Новости за 10.09.2021

Бо вуҷуди бештар шудани парвози ҳавопаймоҳо миёни Тоҷикистону Русия, ба қавли сокинон, нархи билет тақрибан бетағйир мондааст. Чанде аз корафтодаҳо рӯзи 10 сентябр гуфтанд, ҳарчанд ба мисли пешина барои харидани билет ҷанҷолу навбат нест, нархи он ҳанӯз барои шахсони миёнҳол дастнорас мемонад.

Бино ба хабари "Ҳиндустон Таймз", нерӯҳои "Толибон" Рӯҳуллоҳ Солеҳ, бародари калонии Амруллоҳ Солеҳ, ноиби президенти барканоршудаи Афғонистонро куштаанд.

"Даргириҳои ҳозира дар Панҷшер идомаи занҷиравии қатли Аҳмадшоҳи Масъуд дар бист соли пеш аст." Ин ҷумла рӯзи 10-уми сентябр дар маҳфили ёдбуди қаҳрамони миллии Афғонистон, Аҳмадшоҳи Масъуд, дар сафорати ин кишвар дар шаҳри Душанбе садо дод.

Дар як видеое, ки дар шабакаҳои иҷтимоӣ васеъ паҳн шудааст, дида мешавад, ки ҷангҷӯёни Толиб аз тарси тазоҳургарон дар Кобул ақибнишинӣ мекунанд. Касе, ки видеоро дар нахуст дар Интернет гузоштааст, навиштааст, тазоҳурот рӯзи 8-уми сентябр сурат гирифт ва рӯзе, ки Толибон эътирозҳоро манъ карданд.

Нархи гарони таҳияи гузориш дар давраи ҳукми Толибон.

Маросими ёдбуди 20-умин солгарди куштори Аҳмадшоҳ Масъуд дар Душанбе.

Нархи равуои ҳавоӣ ба Русия поин рафт, вале ҳанӯз ҳам арзон нашудааст

Орозойим Норматова, фаъоли иҷтимоӣ ва узви ҳизби "Бутун Қирғизистон" ба "Даъвати оммавӣ ба ғасби ҳукумат" гумонбар мешавад. Дар ин бора вакили мудофеи вай Сайидбек Давлатов иттилоъ дод. "Ман телефонӣ бо Норматова суҳбат кардам. Мақомоти тафтишотии шаҳри Уш гуфтанд, дастур аз шаҳри Бишкек содир шудааст. Додгоҳи ноҳияи Якуми майи шаҳри Бишкек иҷозаи пурсуҷӯи Орозойимро додааст", - гуфт вакили мудофеъ рӯзи 10-уми сентябри 2021. Расонаҳо навиштанд, ки Орозойим Норматова субҳи 10-уми сентябр дар фурдугоҳи шаҳри Уши Қирғизистон дастгир шуд. Читать дальше...

Туркманистон баъди чаҳор соли мамониат дар оғози моҳи сентябр ба гузаштани вагонҳои борбари Тоҷикистон аз қаламрави ин кишвар иҷоза дода, аммо ҳанӯз роҳро ба рӯйи мошинҳо накушодааст.

Дар Фаронса дар ҳалқаи оила маросими хоксупории Жан-Пол Белмондо, ҳунарпешаи маъруфи синамои фаронсавӣ барпо мешавад, ки ҳафтаи ҷорӣ дар синни 88-солагӣ даргузашт. Рӯзе пеш аз ин дар Париж ҳазорҳо мухлисонаш барои худоҳофизӣ бо ҳунарпешаи маҳуб рафта буданд. Ҷасади Белмондоро ба парчами миллии Фаронса печонида, ба осорхонаи “Ле инвалидес” интиқол доданд. Дар ин осорхона Наполеон хоксупорӣ шудааст ва акнун маросими хайрбод бо ҳунарпешаи қарни 20-21 ҳам дар ин ҷо барпо гардид. Президенти Фаронса Эмануэл Макрон дар ин маросим гуфт... Читать дальше...

Дабири кулли СММ Антонио Гутерреш  аз ҷомеаи байналмилалӣ тақозо кард, ки муколама бо ҳукумати “Толибон” дар Афғонистонро идома бидинад, то ки аз “шикасти иқтисодӣ” дар ин кишвари ҷангзада пешгирӣ шавад. Сӯҳбати Гутерреш бо Франс-Пресс рӯзи 10-уми сентябр нашр шуд. Бо сари кор омадани “Толибон” дар Афғонистон ва эҳсоси нигарониву тарси бисёриҳо аз шеваи сахту бераҳмонаи ҳукуматдории ин гурӯҳи тундрави исломӣ, хатари афзоиши тақозо барои тарки Афғонистон кардани мардум ҳам зиёд мешавад. Дар гузоришҳо... Читать дальше...

Рӯзи 10 сентябр ба Тоҷикистон аз роҳи барномаи COVAX-и Созмони ҷаҳонии тандурустии СММ бастаҳои нави воксинаҳои зидди COVID-19 ворид шуд. Дар изҳороти хабарии UNICEF ва Вазорати тандурустии Тоҷикистон гуфта мешавад, ки 100 ҳазору 800 воя  ваксинаи зидди COVID-19-ро  ҳукумати Олмон  тақдим кардааст ва  имрӯз ин воксинаҳо ба Тоҷикистон оварда шуданд. Ин воксинаҳои навъи AstraZeneca  мебошанд, ки  сохти донишмандони Бритониё ва Шведсия буда, барои ду дафъа эмкунӣ пешбинӣ шудааст. Ролф Траут, муовини сафири Олмон дар Тоҷикистон... Читать дальше...

Баъди камтар аз даҳ рӯзи хатми амалиёти берункашии нирӯҳои хориҷӣ аз Афғонистон бо сабаби сари кор омадани “Толибон” ва манъи парвозҳои хориҷӣ, рӯзи 9 сентябр нахустин ҳавопаймои тиҷоратӣ аз Кобул ба Давҳа парвоз кард. ИМА гуфт, ки аз Кобул парвоз кардани тахминан 100 мусофир бо ёрии “Толибон” имконпазир шуд. Ин намунаи дигари равобити ноҳамвори миёни мақомдорони нави Кобул ва ИМА мебошад. Кохи Сафед дар изҳороте ин ҳодисаро “қадами мусбат” номид, чун “Толибон” ба шаҳрвандони Афғонистон, ки иҷозаи  сафар доранд ва хориҷиҳо имкон доданд... Читать дальше...

Ҳавопаймои вазорати мудофиаи Қазоқистон ҳомили мусофирон аз Афғонистон шоми 9 сентябр дар фурудгоҳи Алмаато фуруд омад. Ҳавопаймо 41 мусофир дошт, ки аз ин шумор 35 нафарашон қазоқтаборони Афғонистон буданд. Онҳо ба ватани таърихии худ кӯч бастаанд. Мусофирони дигар - чаҳор тан шаҳрвандони Қазоқистон, як афғони муқими Қазоқистон ва як тан шаҳрванди Қирғизистон будаанд. Гуфта мешавад, дар Афғонистони таҳти идораи "Толибон" садҳо қазоқтабори дигар боқӣ мондааст, ки хоҳиши кӯч бастан ба Қазоқистонро доранд.

Рӯзи 9-уми сентябр дар чандин манотиқи Афғонистон намоишҳои эътирозии зидди «Толибон» идома кард. «Толибон» рӯзи 7-уми сентябр аъзои ҳукумати нави худро эълон карданд, ки аксаран аз собиқадорони ин гурӯҳи тундрав иборат буда,  гуфтанд, ки исми ин давлат «Аморати  исломӣ» мешавад. Баъди ду даҳсола баргашти низоми усулгарову муҳофизакори исломӣ дар Афғонистон, ки бо шеваи бисёр сахту бераҳме раҳбарӣ кардааст, бисёриҳоро дар ин кишвар нороҳат мекунад. «Толибон» дар рӯзи аввали кори худ ташкили таҷаммӯъҳову намоишҳои эътирозиро бо... Читать дальше...

Президент Ҷо Байден бо ҳамтои чиниаш Си Ҷинпин баъди ҳафт моҳи танаффус телефонӣ сӯҳбат кард ва дар ин гуфтугӯ, ба қавли Кохи Сафед, “масоили васеи стратегӣ” ва “ҷавобгӯи манфиатҳо”-ро баррасӣ гардид. Аз моҳи январи имсол ин танҳо бори дуюм аст, ки ду раҳбар бо ҳам телефонӣ сӯҳбат мекунанд. Робитаҳои байни ду кишвар бо сабаби масоил дар бахши тиҷорат, амнияти интернетӣ ва ҳуқуқи башар давоми солҳои зиёд пуртаниш боқӣ мемонад. ИМА Чинро барои поймолкунии ҳуқуқи мусалмонони Шинҷон, пинҳон кардани табиати пайдоиши коронавирус... Читать дальше...

Бо чаппа шудани кӯҳпорае дар кони "Тиллои тоҷик" дар ноҳияи Ховалинги вилояти Хатлон ду кас ҷон бохтаанд. Ҳодиса 29-уми августи имсол рӯй дода, тафсилоташ 10-уми сентябр дастрас шуд. Мақомот ба таври расмӣ дар ин бора хабар надоданд.

Президенти ИМА Ҷо Байден аз шурӯи як маъракаи сартосарии ҳатмии эмкунӣ хабар дод, ки ба бовари мунаққидонаш дар асл намунаи берун рафтан аз салоҳиятҳои корӣ мебошад. Байден, ки рӯзи 9-уми сентябр аз Кохи Сафед сӯҳбат мекард, тахминан 80 миллион шаҳрванди Амрикоро ба боди танқид кашид, ки ба гурӯҳи афроди эмнашуда дохил мешаванд. Ӯ гуфт: “Мо сабр кардем, вале сабри мо ҳам поён меёбад, худдории шумо аз эмшавӣ ба мо гарон меафтад”. Ӯ ишора кард, ки аксар афроде, ки бемории сангин мешаванд, аз миёни эмнашудаҳо мебошанд. Читать дальше...

Як фиристодаи СММ ҳушдор дод, ки маҳрум кардани Афғонистон аз маблағҳо бо ин ҳадаф, ки ба дасти Толибон нарасанд, ин кишвар ва иқтисодашро бо шикаст рӯбарӯ мекунад. Дебора Лайонс, фиристодаи СММ дар умури Афғонистон  дар ҷаласаи Шӯрои амният рӯзи 9-уми сентябр гуфт, ки ба гурӯҳи муҳофизакори Толибон бояд шанс дода шавад, чун ин гурӯҳ дар самти дасткашӣ аз  муқовимат ва ҳаракат ба самти мудирияти кишвар аст. Лайонс дар ҳузури 15 узви Шӯрои амнияти СММ  гуфт, “як роҳҳали муваққатӣ ва зуд бояд ёфт,... Читать дальше...

Наздикони Отаҷон Дадобоев, сокини 53-солаи шаҳри Хуҷанд, даъво доранд, ки кормандони пулис сардори хонаводаро боздошт карда, баъд аз понздаҳ соат ҷасадашро ба онҳо додаанд. Мақомот сабаби марги Дадобоевро "бемории қалб" гуфтаанд, аммо наздиконаш мегӯянд, ӯ бемории дил надошт.

Дар аввалин Бозиҳои кишварҳои ИДМ (Иттиҳоди Давлатҳои Мустақил), ки дар шаҳри Қазони Тотористони Русия ҷараён дорад, варзишгарони тоҷик дар ҳашт рӯзи рақобатҳо 14 медал – 7 нуқра ва 7 биринҷӣ – гирифтаанд. Тоҷикистон дар байни 9 кишвари ширкаткунандаи бозиҳо мисли пешин дар ҷойи ҳафтум аст. Рӯзи 9-уми сентябр варзишгарони ҷавони тоҷик Аминҷон Мавлонов ва Ҷамшед Ҳасанов дар сабқати тенниси рӯи миз дар рақобатҳои ҷуфти мардона медали биринҷӣ ба даст оварданд. Ёдовар мешавем, қаблан дар сабқати... Читать дальше...

Наздикони Отаҷон Дадобоев бовар надоранд, ки ӯ дар боздошт аз беморӣ фавтидааст.

Шавкат Мирзиёев, президенти кунунии Узбекистон рӯзи 9-уми сентябр дар Анҷумани 10-уми Ҳаракати соҳибкорон ва тоҷирон - Ҳизби либерал-демократии Узбекистон ширкат кард. Дар анҷуман мансъалаи пешбарии номзад дар интихоботи президентии рӯзи 24-уми октябри соли ҷорӣ баррасӣ шуд. Дар анҷуман тасмим гирифтанд, ки Шавкат Мирзиёев аз Ҳизби либерал-демократӣ номзад ба мақоми президенти Узбекистон шавад. Мирзиёев самтҳои асосии барномаи интихоботии худро шарҳ дод. То ин замон чаҳор номзади дигар аз... Читать дальше...

Рӯзномаи "Иттилоот" дар Афғонистон мегӯяд, ду хабарнигораш аз сӯи Толибон ба шиддат латукӯб шудаанд. Закӣ Дарёӣ, мудири масъули рӯзномаи "Иттилооти рӯз" гуфт, ки ин хабарнигорон рӯзи чоршанбе ҳангоми пушиши хабарии тазоҳуроти занон дар шаҳри Кобул аз сӯи Толибон боздошт ва мавриди латукуб қарор гирифтанд. Ба гуфтаи Закӣ Дарёӣ, ҳамкоронашон баъд аз 4 соат озод шуданд ва вақте ба ҷойи кор расиданд, мутаассифона ҳатто ба осонӣ роҳ рафта наметавонистанд ва дар аксари қисматҳои баданашон осори шиканҷа ва латукуб дида мешуд. Читать дальше...

Дар вилояти Туркистони Қазоқистон кормандони раёсати маориф дар дуздии 36 миллион танга ва ё наздики 84 ҳазор долларе гумонбар мешаванд, ки барои ғизои хонандагони мактаб ҷудо шуда буд. Дар ин бора мақомоти зидди фасоди Қазоқистон рӯзи 9 сентябр хабар доданд. Ба иттилои расмӣ, се корманди раёсати вилоятии маориф бо гумони "фасодкорӣ" боздошт шудаанд. Тафтишот мегӯяд, 36 миллион танга барои ғизои хонандагони синфҳои болоӣ ва донишҷӯёне ҷудо шуда буд, ки барои чорабиниҳои варзишии сатҳи ҷумҳурӣ омода мешуданд. Читать дальше...