Новости за 23.06.2020

Buddecomm, пойгоҳи тадқиқотии бозори мухобирот, суръати Интернетро дар Тоҷикистон яке аз сусттаринҳо дар ҷаҳон ном бурдааст. Ин пойгоҳ рӯзи 22-юми июн дар бораи вазъи бозори мухобирот дар Тоҷикистон гузориш нашр кард, ки шакли пурраи он барои обуначиён дастрас аст ва арзиши як нусхааш 750 доллар мебошад. Себастиян Де Росбо, муаллифи гузориш навиштааст, ширкатҳои мобилӣ дар Тоҷикистон бо яке аз сусттарин суръати Интернет мубориза мебаранд. Ба гуфтаи муаллиф, зери инҳисор ё монополияи як ширкати... Читать дальше...

Иззат Амон, ҳомии ҳуқуқи муҳоҷирон дар Русия, рӯзи 22-юми июн дар наворе аз раиси ҷумҳури Тоҷикистон хост, ки ҳангоми сафараш ба Маскав бо муҳоҷирони, ба гуфтаи ӯ, воқеӣ мулоқот кунад. Эмомалӣ Раҳмон рӯзи 23-юми июн ба Русия рафт. Тафсилотро дар навор бинед.

Абдураҳим Дӯстматов, машҳур бо номи Мулло Абдураҳими Понғозӣ, яке аз рӯҳониёни шинохта дар ноҳияи Ашт рӯзи 23-юми июн дар шаҳри Ижевски Русия даргузашт. Вай 63 сол дошт. Мулло Абдураҳими Понғозӣ як ҳафта пеш дар наворе гуфт, ки таби баланд дорад ва дар роҳ ба шифохона аст. Иллати расмии марги ӯ ҳанӯз эълон нашудааст, аммо дар видеои ҳафтаи гузашта бештар аз нафастангӣ азият дошт ва чанд дафъа ишора ҳам кард, ки баъди бештар аз ду моҳи хонанишинӣ мариз шудаву баданаш "месӯзад". Мулло Абдураҳими... Читать дальше...

Як нуқтаи фурӯши сӯзишворӣ дар ҷамоати Ҳаёти нави ноҳияи Ёвон оташ гирифтааст. Дар раёсати корҳои дохилии вилояти Хатлон рӯзи 23-юми июн ба Радиои Озодӣ гуфтанд, оташнишонҳо ба маҳалли ҳодиса рафта, сӯхторро хомӯш карданд ва талафоти ҷонӣ ба қайд гирифта нашудааст.  Ҳамсуҳбати Радиои Озодӣ дар раёсати умури дохилии вилоят гуфт, айни замон сабаби сар задани оташ маълум нест ва тафтиш идома дорад.  Сулаймон Исозода, раиси идораи ҳолатҳои фавқулодаи вилояти Хатлон, гуфт, аз ҳодиса хабар надорад, чун ба салоҳияти сӯхторнишонҳо ворид мешавад. Читать дальше...

Ҳинд гуфт, ки нисфи кормандони сафорати Покистонро аз шаҳри Деҳлӣ ихроҷ мекунад, чун, ба гуфтаи мақомот, онҳо “дар ҷосусӣ даст доштанд” ва бо “созмонҳои террористӣ” дар тамос буданд. Дар изҳороти  вазорати хориҷаи Ҳинд рӯзи 23 июн гуфта шуд, ки шумори кормандонашро дар сафорати Исломобод ҳамин андоза кам мекунад. Ҳинд гуфт, ки ихроҷи дипломатҳои покистонӣ дар ҳафт рӯзи баъдӣ сурат мегирад ва қарор дар ин замина ба ваколатдори сафорат супурда шудааст. Муносибатҳои ду кишвари ҳастаӣ дар таниши ҳамешагӣ... Читать дальше...

Рӯзи 23-юми июн шумораи гирифторони бемории COVID-19 дар Тоҷикистон ба 5567 нафар расид. Вазорати тандурустӣ ва ҳифзи иҷтимоии аҳолии Тоҷикистон гуфт, дар шабонарӯзи гузашта коронавирус ба 54 кас сироят кардааст. 4109 ё беш аз 73 дар сади нафар шифо ёфта, 52 нафар фавтидаанд.

Эмомалӣ Раҳмон президенти Тоҷикистон барои ширкат дар паради 75-умин солрӯзи Пирузӣ бар фашизм вориди Маскав шуд

Беларус барои саркӯби хабарнигорон дар остонаи интихоботи президентии моҳи август зери фишорҳои байнулмилалӣ қарор гирифт. Дар як ҳафтаи ахир дар ин кишвар дастикам 14 рӯзноманигор боздошт ва се нафари онҳо ба далели бозтоби эътирозҳои зидди Александр Лукашенко ҷазо гирифтанд.

Президенти Беларус Александр  Лукашенко дар мулоқот бо сокинони шаҳри Брест аз мухолифон хост, ки ӯро таҳқир накунанд ва маҳбубияти ӯро ба замин назананд. Видеои сӯҳбатҳои президент бо сокинонро дар Telegram-канали "Пул Первого" нашр шуд ва дар телевизиони давлатӣ гуфтаҳои ӯ дар бораи “Сашаи 3-фоиза” ва “нонхӯраки мӯйлабӣ”-ро  намоиш доданд. Саша дар забони русӣ шакли хуршудаи исми Александр аст ва ба номи президенти Беларус ишора мекунад.  Лукашенко хитоб ба гурӯҳи сокинони Брест гуфт: “Агар мушкил дошта бошед, бигӯед. Читать дальше...

Вакили дифои собиқ сарбози нирӯҳои баҳрии ИМА, ки ҳафтаи гузашта  бо ҷурми ҷосусӣ дар Русия маҳкум шуд, бозбинии ҳукмашро талаб намекунад, чун ба адолати низоми додгустарии ин кишвар бовар надорад. Оҷонсии Интерфакс дар нақли қавл аз Владимир Жеребенков рӯзи 23 июн гуфт, ки Пол Вилан ба он умед дорад, ки дар муомилаҳои табдили зиндониҳои Вашингтону Маскав иштирок хоҳад кард. Жеребенков гуфт: “Имрӯз мо бо ӯ дар боздоштгоҳ мулоқот кардем ва баъди баҳсу баррасиҳо қарор ин шуд, ки ӯ бозбинии ҳукмашро талаб намекунад... Читать дальше...

Додситонии ҳарбии Вилояти Мухтори Кӯҳистони Бадахшон ба таҳқиқи марги як марзбони ҷавон дар ноҳияи Мурғоб оғоз кард. Ба иттилои манобеи тафтишотӣ, Нозимҷон Гулиеви 20-сола ҳангоми хидмат дар қисми низомӣ аз тири силоҳ ҷон бохтааст.

Дар ноҳияи марзии Мурғоб як марзбон ба ҳалокат расидааст.

Сарбози говдузд ҷазо гирифт. Модараш мехоҳад фармондеҳаш ҳам ҷазо гирад

Бемории номаълуми чорво дар ноҳияи Ҳисор.

Мақомоти Афғонистон гуфтанд, ки даҳҳо ҷангҷӯи Толибон ба чанд посгоҳ дар шимоли кишвар ҳамла карда дар маҷмӯъ 14 узви нирӯҳои амниятиро ба ҳалокат расониданд. Хушунатҳои нав дар ҳолест, ки ҳукумат Толибонро дар афзоиши ҳамлаҳо ба нирӯҳои амниятии Афғонистон дар давраи шурӯи музокираи сулҳ гунаҳгор кардааст. Мақомот гуфтанд, ки  ҳамлаҳои ҳамзамон ба як посгоҳи артиш ва ду посгоҳи полис дар вилояти Кундуз чандин соат идома кард. Дар ҳодисаҳои Кундуз 8 нафар кушта шуд. Ҳанӯз Толибон дар ин замина изҳори назар накардаанд. Читать дальше...

Абдуфаттоҳ Шарифзода сухангӯи президенти Тоҷикистон ба Радиои Озодӣ гуфт, барномаи сафари раисиҷумҳури Тоҷикистон Эмомалӣ Раҳмон дар Русия, "хеле маҳдуд буда, бо назардошти хатари коронавирус имкони қабули шаҳрвандон дар назар нест". Вай афзуд, пеш аз сафар ба Маскав ҳайате, ки президенти Тоҷикистонро ҳамроҳӣ мекунад, ду ҳафта дар карантин буда, се бор аз тест гузаштааст. Вай изҳори шубҳа кард, ки дар ҷараёни ин сафар мулоқоте бо муҳоҷирон баргузор шавад. Ин дар ҳолест, ки яке аз ҳомиёни ҳуқуқи муҳоҷирони тоҷик дар Русия... Читать дальше...

Ҷӯрабеки Назрӣ, ҳунарманд ва донишманди саршиноси тоҷик, рӯзи 24-уми майи имсол, як моҳ пеш аз он ки ба синни 74 бирасад, аз илтиҳоби шуш даргузашт. Ӯро дар паҳлӯи шахсиятҳои маъруфи Тоҷикистон дар оромгоҳи Лучоб дафн карданд.

Додгоҳе дар Қирғизистон барои аз зиндон озод кардани ҷинояткори бонуфуз Азиз Ботукаев дар соли 2013 президенти собиқ Алмосбек Отамбоевро гунаҳгор ва ба 11 солу ду моҳи зиндон маҳкум кард. Додситонҳо дар додгоҳи ноҳияи Биринчи Майи шаҳри Бишкек ба президенти собиқ 15 соли ҳабс талаб карда буданд. Отамбоеви 63-сола ҳама гуна қонуншиканиҳоро рад кардааст. Ӯ августи порсол баъди як муқовимати мусаллаҳонаи дурӯза бо полис таслим шуд. Ин аввалин бор дар таърихи Қирғизистони соҳибистиқлол аст, ки собиқ... Читать дальше...

Беш аз сад тоҷир 22 июн дар назди бинои маъмурияти вилояти Сирдарёи Узбекистон зидди баста шудани дарҳои бозори либос дар шаҳри Гулистон даст ба эътироз заданд. Баъди мулоқоти намояндагони мақомот бо тоҷирон, роҳ ба сӯи бозор, ки ҳафтаи пеш баста шуда буд, дубора боз гашт. Тоҷирон мегӯянд, мақомот тасмим доштанд бозори либосро пурра банданд ва фаъолияти фурӯшгоҳи навро рушд диҳанд. Вале мақомот бо радди ин иддао гуфтанд, бозор ба хотири пешгирӣ аз паҳн шудани коронавирус баста шуд. "Як ҳафта роҳ ба сӯи бозорро бастанд. Читать дальше...

Доналд Трамп, президенти Амрико, қарореро имзо кард, ки ба таври муваққатӣ вуруди як гурӯҳи коргарон, аз ҷумла кормандони соҳаи технология ё фанновариҳоро манъ мекунад.

Коронавирус дар ҷанубу ғарби ИМА афзоиш ёфта хатари дар пеш будани авҷи вируси навро ба вуҷуд овардааст. Дар ин кишвар шумори қурбониҳои COVID-19 аз 120 ҳазор нафар гузашт. Ҳодисаҳои нави олудашавӣ дар 23 аёлат  ва бистарӣ шудани беморони бештар дар Техас, Аризона, Ҷорҷиа, Флорида ва нуқоти дигар мушоҳида мешавад. Шаҳри Ню-Йорк, ки замоне нуқтаи доғи пандемия буд ва 22 ҳазор сокинаш даргузашт, аз 22 июн қадаме барои боз кардани маҳдудиятҳо гузошт. Дар давраи дуюми сабук кардани маҳдудиятҳо фурӯшгоҳу сартарошхонаҳо боз шуда... Читать дальше...

Раиси ҷумҳурии Тоҷикистон барои иштирок дар маъракаи бахшида ба 75-умин солгарди пирӯзӣ бар Олмони фашистӣ ба Маскав рафтааст. Дафтари матбуотии президент мегӯяд, дар ин сафар Эмомалӣ Раҳмонро ёрдамчӣ оид ба масъалаҳои робитаҳои хориҷӣ ва вазири дифоъ ҳамроҳӣ мекунанд. Гузашти низомӣ дар шаҳри Маскав рӯзи 24-уми июн сурат мегирад, чун онро ба далели густариши коронавируси нав аз 9-уми май ба таъхир андохтанд. Дар остонаи сафари раиси ҷумҳур ба Маскав бархе аз ҳомиёни ҳуқуқи муҳоҷирон аз Эмомалӣ Раҳмон хостанд... Читать дальше...

Ҷомеаи шаҳрвандии Тоҷикистон аз раисҷумҳур Эмомалӣ Раҳмон хост, ки тағйироти баҳсбарангез ба Кодекси ҳуқуқвайронкунии маъмуриро имзо накунад.

Ҳукумати Тоҷикистон тасмим гирифтааст, корхонаи нуриҳои "Азот", воқеъ дар шаҳри Леваканд (Сарбанди пешина)-и вилояти Хатлонро дар як музоядаи байнулмилалӣ фурӯшад.

Ҳукумати Тоҷикистон тасмим гирифт, яке аз ширкатҳои азими ҷануби кишвар - корхонаи нуриҳои "Азот" воқеъ дар шаҳри Леваканд (собиқ Сарбанд)-и вилояти Хатлонро дар як музоядаи байналмилалӣ фурӯшад.