Новости за 27.05.2022

ЕАЭБ аймагындагы чектөөлөр менен тоскоолдуктар, товар жеткирүүдөгү жана миграциялык талаптар азыркыдай кризистик абалда жеңилдетилиши керек. Бул тууралуу пикирин Кыргызстандын Орусиядагы мурдагы элчиси, дипломат Болот Жунусов Азаттык” радиосунун “Эксперттер талдайт” программасында айтты.  Мындай чара кризистик абалда биримдиктин бардык өлкөсүнө пайдалуу болорун белгиледи.  “Биз ЕАЭБдин ичиндеги бир аймакта турганыбыз менен мигранттарга талаптар, медициналык кароо, каттоого алуу эрежелерин токтотуш керек. Читать дальше...

Бишкекте Евразия экономикалык биримдигинин саммити өтүүдө. Анда экономикалык өнөктөштөр соода-сатыкты күчөтүп, Орусия туш болгон санкцияларды талкуулады. Кечээ саммит алдында ири форум өтүп, анда экономикалык байланыш эле эмес, идеологиялык маселелер жөнүндө сөз болду.

Түркмөнстан менен Ооганстанда аялдардын келбетине жана күнүмдүк кыймыл-аракеттерине карата коюлган чектөөлөр күч алууда. Бул көрүнүш Кыргызстан үчүн канчалык коркунучтуу жана аялдардын эркиндигин чектөө коркунучтуубу? Ушул теманы "Эже-сиңдилер" талкууга салды.

Тажикстандын чыгышындагы үч жүз миңдей тургуну бар Хорог шаарынан тараган Тоолуу Бадахшан автоном облусунун (ТБАО) таасири күчтүү бейформал лидерлеринин бири Мамадбокир Мамадбокировдун өлтүрүлүшү жөнүндөгү кабар бардык регионалдык жана эл аралык маалымат каражаттарына чагылгандай тез тарады. Тажикстандын бийлиги аны "райондук кылмыштуу топтун лидери" катары көрсөтүп, ички тирештин айынан өлгөнүн билдирди. Аны тарапташтары жана чет жердеги оппозиция расмий Дүйшөмбүгө баш ийгиси келбегендиги үчүн өмүрү кыйылган элдик лидер деп эсептейт. Читать дальше...

Акыйкатчы апасына болушуп, мас адамды бычактаган өспүрүмдүн камакка алынышын сындап, аны бошотууну талап кылды. Укук коргоочулар Кыргызстанда коргонуу максатында башка адамга залал келтирип, бирок кылмышкер катары айыпталгандар көптүгүн айтышууда. Баланын укугун ИИМ, прокуратура, сот көңүл сыртында калтырганбы? Акыйкатчы Атыр Абдрахматова апасына болушуп, мас адамды бычактаган өспүрүмдү камакка алуу менен сот баланын укугун бузду деп маалымдады. Ал Фейсбуктагы баракчасына жарыялаган билдирүүсүндө Ички иштер министрлигине кайрылып... Читать дальше...

Сузакта окуучуну сабаган мугалимдин жумуштан кетүү тууралуу арызы канааттандырылган жок. Бул тууралуу райондук билим берүү бөлүмүнүн башчысы Тынычбек Усенов “Азаттык” радиосуна кабарлады. “Мугалимге түшүндүрүү иштери жүргүзүлдү, дарылануудан кийин жумушун улантат”, - деди райондук билим берүү бөлүмүнүн башчысы Тынычбек Усенов. 26-майда социалдык тармактарда тараган видеодо окуучуну ур-токмокко алган мугалим жумуштан кетүү тууралуу арыз жазганы кабарланган. 25-майда сабак учурунда мугалимдин окуучуну сабаган видеосу интернетке тараган. Читать дальше...

27-майда башкы прокурор Курманкул Зулушев Тажикстандын башкы прокурору Юсуф Рахмон менен Баткен шаарында өткөн жолугушууда соттолгон жарандарды жаза мөөнөтүн өз мекенинде өтөө үчүн өткөрүп берүү, чек арадагы чыр-чатактардын алдын алуу жана болтурбоо маселесин талкуулашканын Башкы прокуратурадан кабарлады. Жолугушууга коңшулаш эки өлкөнүн көзөмөл органдарынын тиешелүү өкүлдөрү, чектеш райондордун, шаарлардын жана облустардын прокурорлору катышты. Тараптар Кыргызстан жана Тажикстан мүчө болгон... Читать дальше...

Түркмөнстанда президент Сердар Бердымухамедовдун энесине "Эмгек сиңирген килем токуган чебер" ардактуу наамы ыйгарылды. "Бейтарап Түркмөнстан" өкмөттүк гезитине чыккан маалыматка караганда, мындай наам "өлкөнүн көз карандысыздыгын бекемдеп, килем токуу улуттук өнөрүнө кошуп, көп жылга созулган ак ниет эмгеги үчүн "Түркмөнкилем" ишканасынын "суранычы менен" ыйгарылган. Мындай наамга Огулгерек Бердымухамедова менен кошо дагы он бир аял татыды. Түркмөнстанда килем майрамы 1991-жылдан бери майдын акыркы жекшембисинде белгиленет. Читать дальше...

Өзбекстандын президенти Шавкат Мирзиёев Кытай-Кыргызстан-Өзбекстан темир жолунун курулушу жакында башталарын Жогорку Евразиялык экономикалык кеңештин жыйынында билдирди. Мирзиёевдин айтымында, жаңы чакырыктар түштүк жана чыгыш багыттары боюнча альтернативдүү транспорт коридорлорун мындан ары өнүктүрүү зарылдыгын талап кылууда. "Жакында биз Өзбекстан-Кыргызстан-Кытай темир жолун баштоону пландап жатабыз. Долбоор Азия-Тынч океан аймагынын базарларына чыгуу үчүн кошумча мүмкүнчүлүктөрдү түзөт. Бул... Читать дальше...

Кумтөр алтын кенинин “Борбордук” карьеринде жер кыртышы тездик менен жылып жатканына байланыштуу ошол участоктогу кызматкерлер жана техникалар коопсуз жайга чыгарылды. Бул Кыргызстан Кумтөрдү өзү иштетип жаткандан берки эң чоң сыноолордун бири болгону калды жана ал өндүрүлгөн алтындын көлөмүнө да таасирин тийгизиши мүмкүн. Бир аймакта кен казуу токтотулду “Улуу көчмөндөр мурасы” улуттук холдингдин жетекчиси Тенгиз Бөлтүрүк Кумтөрдүн “Борбордук” карьериндеги тоо тектеринин жылышы кен казуу иштерине таасирин тийгизгенин... Читать дальше...

Ирандын түштүк-батышындагы Хузестан провинциясынын борбору Абадан шаарында жүздөгөн адам эки күн катары менен нааразылык акциясына чыгышты. Буга толук курулуп бүтө элек имарат кулап, ондогон адамдын өмүрүнүн кыйылышы түрткү болду. Демонстранттар кырсыкка күнөөлүүлөрдү, анын ичинде Абадандын мэрин жана шаардык кеңештин өкүлдөрүн жоопкерчиликке тартууну талап кылышты. Интернетке чыккан видеолордо нааразылык акциясына чыккандардын айрымдары Ирандын Жогорку руханий лидери Аятолла Али Хаменеиге... Читать дальше...

Кыргызстанга караганда Орусияга Евразия экономикалык биримдигине кирбеген үчүнчү өлкөлөрдөн айыл чарба товарларын жеткирүү тез болууда. Бул тууралуу президент Садыр Жапаров Бишкекте өтүп жаткан Жогорку Евразия экономикалык саммитинде айтты. Өлкө башчысы ЕАЭБдин ички базарындагы тоскоолдуктар жети жылдан берки жолугушуулардын актуалдуу темасы бойдон калып, чек арада түзүлгөн барьер мамилени бузуп, биримдиктин имиджине көлөкө түшүрүп жатканын белгиледи. "Изилдөө көрсөткөндөй, үчүнчү өлкөлөрдүн... Читать дальше...

"Хьюман Райтс Уотч" (HRW) эл аралык укук коргоо уюму Тажикстандын президентин Тоолуу Бадахшан автоном облусунда жакында эле өткөн каршылык акцияларынын катышуучуларын куугунтуктоодон алыс болууга чакырды. "Тажикстандын бийлиги нааразылыкка чыккандарды куугунтуктоону токтотуп, аларга каршы жасалган кылмыштарды иликтеши керек. Андан тышкары тажик бийлиги Хорог жана Рушан шаарларындагы нааразылык акцияларына байланыштуу ачылган кылмыш иштерин токтотушу абзел", - деди 26-майда уюмдун өкүлү Сыйнат Султаналиева. Читать дальше...

Жашы жете элек кызга тийишкен адамды үй камагына чыгарган Москва райондук сотунун төрагасы Арстанбек Аскарбеков өз арызынын негизинде жетекчилик кызматтан кетти. Бул тууралуу Жогорку соттун басма сөз кызматы 27-майда билдирди. Судья өзүнүн чыгарган чечими жабырлануучунун жаш курагы жана айыпталуучунун аракети боюнча коомдук резонанс жаратканын, сот системасын сындаган билдирүүлөрдөн улам кызматтан кетүү арызын жазганын айткан. Буга чейин социалдык тармакта дүкөнгө келген адам жашы жете элек кызга тийишип жаткан видео тараган. Читать дальше...

Кыргызстандын төрагалыгы астында Жогорку Евразия экономикалык кеңешинин саммити онлайн башталды. Өткөн аптада ага Орусиянын президенти Владимир Путин баштаган Евразия экономикалык биримдигине (ЕАЭБ) мүчө өлкөлөрдүн башчылары Бишкекке келбей турганы белгилүү болгон. Буга чейин коллегиясынын төрагасы Михаил Мясникович саммиттин күн тартибинде жалпысынан 14 маселе бар экенин маалымдаган. Жыйынга төрагалык кылып жаткан президент Садыр Жапаров Жогорку Евразия экономикалык кеңешинин аймагынын ичинде товар жеткирүүдөгү тоскоолдуктарга... Читать дальше...

Бишкектеги эл үзүлбөгөн Ош базарынын жанында дээрлик бир кылымга жакын тарыхы бар китепкана жайгашкан. Бул жерден бир гана жолу басылып чыккан, эски, бирок уникалдуу китептерди табууга болот. Негизги окурмандар - студенттер, пенсия жашындагы адамдар. Шаар четиндеги айылдардан атайын китеп окуш үчүн келгендер да бар. Киев жана Бейшеналиева көчөсүнүн бурчундагы бул китепканада иштегендер имаратка сук артып, соода борборуна айлантууга аракет кылган учурлар болгонун айтып беришти.

Чыңгыз Айтматов атындагы орус драма театрында коюлмакчы болуп, бирок мазмуну талаш жараткан «Дежавю» спектаклин өкмөттүн өкүлдөрү дагы бир жолу көрдү. Алар спетаклди таптакыр койдурбай коюуга негиз жок экенин айтып жатышат. Ал эми Маданият министрлигинин алдындагы көркөм эксперттик комиссия спектаклдин айрым жерлерин оңдоого сунуш берген. Министрлер кабинетинин төрагасынын орун басары Эдил Байсалов талкуу жараткан спектаклди 24-майда көрүп келген. Ал спектаклде одоно мыйзам бузуу же моралдык-эстетикалык... Читать дальше...

SpaceX ракетасынан бортунда көтөрүлгөн Армениянын биринчи спутниги Жердин орбитасына чыкты. Бул тууралуу 26-майда Армениянын өкмөт башчысы Никол Пашинян билдирди. Анын айтымында, 25-майда АКШнын Флорида штатындагы Канаверал тумшугунан учурулган спутникти көп пайдалуу иштерге колдонсо болот. "Спутниктен тартылган сүрөттөр Арменияда чек араны көзөмөлдөө, өзгөчө кырдаалдардын алдын алуу, айлана-чөйрөнү коргоо, анын ичинде климаттын өзгөрүүсүнө көз салуу, геология, шаарларды жана жолдорду куруу жаатында колдонулат",-деди Пашинян. Читать дальше...

Саламаттык сактоо министри Алымкадыр Бейшеналиев аталган мекеменин Юридика бөлүмүнүн башчысы Азамат Жумакеевди, Коомдук саламаттык башкармалыгынын жетекчиси Айнура Акматованы жана Өндүрүштүк иш бөлүмүнүн жетекчиси Гүлмира Ибраеваны иштен алды. Мекенин басма сөз кызматы алар "Мамлекеттик жарандык кызмат жана муниципалдык кызмат жөнүндө" мыйзамдын 37-беренеси менен (мамлекеттик органдын, жергиликтүү өз алдынча башкаруу органынын демилгеси боюнча кызматты токтотуу) кызматтан бошотулганын билдирди. ... Читать дальше...

Молдованын соту мурдагы президент Игорь Додонду 30 күнгө үй камагына алуу чечимин чыгарды. Кишинёвдун Чокан райондук соту өкүмдү 26-майда чыгарды. Шейшембиде Додондун үйүндө тинтүү жүргүзүлүп, 72 саатка камалган. Молдованын Коррупцияга каршы прокуратурасы мамлекеттин мурдагы башчысы Игорь Додонго төрт айып такты, анын ичинде жемкорлук жана мамлекеттик чыккынчылык да бар. Тергөөнүн эсебинде, Додон олигарх Владимир Плахотнюктан пара алган. Орусиячыл Игорь Додон Молдованы 2016-2020-жылдары башкарган. Читать дальше...

Монополияга каршы жөнгө салуу кызматынын төрагасы Кеңешбай Тайлаков дүкөндөрдөгү шекердин тартыштыгы убактылуу көрүнүш экенин билдирди. Анын айтымында, Кыргызстандагы кант заводдору ички чийки зат түгөнгөнүнө байланыштуу 5-6 күн иштебей калган. Азыркы учурда чийки зат чет мамлекеттерден алынып келинип, заводдор иштеп жатат. 27-майда Бишкектеги бир катар дүкөндөрдө шекер сатылбай жатканы маалым болду. Кеңешбек Тайлаков Кыргызстандагы шекер коңшу Казакстанга ташылып кетип жатат деген сөздөр боюнча дагы маалымат берди. Читать дальше...

Кытайлык кыргыз, ырчы Нуржамал Турган кызы мекен, сезим темасындагы ырлардан сырткары социалдык темадагы чыгармаларды аткарып жүрөт. Арасында жалгыз бой айымдардын түйшүгүн баяндаган да ырлары бар. - Кепти алгач сизди тарыхый мекениңизге алып келген чыйыр жолдон баштасак. - Кыргызстанга алгач ирет 2008-жылдары келип, үй-бүлөм менен Ош шаарында бир аз жашагам. 2015-жылы биротоло көчүп келдим. - Чыгармачылыкка Бишкекке келгенден кийин гана аралаштыңызбы? - Кытайда жүргөндө эле ырдап жүрчүмүн. Читать дальше...

Белгилүү акын, маданиятка эмгек сиңирген ишмер, маркум Зайырбек Ажыматовдун туулган күнүн утурлай анын замандаштары, жакындары эки китебин жарыкка чыгарып, 27-майда бет ачарын өткөрдү. "Доско кат" аттуу китепке акындын буга чейин жарык көргөн жана жазылып, жарыяланбай калган ырлары, поэмалары, котормолору камтылган. "Датасы жок күндөргө" социалдык тармактарга, күндөлүгүнө жазып жүргөн ой толгоолору топтолгон. "Азаттык" радиосунда маданият темасындагы окуяларды чагылдырып иштеген акын Зайырбек... Читать дальше...

Бишкек шаарынын мэри Эмилбек Абдыкадыров 26-майда "Бишкек-2026" өнүктүрүү стратегиясынын бет ачарында борбор калаанын ичиндеги темир жолду шаар четине чыгаруу керектигин билдирген. Бул тууралуу мэриянын басма сөз кызматы билдирди. Мэр долбоорду Кытай-Кыргызстан-Өзбекстан темир жолу курулуп жатканда бул тилкени киргизүү сунушу менен Министрлер кабинетине кайрылганын, Дүйнөлүк банктын өкүлдөрү менен жолугушууда бул маселени талкуулаганын айткан. Мэрдин айтымында темир жол шаардан чыгарылса өнөр жай ишканалары... Читать дальше...

Министрлер кабинетинин төрагасы Акылбек Жапаров 27-майда Билим берүү жана илим министрлигинин жетекчилиги менен кезексиз жыйын өткөрдү. Өкмөттүн басма сөз кызматынын маалымдашынча, Жапаров анда аталган мекеменин күнүмдүк иши, планы менен таанышты жана билим берүү тармагы замандын талабына ылайык өзгөрүп, окутуунун сапатын жогорулатуу керектигин айтты. Мунун алдында айрым мектептерде коомчулуктун көңүлүн бурган окуялар орун алган. Жалал-Абад облусуна караштуу Сузак районундагы мектептердин биринде... Читать дальше...