Новости за 04.09.2021

Ҷабҳаи муқовимати миллӣ дар Панҷшер хабар дод, ки теъдоди зиёде аз ҷангҷӯёни Толибонро дар муҳосира гирифтаанд. Толибон иддао доранд, ки дар дараи Панҷшер пешравӣ кардаанд. Фаҳими Даштӣ, сухангӯи Ҷабҳаи муқовимат дар саҳифаи Твитераш навишт, ки “Толибон бо далели инфиҷори кӯҳ аз ақибашон дар минтақаи Дашти Реват таҳти муҳосира қарор гирифта ва тамоми васоит ва таҷҳизоташон ба ҷо мондааст.” Ӯ афзудааст, ки даргирии шадид идома дорад ва ба гуфтаи ӯ, “ҳазорон террорист дар Париён муҳосира шудаанд.” Билол Каримӣ... Читать дальше...

Субҳи 4-уми сентябр ба як сайёҳӣ қатарӣ, ки бо нӯҳ паррандаи шоҳин аз Тоҷикистон қасди сафар ба Дубай ва аз он тариқ ба Қатарро дошт, дар фурудгоҳи Душанбе иҷозаи парвоз надоданд.

Субҳи 4-уми сентябр ба як сайёҳӣ қатарӣ, ки бо нӯҳ паррандаи шоҳин аз Тоҷикистон қасди сафар ба Дубай ва аз он тариқ ба Қатарро дошт, дар фурудгоҳи Душанбе иҷозаи парвоз надоданд. Муҳаммад Аляброудӣ, сайёҳе, ки дар фурудгоҳи Душанбе дармондааст, дар суҳбат бо Радиои Озодӣ гуфт, ин паррандаҳое буданд, ки ҳамроҳ бо худ оварда буд ва мехоҳад дубора онҳоро пас барад. Ӯ гуфт, ки масъулони Хадамоти гумрук ва марзбонӣ ба ӯ иҷозаи убурро доданд, вале бо далели номаълум кормандони фурудгоҳ ӯро иҷозаи парвоз надоданд. Читать дальше...

Ҷангҷӯёни Толиб рӯзи 4-уми сентябр зидди занони тазоҳургар дар маркази Кобул аз зур кор гирифтанд. Ба ин занон, ки бо талаби ҳуқуқи баробар эътироз мекарданд, Толибон ҳамла карданд. Толибон зидди занон гази ашковар истифода бурда, ба ҳаво тир паронданд. Дар шабакаҳои иҷтимоӣ навори зане нашр шуд, ки бо сару рӯи хуншор суҳбат мекунад ва мегӯяд, ӯро Толибон ба ин аҳвол овардаанд. Рӯзи дуюм аст, ки дар Кобул занон эътироз мекунанд. Ин гуруҳ рӯзи 15-уми август Кобулро тасарруф карданд ва гуфтанд, ки ба занҳо дар ҳукумат мақом намедиҳанд.

Баҳси як ҷавони тоҷик бо ширкати "Ёқут-2000"-ум, ки далели маҷрӯҳ шуданашро дар бетаваҷҷӯҳии раҳбарияти ширкат медонад, додгоҳӣ шуд.

Баҳси як ҷавони тоҷик бо ширкати "Ёқут-2000"-ум, ки далели маҷрӯҳ шуданашро дар бетаваҷҷӯҳии раҳбарияти ширкат медонад, додгоҳӣ шуд. Моҳи феврали имсол аз боми бинои 19-ошёнае дар Душанбе, ки сохтмонаш идома дорад, ба рӯйи пойҳои Сиёвуши 25-сола оҳанпора афтод ва ӯро аз чаҳор ангушту тавони роҳ гаштан маҳрум кард. Биноеро, ки оҳанпора аз онҷо афтодааст, ширкати “Ёқут-2000”-ум месозад. Дар ин ширкати сохтмонӣ  гуфтанд, "ҳангоми таъмири бино, дар ҳудуди хатарнок лентаи огоҳкунанда гузошта будаанд, аммо Сиёвуш онро убур кардааст".

Президенти ИМА фармон дод, ки санадҳои таҳқиқи ҳодисаи террористии 11-уми сентябри соли 2001 дар Амрико дар ним соли оянда ошкор шаванд. Ҷо Байден, президенти ИМА бар ин назар аст, ки таваҷҷӯҳи ҷомеа ба ахбори пушидаи ин ҳодиса хатар ба амнияти миллии кишвар аст. Байден ошкор кардани таҳқиқи ин ҳодисаро замони маъракаи интихоботии худ ваъда дода буд. Пайвандони афроди қурбоншуда дар ин ҳодиса давоми 20 соли гузашта пайваста талаб мекарданд, ҷузъиёти таҳқиқоти ҳодиса ошкор карда шавад. Онҳо бар ин назаранд... Читать дальше...

Сомон Маҳмадбеков, варзишгари маъруфи тоҷик, дар Мусобиқаи IV байналмилалии ҷудо ба номи Ҷигоро Кано, ки дар доираи Форуми VI иқтисодии Шарқ дар шаҳри Владивостоки Русия баргузор шуд, дар рақобати худ ғолиб омад, вале дастааш шикаст хӯрд.

Ориёно Саид, ҳунарманди шинохтаи афғонистонӣ, ки пас аз вуруди Толибон ба Кобул аз Афғонистон фирор кард, мегӯяд, ин гуруҳ ҳукуматеро ташкил кардан мехоҳанд, ки зидди занон ва мусиқӣ амал мекунад. Пештар Толибон гуфтанд, ки ба ҳуқуқи занон эҳтиром мегузоранд, вале ба овозхонии занон ва кори онҳо дар сатҳи баланди ҳукумат иҷоза намедиҳанд. Онҳо пешниҳод карданд, ки овозхонҳо дар Афғонистон касбашонро дигар кунанд. Видеоро инҷо тамошо кунед: Ориёно Саид мегӯяд, агар аз Афғонистон фирор намекард, Толибон ӯро қатл мекарданд. Читать дальше...

Занони фаъол дар Кобул рӯзи 3-уми сентябр барои ҳимоя аз ҳақашон эътироз карданд. Толибон гуфтанд, ки занҳо дар ҳукумати оянда саҳм нахоҳанд дошт. Ҳадо Хамӯш, Шоир, нависанда ва фаъоли ҳуқуқи зан дар Афғонистон ба Радиои Озодӣ гуфт, барои ҳимоя аз ҳақ ва ояндаашон эътирз карданд. Онҳо дар даст шиорҳои “ҷомеа бидуни зан мурда аст”, “ҳуқуқи зан бояд поймол нашавад” ба тарафи бинои ҳукумати Афғонистон рафтанд. Ҳадо Хамӯш, гуфт, ки Толибон эътирози онҳоро бозӯр пароканда кардааст. Ин гуруҳ рӯзи 15-уми август Кобулро тасарруф карданд ва гуфтанд... Читать дальше...

Додгоҳи Кӯлоб Суҳроб Раҳимов, муовини пешини раиси шаҳри Кӯлобро, ки бо иттиҳоми қаллобӣ ва сӯистифода аз мансаб боздошт шуда буд, 72 ҳазор сомонӣ ҷарима кард ва аз толори додгоҳ озод намуд.

Ҷабҳаи муқовимат дар Панҷшер хабари суқути ин вилоят ба дасти Толибонро рад кард. Шаби 3-юми сентябр Толибон иддао карданд, ки вилояти Панҷшерро тасарруф кардаанд. Аҳмад Масъуд, фармондеҳи Ҷабҳаи муқовимат дар саҳифаи Твитери худ навиштааст, ки “ин хабар дуруғ аст”. Ба қавли ӯ, ин хабарро матбуоти Покистон, ки аз Толибон ҷонибдорӣ мекунанд, бофтаанд. “Суқути Панҷшер рӯзи охири ман хоҳад буд”,­--навиштааст ӯ. Бисмиллоҳ Муҳаммадӣ, вазири пешини дифои Афғонистон низ дар саҳифаи Твитер тасарруфи Панҷшерро рад кардааст. Читать дальше...