Мурашко Россия халкына март һәм апрельдә ревакцинация ясатырга киңәш итә
(Казан, 16 март, «Татар-информ»). Март һәм апрель айлары илдә эпидемиологик хәлнең алга таба ничек үзгәрәчәген билгеләүче төп айлар булачак. Россия Сәламәтлек саклау министрлыгы башлыгы Михаил Мурашко шул хакта хәбәр итеп, россиялеләрне бу айларда ковидка каршы ревакцинация ясатырга чакырды. «Март һәм апрель алга таба эпидемиологик хәлнең ничек булачагын билгеләү өчен төп айлар булып кала, һәм иң яхшысы — бу вакытны ревакцияләү өчен куллану», — дип ассызыклады министр. Моңа кадәр Татарстанда кайбер категория кешеләр өчен коронавируска каршы мәҗбүри вакцинациянең гамәлдән чыгарылуы турында хәбәр ителгән иде.