Новости за 27.07.2020

Арзиши аслии билети парвозҳои чартерӣ аз Русия ба Тоҷикистон чанд аст ва чаро қимати гуфтаи мақомот бо он чи муҳоҷирон дар амал таҷруба мекунанд, дуруст намеояд?

Дар Қирғизистон бино ба гузоришҳо рӯзона то даҳҳо нафар аз бемории СОVID-19 мефавтанд. Ба табибони серкор дар кишвар ихтиёриён ёрӣ мекунанд.

Вазорати тандурустии Тоҷикистон гуфт, ки дар шабонарӯзи гузашта фавти як нафарро аз коронавирус сабт кардааст ва бо ин шумораи умумии ҷонбохтагон аз бемории ҳамагир ба 60 нафар расид.

"Равшан" -и Кӯлоб аз тими "Панҷшер"-и Абдурраҳмони Ҷомӣ бо ҳисоби 1: 4 шикаст хӯрд, ки ин аввали бохти бузурги даста дар ин мавсим аст

Ситоди ҷумҳуриявии муқобила бо бемории COVID-19 дар Тоҷикистон баргузории ҳамагуна маърака дар рӯзи Иди Қурбон, аз ҷумла идгардакро расман манъ кард.

Вазъи нигаронкунанда дар чанде аз ноҳияҳои Бадахшони Афғонистон, ба хусус Дарвози он, мақомоти қудратии Тоҷикистонро водор кардааст, ки нерӯҳои худро дар Вилояти Мухтори Кӯҳистони Бадахшон таҳким бахшанд.

Модарон дар Афғонистон муборизаеро барои он оғоз кардаанд, ки номашонро дар санадҳои расмии фарзандонашон сабт кунанд.

Тими мунтахаби футболи ҷавонони зери 19 солаи кишвар дар як бозии санҷишӣ дастаи яккачини кишварро шикаст дод

Дар Узбекистон мақомот мӯҳлати карантин ё маҳдудиятҳои иҷтимоиро, ки дуюмбора аз 10 июл ҷорӣ шуданд, то 15 август тамдид карданд. Мақомот дар кишваре бо 32 миллион ҷамъият гуфтанд, ки дар оғози моҳи август Иди Қурбон ҷашн гирифта мешавад ва хатари паҳншавии бештари коронавирус вуҷуд дорад. Комиссиюни давлатӣ гуфт, ки бо сабаби бадтар шудани вазъи эпидемиологӣ дар кишвар қарор шуд, ки мӯҳлати маҳдудиятҳо тамдид шавад. Маҳдудиятҳо ба кори нақлиёти мусофирбар, аз ҷумла, нақлиёти байнишаҳриву минтақавӣ... Читать дальше...

Собиқ раиси амнияти президенти Беларус Александр Лукашенко дар мурофиаи додгоҳие дар Минск бо иттиҳоми ришвагирӣ ба 12 соли зиндон маҳкум шуд. Ҳукми Андрей Втюринро рӯзи 27 июл додгоҳи олии Беларус содир кард. Додгоҳ инчунин Втюринро ба мӯҳлати панҷ сол аз кор дар мақомҳои сохтори дастгоҳи президентӣ ва аз рутбаҳои низомӣ маҳрум намуд. Додгоҳ инчунин аз Втюрин 192 ҳазор доллар маблағро мусодира кард ва гуфт, ки ин маблағи порае буд, ки ӯ гирифтааст. Дар қатори ӯ рӯзи душанбе  15 гумонбари дигар,... Читать дальше...

Хабарнигорони тоҷик бар хилофи интизориҳояшон аз нишасти матуботии вазири тандурустӣ ва ҳифзи иҷтимоии аҳолӣ иттилои нав нагирифтанд. Худдории вазир аз посух ба суолҳоро коршиносон хилофи арзишҳои демкоратӣ медонанд.

Дар замони пандемияи коронавирус як толори варзиширо дар шаҳри Бишкек ба шифохонаи азими саҳроӣ табдил доданд.

Вазири хориҷа давлати Чинро як “шарики муҳими сиёсию иқтисодии Тоҷикистон” номид ва гуфт, ки миёни Душанбеву Пекин “ҳеҷ мушкиле вуҷуд надорад”. Сироҷиддин Муҳриддин, ки рӯзи 27 июл дар Душанбе дар нишасти матбуоти нимсолаи ниҳодаш сӯҳбат мекард, гуфт, матлаби баҳсбарангези ахиран дар матбуоти чинӣ чопшуда дар бораи ба ихтиёри Чин гузаштани қаламравҳое аз Тоҷикистон “фикри шахсии муаллиф аст”. Ин дар ҳолест, ки ҳафтаи гузашта дар як хабаре вазорати хориҷаи Тоҷикистон гуфт, ки нашри матлабе аз як таърихшиноси чиниро... Читать дальше...

Масъулони Идораи маорифи Суғд гуфтанд, ки аз замони эътирофи расмии мавҷудияти коронавирус дар Тоҷикистон то ин дам 18 омӯзгор аз COVID-19 ҷон бохтаанд.

Иштироки беназири варзишкори ҷавон аз Душанбе Анатолий Старостин дар бозиҳои Олимпии соли 1980 ба як ҳангома табдил ёфт. Вай бо иштирокаш дар ин бозиҳо на танҳо худ, балки тамоми мактаби варзишии Тоҷикистонро дар саросари ҷаҳон машҳур кард

Вазорати корҳои  хориҷии Тоҷикистон гуфт, ки ин кишвар бозгашти марзбонҳои рус ба сарҳади Тоҷикистону Афғонистонро баррасӣ намекунад. Сироҷиддин Муҳриддин, вазири умури хориҷии Тоҷикистон, ки рӯзи 27 июл дар нишасти хабарие дар Душанбе ба саволҳои рӯзноманигорон посух медод, дар шарҳи гуфтаҳои муовини вазири хориҷаи Русия Андрей Руденко гуфт:  “Ин масъала дар масоили мавриди баррасии Тоҷикистону Русия қарор надорад” ва афзуд, ки ҷониби Тоҷикистон ин мавзӯъро баррасӣ намекунад. Руденко дар мусоҳиба бо ТАСС рӯзи 16 июли имсол гуфт... Читать дальше...

Раиси ширкати "Барқи Тоҷик" тасдиқ кард, ки аз субҳи 27-уми июл интиқоли нерӯи барқро ба Афғонистон кам кардаанд.

Созмонҳои ҳомии ҳуқуқи инсон мақомоти Беларусро дар эҷоди фазои  «тарсу таҳдид» дар остонаи интихоботи президентии 9 август гунаҳгор карданд.  Созмони бо номи Ҳомиёни ҳуқуқ барои интихоботи озод, ки аз ҷониби Кумитаи беларусии Ҳелсинкӣ раҳбарӣ мешавад ва ҳам маркази маъруфи “Весна” дар Минск бо  нашри изҳороти муштараке рӯзи 27 июл  гуфтанд, ки ин маъракаро ҳукумат ташкил карда, ҳамчунин дар пушти боздошти 25 нафар истодааст, ки бо ангезаҳои сиёсӣ боздошт шудаанд. Фаъолон мегӯянд, ки дар маҷмӯъ... Читать дальше...

Дастаи “Сипар”-и шаҳри Хуҷанд, ки “Соро компания”-и Душанберо бо ҳисоби 4:2 мағлуб кард, барандаи Суперҷом ё Ҷоми олии футзали Тоҷикистон-2020 гардид. Бозӣ барои Суперҷоми Тоҷикистон миёни “Соро компаия”, ғолиби мусобиқаи порсолаи лигаи футзали Тоҷикистон ва “Сипар”, ҷоизадори нуқраи ин мусобиқа, рӯзи 25-уми июл дар Душанбе, дар маҷмааи варзишии Кумитаи андози Тоҷикистон, доир гардид. Собирҷон Гуляков, ки се голи “Сипар”-ро ба самар расонд, беҳтарин бозигари ин дидор ҳисобида шуд. Суперҷоми футзали... Читать дальше...

Мақомоти Вазорати корҳои хориҷии Тоҷикистон гуфтанд, ки дар давраи пандемияи коронавируси нав ҳашт ҳазор нафарро аз Русия ба ватан баргардонданд.

Дар шаҳри Париж ҳунарпешаи маъруфи синамо ва бозигари нақше дар филми овозадори “Барбодрафта” даргузашт. Оливия де Ҳавилланд 104 сол дошт ва барои ҳунараш дар синамо ду дафъа бо ҷоизаи мӯътабари “Оскар” сарафроз шудааст. Оливия де Ҳавилландро аз насли тиллоии ҳунарпешаҳои Ҳолливуд меноманд. Нависанда Лиса Голдберг рӯзи 26 июл гуфт, ки ситораи ҳунар дар хонааш дар Париж бидуни ҳеҷ беморӣ даргузашт.   Ин ҳунарпеша инчунин соли 1938 дар филми маъруфи амрикоии “Саргузаштҳои Робин Ҳуд” ҳам нақш офарида... Читать дальше...

Хадамоти амнияти федеролии Русия, ки бо номи ФСБ маъруф аст, дар бораи «пешгирӣ шудани як ҳамлаи террористӣ дар макони таҷаммӯи нафарони зиёд дар Маскав» хабар дод. Матбуоти русӣ бо такя ба ин ниҳод  навишт, ки шахси гумонбар «як зодаи Осиёи Марказӣ буд» ва дар тирандозие дар шаҳри Химки кушта шуд. Имкони санҷиши дурустии ин хабар тавассути манобеи мустақил вуҷуд надорад, вале ба навиштаи ФСБ, ин ниҳод дар ҳамкорӣ бо вазорати умури дохилӣ ва Кумитаи тафтишотии Русия  «тавонист пеши роҳи як узви созмони террористиро бигирад... Читать дальше...

Дар шаҳри Хабаровски воқеъ дар Шарқи Дури Русия рӯзи 26 июл ҳам эътирозҳои ҷамъиятӣ бо талаби озод кардани собиқ раиси вилоят идома ёфт. Сергей Фургалро дар сӯиқасд ба куштор ва амр додан ба ду куштор гумонбар медонанд ва ин моддаҳо то 15 соли ҳабсро дар назар мегирад. Ҷонибдоронаш мегӯнд, ки иттиҳомот дорои ангезаҳои сиёсӣ мебошад. Худи Фургал иттиҳомотро рад мекунад. Ӯ ду сол пеш дар интихоботе, ки бо мағлубияти номзади ҳизби ҳоким анҷомид, ба мақоми раиси Хабаровск таъин шуд. Давоми ду ҳафта дар... Читать дальше...

Рӯзи 27-уми июл шумори гирифторони коронавируси нав дар саросари ҷаҳон аз 16 миллион нафар бештар шуд.

Вазири хориҷаи Олмон Ҳейко Маас бозгашти Русия ба маҳфили кишварҳои пешрафтаи саноатӣ ваё Гурӯҳи ҳафтгона (G7)-ро рад кард. Ин пешниҳод қаблан аз забони президенти ИМА Доналд Трамп садо дод буд, ки хостори бозгардони дубораи Маскав ба ин маҳфил шудааст. Маас дар мусоҳибааш бо ду нашрияи олмонӣ рӯзи 27 июл гуфт, ки “сабаби аз маҳфил берун кардани Русия ишғоли Қрим ва мудохила ба шарқи Украина буд”. Маас гуфт, “азбаски дар ин масъала ҳанӯз қароре ба даст наомадааст, ман ҳеҷ шонсе намебинам”, ки Русия ба G7 баргардад. Читать дальше...