кишвар, аз ҷумла дар шаҳри Маскав қонунӣ донист. Михаил Мишустин, сарвазири Русия аз Вазорати адлия хоста буд, ки ба ҷорӣ шудани маҳдудиятҳо баҳои қонунӣ диҳанд. Вазорати адлияи Русия гуфтааст, ки тадбирҳо дар пасманзари таҳдиди хатари сирояти коронавирус дар Русия ба меъёрҳои конститутсионӣ ҷавобгӯ буд. Дар изҳороти ин вазорат гуфта мешавад, ки маҳдудиятҳо ба хотири ҳифзи саломатии сокинон пешбинӣ шуда, манзур дахолат ба зиндагии шахсии онҳо набуд. Читать дальше...

Сирояти COVID-19 ба Тоҷикистон баррасии даҳҳо парвандаи гумонбарони узвият дар созмони мамнуи "Ихвон-ул-муслимин"-ро ба вақти дигар гузошт. Мақомот мегӯянд, ҳоло 70 парванда дар дасти додгоҳ аст. Дар ин байн наздикони боздошт ва маҳкумшудагон аз шеваи таҳқиқ ва ҳалномаи додгоҳҳо норозиянд.

Сирояти COVID-19 ба Тоҷикистон баррасии даҳҳо парвандаи гумонбарони узвият дар созмони мамнуи "Ихвон-ул-муслимин"-ро ба вақти дигар гузошт. Мақомот мегӯянд, ҳоло 70 парванда дар дасти додгоҳ аст. Дар ин байн наздикони боздошт ва маҳкумшудагон аз шеваи таҳқиқ ва ҳалномаи додгоҳҳо норозиянд.

Як марди 62 сола дар назди бинои Идораи молияи шаҳри Кӯлоб субҳи 6-уми июн худро оташ задааст. Масъулони Идораи молия ва мақомоти тафтишотӣ ҳанӯз ба таври расмӣ ҳодисаро шарҳ надодаанд. Ҳамсӯҳбатони Радиои Озодӣ дар мақомот мегӯянд, Зариф Абдуллоев, сокини маҳаллаи “Кӯҳнашаҳр”-и Кӯлоб ҳоло дар Шӯъбаи эҳёи беморхонаи вилоятӣ дар ҳолати “ниҳоят вазнин” қарор дорад. Як ҳамсӯҳбати Радиои Озодӣ дар мақомоти интизомӣ бо шарти ифшо нашудани номаш гуфт, ки қисмати зиёди бадани Зариф Абдуллоев сӯхтааст ва дар баданаш захмӣ корд низ дида мешавад. Читать дальше...

Конфедератсияи футболи Осиё санаи эҳтимолии бозиҳои боқимондаи даври дуюми интихобии Ҷоми ҷаҳон-2022-ро эълон кард, ки мебоист дар моҳҳои март ва июн баргузор мешуданд

Аз замоне ки сели харобиовар даҳҳо хонаро дар ноҳияи Хуросони вилояти Хатлон вайрон кард ва мардум бо талаби расидагӣ ба мушкилашон чанд соат шоҳроҳи Бохтар-Душанберо бастанд, беш аз се ҳафта гузашт.