Новости за 27.09.2021

Ҳомии ҳуқуқи муҳоҷирон дар Русия, Валентина Чупик, шаби сеюм аст, ки дар боздоштгоҳи муваққатии фурудгоҳи Шереметевои Маскав нигаҳ дошта мешавад.

Раисҷумҳури барканоршудаи Афғонистон дар Твиттер хабар дод, ки саҳифаи расмиаш дар Фейсбук рахна шудааст.

Муовини раиси ҳукумати "Толибон" ба Тоҷикистон ҳушдор дод, ки ба корҳои дохилии Афғонистон дахолат накунад, вагарна "ҳар кор пайомад дорад." Пештар президенти Тоҷикистон гуфта буд, ба корҳои дохилии Афғонистон мудохила надоранд, аммо барои ҳалли танишҳо бояд ҳукумати фарогир ташкил карда шавад.

Бозиҳои даври 21-уми мусобиқаи қаҳрамонии футболи Тоҷикистон миёни дастаҳои лигаи олӣ рӯзҳои 25-ум ва 26-уми сентябр баргузор шуданд. Дар бозии марказии ин давр “Истиқлол”-и Душанбе дар сафар бар “Истаравшан”-и шаҳри Истаравшан бо ҳисоби 1:0 пирӯз шуд. “Истиқлол” мавқеашро дар ҷадвали мусобиқа бо 51 имтиёз дар ҷойи аввал мустаҳкамтар намуд. “Хуҷанд”-и шаҳри Хуҷанд дар майдони худ бар тими “Кӯктош”-и ноҳияи Рӯдакӣ бо ҳисоби 4:2 ғалаба кард. “Хуҷанд” бо 41 имтиёз дар зинаи дувум қарор дорад. ... Читать дальше...

Таҳлилгарон мегӯянд, таҳдиди Толибон, ки гуфтаанд, амалҳои Тоҷикистон аксуламал дорад, холӣ аст, чун онҳо ҷуръати ҳамла ба кишварро надоранд.

Додгоҳи шаҳри Турсунзода хушдомани як арӯси ҷавонмаргро бо гуноҳи ба худкушӣ расондани келинаш ба 5 сол зиндон маҳкум карда, ҳамзамон, бар асоси қонуни афв якуним сол ҳабси ӯро кам намудааст.

Дар Олмон интихоботи порлумонӣ ба поён расид ва шояд ба аҳди ҳизбҳои муҳофизакори Олмон хотима диҳад, ки дар 16 соли гузашта кишварро раҳбарӣ мекарданд. Ҳизби сотсиал-демократи Олмон ба сахтӣ ҳам бошад, рақибони муҳофизакори худро шикаст дод ва ҳақ дорад, ҳукумат таъсис диҳад.

Хадамоти марзбонии Қирғизистон 26 сентябр нерӯҳояшро дар сарҳад бо Тоҷикистон ба ҳолати омодабош даровардааст. Дар ҳоле ки Тоҷикистон дар ин бора расман чизе намегӯяд, хабаргузории ТАСС аз қавли мақомоти Қирғизистон ҳадафро "пешгирӣ аз авҷ гирифтани муноқишаҳо" дар ноҳияи Лайлаки Бодканд номид.

Шӯрои паноҳандагони Норвегия ҳушдор дод, ки Афғонистон дар остонаи як шикасти иқтисодӣ қарор дорад ва ин кишвар баъди суқути ҳукумат дар моҳи август ва сари кор омадани “Толибон” бо як фоҷеаи башарӣ рӯбарӯ шудааст.  Ян Эгеланд, дабири кулли ин шӯро бо нашри изҳороте рӯзи 27-уми сентябр гуфт, “Иқтисоди Афғонистон аз назорат хориҷ мешавад. Низоми расмии бонкӣ метавонад ҳар лаҳза шикаст хӯрад, чун бо набуди пули нақд рӯбарӯ шудааст. Ман бо оилаҳое ҳамсӯҳбат шудам, ки мегӯянд, рӯзашонро бо як пиёла чою нони қоқ сиёҳ мекунанд”. Читать дальше...

Замимаи паёмрасони Signal гуфт, ки рӯзи 27-уми сентябр бо мушкил рӯбарӯ шуд ва кори хадамот муваққатан боздошта шудааст. Ширкат бо нашри изҳороте гуфт, ки “Signal бо сабаби эҷоди мушкил дар ҳостинг ва бекор шудани бархе хадамот,  феълан кор намекунад”. Дар паёме, ки маъмурияти ин паёмрасон дар Твиттер навиштааст, кор дар самти таъмири он идома дорад. Хабарҳо дар бораи осеб дидани кори Signal дар ИМА, Аврупо, Ҳонгконг ва дигар нуқоти ҷаҳон аз шоми 26-уми сентябр ба ин сӯ нашр мешаванд. Замимаи Signal соли 2014 таъсис шуд. Читать дальше...

Мақомоти амниятии Русия гуфтанд, панҷ неофашистро боздошт карданд, ки ба қавли онҳо, дар андешаи ташкили амали террористӣ дар Ҷумҳури Бошқирдистони аксар сокинаш мусалмон буданд. Дар изҳороти ФСБ – Хадамоти амнияти федеролӣ рӯзи 27-уми сентябр омадааст, ки панҷ боздоштшуда сокини шаҳри Уфа – пойтахти Бошқирдистон буданд ва ният доштанд бо истифода аз маводи таркандаи дастсохт амалҳои террористӣ анҷом диҳанд. Тафтишот гуфтааст, ки аз хонаҳои гумонбарон дастгоҳи таркандаи худсохт, ҷузъҳои детонатор... Читать дальше...

Як таҳқиқоти нав мегӯяд, ки пандемияи COVID-19 боиси  коҳиши  умри  инсон гардидааст ва ин як мушкили бесобиқа дар ҷаҳон баъди Ҷанги дуюми ҷаҳон будааст. Таҳқиқоте, ки дар 29 кишвари Аврупо, ИМА ва Чилӣ барпо шудааст, мегӯяд, дастоварди солиёни тӯлонӣ дар заминаи таъмини дарозумрии инсонҳо бо сабаби пандемияи коронавирус осеб дид. Доктор Риди Кашяп, ҳаммуаллифи таҳқиқоте, ки рӯзи 27-уми сентябр дар Маҷаллаи байналмилалии эпидемиологӣ чоп шуд, мегӯяд, “таъсири COVID-19 барои бисёр кишварҳо мисли як зарба гардид”. Читать дальше...

Кормандони Кумитаи давлатии амнияти миллии Тоҷикистон 26-уми сентябр сокини деҳаи Жаштики ноҳияи Лайлаки Қирғизистон Урозбек Мирзоевро дастгир кардаанд.

Аввалин нашри ҷадвали мусобиқаҳои Бозиҳои XIX тобистонаи осиёӣ, ки аз 10-ум то 25-уми сентябри соли 2022 дар Ҳангжоуи Чин баргузор мешавад, аз ҷониби ташкилкунандагон расман муаррифӣ шуд. Дар ин бора сомонаи Кумитаи миллии олимпии Тоҷикистон хабар медиҳад. Ба иттилои манбаъ, барномаи Бозиҳои XIX осиёӣ 40 намуд ва 61 равияи варзиширо дар бар мегирад. Интизор меравад, дар давоми 15 рӯзи бозиҳо 482 маҷмӯи медалҳо супурда мешавад. Бозиҳо бояд чор рӯз пеш аз маросими ифтитоҳ – 6-уми сентябр бо мусобиқаи футболи мардона - оғоз шаванд. Читать дальше...

Дар зилзилаи пурқудрате, ки субҳи 27-уми сентябр  дар ҷазираи Крити Юнон рух дод,  калисое дар шаҳри Ираклион фурӯ рехт ва дар натиҷа марде, ки дар дохил кор мекард, даргузашт. Зилзилае бо шиддати 5,8 дараҷаи Риҳтер бисёриҳоро тарсонд ва сокинони маҳаллӣ шитобон биноҳоро тарк карда ба кӯчаҳо рехтанд. Зилзила инчунин дар ҷазираи ҳамсояи Санторини эҳсос шуд, ки як макони дигари хушгузаронӣ ба ҳисоб меравад. Шоҳидон гуфтанд, дар паи зилзила хонаҳои мардум ҳам осеб дидааст. Тапиши замин инчунин дар соҳилҳои баҳри Эгеи Туркия ҳам эҳсос шудааст... Читать дальше...

Дар Душанбе зери унвони "Нома ба Панҷшер" китобе дар васфи Аҳмад Масъуд ва Ҷабҳаи муқовимати миллӣ ба нашр расидааст. Дар ин китоб ашъори шоирони маъруфи Тоҷикистон ва ҳамчунин мақолаҳои донишмандону журналистон гирдоварӣ шудааст. Интизор меравад, ки ба зудӣ дар як маросим "Нома ба Панҷшер" муаррифӣ шуда, шакли электронии он ҳам тариқи Интернет дастраси хонандагон бигардад. Ҳамчунин ду рӯз пеш нашриёти "Адиб"-и Вазорати фарҳанги Тоҷикистон маҷмуаи ашъори шоирони форсизабонро дар ситоиши Ҷабҳаи муқовимати... Читать дальше...

Раиси Кумитаи тафтишотии Русия Александр Бастрикин гуфт, ки таҳқиқи қазияи аз ҷониби як марди 29-солаи тоҷик  латукӯб шудани як пизишки русро баъди муоина кардани ҳамсари ҳиҷобпӯши ӯ  таҳти назорати худ гирифтааст. Матбуоти Русия менависад, марди тоҷик ба авбошӣ бо истифода аз зӯроварӣ муттаҳам мешавад. Додгоҳ  қарор кардааст, ки дар ҷараёни тафтишот Баҳриддин Азимов, ки зимнна  шаҳрвандии Русияро дорад, аз ҳаққи тарки ҷои зист, сӯҳбат бо шоҳидон ва аз истифодаи воситаи алоқаву Интернет маҳрум мешавад. Читать дальше...

Ҳафтаи ҷорӣ дар Тоҷикистон мавсими даъватӣ тирамоҳӣ барои хидмат дар артиш оғоз меёбад, ки нахустин бор бар асоси қонуни нави хидмати алтернативӣ сурат мегирад. Ин навбат онҳое, ки намехоҳанд, хидмат кунанд, бо пардохти 25 ҳазору 200 сомонӣ ва тамрини якмоҳаи саҳроӣ соҳиби билети ҳарбӣ хоҳанд шуд. Фаридун Маҳмадилизода, сухангӯи Вазорати дифои Тоҷикистон ба хабаргузории «Азия-Плюс» гуфтааст, маблағе, ки аз хидмати алтернативӣ ба даст меояд, барои нигаҳдорӣ, ғизо, либоси сарбозоне, ки ихтиёран ин навъи хидматро интихоб кардаанд, сарф мешавад. Читать дальше...

Мунтахаби Тоҷикистон дар нахустин бозиаш дар мусобиқаи интихобии Ҷоми Осиё-2022 байни тимҳои миллии футболи занона дар гурӯҳи «В» дастаи Молдивро бо ҳисоби 4:0 шикаст дод. Ин бозӣ рӯзи якшанбеи 26 сентябр дар Варзишгоҳи марказии Душанбе баргузор шуд. Лайло Ҳалимова ду гол, Некӯбахт Худододова ва Наталя Сотникова якголӣ ба самар расониданд. Дар бозии даври аввал дар гурӯҳи «В» мунтахаби Ветнам ба дарвозаи дастаи Молдив шонздаҳ голи беҷавоб зад. Юсуф Рабиев, сармураббии тими мунтахаби занонаи Тоҷикистон... Читать дальше...

Президенти Узбекистон Шавкат Мирзиёев гуфтааст, баъди  “музокироти мушкили” якунимсола бо президенти Тоҷикистон Эмомалӣ Раҳмон минаҳо дар марзи Тоҷикистону Узбекистон  безарар карда шудаанд. Президенти Узбекистон дар ин бора 24-уми сентябр дар мулоқоташ бо интихобкунандагон дар вилояти Самарқанд изҳори назар кардааст. Ин як ҳолати камназир аст, ки раҳбари Узбекистон дар бораи минакорӣ шудани марз бо Тоҷикистони ҳамсояаш дар оғози солҳои 2000-ум ошкоро сӯҳбат кунад. Мирзиёев номзадиашро ба интихоботи... Читать дальше...

Алимхон Есенгелдиев, сафири Қазоқистон дар Афғонистон, рӯзи 26-уми сентябр бо вазири корҳои хориҷии "Толибон", Амирхон Муттақӣ, дар Кобул мулоқот кардааст.

Ҳавошиносони тоҷик пешгӯӣ мекунанд, ки чанд рӯзи оянда дар саросари Тоҷикистон  ҳаво тағйирёбанда омехта бо бору чангбод мешавад ва дар бархе манотиқ туман мефарояд. Пешбинӣ шудааст, ки аз 27 то 29-уми сентябр  дар вилоятҳои Хатлону Суғд ва навоҳии тобеи марказ ҳаво чанголуд мешавад. Бинобар ин аз сокинон хоста мешавад, ки аз гаштугузори рӯзона, бахусус дар роҳҳои мошингузар худдорӣ кунанд, зеро ба саломатиашон зарар мерасонад. Инчунин ҳангоми иҷрои корҳои саҳроӣ, сохтмонӣ ва зимни сафар бояд эҳтиёт намоянд. Читать дальше...

Дар интихоботи рӯзи 26-уми сентябри Олмон SPD  ё Ҳизби сотсиал-демократ аз ҳизби ҳокими Ангела Меркел пеш гузашт. Бар асоси  натиҷаҳои пешакии интихоботи парлумонии Олмон, ки  27-уми сентябр нашр шуд,  ҳамакнун сотсиал-демократҳои ғолиб  ва ҳам иттиҳоди ҳизбҳои росту марказгарои зери назари Меркел (Иттиҳоди масеҳиёну демократҳои Олмон ва Иттиҳоди иҷтимоии масеҳиёни Бавария) иддао карданд, ки ҳақ доранд ҳукумати баъдиро ташкил кунанд. Тафовути миёни овозҳои бурдаи онҳо калон нест. То замони ташкил... Читать дальше...

Италия мегӯяд, ки ҳукумати Толибонро наметавон ба расмият шинохт, аммо ба афғонҳо бояд кӯмак кард. Хабаргузории "Ройтерз" ба нақл аз Луиджи Ди Майо , вазири корҳои хориҷии Италия гузориш дод, ки гуфтааст, ҳукумат ба раҳбарии Толибон дар Афғонистон ба расмият шинохта намешавад, аммо ӯ аз кишварҳои ҷаҳон хост, то аз буҳрони иқтисодӣ дар ин кишвар ҷилавгирӣ кунанд. Ба гуфтаи Луиджи Ди Майо, агар бо афғонҳо дар Афғонистон кӯмак сурат нагирад, ин боиси муҳоҷирати васеи ғайриқонунӣ хоҳад шуд. Вазири корҳои хориҷии Италия гуфтааст... Читать дальше...

Дар моҳҳои июн-июли соли 2021 кони тилои "Қумтор" барои Қирғизистон 90 млн доллар фоида овардааст. Дар ин бора Қамчибек Тошиев, раиси Кумитаи давлатии амнияти миллии Қирғизистон рӯзи 25-уми сентябр хабар дод. "Дар 21 сол мо аз "Қумтор" ҳамагӣ 84 млн доллар фоида гирифтем, аммо дар моҳҳои июн-июл ин даромад 90 млн долларро ташкил дод. Ана, дар куҷо ҳастанд пулҳои мо. Дороиҳои Қирғизистонро ғорат карданду дуздиданд. Мо фасодкории онҳоро ошкор кардем... Дар Қумтор ҳар моҳ 1,5-2 тона тило истихроҷ мешуд, ки тариқи ҳавопаймо ба хориҷ мебурданд. Читать дальше...