Баҳси додгоҳии Абдумалик Қодиров бо Internews
Раиси пешини дафтари "Интернюс" (Internews) дар Тоҷикистон ин созмони амрикоиро ба додгоҳ кашидааст. Абдумалик Қодиров даъво дорад, ки қарори аз вазифа барканор кардани ӯ "хилофи қонуни меҳнат" ва "низомномаи ташкилот" аст ва аз додгоҳ мехоҳад, ӯро дар мақоми пешинааш барқарор кунад. Созмони амрикоии "Интернюс" масъаларо расман шарҳ надодааст, вале як намояндааш дар Тоҷикистон гуфтааст, "ин як баҳси одии корӣ аст".