Новости за 23.05.2022

23-майда маймыл чечегин жуктуруп алгандар он беш мамлекетте катталганы маалым болду. Баарынан Португалия, Испания жана Британияда ооругандар көп. Дүйнөлүк Саламаттык сактоо уюму жай айларында бул инфекция күчөшү мүмкүн экенин эскертти. Бул кандай оору, кайдан жугат жана кантип сактаныш керек? Дүйнөлүк саламаттык сактоо уюму маймыл чечегин жуктуруп алгандар жакынкы арада көбөйүшү мүмкүн экенин боолголоп жатат. Уюмдун өкүлү Мария Ван Керховенин айтымында, учурда бул оору каттала элек мамлекеттерде да эпидемиологиялык көзөмөл күчөтүлдү... Читать дальше...

23-майда Англияда дагы 36 кишиден маймыл чечеги табылды. Муну менен Улуу Британияда 7-майдан бери бул илдетке чалдыккандардын саны 57 кишиге жетти. Британиянын Саламаттыкты сактоо агенттиги илдеттин жайылышы "тынчсыздануу жаратып жатканын", бирок жалпы калк үчүн чоң коркунуч жок экенин билдирди. Мекеменин башкы медициналык кеңешчиси Сюзан Хопкинс жарандарды денесинде кандайдыр бир адаттан тыш ыйлаакчалар же сезгенүү байкалса, ооруканага кайрылууга чакырды. Британиянын премьер-министри Борис... Читать дальше...

“Дастан” заводу баштаган бир катар мамлекеттик ишканалардын Талантбек Иманов жетектеген Санариптик өнүктүрүү министрлигине өткөнү коомчлуктун катуу сынына кабылды. Министр Иманов менен Бакиевдердин жакын адамы Алексей Ширшовду эмне байланыштырат?

Тоолуу Бадахшандын бейрасмий лидери Мамадбокир Мамадбокировдун тажыясы болду. Москвада бала багып жүргөн тестиер кызды мекенине алып келишет. Temirov Live каналы милициянын Болот Темировду "кармоо операциясын" иликтеди.

Улуттук коопсуздук комитети (УКМК) Кыргызстандын аймагында эркин жүгүртүүгө тыюу салынган психотроптук заттарды камтыган дары-дармектерди жеткирүү менен алектенген трансулуттук топту аныктады. Бул тууралуу мекеменин басма сөз кызматы билдирди. Ыкчам-иликтөө иш-чараларынын жүрүшүндө жүктүн чыныгы ээлеринин бири Ю.С.И. кармалып, УКМКнын тергөө абагына киргизилген. Факты боюнча Кылмыш-жаза кодексинин 285-беренесинин 1-бөлүгү (бажы чегарасы аркылуу өткөрүүнүн өзгөчө эрежелери белгиленген буюмдарды алып өтүү) менен кылмыш иши козголгон. Читать дальше...

Кыргыз өкмөтү Кытай-Кыргызстан-Өзбекстан темир жолунун курулушу ушул күздө башталарын жарыялады. 20 жылдан ашык убакыттан бери сөз бойдон калып келген инфрастуралык чоң долбоор боюнча иш ордунан жылдыбы же кезектеги көп убаданын бириби? Кытай-Кыргызстан-Өзбекстан темир жолунун курулушу ушул күздө башталарын Министрлер кабинетинин төрагасы Акылбек Жапаров өткөн аптадагы өкмөт жыйынында жарыялады. Документке ШКУнун саммитинде кол коюлабы? Ал муну Кыргызстандын тарыхындагы эң ири долбоорлордун бири деп атап... Читать дальше...

Борбордук шайлоо комиссиясынын мүчөсү Марс Наспеков Коомчулукту өнүктүрүү жана инвестициялоо агенттигинин(АРИС) директору болуп дайындалган. Бул тууралуу Жогорку Кеңештин тармактык комитетинде белгилүү болду. 34 жаштагы Марс Наспеков өткөн жылы июль айында президенттин квотасы менен БШКнын мүчөсү болгон. 2018-2020-жылдары "Кыргыз почтасы" мамлекеттик ишканасынын директорунун орун басары, директору болуп иштеген. Дүйнөлүк банк Баткен облусун өнүктүрүүгө 50 млн. доллар бөлүп жатат. Анын теңи грант түрүндө... Читать дальше...

Айыл чарба министрлиги милицияга суракка чакырылып, тил кат менен кое берилген жарандык активист Атай Бейшенбектин айланасындагы жагдай тууралуу маалымат берди. Расмий билдирүүдө Атай Бейшенбек 2019-жылы 19-мартта жана 24-апрелде 2-майга чейин министрликтин сайтын жасап берүү жана жасалган сайттын кодун берүү боюнча келишим түзгөнү айтылат. Бирок кызматы үчүн 200 миң сом алган Атай Бейшенбек келишимди аткарган эмес. Министрлик ал кабыл алуу комиссиясына сайтты тапшырбаганын, чыгымды толтуруудан... Читать дальше...

Башкы прокуратура Сүлүктү шаардык ички иштер бөлүмүнүн каржы бөлүмүнүн башчысы М.Р. 2019-2021-жылдар аралыгында өзүнө тийиштүү айлык акысынан тышкары негизсиз 2 млн 482 миң 586 сомду өз кызыкчылыгына пайдаланганын билдирди.   Маалыматта айтылгандай, башка кесиптештерине да 138 миң 77 сомду которгону аныкталган.  “Сүлүктү шаардык милициянын каржы-чарбалык иштерин Баткен облустук прокуратурасы текшерген учурда жалданма жана жарандык персоналдарга жалпы 520 миң 393 сом мыйзамсыз төлөнүп, бюджетке келтирилген зыяндын жалпы суммасы 3 млн. Читать дальше...

Нөшөрлөп жааган жаандан улам сел жүргөнүнө байланыштуу райондун борбору менен байланышы үзулгөн Аксынын Ак-Суу айыл аймагына жол ачылды. Бул тууралуу райондун акими Замирбек Сыдыков билдирди. Өзгөчө кырдаалдар министрлиги Жалал-Абад облусунун Аксы районунда 21-22-майда нөшөрлөп жаан жаап, сел жүргөнүнө байланыштуу өзгөчө кырдаал жарыялаган. Мекеменин маалыматына ылайык, табыгый кырсыкта алты көпүрө жарактан чыкты, Кашка-Суу, Кара-Суу, Авлетим, Ак-Суу жана Кызыл-Туу айыл аймактарында жолдорду суу жууп кеткен. Читать дальше...

Тажикстандын Тоолуу Бадахшан автоном облусундагы кагылышуулардан кийин ондогон адамдардын дайыны чыкпай жатат. "Азаттыктын" тажик кызматы ("Озоди" радиосу) кеминде эки булакка шилтеме кылып жазгандай, үч күн мурда Дүйшөмбү шаарынан Тоолуу Бадахшанды көздөй жол тарткан 17 кишинин кайда экени белгисиз. Мындан тышкары тажик оппозициясынын талаа командири Мирзо Зиёевге ыктаган топтордун мурдагы командирлеринин бири Ёдгор Гуломхайдаровдун жана анын 20дай тарапташтарынын тагдыры тууралуу да маалымат жок. Читать дальше...

Учурда Таласта 400дөн ашуун немис улутундагы жаран жашайт. Алардын айрымдары бир учурда Германияга кетип, кийин кайра кайтып келишкен. Жергиликтүү тургундар менен жуурулушуп, салты аралашкан эл негизинен мал чарба менен алектенет. Арасында кыргыздар менен куда-сөөк болуп, очор-бачар турмуш кечирип жаткандары да бар. "Данисте" бул жолу таластык немис үй-бүлөлөрүнүн турмушун баяндайт.

Кыргыз өкмөтү автоунаанын алдыңкы каптал айнектерин караңгылатууга уруксат берүүнүн тартибин бекитти.  Министрлер кабинетинин төрагасы Акылбек Жапаров кол койгон чечимге ылайык, уруксат алуу үчүн жеке жактар 80 миң сом, юридикалык жактар 100 миң сом, ал эми чет өлкөлүктөр 120 миң сом төлөшү керек. Уруксат бир жылга берилет. Эгерде унаа ээси уруксаттын мөөнөтү аяктаганга чейин колдонуудан баш тартса, төлөгөн акчасы кайтарылбайт. Такси менен алектенгендерден башка бардык жеңил унаалардын айнегин караңгылатса болот. Читать дальше...

Чаткал районунун Терек-Сай аймагындагы мектептеги кырсыктан кийин жергиликтүү жашоочулар алтын казган компаниянын жетекчилери менен жолугушту. Анда кен казуучуларга да сындар айтылып, жаңы мектеп салуу маселеси көтөрүлдү. Шыбы урап түшкөн класстагы окуучулардан өзүн дагы эле жакшы сезбей жаткандар бар экени айтылды.

Бишкекте "Газпром" станцияларынын ордуна көп кабаттуу машине токтотуучу жайларды куруу каралууда. Бул тууралуу Жогорку Кеңештин тармактын комитетинин жыйынында борбор калаанын вице-мэри Бактыбек Абдиев билдирип, муну менен калаадагы автоунаа токтотмо маселесин чечүү аракети көрүлүп жатканын айтты. "Автобустар үчүн өзүнчө жол тилкесин бөлүү боюнча иш жүрүп жатат. Ошондо аялдамадан аялдамага автобус тез келип калат. Автоунаалардын токтотмо жайын чечүү боюнча өзүнчө пакет менен иш алып барып жатабыз. Читать дальше...

Климаттын өзгөрүүсү дүйнө элинин уйкусун кыскартууда. Канадалык окумуштуулар 50 жылдан бери дайыны чыкпаган, бирок жок болуп кеткени расмий таанылбаган жаныбарлардын санын атады. Карылыктагы жалгыздыкка алып келчү жагдайлар айтылды. “Азаттык” илимдеги соңку жаңылыктардын топтомун сунуштайт.  Климаттын өзгөрүүсү уйкуга таасир этүүдө One Earth илимий журналына жарыяланган Копенгаген университетинин окумуштууларынын илимий изилдөөсүнө ишенсек, климаттын өзгөрүүсү дүйнө элинин уйкусун кыскартууда. Читать дальше...

Ат-Башынын Ак-Муз айылынын үч тургуну Ак-Сай жайлоосуна мал айдап кеткен боюнча дайыны чыкпай жатат. Алар тоого 22-майда таңкы саат алтыда чыгышкан. Арасында мектеп окуучулары да бар. Бул тууралуу “Азаттыкка” Ак-Муз айыл аймагынын башчысы Нурлан Иса уулу билдирди. “Бүгүн түштөн кийин төрт кишиден турган топ аларды издөөгө чыгып кетишти. Алар айыл өкмөттүн өзгөчө кырдаалдар адиси, дайынсыз болуп жаткан балдардын биринин атасы жана айыл тургундары. Алар кеткен аймакка дагы деле кар жаап жатат”. Маалыматка ылайык... Читать дальше...

23-майда Дача СУ каргашасын иликтеген коомдук комиссиянын отуруму өтүп, анда Ички иштер министрлигинин өкүлү, тергөө тобунун башчысы Максат Мусаев маалымат берди. Ага ылайык, 2017-жылы 16-январда Гонконгдон Стамбулга баратып, Бишкекке май куюуга конуп кырсыкка учураган учакта турмуш-тиричилик техникалык буюмдары жана электроника товарлар болуп, жалпы 85 тонналык жүк ташылып бараткан. “85 тоннадан ашык жүктөн болгону 600 килограммдан ашыгыраак гана жүк калган. 120 тонна авиакеросин Гонконгдон Стамбулга жетмек. Читать дальше...

Жогорку Кеңештин тармактык комитети Кыргызстан менен Азия өнүктүрүү банкынын Бишкек шаарындагы транспортту электрлештирүү боюнча макулдашуусун ратификациялоону колдоп берди. Анын жалпы суммасы 59 млн. 550 миң доллар. Каражаттын 25 млн. доллары насыя, 25 млн. 650 миң доллары гранттык акча. 8,9 млн. доллар өкмөттөн бөлүнөт. Насыянын мөөнөтү 32 жыл, жеңилдетилген мезгил сегиз жыл (1%), андан кийин 1,5% түзөт. Бул каражатка Бишкек шаарына 120 электробус алуу каралууда. Кыргызстанда коомдук автоунаа маселеси орчундуу көйгөйлөрдүн бири. Читать дальше...

Кыргызстанда мектеп бүтүрүүчүлөрүнүн жалпы республикалык тестирлөө (ЖРТ) сынагы башталды. Билимди баалоо жана окутуу усулдары борборунун директору Чынара Батракееванын айтуусунда,  тестирлөөдөн өтүү үчүн 47,4 миң адам катталган. Аны өткөрүү үчүн республика боюнча 117 борбор ачылган. Билим берүү жана илим министрлиги бекиткен жадыбалга ылайык, мектеп бүтүрүүчүлөрүнүн жалпы республикалык тестирлөө (ЖРТ) сынагы үч этап менен өтөт.  1-этап - 24-25-май күндөрү; 2-этап - 27-28-май күндөрү; 3-этап - 24-25-июнда болот. Читать дальше...

АКШнын Ташкентеги элчиси Дэниел Розенблюм Өзбекстанда укук коргоо органдары мусулман жигиттердин сакалын мажбурлап кырдыртып жатканын айыптады. “Полиция эркектердин сакалын күч менен алдыртып жатат. Америка мындай иштерге тынчсызданууда”, - деди элчи. Eurasianet басылмасы жазгандай, элчи Розенблюм бул сөзүн өткөн аптада Ташкенттеги маалымат жыйынында айткан. Ал Өзбекстанда дин эркиндигине шек келтирген мындай аракеттер беш жылдан бери ишке ашырылып жаткан реформаларды жокко чыгарып коюшу мүмкүн экенин белгилеген. Читать дальше...

Нөшөрлөп жааган жаандан улам сел жүргөнүнө байланыштуу Аксынын Ак-Суу айыл аймагы райондун борбору менен байланышы үзүлдү. Бул тууралуу райондук акими Замирбек Сыдыков билдирди. Анын айтымында, жол жамгыр токтосо 1-2 күндө жол калыбына келтирилиши мүмкүн. Аким Ак-Суу айыл аймагында жети миң киши жашарын, райондун борборуна өтчү башка жол жок экенин белгиледи. Өзгөчө кырдаалдар министрлиги Жалал-Абад облусуна караштуу Аксы районунда 21-22-майда нөшөрлөп жааган жаандан улам сел жүргөнүнө байланыштуу өзгөчө кырдаал жарыялаган. Читать дальше...

Бул тууралуу Москвадагы Өзгөн коомунун төрагасы Алтынбек Маматасанов билдирди. Ал социалдык тармактарга видео кайрылуу жасап, өзүнүн алысыраак тууганынын балдарын багып жүргөндө сабалган 11 жашар кыз учурда анын үйүндө, балдары менен чогуу экенин, үй-бүлөсү менен Кыргызстанга 2-июнда барганда өздөрү менен кошо ала барышарын айткан. Ур-токмокко кабылган кыз тууралуу Москвадагы айрым мигранттар жана Кыргызстандагы "Балдардын укугун коргоо лигасынын" жетекчиси Назгүл Турдубекова айтып чыккан, ошондой... Читать дальше...

Армения менен Азербайжандын демаркация жана чек ара коопсуздугу боюнча биргелешкен комиссиясынын алгачкы жыйыны жакынкы күндөрү армян-азери чек арасына өтөт. Бул тууралуу Европа кеңешинин төрагасы Шарль Мишель 22-майда билдирди. Ал жекшемби күнү Армениянын премьер-министри Никол Пашинян жана Азербайжандын президенти Илхам Алиев менен үч тараптуу сүйлөшүү өткөрдү. Бул сүйлөшүүлөрдө Тоолуу Карабак аймагына байланыштуу тынчтык планы талкууланды. "Биз гуманитардык маселелердин, анын ичинде минадан тазалоо иштеринин чоо-жайын... Читать дальше...

Тышкы иштер министри Жээнбек Кулубаев 23-майда Бишкекте АКШнын мамлекеттик катчысынын Түштүк жана Борбор Азия иштери боюнча жардамчысы Дональд Лу менен жолукту. Мекеме тараткан маалыматта, анда тараптар кыргыз-америка аралык алака-катыш, кызматташтыкты, аймактык жана глобалдык маселелерди талкуулаганы айтылат. "Кыргызстандын социалдык-экономикалык өнүгүүсүнө оң таасирин тийгизген практикалык кызматташтыкты өнүктүрүүнүн маанилүүлүгү өзгөчө белгиленип, инвестициялык кызматташтыкты арттыруу мүмкүнчүлүктөрү каралды. Читать дальше...