Новости за 09.09.2021

Бо вуҷуди тирандозиву шаллоқзанӣ, тазоҳуроти занони афғон ба зидди “Толибон” зиёд мешавад. Онҳо бо талаби ҳимояти ҳуқуқи хеш ба хиёбонҳо мерезанд ва аз ҷангҷӯёни “Толиб” ҳам наметарсанд.

Ҳоло Душанбе дар кадом роҳ аст? Мушкилҳоро чӣ гуна мешавад ҳал кард? Бархӯрди Тоҷикистон бо “Толибон” иваз хоҳад шуд ё не?

Радиои Озодӣ дар остонаи рӯзи истиқлоли Тоҷикистон бо таҳлилгар ва сиёсатшинос Парвиз Муллоҷонов суҳбат кард.

Санаи нуҳуми сентябр дар Тоҷикистон Рузи истиқлол таҷлил мешавад. Дар остонаи ин ҷашн хабарнигори Радиои Озодӣ аз ҷавонони пойтахт пурсид, ки “Дар моҳи сентябри дар Тоҷикистон кадом ид таҷлил мешавад”. Посухҳоро дар ин навор тамошо кунед.

Дар 20-умин солгарди қатли Аҳмадшоҳи Масъуд, яке аз фармондеҳони шинохтаи Афғонистон, ки соли 2001 аз дасти ду террорист кушта шуд, хабарнигори Радиои Озодӣ аз раҳгузарон дар Душанбе пурсид, ки дар бораи ӯ чӣ медонанд.

Хабарнигорони Бидуни Марз (RSF) аз ҳукумати Тоҷикистон хостааст, ки Ҳикматулло Сайфуллозода, рӯзноманигор ва узви зиндонии ҳизби дар кишвар мамнӯи наҳзати исломиро афв кунад.

Зани афғон аз тиру шаллоқи Толибон наметарсад.

Аҳмадшоҳ Масъуд ва писарашро дар Тоҷикистон эҳтиром мекунанд. Аз ин рӯ, номи Аҳмад ва Масъуд дар миёни тоҷикон маъруф будааст.

Баъд аз он ки ҷангҷӯёни "Толибон" роҳпаймоиҳои беиҷоза ва иштироки занонро дар бозиҳои варзишӣ манъ карданд, нигарониҳо аз тарзи рафтори ҳукумати нав дар Афғонистон бештар шудааст.

Имруз, 9-уми сентябр Тоҷикистон 30-юмин солгарди истиқлоли худро таҷлил мекунад. Тоҷикистон 9-уми сентябри соли 1991 истиқлолият ба даст овард ва ҳамагӣ чанд моҳ баъд дар гирдоби ҷанги дохилӣ уфтод. Тоҷикистон беш аз 70 сол як ҷумҳурии зери итоати Шӯравӣ буд. Мақомот имсол ҷашни истиқлолро дар муқоиса ба солҳои гузашта бошукуҳтар баргузор мекунанд. Дар остонаи ин ҷашн президент Эмомалӣ Раҳмон афви умумӣ эълон кард ва дар назар аст, ки 16 ҳазор нафар мавриди афв қарор бигиранд. Дар силсилаи чорабиниҳо ба ин муносибат... Читать дальше...

Гуруҳи "Толибон" занҳои Афғонистон, аз ҷумла аъзои тимҳои миллии он кишварро аз варзишкорӣ манъ кард.

Навзодеро дар Душанбе ба ифтихори қаҳрамони миллии Афғонистон Аҳмадшоҳи Масъуд ва писараш, Масъуд ном гузоштаанд. Аҳмадшоҳи Масъуд солҳо ба зидди Шӯравӣ ва гуруҳи “Толибон” дар Афғонистон ҷангида, 9-уми сентябри соли 2001 аз ҷониби афроди “Ал-Қоида” кушта шуд.

Навзодеро дар Душанбе ба ифтихори қаҳрамони миллии Афғонистон Аҳмадшоҳи Масъуд ва писараш, Масъуд ном гузоштаанд. Аҳмадшоҳи Масъуд солҳо ба зидди Шӯравӣ ва гуруҳи “Толибон” дар Афғонистон ҷангида, 9-уми сентябри соли 2001 аз ҷониби афроди “Ал-Қоида” кушта шуд.

Дар Узбекистон аз 6-уми сентябри имсол додани визаҳои электрониро ба хориҷиҳо бас кардаанд.

Нерӯҳои марзбонии Лаҳистон (Полша) 6 касро бо гумони кумак ба интиқоли ғайриқонунии паноҳҷуён дастгир карда, додситонӣ ба зидди онҳо парванда кушодааст.

Иёлоти Муттаҳидаи Амрико ва ҳампаймонҳояш дар Ғарб баъд аз эълони ҳукумати "Толибон" фишор болои онро афзоиш додаанд.

Дувумин мусобиқаи байналмилалӣ оид ба гуштини миллӣ рӯзи якшанбеи 12-уми сентябр дар шаҳри Душанбе бо иштироки паҳлавонон аз 13 кишвар - Беларус, Гурҷистон, Қазоқистон, Қирғизистон, Озарбойҷон, Русия, Тоҷикистон, Туркия, Украина, Узбекистон, Фаластин, Ҳиндустон ва Эрон - баргузор мешавад. Дар ин бора сомонаи Кумитаи миллии олимпии Тоҷикистон хабар медиҳад. Ба иттилои манбаъ, мусобиқа бо ибтикори Мақомоти иҷроияи ҳокимияти давлатии шаҳри Душанбе дар ҳамкорӣ бо Федератсияи гуштингирии ҷумҳурӣ ба... Читать дальше...

Дар аввалин Бозиҳои кишварҳои ИДМ (Иттиҳоди Давлатҳои Мустақил), ки дар шаҳри Қазони Тотористони Русия ҷараён дорад, варзишгарони тоҷик дар ҳафт рӯзи рақобатҳо 13 медал – 7 нуқра ва 6 биринҷӣ – гирифтаанд. Тоҷикистон дар байни 9 кишвари ширкаткунандаи бозиҳо мисли пешин дар ҷойи ҳафтум аст. Рӯзи 8-уми сентябр варзишгарони ҷавони тоҷик дар сабқати бокси тайландӣ ду медал ба даст оварданд. Бибинишастамо Холова дар вазни то 60 кило миёни занон бо медали нуқра ва Амонҷон Даминов дар вазни то 71 кило... Читать дальше...

Се ширкати хориҷӣ - бритониёӣ, туркӣ ва чинӣ - барои сохтани Пойгоҳи барқу гармидиҳӣ-2 дар шаҳри Бишкеки Қирғизистон изҳори омодагӣ кардаанд. Дар ин бора Таалайбек Иброев, вазири энержӣ ва саноати Қирғизистон хабар дод. Вазир гуфт, айни замон арзиши сохтмони пойгоҳи гармидиҳӣ дақиқ нест. Пештар аз ин дастгоҳи президенти Қирғизистон хабар дод буд, ки аз 2 то 5 соли оянда бунёди як пойгоҳи барқу гармидиҳии дигар дар Бишкек дар нақша аст. Тарҳи пойгоҳи барқу гармидиҳӣ ҳанӯз соли 1991 таҳия шуда буд.

Рӯзи 6-уми сентябр кормандони Кумитаи давлатии амнияти миллии Тоҷикистон Кубаничбек Акматов - сокини вилояти Бодканди Қирғизистонро боздошт карданд. Ба иттилои пешакӣ, Акматов дар минтақаи байнимарзӣ дар наздикии деҳаи Уч-Добои вилояти Бодканд боздошт шудааст. Вай аз куҳҳои Қирғизистон шираи камол ҷамъ оварда буд. Мақомоти Тоҷикистон Акматовро дар фурӯши шираи камол ба шаҳрвандони Тоҷикистон айбдор мекунанд. "Ҳангоми боздошт аз шаҳрванди Қирғизистон 100 кило шираи камол пайдо шудааст. Дар фурсатҳои... Читать дальше...

Шуруъ аз 6-уми сентябр дар Узбекистон додани визаҳои электронӣ ба хориҷиҳо қатъ шудааст. Дар ин бора аз вазорати корҳои хориҷаи Узбекистон иттилоъ доданд. Вазорат гуфт, қатъи визаҳои электронӣ ба "корҳои ислоҳӣ дар низоми e-visa.gov.uz марбут аст". Визаҳои электронӣ ба шаҳрвандони кишварҳои хориҷие дода мешуд, ки Узбекистон бо онҳо тартиби содаи равуоро барқарор кардааст. Ин гуна визаро шаҳрвандони хориҷие дастрас мекарданд, ки бо ҳадафҳои сайёҳӣ ва ба муҳлати то 30 рӯз вориди Узбекистон мешуданд.

Дар як назархоҳии Радиои Озодӣ, ки “киҳоро аз чеҳраҳои рамзии Истиқлолияти Тоҷикистон мешуморед?” корбарони шабакаҳои иҷтимоӣ шахсони зиёдеро ном гирифтанд.

Сафири Афғонистон дар Тоҷикистон гуфт, ки аз тақрибан ҳафтод намояндагии расмии Кобул дар кишварҳои ҷаҳон ва Созмони Милали Муттаҳид ҳанӯз ҳеч кадом ҳукумати “Толибон”-ро эътироф накардаанд. Гуруҳи “Толибон” 7-уми сентябр ҳайати ҳукумати муваққати худро расонаӣ намуд.

Сафири Афғонистон дар Тоҷикистон гуфт, ки аз тақрибан ҳафтод намояндагии расмии Кобул дар кишварҳои ҷаҳон ва Созмони Милали Муттаҳид ҳанӯз ҳеч кадом ҳукумати “Толибон”-ро эътироф накардаанд. Гуруҳи “Толибон” 7-уми сентябр ҳайати ҳукумати муваққати худро расонаӣ намуд.