Новости за 20.06.2020

Баъди он ки Ситоди ҷумҳуриявии муқобила бо COVID-19 дар Тоҷикистон баъзе маҳдудиятҳои вобаста ба бемории ҳамагирро бекор кард, шоми 20-уми июн дар Хуҷанд ҷашни арӯсии аҳди коронавируси нав баргузор шуд.

Дар чанд деҳаи Ҳисор даҳҳо чорво гирифтори бемории номаълум шуда, баъзе аз онҳо талаф шудаанд. Сокинон мегӯянд, таби говҳо якбора баланд ва дар баданашон захмҳо пайдо мегардад. Мақомоти беҳдории Ҳисор муваққатан чарондани говҳоро дар берун манъ кардаанд ва мунтазири натиҷаи ташхис ҳастанд.

Бонки Миллии Тоҷикистон баъд аз ёфтани чанд камбуд дар кори бонки "Алиф" ин муассисаро ним миллион сомонӣ ҷарима бастааст. Фаъол набудани шӯрои нозирон, кумитаи аудит ва кумитаи идоракунии хавфҳо аз ҷумлаи нуқсҳо гуфта мешавад. Абулло Қурбонов, раиси бонки "Алиф", рӯзи 20-уми июн дар Фейсбук навишт, камбудҳоро бозрасони Бонки Миллӣ ҳангоми тафтиши кори нимсолаи онҳо ёфтаанд. Ӯ гуфт, "ҳар ташкилоти қарзӣ дар камтар аз як сол бояд аз санҷиши ҳамаҷонибаи Бонки Миллии Тоҷикистон гузарад, то ба дуруст будани фаъолияти худ бовар ҳосил кунад. Читать дальше...

Масъулони Вазорати тандурустии Тоҷикистон гуфтанд, ки дар шабонарӯзи гузашта як нафар аз коронавирус ҷон бохт ва омори расмии фавтидагон аз бемории ҳамагир ба 52 нафар расид. Дар феҳрасти алтернативии қурбониёни эҳтимолии COVID-19 ва илтиҳоби шуш то 14-уми июн номи 437 нафарро навиштаанд. Ба феҳраст дар шаш рӯзи охир ҳеч ном ворид нашудааст. Дар шабонарӯзи гузашта гирифтории 61 кас ба COVID-19 тасдиқ шудааст. Аз замони эътирофи расмии коронавирус дар Тоҷикистон 5399 нафар бемор шуда, 3894 ё зиёда аз 72 дарсад шифо ёфтаанд. Читать дальше...

Шӯрои ҳуккоми Оҷонси энержии атомии Созмони Милали Муттаҳид дар қатъномаи нав аз Теҳрон хостааст, ба муфаттишон иҷоза диҳад, ки аз ду маркази ҳастаиаш дидан кунанд, то равшан шавад, Эрон дар оғози солҳои 2000-ум фаъолиятҳои ҳастаии пинҳонӣ доштааст, ё не. Брайан Ҳук, намояндаи вижаи Вазорати корҳои хориҷии Амрико дар умури Эрон, онро муҳим донист. Вай рӯзи 19-уми июн гуфт, Теҳрон ҳанӯз ҳозир нашудааст, ба пурсишҳо дар мавриди фаъолиятҳои ҳастаии пешинааш посух диҳад. Ба қавли ҳук, Теҳрон як сол... Читать дальше...

Як ширкати саноатӣ дар шаҳри Ҷалолободи вилояти Нангарҳори Афғонистон ба Тоҷикистон 12 дастгоҳи поксозии гандум содирот кард. Дастгоҳҳоро ширкати "Ҷовид" истеҳсол намудааст. Муҷиби Маликзода, атташеи фарҳангии сафорати Афғонистон дар Тоҷикистон, рӯзи 19-уми июн ба Радиои Озодӣ гуфт, ширкати афғонистонӣ аз Ҷалолобод ба ширкати "Куруш 2010" дар Тоҷикистон 12 дастгоҳи поксозии гандум фурӯхтааст ва ин таҷҳизот ба Тоҷикистон оварда шуд. "Нархи ҳар яке аз ин дастгоҳҳои гандумтозанкунӣ 200 ҳазор афғонӣ (муодили 2600 доллар) аст", -- иброз дошт ӯ. Читать дальше...

Раиси ҷумҳурии Тоҷикистон баъд аз эълони ба коронавирус гирифтор шудани Нурсултон Назарбоев рӯзи 19-уми июн ба президенти нахустини Қазоқистон нома фиристода ва ба ӯ "шифои ҳарчи зудтару комил, қавирӯҳӣ, саломатии бардавом ва некӯаҳволӣ" хостааст. Эмомалӣ Раҳмон гуфтааст, "бо эҳсоси нигаронӣ ва изтироб хабари гирифтор шудани Шуморо ба бемории коронавирус дарёфтам." Матни номаро хадамоти матбуоти президенти Тоҷикистон нашр кард. Сомонаи расмии Назарбоев 18-уми июн навишт, ки ӯ ба коронавируси нав гирифтор шудааст. Читать дальше...

Қарор аст, Амрикову Русия дар оғози ҳафтаи оянда музокиротро барои назорати аслиҳаи ҳастаӣ дар шаҳри Вена, маркази Австрия, баргузор кунанд. Бар асоси хабарномаи Вазорати умури хориҷии Амрико, фиристодаи вижаи Иёлоти Муттаҳида оид ба назорати аслиҳа Маршал Биллингслеа бо муовини вазири умури хориҷии Русия Сергей Рябков рӯзҳои 22 ва 23-юми июн дидор хоҳад кард. Амрико Чинро барои ин гуфтугӯҳо даъват кардааст, аммо то кунун Пекин иштирок дар музокиротро рад намудааст. Созишномаи нави START, охирин... Читать дальше...

Ҷасади Ғуломризо Мансурӣ, додраси эронии муттаҳам ба фасоди молиро, ки бар асоси ҳукми додгоҳе дар Руминия шартан озод буд, рӯзи ҷумъа дар меҳмонхонае дар Бухарест пайдо кардаанд. Дар гузориши пулис ба номи ин фард ишора нашудааст, аммо дар бораи ҳувияти ӯ гуфтаанд, "як эронии 52-сола ва зери назорати додгоҳ буд". Манобеи огоҳ ба Радиои Озодӣ гуфтанд, ин шахс Ғуломризо Мансурӣ аст, ки ҳафтаи гузашта дар Бухарест боздошт шуд. Пулис гуфт, дар ҳоли таҳқиқи сабабҳои марги Мансурӣ аст.

Баъд аз он ки Александр Лукашенко гуфт, ҳукуматаш аз “кӯшиши инқилоб” пешгирӣ кард, пулиси Беларус дар гирдиҳамоии мухолифон дар Минск ва гӯшаҳои дигар беш аз 100 нафарро боздошт намуд.

Эътирози навбатӣ дар ноҳияи Рӯшон бо ҷаримаи нафарони гумонбар барои монеъ шудан ба кори маъмурони Кумитаи давлатии амнияти миллии Тоҷикистон ҳангоми амалиёт анҷом шудааст. Радиои Озодӣ бо мардум дар бораи эътирози онҳо ва далелҳои норизоятияшон суҳбат кард.

Муовинони нави раиси Бонки Миллии Тоҷикистон маълум шуданд. Раиси ҷумҳурии Тоҷикистон 20-уми июн бо судури фармоне гуфт, Моҳбону Накҳатзода ва Ҳоким Холиқзода муовинони нави раиси Бонки Миллӣ таъин шаванд. Фармон барои тасдиқ ба Маҷлиси Намояндагони Тоҷикистон пешниҳод шудааст. Ду рӯз пеш Лола Салимова аз мансаби муовини раиси Бонки Миллӣ барканор ва ҷояш холӣ шуд. Мақомот гуфтанд, муҳлати ваколати ӯ ба поён расид. Ҳамзамон бо ӯ муҳлати ваколати Ҷамолиддин Нуралиев, домоди президент ва шавҳари Озода Раҳмон... Читать дальше...

Аз охири моҳи апрел ҳар рӯз дар Тоҷикистон расман даҳҳо нафар ба бемории COVID-19 гирифтор мешаванд, вале мақомот ҳеч вақт карантин ҷорӣ накарданд. Бинобар ин, сокинон дар кӯчаву нақлиёти ҷамъиятӣ озод равуо мекунанд ва мушоҳида мешавад, ки кам касе фикри риояи фосилаи иҷтимоӣ ё дурӣ аз якдигар аст.