Новости за 20.09.2021

Раҳим Азимов, зодаи Тоҷикистон, дар интихоботи порлумонии Русия, ки аз сӯйи мақомот таъриф, вале аз сӯйи мухолифин танқид шуд, аз рақибонаш ройи бештар гирифтааст.

Гуруҳе аз донишҷӯёни тоҷик бо умеди боз шудани роҳашон ба Қирғизистон рӯзи 20-уми сентябр дар назди сафорати ин кишвар дар Душанбе ҷамъ шуданд. Онҳо мегӯянд, аз як сӯ марз бастааст ва аз тарафи дигар аз рӯйи ихтисоси худ ба донишгоҳҳои Тоҷикистон роҳ наёфтаанд.

Бо оғози соли нави таҳсил дар Қирғизистон бисёре аз донишҷӯёни тоҷик аз идомаи дарс дар он кишвар маҳрум шудаанд. Гуруҳе аз онҳо бо умеди боз шудани роҳашон рӯзи 20-уми сентябр ба назди cафорати Қирғизистон дар Душанбе омаданд.

Тоҷикистон дар гузориши СММ оид ба Шохиси ҷаҳонии ташаббусҳо аз миёни 132 кишвар дар ҷои 103-юм қарор гирифтааст. Гузорише, ки пешрафтҳои илмиву иҷтимоӣ ва ҳам вазъи сиёсии кишварҳоро аз соли 2007 таҳқиқ мекунад, яке аз таҳқиқоти ҳарсолаи мутахассисони Созмони ҷаҳонии моликияти зеҳнӣ мебошад. Пажӯҳиши имсола бар асоси 81 нишондод, аз ҷумла, таъсири пандемияи COVID-19 ба паҳлӯҳои мухталифи ҷомеаҳо барпо шудааст. Пажӯҳишгарон, аз ҷумла, нишондодҳои мисли сармояи инсонӣ, зербунёдҳо, рушди тиҷорату соҳибкорӣ... Читать дальше...

Амрико дар доираи барномаи COVAX-и Созмони Ҷаҳонии Тандурустӣ ба Тоҷикистон зиёда аз 100 ҳазор воя ё доза ваксинаи Pfizer-BioNTech дод.

Дар Алмаато полис гуфт, ки ҳангоми аз як манзил дар ноҳияи Алатоу берун кардани оилае марде тир кушод ва панҷ нафарро кушта бар ҷой гузошт. Яке аз нафароне, ки бояд маҷбуран аз хонааш берун карда мешуд, марди 54-сола буда, эҳтимолан ӯ тир холӣ кардааст. Дар натиҷа, ду ходими полис, як судиҷрочӣ ва ду марди мулкӣ кушта шуданд. Полис гуфт, ки марди ҳамлагар боздошт шудааст ва вазъият таҳти назорат аст. Маълум нест, ки оё касе дар ин ҳодиса маҷруҳ шудааст ё на. Дар шабакаҳои иҷтимоӣ видеоҳое нашр мешавад... Читать дальше...

Кумитаи тафтишоти Русия бо пахши изҳороте гуфт, дар ҳамлаи рӯзи 20-уми сентябр шаш нафар кушта ва 28 кас захмӣ шуданд.

Пас аз тағйири ҳукумат дар Афғонистон, тамоми хароҷоти ягона мактаби афғонӣ дар Тоҷикистон бар дӯши хонаводаҳои мактабхонҳо афтодааст. Аксари хонандагони мактаб аз навоҳии атрофи Душанбе буда, дурии роҳ ва афзоиши хароҷот боиси нигаронии волидони онҳо шудааст.

Пас аз суқути ҳукумати Афғонистон ва ғасб шудани он аз сӯи Толибон тамоми хароҷоти молии ягона мактаби афғонӣ дар Тоҷикистон бар дӯши волидони мактабхонҳо афтодааст.

Дабири кулли СММ Анонио Гутерреш гуфт, ки “муборизаи идомаёбанда барои қудрат” дар миёни гурӯҳҳои рақиби аъзои «Толибон» вазъи Афғонистонро ба ҳам мезанад. Дар поёни моҳи августи соли ҷорӣ нирӯҳои байналмилалӣ Афғонистонро тарк карданд ва баъди 20 соли ҷангҳо гурӯҳи муҳофизакори исломии «Толибон» сари кор омад. Ҷомеаи ҷаҳонӣ то ҳол аз «Толибон» даъват дорад, ки ба ҳуқуқи инсон эҳтиром қоил шуда, кишварро ба “паноҳгоҳи террористон табдил надиҳад”. Гутерреш гуфт, андешаи ин ки гӯё бо вориди Афғонистон... Читать дальше...

Ҳамлаи мусаллаҳона ба донишгоҳи Перм 8 куштаву чанд захмӣ дар пай дошт.

Дар ҷазираи Канари Испания баъди оташ гирифтани вулқоне дар Ла Палма сокинони чор деҳаи атрофро аз наздикиҳои он берун бурданд. Вулқон рӯзи 19-уми сентябр ногаҳон бедор шуд ва мавҷи оташу дуд ба осмон ва аз он ҷо ба самти деҳаҳои атроф паҳн гардид. Мақомот дар навбати аввал гурӯҳи осебпазир ва ҷонварони фермаҳои маҳаллиро аз деҳоти атрофи вулқон наҷот доданд. Ҷазираҳои Канари дар 100-километрии соҳилҳои ғарбии қораи Африқо ҷойгир буда, макони вулқони Ла Палма дар канортарин ҷазираи шимолуғарб ҷойгир аст. Читать дальше...

Мақомоти Русия натиҷаи се рӯзи овоздиҳӣ дар интихоботи порлумонии ин кишварро, ки ба мушоҳидаи нозирони бетараф “бо тақаллубу қонуншиканиҳо гузашт”, эълон мекунанд. Бар асоси натиҷаҳои ибтидоӣ, пирӯзии ҳизби “Русияи воҳид”, ки аз ҷониби Кремлин пуштибонӣ мешавад, ин навбат ҳам таъмин шудааст.

Мусаллаҳи эҳтимолӣ, ки рӯзи 20-уми сентябр дар Донишгоҳи давлатии Перми Русия тирандозӣ карду чанд нафарро кушт, дастгир гардидааст. Кумитаи тафтишоти Русия гуфт, дар ҳамла ба донишгоҳ 8 нафар кушта ва чандин кас захмӣ шуданд.

Бо наздик омадани поёни муҳлати қонунӣ намудани буду боши шаҳрвандони хориҷӣ, дар назди марказҳои муҳоҷиратии Русия ин бор ҳам навбтапоиҳои тӯлониии муҳоҷирон шурӯъ шудааст. Корбарони Радиои Озодӣ бо фиристодани наворҳо аз манотиқи гуногун мегӯянд, барои гирифтани патент соатҳо интизорӣ мекашанд. Аз ҷумла дар наворе, ки ба Радиои Озодӣ аз шаҳри Қазон расидааст, анбӯҳи муҳоҷирон дида мешавад. Ҳарчанд аз моҳи июн то 30-юми сентябри имсол тибқи фармони президенти Руси Владимир Путин мақомот ҳақ надоранд... Читать дальше...

Сиёсатшинос Парвиз Муллоҷонов аз ҳукумати Тоҷикистон тақозо намуд, ки барои аз зиндон озод кардани  ду шаҳрванди маҳкумшудааш дар Қирғизистон даст ба кор шавад. Ҳафтаи гузашта додгоҳи Қирғизистон Абдурозиқ Абдуқаҳҳоров ва Аскар Юнусов, сокинони вилояти Суғдро дар робита ба муноқишаи марзии моҳи апрели имсол ба ҳабси абад маҳкум кард. Ин ду нафар ба ҷиноят бар зидди сулҳ ва ғоратгарӣ гунаҳгор дониста шуданд. Додгоҳ дар пушти дарҳои баста ҷараён гирифт ва шаффофияти он ва риоя шудани ҳуқуқи маҳкумшудаҳо зери суол аст. Читать дальше...

Рӯзи 20-уми сентябр шахси номаълум дар бинои Донишгоҳ давлати Перми Русия оташ кушод. Кумитаи тафтишоти Русия гуфт, ки дар ин тирандозӣ 5 нафар куштаву шаш нафар захмӣ гардиданд. Дар Телеграм-канал наворҳои видеоие паҳн мешавад, ки дар он дида мешавад одамон аз тирезаҳои донишгоҳ ба замин мепаранд, то ки наҷот ёбанд. Вазорати умури дохилӣ гуфт, ки ҳамлагари эҳтимолӣ боздошт шудааст. Вале Телеграм-канали «112» мегӯяд, ки ҳамлагар кушта шудааст. Baza менависад, ки ҳамлагар бар асари захми бардоштааш ҷон дод. Читать дальше...

Мусобиқаи қаҳрамонии бокси ҷаҳон миёни мардон аз 24-уми октябр то 6-уми ноябри имсол дар Белгради Сербия баргузор мешавад. Аввалин бор дар таърихи 75-солаи Ассотсиатсияи байналмилалии бокси ҳавскорӣ (AIBA) ба онҳое, ки медал мегиранд, ҷоизаи молӣ супурда хоҳад шуд. Дар ин бора  сомонаи AIBA хабар медиҳад. Ба иттилои манбаъ, бунёди ҷоизаҳои қаҳрамонии ҷаҳон байни мардон дар Белград ба маблағи 2,6 миллион доллари ИМА муқаррар шудааст. Барандагони медалҳои тилло дар ҳар вазн соҳиби ҷоизаи молӣ ба маблағи 100 000 доллар мешаванд. Читать дальше...

Амрико дар доираи барномаи COVAX-и Созмони Ҷаҳонии Тандурустӣ ба Тоҷикистон зиёда аз 100 ҳазор воя ё доза ваксинаи Pfizer дод, ки нигоҳ доштанаш дар муқоиса ба ваксинаҳои дигар мушкилтар аст. Ин навъи ваксина бо ҳашт яхдони махсус бори аввал субҳи 20-уми сентябр ба Тоҷикистон оварда шуд.

Украина имсол баръакси солҳои пеш сайёҳони зиёдеро аз Арабистони Саудӣ, Кувайт ва чанд кишвари арабии дигар мизбонӣ мекунад. Дар як ҳафта чанд ҳавопаймо аз Халиҷи Форс ба Украина меҳмон меорад ва дар меҳмонхонаҳои ин кишвар ҳоло ҷойнамозу китоби Қуръон ва қибланамо ҳам меёбед.

Гуруҳи тундрави "Давлати исломӣ" ё ДОИШ масъулияти ҳамлаҳои ду рӯзи гузашта дар шаҳри Ҷалолобод -- маркази вилояти Нангарҳор, воқеъ дар шарқи Афғонистонро ба ӯҳда гирифтааст.

Бо бозиҳои даври нуздаҳум марҳилаи сеюм ва ҳалкунандаи мусобиқаи қаҳрамонии футболи Тоҷикистон миёни дастаҳои лигаи олӣ шуруъ шуд. Довталабони медалҳои мусобиқа пирӯзӣ ба даст оварданд. «Истиқлол» дар Варзишгоҳи марказии Душанбе «Равшан»-и Кӯлобро бо ҳисоби 2:0 мағлуб кард. «Хуҷанд» ба дарвозаи дастаи меҳмон - «Душанбе» - 5 голи беҷавоб зад. «Истаравшан» дар майдони ба «Файзканд»-и Восеъ бо ҳисоби 1:0 ғолиб омад. ССКА дар меҳмонӣ «Эсхата»-и Хуҷандро бо ҳисоби 2:1 ноком кард. «Хатлон»-и Бохтар дар... Читать дальше...

Ҷоомарт Оторбоев, сарвазири пешини Қирғизистон дар доираи парвандаи фасодкорӣ ва дигар қонуншиканиҳои марбут ба кони тилои "Қумтор" боздошт шуд. Кумитаи давлатии амнияти миллии Қирғизистон рӯзи 16 сентябр хабар дод, ки Оторбоев боздошт карда ва дар 48 соати оянда додгоҳ ҳукми ҳабси пешакии ӯро содир хоҳад кард. Ҷоомарт Оторбоев ҳукумати Қирғизистонро аз моҳи марти 2014 то апрели соли 2015 роҳбарӣ карда буд. Дар чанд моҳи охир дар Қирғизистон чанд сарвазири пешин ва мансабдорони собиқ, инчунин... Читать дальше...

Арманистон ба мақмоти додгоҳии Созмони Милали Муттаҳид шикоят бурда, Озарбойҷонро дар поймолсозии ҳуқуқи шаҳрвандони Арманистон ва армантаборон, дар ҷараёни низои мусаллаҳонаи соли 2020 дар Қарабоғи Куҳӣ, айбдор кардааст. Бино ба изҳороти Додгоҳи байналхалқии СММ, ки рӯзи 16 сентябр нашр шуд, Арманистон мегӯяд, Озарбойҷон "нисбати арманиҳо табъйизи нажодӣ" раво дидааст. Арманистон мегӯяд, "арманиҳо аз табъйизи мудовим, куштори гуруҳӣ, шиканҷа ва дигар беҳуқуқиҳо ранҷ бурдаанд". Ба иттилои Арманистон... Читать дальше...

Як масъули Ҷабҳаи муқовимат бо "Толибон" ба расонаҳо гуфтааст, Аҳмад Масъуд, раҳбари ҷабҳа, дар дохили Афғонистон аст.