Новости за 02.05.2022

Президенттин Баткен облусундагы ыйгарым укуктуу өкүлчүлүгүнөн кабарлагандай, 9-май Жеңиш күнүнө карата көк бөрү боюнча республикалык мелдеш быйыл Баткенде өтүүдө. Мелдеш бүгүн, 2-майда Баткен облусунун Халмион айыл аймагындагы ат майданда башталды. Жыйынтыктоочу оюн 9-майда болот. Мелдешке өлкө боюнча отуздан ашык команда катышууда. Майрамды утурлай улуттук оюндардын 5 түрү боюнча мелдештер жана Салбуурун оюндары да уюштурулат. Жалпы байге фонду үч жарым миллион сом деп айтылды. Жеңиштин 77 жылдыгына... Читать дальше...

Президент Садыр Жапаров Орозо айт майрамына карата элге жолдогон куттуктоосунда "кыргыз маданияты менен ислам динин карама-каршы коюуга аракет кылган сабатсыздардын жетегинде калбоого" чакырды. “Коомчулукта ислам маданияты менен кылым карыткан кыргыз маданиятынын ортосундагы байланыш тууралуу талкуу жүрүп калат. Эки маданиятты карама-каршы коюуга далалат кылган чагымчылар жана диний сабаты төмөн түркөйлөрдүн жетегине жетеленбөө керектигин белгилеп кетейин. Себеби, биздин ата-бабаларыбыздан калган макалдардын... Читать дальше...

Армян полициянын соңку маалыматына ылайык, 2-майда Еревандын борбордук көчөлөрүн жабууга аракет кылган 244 адам кармалды. Бул тууралуу “Азаттыктын” армян кызматы жазды. Кармалгандардын айрымдары бир нече саат сурактан кийин бошотулуп жатканы кабарланды. Алардын айрымдарына 50 миң драм (110 доллар) айып пул салынган. Акцияны уюштургандардын бири, парламенттеги оппозициялык “Айастан” фракциясынын мүчөсү Ашот Симонян кармалып турат. Анын кесиптештери муну айыптап, депутаттын кол тийбестиги бар экенин айтышууда. Читать дальше...

Бүгүн, 2-майда Бишкектин Биринчи май райондук сотунда Борбордук шайлоо комиссиясынын (БШК) мурдагы төрагасы, саясатчы Туйгунаалы Абдраимовдун баш коргоо чарасы каралып, 30-июнга чейин Улуттук коопсуздук боюнча мамлекеттик комитетинин (УКМК) тергөө абагына камалды. Бул тууралуу анын адвокаты Таалайгүл Токтакунова билдирди. “30-июнга чейин абакта калтыруу чечими чыкты. Биз жогорку инстанцияга даттанабыз. Бул айыптоодо "Кызмат абалын кыянаттык менен пайдалануу" деп айтылды. Борбордук шайлоо комиссиясынын... Читать дальше...

“Бийлик сырлары” берүүсүнүн бул чыгарылышы Жогорку Кеңештин мурдагы вице-спикери Бөдөш Мамырова менен болду. Ал “Ар-намыс” партиясына кантип мүчө болгонун, ошол кездеги президент Курманбек Бакиевди “Ынтымак” курултайында сындаганы, “Бакиев-Кулов тандеминин” кулашы, шоопур Илмияновдун саясаттагы таасири жана башка маселелер жөнүндө маек курду. - Бөдөш айым, 2010-жылы мартта бийлик уюштурган “Ынтымак” курултайына өз киши деп “Ар-намыс” партиясынан делегат болуп шайланганыңызга карабай, Бакиевди сындап чыктыңыз эле. Читать дальше...

"Бийлик сырлары" берүүсүнүн бул жолку коногу Жогорку Кеңештин мурдагы вице-спикери Бөдөш Мамырова.

Ирандын мугалимдер майрамы – 1-май күнү өлкөнүн он чакты шаарында мугалимдердин нааразылык акциясы өттү. 30-апрелде Ирандын мугалимдеринин координациялык кеңеши бийлик Тегерандагы кесиптик кошуундун төрт активистин камакка алганын жарыялаган. Мариван шаарында дагы үч активист кармалып, башка шаарлардагы активисттер суракка чакырылганы кабарланган. Буга нааразы болгон Тегеран, Шираз, Арак, Керманшах, Санендеж жана башка шаарлардагы мугалимдер кармалгандарды бошотууну талап кылышты. Алар ошондой... Читать дальше...

Ирактын Курдистан автономдук районунун борбору Эрбил шаарындагы мунайды кайра иштетүүчү заводуна 1-майда алты ракета түштү. Бул тууралуу Күрдистандын антитеррордук органдары кабарлады. Ракеталар Ирактын башка провинциясы - Ниневия тараптан атылган. KAR мунай компаниясына таандык заводдордун бир ыптасы өрттөндү, имараттар олуттуу жабыр тарткан эмес. Курмандыктар жөнүндө да маалымат айтылган жок. Ракеталар заводдун жанына тийгени такталды. Эрбилдеги мунайды кайра иштетүүчү заводдорго 6-апрелде да үч ракета тийген. Читать дальше...

Ошто таттуу токочтон 30дан ашуун адам ууланды. Бул сан дагы өсүшү мүмкүндүгүн Ош облустук санэпидкөзөмөл борборунун адистери "Азаттыкка" билдиришти. Уулангандардын 18и чоң кишилер, калганы балдар. Алардын үчөө оор абалда ооруканада жатат. Окуя 1-майда катталган. Мекеменин баштапкы маалыматына ылайык, жабыркагандар "Сахобат" деп аталган кондитердик цехте жасалган таттуу токочтон ууланган. Адистер аталган ишкананын азыктарын текшерип, ушундай тыянак чыгарышкан. Кара-Суу районунда жайгашкан аталган цех текшерилип... Читать дальше...

2-майда Армениянын борбору Еревандын ар кайсы райондорунда Тоолуу Карабакка байланыштуу нааразылык акциясына чыккан кеминде 125 адам кармалды. Бул тууралуу “Азаттыктын” армян кызматы Полициянын маалымат борборуна таянуу менен жазды. 1-майда Еревандын борбордук аянтына миңдеген адам чогулуп, өкмөттүн кызматтан кетишин талап кылган. Алар акцияны түнү менен улантарын жарыялашкан. Оппозиция 2-майдан тартып, “баш ийбөө” акциялары башталарын жар салган. Учурда Еревандын борбордук бөлүгүндөгү ондогон көчөлөр жабылды. Читать дальше...

3-майда түнкүсүн Талас, Баткен облустарынын кээ бир райондорунда, Жалал-Абад облусунун тоолуу жерлеринде жамгыр жаап, күн күркүрөйт, бийик тоолуу райондорунда кар жаайт.  Күндүз Талас облусунун көпчүлүк аймактарында, Чүй, Баткен облустарынын кээ бир райондорунда, Ош, Жалал-Абад облустарынын тоо этектеринде жана тоолорунда жаан-чачын болот.  Түштүк-чыгыш тараптан жел согуп турат. Абанын температурасы: Чүй өрөөнүндө түнкүсүн 12...17, күндүз 22...27, Талас жергесинде түнкүсүн 11...16, күндүз 21...26... Читать дальше...

Тажикстандын президенти Эмомали Рахмон Кыргызстандын президенти Садыр Жапаровго Орозо айтка байланыштуу жолдогон куттуктоосунда эки элдин ортосунда "пайдалуу кызматташтык мамилелерди чыңдоого, биргелешкен жаратмандык өнүгөрүнө ишенерин" айтты. Рахмондун куттуктоосу кыргыз президентинин сайтына жарыяланды.  2-майда дүйнө мусулмандары Орозо айт майрамын белгилешүүдө. Бул күнгө байланыштуу бир катар мамлекеттерден Садыр Жапаровдун атына бир катар мамлекеттердин башчылары куттуктоолорду жөнөтүштү.... Читать дальше...

Милиция Чүй облусунда сегиз тоннадан ашык сүттү дарыяга төккөн кишинин тек-жайын тактады. Облустук ички иштер башкармалыгынын басма сөз кызматы ал Сокулук районунун 30 жаштагы тургуну экенин билдирди. Баштапкы маалыматтарга ылайык, сүт ташуучу унаанын айдоочусу 30-апрелде Жаңы-Жер жана Жогорку Чүй айылдарынан чогултулган сүттү тийиштүү талаптарга жооп бербегендиктен сүт алуучу ишканага тапшыра алган эмес. 1-майда сүттү дарыяга төгүп, аны видеого тартып кардарларга жөнөткөн. Милиция сүт кабыл алуучу ишканалар менен сүйлөшүү жүргүзүлгөнүн... Читать дальше...

Эки жылдык чектөөдөн кийин Бишкектеги эски аянтта Айт намазы окулду.

Эки жылдык чектөөдөн кийин Бишкектеги эски аянтта Айт намазы окулду. Кыргызстан мусулмандар дин башкармалыгынын басма сөз кызматынын эсебинде 2-май күнкү майрамдык намазга болжол менен элүү миңдей киши чогулду.

Бишкек мэриясы Улуу Ата Мекендик согуштагы жеңиштин 77 жылдыгын майрамдоого карата пландалган иш-чаралар тууралуу маалымдады. Расмий кабарга ылайык, 4-майда Дайыр Асанов атындагы сейил багында митинг-реквием, ардагерлерге арналган концерт болот. 5-майда “Жеңиш ырлары” автожүрүшү өтөт. 9-майда түштө майрамдык концерт, Жеңиш аянтында түрдүү иш-чаралар болот. Ушул эле күнү салтка айланган “Өлбөс полк” жүрүшү уюштурулат. Буга чейин президент Садыр Жапаров Кыргызстанда согушка катышкандардын перзенттери... Читать дальше...

Өзбекстандын Коргоо министрлиги "Спутник" агенттигинин "Өзбекстандын учкучсуз аппараты Ооганстандын аба мейкиндигин бузганы" тууралуу маалыматын четке какты. "Өзбекстандын Аскер-аба күчтөрү кошуна мамлекеттердин аба мейкиндигин бузган жок. Коргоо министрлигинин учкучсуз, истребителдик жана чабуулчу учактары так белгиленген тартипте күжүрмөн нөөмөттө турушат", — деп айтылат 1-май күнкү расмий билдирүүдө. "Спутниктин" ооган кызматы өзбек армиясынын "Байрактар" үлгүсүндөгү учкучсуз аппараттары... Читать дальше...

Президент Садыр Жапаров Орозо айт майрамына байланыштуу куттуктоосунда элди ынтымакка жана сабырдуулукка чакырып, Ислам дини кошуна-колоңдор менен дос болууга үндөй турганын эске салды. Мамлекет башчысы куттуктоосун 2-майда Фейсбуктагы баракчасына жарыялады. Жапаров ислам маданияты менен кылым карыткан кыргыз маданиятынын ортосундагы байланыш тууралуу коомдо талкуу жүрүп жатканын белгилеп, эки маданиятты карама-каршы коюуга далалат кылган чагымчылардын жана диний сабаты төмөн түркөйлөрдүн жетегине жетеленбөө керектигин белгиледи. Читать дальше...

Эки жылдык чектөөдөн кийин Бишкектеги эски аянтта Айт намазы окулду. Кыргызстан мусулмандар дин башкармалыгынын басма сөз кызматынын эсебинде 2-май күнкү майрамдык намазга болжол менен элүү миңдей киши чогулду. Президент Садыр Жапаров баштаган аткаминерлер да майрамдык жөрөлгөгө катышышты. Коомдук коопсуздукка милиция кызматкерлери көз салып турушту.  Мурдагы өкмөт үйүнүн, азыркы президенттик админстрациянын алдындагы эски аянтта 2020-жылга чейин Орозо айт жана Курман айт намаздары миңдеген кишинин катышуусунда окулуп келген. Читать дальше...

Кыргыз коомундагы эркектерге карата болгон басым, дискриминация жана стереотиптерди талкуулайбыз. "Эже-сиңдилер" программасындагы бул талкуунун аудиосун "Ачык Time" подкаст аянтчасында сунуш кылабыз.

1-майда Армениянын борбору Ереванда өлкөдөгү оппозиция уюштурган митинг өттү. Бул тууралуу “Азаттыктын” армян кызматы кабарлап, миңдеген адамдар өкмөттүн кызматтан кетишин талап кылганын жазды. Эки апта мурда Армениянын премьер-министри Никол Пашинян “эл аралык коомчулук армян тараптан Тоолуу Карабактын макамы боюнча талаптарын төмөндөтүүнү күтүп жатканын” айткандан кийин акциялар башталган. Оппозиция муну армян өкмөтүнүн Тоолуу Карабак боюнча Азербайжандын шарттарына көндү деп баалап жатат. Парламенттеги "Айастан" фракциясынын өкүлү... Читать дальше...