Новости за 29.09.2021

Хешовандони се шаҳрванди тоҷиктабори Қирғизистон, ки дар вилояти Бодканд зиндонӣ шуданд, мегӯянд, ҳукми додгоҳ "бисёр сахту бераҳмона" аст ва онҳо ба додгоҳи болоӣ шикоят мебаранд. Мақомоти интизомии Қирғизистон мегӯянд, далелҳои кофӣ дар даст доранд ва тафтишот тибқи қонун ҷараён гирифтааст.

Хешовандони ду шаҳрванди Тоҷикистон, ки дар Қирғизистон зиндонӣ шуданд, мегӯянд, ки ҳукми додгоҳ бисёр сахт аст ва онҳо ба додгоҳи болоӣ шикоят мебаранд.

Раҳбарони Русияву Туркия 29 сентябр дар шаҳри Сочӣ музокирот мекунанд. Дар баробари ихтилофҳое, ки дар сиёсати хориҷии ду кишвар аст, бахшҳои ҳамкориву мушорикаташон низ кам нест. Пас аз 18 моҳ барпо шудани гуфтугӯи рӯбарӯи ду президент, ба бовари нозирон, “муҳим ва ҳалкунанда” ба назар мерасад.

Дар Тоҷикистон занеро муҳокима мекунанд, ки чанд моҳ пеш аз зиндони Пули Чархии Афғонистон овардаанд. Олима Камоловаи 31-сола ба иштирок дар ҷангҳои "бегона" гумонбар аст, аммо пайвандонаш бовар доранд, ӯ дар ҳеч даргирӣ иштирок накарда, "қурбонии хостҳои шавҳараш шудааст".

Бино ба гузоришҳо, ҷангҷӯёни "Толибон" дар вилояти Тахор як кӯдакро барои он ки гумон меравад падараш узви Ҷабҳаи муқовимати миллии Афғонистон аст, ба қатл расондаанд.

Дар вокуниш ба як хабари Радиои Озодӣ, ки гӯё Вазорати нақлиёти Тоҷикистон бо фиристодани номае ба ҳамтоёни қирғизистонии худ хоҳони азсаргирии ҳамкориҳо шудааст, Вазорати нақлиёти Тоҷикистон изҳор дошт, ки он ҳеч гуна номае ба Қирғизистон нафиристодааст.

Додгоҳи ноҳияи Шоҳмансури Душанбе як муҳандиси ширкати "Ёқут 2000"-ро ба "вайрон кардани қоидаҳои бехатарӣ дар сохтмон", ки боис ба маъюб шудани Сиёвуш Акобиршоеви 25-сола шуд, ду сол аз озодӣ маҳрум кард, аммо бар асоси қонуни афв озод намуд.

Баҳси Сиёвуш Акобиршоев бо ширкати "Ёқут-2000", ки сабаби маҷруҳ шуданашро дар бетаваҷҷӯҳии раҳбарияти ширкат медонад, дар додгоҳ ба поён расид, аммо масъалаи пардохти ҷуброни зарар норӯшан боқӣ монд.

Захираи тилои Қирғизистон ба 3,2 миллиард доллар баробар шудааст. Дар ин бора раиси Бонки миллии он кишвар Толкунбек Абдигулов иттилоъ дод. Ба гуфтаи вай, захираи тилои Қирғизистон дар ҳоли афзоиш аст. "Дар бораи камшавӣ ва афзоиши захира овозаҳо паҳн мешаванд. Мумкин аст, афзоиш ёбад ё баръакс, кам шавад. Мо на танҳо тило мехарем, балки онро ҳамзамон мефурӯшем. Айни замон дар ҳаҷми 3,2 миллиард доллар тило дорем, ки дар сурати зарурат барои 8 моҳи содирот кифоят мекунад", - гуфт Абдигулов. Моҳи... Читать дальше...

Лаваи сурху доғ аз вулқоне, ки ҷазираи Ла Палмаи Испониёро ба харобазор табдил дод, рӯзи 28-уми сентябр ба Уқёнуси Атлантик расид ва хатари паҳн шудани гази заҳролудро ба вуҷуд овард.

Раҳбари созмони ҳомии ҳуқуқи "Ар. Рух. Хак" Бахидҷон Торогожин 28 сентябр дар шабакаи иҷтимоии Фейсбук хабар дод, ки шоир ва дигарандеши зиндонии Қазоқистон Арон Отабек дар беморхона бистарӣ шудааст. Ҳомии ҳуқуқ аз шаҳри Павлодар Елена Семёнова ба бахши қазоқии Радиои Озодӣ хабар дод, ки Отабек як ҳафта мешавад дар беморхона аст. Кумитаи иҷрои ҷазои Қазоқистон то ҳол ин хабарро шарҳ надодааст. Намояндагони ҷомеаи шаҳрвандии Қазоқистон дербоз аз вазъи сиҳатии шоир Отабек, ки беш аз 15 сол мешавад, дар зиндон аст, нигаронӣ мекунанд. Читать дальше...

Раҳбари худкомаи Беларус Александр Лукашенка гуфт, ки Беларус референдуми қабули конститутсияи баҳсбарангези ин кишварро то феврали соли 2022 барпо мекунад. Изҳороти Лукашенка рӯзи 28-уми сентябр дар ҷараёни кори комиссиюни конститутсионӣ садо дод ва ӯ бори дигар такрор кард, ки иҷоза намедиҳад  мухолифон сари қудрат биёянд, чун, ба гуфтааш, “онҳо кишварро хароб мекунанд”. Лукашенка гуфт, ҳадафи тағйироти конститутсионӣ ин аст, ки “сарқонун дар тақсими қудрати миёни президент, парлумон ва ҳукумат як тавозуне эҷод карда... Читать дальше...

Ширкатҳои воксинасози амрикоиву олмонии Pfizer ва BioNTech ба Оҷонсии ғизову дорувори ИМА натиҷаҳои аввалияи як таҳқиқоти худро пешкаш намуданд, ки мегӯяд, воксинаи сохтаи ин ду ширкат алайҳи COVID-19 барои  кӯдакон амну бехатар мебошад. Озмоиши онҳо дар миёни кӯдакони 5 то 11-сола анҷом шудааст ва ин таҳқиқот амн будани воксинаро собит кардааст. Дар ИМА ҳоло ҳақи воксингирӣ барои афроди аз 12-сола боло фароҳам шудааст. Ин ду ширкати дорусозӣ гуфтаанд, ки дар ҳафтаҳои наздик аз мақомоти дахлдори амрикоӣ дархост мекунанд... Читать дальше...

Собиқ вазири корҳои хориҷии Ҷопон Фумио Кишида раҳбари ҳизби ҳокими либерал-демократӣ шуд ва акнун бояд нахуствазири нави ин кишвар шавад. Ҷопон дар ҷаҳон иқтисоди сеюми азимтарин ба шумор меравад. Дар як овоздиҳӣ рӯзи 29-уми сентябр Кишида бар номзадии Таро Коно ғолиб шуд, ки ба хотири пешбурди барномаи воксина бисёр маъруф гардидааст. Йошиҳиде Суга, нахуствазири амалкунандаи Ҷопон баъди як соли раҳбарӣ эълон кард, ки аз мақомаш канор меравад. Пирӯзии Кишида дар овоздиҳии парлумонӣ рӯзи 4-уми октябр бемушкил хоҳад буд... Читать дальше...

Намояндаи Додситонии кулли Тоҷикистон ба Иззат Амон, ҳомии боздоштшудаи муҳоҷирон, 9 сол зиндон талаб кардааст. Ӯро ба "қаллобӣ ба миқдори махсусан калон" гумонбар медонанд.

Вазорати меҳнат ва муҳоҷирати Тоҷикистон аз даргузашти ду раҳбари ҷамъияти тоҷикон дар Русия изҳори таассуф кардааст. Рӯзи 28-уми сентябр роҳбари ҷамъияти тоҷикони шаҳри Дзержинскии вилояти Нижний Новгород Мутрибшоҳ Мирзоев дар синни 61-солагӣ даргузашт. Сабаби марги раҳбари созмони «Умед» нашр намешавад. Дар изҳороти Вазорати меҳнат ва муҳоҷират Мирзоев ба ҳайси як ҳомии муҳоҷирони корӣ ёд шудааст, ки ҳамеша ба ҳалли мушкилоти онҳо мусоидат мекард. Марги Мирзоевро матбуоти маҳаллии Нижний Новгород ҳам ботаассуф хабар додааст... Читать дальше...

Видеопортали YouTube ду шабакаи олмонизани Русияро, ки аз ҷониби ширкати давлатии RT (Russia Today – “Имрӯзи Русия”) идора мешуд, пок кард ва боиси вокунишҳои Маскав гардид. Динора Токтосунова, мудири RT DE, яке аз ду шабакаи аз YouTube бардошташуда дар ин бора аввал рӯзи 28-уми сентябр тавассути Telegram хабар дод. Ширкати амрикоии Google, ки молики YouTube аст, гуфт, сафҳаҳои ду шабака - RT DE ва Der Fehlende Part (“Пораҳои нопадидшуда”)-ро ба он хотир аз ин пойгоҳ берун кард, ки дар бораи COVID-19 иттилои дурӯғин нашр карданд. Читать дальше...

Президентони Русия ва Туркия рӯзи 29-уми сентябр дар ҷаласаи ба қавли мақомот хеле муҳим дар соли ҷорӣ  мулоқот хоҳанд кард.  Мулоқоти Владимир Путин ва Раҷаб Тайиб Эрдуғон дар шаҳри Сочи дар соҳилҳои баҳри Сиёҳ 18 моҳ баъди охирин гуфтугӯи рӯбарӯи ду раҳбар дар шаҳри Маскав барпо мешавад. Ба иловаи вазъи Сурияву Либия, ду раҳбар ният доранд  Қафқози Ҷанубӣ ва Украина, тавсеаи содироти гази русӣ ва эҳтимоли ба Туркия фароҳам кардани бахши навбатии системаҳои мушакии  S-400-ро, ки ИМА мухолифи он аст, баррасӣ кунанд. Читать дальше...

Гуруҳи "Толибон", ки баъди ғасби қудрат дар Афғонистон аз ташкили "Аморати исломӣ" хабар дод, "барои бартараф кардани таҳдидҳои амниятӣ ва хатарҳои дигар" ба вилояти Тахор нерӯҳои вижаи худро фиристодааст. Тахор бо вилояти Хатлони Тоҷикистон ҳаммарз аст.

Кумитаи тафтишотии Русия нисбати сиёсатмадори мухолифи ҳукумати Русия Алексей Навалний ва ҳамсафонаш бо моддаи ташкили гуруҳи ифротӣ парванда боз кард. Аз рӯи ин модда то 10 соли зиндон пешбинӣ мешавад. Дар бораи парвандаи нав дар сомонаи Кумитаи тафтишотӣ хабар дода шудааст. Навалний, Леонид Волков ва Иван Жданов дар таъсис ва роҳбарии гуруҳ гумонбар мешаванд. Любов Собол, Вячеслав Гимади, Руслан Шаведдинов ва чанд каси дигар - дар узвияти гуруҳ. Иван Жданов парвандаи навро "комилан сиёсӣ" унвон кард. Читать дальше...

Луид Остин, ки дар нишасти пурсиши посухи Кумитаи нерӯҳои мусаллаҳи Сенати Амрико ширкат карда буд, дар айни ҳол ба иштибоҳҳое дар дарозтарин ҷанги ИМА ва ҳамчунин фасод густурда дар миёни мақомоти Афғонистон таъкид кард.

Дар мусобиқаи қаҳрамонии ҷаҳон оид ба самбо, ки рӯзҳои 12-14-уми ноябри соли равон дар пойтахти Узбекистон – Тошканд - баргузор мешавад, ҳар узви дастаи мунтахаб аз ташхиси мунтазами ҳатмии COVID-19 хоҳад гузашт. Дар ин бора сомонаи Кумитаи миллии олимпии Тоҷикистон хабар медиҳад. Ба иттилои манбаъ, Федератсияи байналмилалии самбо (FIAS) низомномаи мусобиқаи қаҳрамонии ҷаҳонро нашр кард, ки дар он гуфта мешавад, ҳар иштироккунанда на кам аз 48 соат то парвоз дар кишвари худ бояд тести COVID-19 супорад. Читать дальше...

Бархе аз соҳибкорони вилояти Фарғона мегӯянд, кормандони бахши вилоятии Ҳизби либерал-демократии Узбекистон, ки ахиран номзадии Шавкат Мирзиёевро ба мақоми президентӣ пешниҳод кард, онҳоро маҷбур мекунанд, то лавҳаҳои таблиғотии ҳизбро омода созанд. "Ҳар як соҳибкор як лавҳа омода кард. Вале ҳоло боз маҷбур доранд, ки як лавҳаи дигар омода кунед. Арзонтарин лавҳа ҳудуди 40-50 доллари амрикоӣ арзиш дорад. Кормандони ҳизб омада мегӯянд, ки "шумо тавони сохтани лавҳаро доред, пас омода созед!", - гуфт яке аз соҳибкорон. Читать дальше...

Маҷлиси шаҳрии Бишкек 28-уми сентябр дар иҷлосияи навбатии худ тасмим гирифт, ки нархи роҳкиро дар нақлиёти ҷамъиятии шаҳр боло бурда шавад. Бар асоси қарори қабулшуда, аз 1-уми ноябри соли равон нархи роҳкиро дар автобусу тролейбус 11 сом, дар таксӣ ва микроавтобусҳо 11 сом хоҳад шуд. Аз 36 вакили маҷлиси шаҳр 33 нафар ҷонибдорӣ кардаанд, ки нархи роҳкиро боло бурда шавад. Тавре муовини шаҳрдори Бишкек Талайбек Орозов изҳор дошт, дар Қирғизистон арзиши сӯзишвории дизелӣ ва қисмҳои эҳтиётии нақлиёт гарон шуда... Читать дальше...

Пулиси вилояти Самарқанди Узбекистон мегӯяд, 13 сокини маҳаллӣ, ки дар эътироз ба набудани газ роҳро баста буданд, муҷозот шуданд. Ба огаҳии Раёсати пулиси вилоят, 13 сокини ноҳияи Самарқанд 26-уми сентябри соли равон роҳи мошингарди М-37-ро дар эътироз ба набудани газ баста буданд. Эътирозгарон шикоят карданд, ки зарфи гази моеъро бори охир дар маҳаллаи онҳо моҳи июли соли равон тақсим кардаанд. Сокинони норозӣ ба назди бинои ҳукумати ноҳияи Самарқанд рафтанд. Дар онҷо раиси ноҳия ва раҳбарони... Читать дальше...