Новости за 14.09.2021

Дастаи “Истиқлол”-и Душанбе, қаҳрамони нӯҳкаратаи Тоҷикистон, дар бозии даври 1/8-ниҳоии Лигаи  қаҳрамонҳои AFC (Конфедератсияи футболи Осиё)-2021 аз тими “Персеполис”-и Эрон бо ҳисоби 0:1 мағлуб шуд ва аз ҳаққи иштирок дар чорякфинал маҳрум гашт.

Хонаводаи Марк Фрерикс, амрикоии нопадидшуда дар Афғонистон, аз ҳукумати Амрико хостаанд, ки Залмай Халилзод, намояндаи вижаи Иёлоти Муттаҳида барои сулҳи Афғонистонро барканор кунад.

Ислом Анварзода, муовини пешини додситон (прокурор)-и ноҳияи Фирдавсии Душанбе ва писари тоҷири шинохта Анвар Қурбонов, ки қаблан бо сабаби набуданаш дар кишвар парвандаи ҷиноӣ нисбат ба ӯ боздошта шуда буд, дар Душанбе "пайдо шудааст".

Мақомот дар Кӯлоб шифохонаи наве сохтаанд ва мехоҳанд, гирифторони бемориҳои равониро низ онҷо муолиҷа кунанд. Табибон мегӯянд, шифохонаи нав шароити муносиб барои нигаҳдории ингуна беморон надорад.

Баъд аз як моҳи ба қудрат омадани “Толибон”, раҳбарони кишварҳои узви Созмони Ҳамкорҳои Шонгҳой дар ҷаласае дар Душанбе вазъи Афғонистонро баррасӣ мекунанд. Ин нишаст ба фарқ аз ҷаласаҳои пешина, ба назар мерасад, барои тақрибан ҳама аъзои созмон чолишбарангез хоҳад буд.

Владимир Путин, раиси ҷумҳурии Русия ва ҳамтои суриягиаш Башор Асад дар Маскав роҷеъ ба ҳамкориҳои низомӣ алайҳи минтақаҳои таҳти ишғоли мухолифони ҳукумати Сурия гуфтугӯ кардаанд.

Ҷейми Флай, президенти Радиои Аврупои Озод/Радиои Озодӣ, рӯзи 14-уми сентябр бо Содир Ҷабборов (Содир Жапаров), раиси ҷумҳурии Қирғизистон, дар шаҳри Бишкек мулоқот кард.

Даҳҳо зану духтари афғонистонӣ рӯзи 14-уми сентябр дар бинои сафорати он кишвар дар Душанбе ҷамъ омада, алайҳи "Толибон" ва Покистон шиор доданд. Ҳарчанд мақомоти Покистон даст доштани худро дар дигаргуниҳои охир дар Афғонистон рад кардаанд, иддае ба он бовар надоранд.

Эътирози қазоқтаборон дар назди консулгарии Чин дар шаҳри Алмато бо талаби қатъи таъқиби наздиконашон дар минтақаи Шинҷон идома дорад. Пулиси Алмато шоми 13-уми сентябр аз эътирозгарон хост, хаймаҳои худро аз назди консулгарӣ барчинанд. Қазоқтаборони норозӣ беш аз ду ҳафта мешуд, ки шабро дар наздикии консулгарӣ мегузаронданд. "Кормандони пулис гуфтанд, ки сокинони маҳаллӣ аз насби хаймаҳо дар роҳ шикоят кардаанд. Дар натиҷа мо зери осмон шабро рӯз кардем. Шаб хеле сард буд. Дохили хайма каме гарм буд", - гуфт яке аз эътирозгарон. Читать дальше...

Сарфи назар аз он ки Узбекистон аз убури ғайриқонунии марзҳояш шадидан чораҷӯӣ мекунад, фирориёни Афғонистон тавассути Омударё ба Узбекистон мегузаранд. Як сокини ноҳияи Музрободи Узбекистон шаби 12 сентябр хабар дод, ки як гуруҳи фирориёни Афғонистон вориди ҳудуди Узбекистон шудаанд. "Шаби 12 сентябр, тақрибан соатҳои 2 шаб, дар ноҳияи Музробод як гуруҳи афғонҳо дида шуданд. Онҳо дари сокинонро куфта, нон пурсиданд. Ҳоло сарбозон дар кӯчаҳои ноҳия навбатдорӣ мекунанд ва хонаву таҳхонаҳоро мекобанд", - гуфт сокини ноҳияи Музробод. Читать дальше...

Шӯрои иҷроияи Кумитаи байналмилалии олимпӣ (КБО) дар бораи мутаваққиф кардани фаъолияти Кумитаи миллии олимпии Ҷумҳурии Мардумии Демократии Корея (ҶМДК) то охири соли 2022, бо сабаби иштирок накарданаш дар Бозиҳои олимпии Токио-2020, қарор қабул кард. Дар ин бора сомонаи Кумитаи миллии олимпии Тоҷикистон хабар медиҳад. Ба иттилои манбаъ, дар асоси ин қарор дар давраи боздоштани фаъолияти КМО чораҳои зерин амалӣ карда мешаванд: - Дастгирии молиявии Кумитаи байналмилалии олимпӣ, ки мебоист ба... Читать дальше...

Бозсозии Театри давлатии узбекии драмавӣ-мусиқии ба номи Бобури шаҳри Ӯши Қирғизистон 13-уми сентябр оғоз шудааст. Ба огаҳии шаҳрдори Ӯши Қирғизистон, комиссияи махсус бо раҳбарии муовини раиси шаҳр Ҷасур Азимов аз театри мазкур боздид карда, бо рафти корҳои бозсозӣ аз наздик шинос шудааст. Ин театр дар доираи созишномаи ҳосилшуда миёни Узбекистон ва Қирғизистон барои тақвияти робитаҳои иҷтимоӣ-иқтисодӣ бозсозӣ мешавад. Қарор аст, бозсозии театр ибтидои соли оянда ба поён бирасад. Барои бозсозии он 5 миллион доллар ҷудо шудааст. Читать дальше...

Владимир Путин, раиси ҷумҳурии Русия, ки бояд дар нишасти сарони кишварҳои СПАД ва СҲШ дар Душанбе иштирок мекард, гуфтааст, ба Тоҷикистон омада наметавонад.

Тоҷикистон ба суханони Ҷо Байден, раиси ҷумҳурии Амрико, норозигӣ кард.

Даҳҳо зану духтари афғонистонӣ рӯзи 14-уми сентябр дар бинои сафорати он кишвар дар Душанбе ҷамъ омада, алайҳи "Толибон" ва Покистон шиор доданд. Ҳарчанд мақомоти Покистон борҳо даст доштани худро дар ҷанги Афғонистон рад кардаанд, иддае ба он бовар надоранд.

Даҳҳо зану духтари афғонистонӣ дар бинои сафорати он кишвар дар Душанбе ҷамъ омада, алайҳи "Толибон" ва Покистон шиор доданд.

Пулиси вилояти Мангистауи Қазоқистон ҳашт нафарро бо гумони фурӯши гувоҳиномаи қалбакии ваксина, санаде, ки ба сокинон баъди эмшавӣ зидди коронавируси нав дода мешавад, дастгир кардааст. Муовини сардори пулиси Мангистау Олтинбек Калиев гуфт, ин 8 нафар мегӯянд, беш аз 150 гувоҳиномаи сохтаи ваксинаро фурӯхтаанд. Ба гуфтаи Калиев, санадҳои қалбакӣ дар бемористонҳои Жанаозен, Актау ва Мунайлӣ бар ивази то 50 ҳазор танга фурӯхта шудаанд. Дар сурати исботи гуноҳи табибон ва миёнаравҳояшон ба онҳо... Читать дальше...

Дар пайи ошкор шудани ҳолатҳои гирифторӣ ба коронавирус дар 120 мактаби вилояти Алматои Қазоқистон 2,5 ҳазор хонанда ба карантин гирифта шуданд. "Агар мубталошавии хонандае тасдиқ шавад, ҳамаи синфро ду ҳафта карантин мекунанд. Хонандагон баъди ду ҳафта дубора ба мактаб баргашта, дарсро шуруъ хоҳанд кард", - гуфт муовини раиси Алмато Ботирҷон Байжуманов. Ба гуфтаи ӯ, аз аввали соли хониш дар он вилоят ҷамъан 422 хонанда ва 47 омӯзгор ба коронавирус гирифтор шудааст. Ҳамчунин шумори умумии донишҷӯёне... Читать дальше...

Президенти Шӯрои олимпии Осиё (ОСА) Шайх Аҳмад Ал-Фаҳад Ал-Сабоҳ муваққатан аз вазифааш истеъфо дод. Дар ин бора сомонаи Кумитаи миллии олимпии Тоҷикистон хабар медиҳад. Ба иттилои манбаъ, дар ин бора ноиби фахрии президенти ОСА Раҷа Рандир Сингҳ бо пахши изҳорот дар сомонаи расмии ин созмон хабар додааст. "Пас аз ҳукми Суди Женева аз 10-уми сентябри соли 2021 дар мурофиаи Шайх Аҳмад Ал-Фаҳад Ал-Сабоҳ ӯ эълом дошт, ки муваққатан аз вазифаи президенти ОСА канор меравад ва дар ҷараёни шикоят дар судҳои Швейтсария номашро пок мекунад”... Читать дальше...