Татарстанда ковид йоктыручылар саны кимегән — тәүлегенә 733 кеше
(Казан, 9 март, «Татар-информ»). Узган тәүлектә Татарстанда коронавирус инфекциясе йоктыруның 733 яңа очрагы ачыкланган. 85 пациент хастаханәдә дәвалана. Авыручылар арасында 135 бала да бар. Татарстанның 40 районында яңа пациентлар теркәлгән. Антирейтингта Казан лидер булып тора, анда - 229 кеше. Чаллыда - 94, Әлмәт районында 42 кеше ковид йоктырган. Бу турыда Татарстан Сәламәтлек саклау министрлыгының матбугат хезмәте хәбәр итә. Шулай итеп, республикада 2 472 649 кеше вакцинаның беренче компонентын ясаткан, 1 925 721 кеше икенче прививканы да алган. Татарстанда яшәүче 258 551 кеше ревакцинация узган.