Новости за 16.05.2022

Саламаттык сактоо министри Алымкадыр Бейшеналиевдин иш-аракеттери кайрадан күндүн темасына айланды. Министрдин азыркы жана мурдагы орун басарлары 16-майда маалымат жыйын өткөрүп, өлкө бийлигине кайрылуу жасап, аны кызматтан алууну өтүндү. Алар министрликтин борбордук аппаратында моралдык абал оорлошуп кеткенин белгилешип, буга Бейшеналиевди күнөөлөштү. Мунун алдында учурда чет өлкөдө жүргөн министр эки жолу Улуттук коопсуздук боюнча мамлекеттик комитеттин сурагында болгонун билдирген. Ал орун басарларынын билдирүүлөрүн четке какты. Читать дальше...

Тажикстандын Тоолуу Бадахшан автоном облусунун борбору Хорог шаарында 16-майдагы нааразылык акциясында бир кишинин өмүрү кыйылганы белгилүү болду. Бул маалыматты "Азаттыктын" тажик кызматына ("Озоди" радиосу) кеминде төрт булак ырастады. Маалыматка ылайык, Гулакен конушунунун 1992-жылы туулган тургуну Замир Назаршоев милиция менен кагылышууда каза тапкан. Тажик бийлиги Хорогдогу дүйшөмбүдө болгон окуялар тууралуу расмий маалымат бере элек. Буга чейин "Озоди" радиосунун булактары Хорог шаарында... Читать дальше...

16-майда Армениянын баш калаасы Ереванда автоунаа жүрүшүнө катышкан кеминде 91 киши кармалды. Армян полициясы айдоочулардын көбү "Раздан" спорт стадионунун айланасына чогулганын билдирип, аларды "жол тыгындарын жаратуудан оолак болууга" чакырды. Буга чейин армян оппозициясы өкмөткө каршы нааразылык акцияларын 17-майда жанданта турганын жарыялаган. Арменияда мындай нааразылык акциялары 17-апрелден бери утур-утур өткөрүлүп келет. Армян оппозициясы премьер-министр Никол Пашиняндын өкмөтүн Тоолуу... Читать дальше...

Тажикстандын Тоолуу Бадахшан автоном облусундагы Хорог шаарында 16-майда болгон нааразылык акциясында кеминде үч киши жараат алды. "Азаттык" радиосунун тажик кызматы ("Озоди" радиосу) жазгандай, милиция Бархорог микрорайонунан Хорог шаарынын борборуна багыт алган жаштардын тобун токтотуу үчүн көздөн жаш чыгаруучу газ жана желим окторду колдонду. Расмий Дүйшөмбү Хорогдогу бул окуяны четке кагып, же ырастай элек. 14-майда Хорог шаарынын жүздөгөн тургундары митингге чыгып, Тоолуу Бадахшан автоном... Читать дальше...

Жарандык активист Атай Бейшенбек 16-майда Бишкектин Ленин райондук ички иштер бөлүмүндө эки сааттан ашык сурак берип чыкты. Анын сөзүнө караганда, 2019-жылы Айыл чарба министрлигине 200 миң сомго сайт жасап берүү иштерине катышкан. Бирок сайт ишке кирбей калган. “Сайтты өздөрү ишке киргизбей сотко арыз жазышыптыр. Соттун чечими чыгып, бирок ал аткарылбай жатат деп сот аткаруучулар милицияга кайрылыптыр. Мени 200 миң сомду кайра кайтарып бербей жатат дешүүдө. Соттун чечимин көрө элекмин”, - деди Атай Бейшенбек. Читать дальше...

16-майда Ош шаарындагы "Ак Жүрөк" кризистик борборуна коркутуу болгонун уюмдун жетекчиси Дарика Асилбекова “Азаттыкка” билдирди. Анын айтымында, алар ата-энеси мажбурлап турмушка берип жатканын айтып, борборго жардам сурап келген кыздын туугандары болгон. Алар кызды үйүнө алып кетүүгө аракет кылып, борбордо ызы-чуу салган. Асилбекова коркутуу болгондо милиция чакырылганын, кыз жабырлануучу катары арыз жазганын айтты. Ош шаардык ички иштер башкармалыгынын маалымат катчысы Замир Сыдыков муну ырастап... Читать дальше...

Саламаттык сактоо министри Алымкадыр Бейшеналиев аны кызматтан алуу боюнча орун басарларынын билдирүүсү негизсиз экенин “Азаттык” радиосунун суроолоруна жооп берип жатып айтты. Ал министрликтеги кадрдык өзгөртүүлөргө байланыштуу орун басарлары өзүнө каршы кутум уюштуруп жатат деп эсептейт. “Биринчиден, мен кызматтан кетпейм. Мен аларга караганда жүз эсе жакшы иштеп атам. Экинчиден, мен өкмөт башчыга мени каралап атат коргоп койгула деп айтмак белем. Алар деле көрүп атат да. Мени кызматтан албайт деп ойлоп атам”, - деди Бейшеналиев. Читать дальше...

Дээрлик 200 жылдан бери нейтралитетти сактап келе жаткан Швециянын өкмөтү НАТОго мүчө болуу тууралуу чечим кабыл алды. Бул тууралуу Швециянын премьер-министри Магдалена Андерссон 16-майда жарыялады. "Өкмөт Швеция альянска мүчө болгусу келери жөнүндө НАТОну кабардар кылууну чечти. Швециянын НАТОдогу элчиси жакын арада уюмга маалымат берет", - деди Андерссон. Бир күн мурда Швециянын коңшусу Финляндия да ушундай эле чечимин жарыялаган. Орусия менен 1300 чакырымдык чек арасы бар Финляндия Экинчи... Читать дальше...

Таласта Кыргыз Эл акыны, Токтогул сыйлыгынын лауреаты Байдылда Сарногоевдин 90 жылдыгына арналган акындардын эл аралык айтышы 16-майда жыйынтыкталып, жеңүүчүлөр аныкталды. Байге фонду 1 млн. сомду түзгөн айтыштын тандоо туруна Кыргызстандан 42, Казакстандан үч акын катышып, алардын 16сы өткөн. Анын ичинен сегиз акын кийинки турга тандалып алынып, калган сегизине 25 миң сомдон тапшырылды. 16-майда сегиз акындын арасынан төртөө байгелүү орундарды ээлеп, калган төртөөнө 35 миң сомдон ыйгарылды. Баш байгени Акматбек Султан уулу жеңип... Читать дальше...

Ысык-Көлдө жайкы туристтик сезон чоң масштабдагы көргөзмө-жармаңке менен башталып, анда өлкөдөгү туризмдин абалы талкууланды. Өкмөт быйыл бул тармакка өзгөчө көңүл буруларын, бул үчүн казынадан жылдагыдан көп каражат бөлүнгөнүн билдирди.

Ош шаарында 2-майда төрт эм төрөлдү. Алардын экөө уул, экөө кыз. Бул тууралуу “Азаттыкка” Ош облустук төрөт үйүнүн жетекчиси Асылкан Асанова билдирди. Төрт эмди жарык дүйнөгө алып келген 32 жаштагы Замирахон Каримованын жана балдардын абалы жакшы. Ымыркайлар айына жетпей төрөлгөн. Ымыркайлар 17-майда төрөт үйүнөн чыгарылат. Наристелер 1 кг 200 граммга чейинки салмакта төрөлгөн. Төрт эм Замирахондун үчүнчү төрөтү. Буга чейин ал эки уулду жарык дүйнөгө алып келген. (AAb)

Бишкектин Ленин райондук ички иштер бөлүмү 16-майда жарандык активист Атай Бейшенбекти кармап, суракка алып жатат. Бул маалыматты активист өзү ырастап, 2019-жылы жасалган сайтка байланыштуу суралып жатканын билдирди. Бирок иштин чоо-жайы тууралуу кенен маалымат берген жок. Райондук милициянын алдына Атай Бейшенбекти колдогондор чогулуп, анын суракка алынышын жарандык позициясы менен байланыштырышууда. Жарандык активист Атай Бейшенбек социалдык тармактар аркылуу бийликти, Бишкек шаарынын мэринин ишин сындап келет. Читать дальше...

Түгөлбай Сыдыкбековдун ааламын изилдеген дарыгер. Ак-Талаанын тургуну Шербото Турумбеков кышы узак өрөөндө алма бак түптөгөн. Мигранттар Аравандын Алля-Анаров айыл өкмөтүнө 17 млн сомдук жардам берди. Орусияда 10 жыл мигрант болуп жүргөн Алишер Кадыркулов мекенине кайтып, ишкердикти баштаган.

Тоолуу Бадахшан автоном облусунун административдик борбору Хорогдо ишемби күнү миңдеген жай тургун митингге чыкканы кабарланды. Алар жергиликтүү бийлик талаптарын аткарбай жатканына нааразы. Ал эми облус прокурору митинг уюштургандар "терроризм" беренеси боюнча айыпка тартыларын эскертти. Телеграмдагы Pamir Daily News каналы жеке булактарына таянып, 14-майда Хорогдо митингге чыккан миңдей киши облустун жетекчиси Алишер Мирзонаботтун токтоосуз кызматтан кетүүсүн талап кылышканын жазды. Ошондой эле... Читать дальше...

Министрлер кабинетинин төрагасынын биринчи орун басары Арзыбек Кожошев пара алууга шек саналып кармалган кеңешчисин кызматтан алганын билдирди. Бул тууралуу ал 16-майда Фейсбуктагы расмий баракчасына жазды. “УКМК тарабынан 2022-жылдын 14-майында кармалган жаран мага өткөн айда, тагыраагы 26-апрель күнү кеңешчи болуп дайындалган. Кызматка дайындоо учурунда жогоруда белгилеп кеткенимдей ал тууралуу терс маалыматтар жок болчу. Болгон окуяны эске алып, аны кызмат ордунан бошотуу чечимин кабыл алдым”, - деп жазды. Читать дальше...

Саламаттык сактоо министринин орун басарлары 16-майдагы маалымат жыйында өлкө бийлигине кайрылуу жасап, министр Алымкадыр Бейшеналиевди кызматтан алууну өтүндү. Министрдин орун басары Жапаркул Ташиев министрдин өзүн алып жүрүүсү, орой мамилелери жана кадрларды кызматтан негизсиз алып жатканын билдирди. Маалымат жыйында министрликтин борбордук аппаратында да моралдык абал оорлошуп кеткени, министр Алымкадыр Бейшеналиев сынак менен дайындалчу кызмат орундарына да "өз билгениндей дайындоолоорду жүргүзүп жатканы" айтылды. Читать дальше...

Саламаттык сактоо министри Алымкадыр Бейшеналиев Улуттук коопсуздук комитети (УКМК) эки жолу суракка алганын билдирди. Учурда министр чет өлкөдө жүргөнүн айтып, аты аталган чуулгандуу ишке байланыштуу "Азаттыктын" суроолоруна жооп берди. Министр Бейшеналиев суракка алынганы тууралуу УКМК жана башка укук коргоо органдары азырынча комментарий бере элек. - Алымкадыр мырза, сизди УКМК эки жолу суракка алганы тууралуу маалымат тарады. Чоо-жайын айтып бересизби? - 12-майда медициналык айымдардын... Читать дальше...

15-майда Түркиянын Изник шаарындагы 1331-жылы курулган кыргыз жоокерлеринин күмбөзүндө аларга багышталып куран окулуп, эскерилди. Иш-чарага Түркиядагы кыргызстандыктар, дипломаттар жана жергиликтүү бийлик өкүлдөрү катышты.

Саламаттык сактоо министри Алымкадыр Бейшеналиев социалдык тармактарга жайылган жардамчысы делген кыз менен түшкөн сүрөттөрү, той-топурдан тартылган видеолору тууралуу түшүндүрүп, "министрди жаманатты кылуу аракети" деп сыпаттады. Министрликтин атынан тараган билдирүүдө бул иштерди “медициналык бизнестин кураторлору жасап жатканы” айтылат.  “Албетте, медайымдардын кесиптик майрамы менин аброюма шек келтирүү үчүн пайдаланылганы абдан кейиштүү. Бул алардын абийирсиздигин жана мени кандай жол менен... Читать дальше...

Мындай маалыматты “Азаттык” радиосуна камактагы блогер Батмакан Жолболдуеванын жактоочусу Назгүл Сүйүнбаева билдирди. Анын айтымында, экспертизага ылайык маркумдун астма оорусу болгон, дарыгерлер убагында жардам көрсөтө албагандыктан жүрөгү токтоп калган. Ош облустук Ички иштер башкармалыгынын маалымат кызматы бул окуя боюнча бир канча экспертиза дайындалганын, азыр соттук-медициналык экспертизанын гана корутундусу чыкканын, жыйынтыгы тергөөнүн кызыкчылыгы үчүн ачыкталбасын билдирди. Ош облустук... Читать дальше...

Грузияда оппозициядагы таанымал журналист Ника Гварамия 3,5 жылга түрмөгө кесилди. 16-майда Тбилиси шаардык соту журналистти "акчанын изин жашырды" деген айып боюнча күнөөлүү деп таап, 16 300 доллар айып пул да салды. Бирок судья журналистти "акчаны адалдоо", "паракорчулук" жана "документтерди жасалмалоо" беренелери боюнча актады. Бул кылмыш иши Гварамия 2019-жылы "Рустави 2" телеканалын жетектеп турган учурду камтыйт. Журналисттин тарапташтары соттун өкүмүн жана айыптарды саясий куугунтук катары сыпаттап жатышат. Читать дальше...

Германия Кыргызстандын 14 миллион 900 миң евро карызын кечкени жатат. Бул тууралуу финансы министринин орун басары Руслан Татиков 16-майда парламенттин Бюджет, экономикалык жана фискалдык саясат боюнча комитетинин жыйынында айтты. Анын сөзүнө караганда, ал үчүн Кыргызстан үч жылдын ичинде бюджеттен ушул суммадагы каражатты аз камсыз болгон адамдарга ипотекалык насыя үчүн бериши керек. Коюлган талапка ылайык, ипотекалык насыя Бишкек менен Ош шаарларынан башка аймактарда жашагандарга берилиши зарыл. Читать дальше...

Кыргызстанда жазгы айдоо иштери дээрлик аяктап, айрым аймактарда дыйкандардын алды биринчи түшүмүн жыйнап да жатат. Өкмөт айыл чарбасын колдоого быйыл көп акча бөлгөнүн айтса, дыйкандар бул тармактагы көйгөйлөр чечилбей жатканын айтып жатышат. Дыйкандарды кабатырга салган жагдайлар боюнча кабарчыбыз Кубатбек Айбашов Айыл чарба министри Аскарбек Жаныбеков менен маек курду.

Маданият, маалымат, спорт жана жаштар саясаты министрлигине караштуу “Кыргыз туризм” мамлекеттик ишканасы жоюлду. Тиешелүү токтомго Министрлер кабинетинин төрагасы Акылбек Жапаров 30-апрелде кол койгон. Токтомдо жоюлган ишкананын жумуштан бошогон кызматкерлерине компенсацияларды төлөө үчүн акча бөлүү тапшырмасы жазылган. “Кыргыз туризм” 2019-жылы түзүлгөн. Мамлекеттик ишкана коммерциялык багытта иштеп, киреше алып келе албай жаткан туристтик жайларды, объектилерди өз көзөмөлүнө алмак. Интернет аркылуу Кыргызстанды жарнамалап... Читать дальше...

Нарын районунун Чет-Нура айыл өкмөтүнүн тургундары 16-майда райондук акимчиликтин алдына чогулуп, жол көйгөйүн чечүүнү талап кылышты. Алардын айтымында, аталган айыл өкмөт менен Нарын шаарын туташтырган жол жараксыз абалга келип, бирок облус бийлиги буга көңүл бурбай жатат. Ийри-Суу айылынын тургуну Сатыгул Асылбековдун билдирүүсүндө, жол көйгөйүнөн Чет-Нура айыл өкмөтүнө кирген жети айылдын тургундары кыйналып жатат. "Жол айласыз абалга келип калды. Райондук бийликке кайрылганыбызда эч кандай жардам бере албайт экен. Читать дальше...