Новости за 01.05.2022

Таластагы Беш-Таш коругуна Орусиянын Алтай аймагынан алып келинген 35 марал кое берилди. Алар атайын "35 марал" деген долбоордун негизинде алып келинген. Долбоорду ишке ашырууга "Бакубат Талас" фонду жана "Альянс Алтын" ишканасы колдоо көрсөтүп, 2,5 миллион сом берген. Облустук бийликтин маалыматына караганда, Таласта маралдарды багуу илимдер академиясы тарабынан аныкталган корутундунун негизинде ишке ашырылууда. Кыргызстандын аймагында бугу-маралдарды көчүрүп, көбөйтүү аракети буга чейин да болгон. Читать дальше...

“Ислам мамлекети” террордук тобу Ооганстандын борбору Кабулдагы жүргүнчү ташуучу автобустагы жардырууга жоопкерчилик алды. Кабулдун полициясынын кабарлагандай, 30-апрелде автобуста бомба жарылып, бир адам каза болгон. 29-апрелде борбор шаардагы Халифа Сахиб мечитинде жардыруу болуп, өлгөндөрдүн саны 50 адамга жеткен. Полиция жанкечти жума намазга жыгылгандардын ичинде болгонун кабарлаган. Ооганстандагы бул жардылуулар ислам динин тутунгандар үчүн ыйык ай болуп саналган Орозо айынын акыркы күндөрүнө туш келди. Читать дальше...

Акыйкатчы Атыр Абдрахматова жарандарды жеке маселелери боюнча онлайн кабыл алып, Чүй облусунун Токмок, Кара-Балта, Кемин, Шопоков шаарларынан, Н. Крупская атындагы айылдан 29 адамдын арыз-муңун укту. Мындан тышкары Аламүдүн районунун “Панарома” конушунун 40тай тургуну чогуу Акыйкатчы менен онлайн сүйлөштү. Жарандардын кайрылуулары негизинен  жер-укуктук талаштар, тастыктоочу документтердин жоктугу, бир турак жайда 15 жылдан ашык жашаган адамдардын менчик укугу, жергиликтүү өз алдынча башкаруу органдарынын өкүлдөрү тарабынан мыйзам бузуулар... Читать дальше...

Чүй облусунун Ысык-Ата, Кант, Аламүдүн жана Сокулук райондорундагы, Токмок, Шопоков шаарларындагы малчылар сүтүн сата албай, сууга төгүп жатканы тартылган тасмалар социалдык тармактарга чыкты. Алар "Үмүт" жана "Кант сүт" заводдору сүттү  сатып алуудан түрдүү шылтоолор менен баш тартып, сууга төгүүгө аргасыз болуп жатышканын айтышууда. Ысык-Ата районунун тургуну сүттү  "Үмүт" компаниясына өткөрүп жүргөнүн, бирок үч күндөн бери албай жатканын "Азаттыкка" маалымдады: "Мына бүгүн 9 тонна сүт дарыяга төгүлдү. Читать дальше...

Борбордук шайлоо комиссиясынын (БШК) мурдагы төрагасы Туйгунаалы Абдраимов кызмат абалынан кыянаттык менен пайдаланган деген шек менен кармалды. Улуттук коопсуздук боюнча мамлекеттик комитет (УКМК) саясатчы Ысык-Ата районунан 11 гектардан ашык жерди өзүнө таандык “Кайнар” ишканасына мыйзамсыз бөлдүрүп алганын маалымдады. Абдраимовдун уулу маалыматты четке кагып, компания жерди сатып алганын айтып жатат. Мурдагы президент Алмазбек Атамбаевдин жакын адамдарынын бири Туйгунаалы Абдраимов буга чейин... Читать дальше...

2-майда түнкүсүн жаан-чачын жаабайт. Күндүз Талас, Баткен облустарынын кээ бир райондорунда жаан жаап, күн күркүрөйт, бийик тоолуу райондорунда карга айланат, калган аймактарда күн ачык болот. Түштүк-чыгыштан соккон шамалдын ылдамдыгы секундасына 5-10 метрге жетет. Абанын температурасы: Чүй өрөөнүндө түнкүсүн 10…15, күндүз 26…31; Талас облусунда түнкүсүн 9…14, күндүз 25…30; Баткен, Ош, Жалал-Абад облустарында түнкүсүн 14…19, күндүз 28…33; Ысык-Көл облусунда түнкүсүн 4…9, күндүз 19…24; Нарын облусунда түнкүсүн 4…9... Читать дальше...

29-апрелде Баткен шаарында облусту чек арадагы аймак катары өнүктүрүү иш-чараларынын план-долбоору талкууланды. Ага президенттик администрациянын, өкмөттүн өкүлдөрү, жергиликтүү бийлик ээлери жана ишкерлер катышты. Жыйында так, ачык-айкын критерийлердин негизинде 11-майдан кечиктирбей, эң орчундуу, көйгөйлүү, жумуш орундарын түзүүчү, киреше алып келүүчү иш-чаралардын пландарын даярдоо район, шаарлардын жетекчилерине тапшырылды. Анда Баткен облусун 2021-2035-жылдары өнүктүрүү программасын жана аны ишке ашыруу боюнча Жол картасына акимдер... Читать дальше...

Орусияда 10 жыл мигрант болуп жүргөн Алишер Кадыркулов 2015-жылы мекенине кайтып, ишкердикке бел байлаган. Көп кыйынчылыкка дуушар болгонуна карабай, Европадан кулпунай өстүрүүнүн жаңы технологияларын үйрөнүп келген. Азыр 500дөн ашуун ишкерге кулпунай өстүрүүнүн сырын үйрөтүп жатат.

Жогорку Кеңештин депутаты Жанар Акаев баштаган депутаттар тобу кесиптик окуу жайларына каржылык эркиндик берүү тууралуу мыйзам долбоорун коомдук талкууга чыгарышты. Кыргызстанда 99 кесиптик билим берүү лицейи бар. Аларга мамлекеттик бюджеттен 1 млрд. 200 млн. сом каралат. Кесиптик лицейлердин директорлору эгер каржылык эркиндик берилсе, өзүн-өзү каржылоого өтүүгө мүмкүн экенин айтышууда. Мыйзам долбооруна Финансы министрлиги каршы болуп келет. Мыйзам долбоорунун демилгечиси Жанар Акаевдин айтуусунда... Читать дальше...

Улуттук коопсуздук боюнча мамлекеттик комитетинин (УКМК) басма сөз кызматы саясатчы, Борбордук шайлоо комиссиясынын (БШК) мурдагы төрагасы, саясатчы Туйгуналы Абдраимовдун камакка алынышы боюнча түшүндүрмө берди. Атайын кызматтын билдирүүсүндө экс-төрага "БШКны жетектеп турган учурунда Ысык-Ата районунун Жээк айыл өкмөтүнүн жооптуу кызматкерлерин мажбурлап, 11,2 гектар таштанды талаасын өзүнө таандык "Кайнар" ишканасынын карамагына бекер өткөрүп алган" деп жазылган. Маалыматка ылайык, "Кайнар"... Читать дальше...

Мамлекеттик курулуш, турак жай жана архитектураны көзөмөлдөө агенттигинин Баткен облустук башкармалыгынын инспектору прокуратуранын тергөөчүсүнө пара берип жаткан жеринен кармалды. Бул тууралуу Улуттук коопсуздук боюнча мамлекеттик комитетинин (УКМК) басма сөз кызматы маалымдады. Билдирүүдө 30 жаштагы С. И. К. 27-апрелде, Баткен облустук прокуратурасынын тергөөчүсүнө 20 миң сом пара берип жатып кармалганы, баштапкы тергөөдө ал параны өзүнүн кесиптеши - 39 жаштагы Б. Ж. Т. аттуу инспектордун өтүнүчү менен бергени аныкталганы айтылат. Читать дальше...

БШКнын мурдагы төрагасы Туйгуналы Абдраимов Кылмыш кодексинин "Кызмат абалынан кынаттык менен пайдалануу" беренеси боюнча шек саналып, камалды. Бул тууралуу анын уулу Элмурат Абдраимов "Азаттыкка" билдирди. "30-апрелде саат 19:00 чамасында УКМКнын кызматкерлери үйгө келип, "аңгемелешүүгө" деп алып кетишкен. Эч кандай чакыруу кагаз берилген жок, адвокат чакырууга да жетишкен жокпуз. Саат түнкү 12 чамасында Кылмыш кодексинин "Кызмат абалынан кыянаттык менен пайдалануу" беренеси боюнча шек саналып, 48 саатка камалды" деп маалымат беришти". Читать дальше...

Социалдык тармактарда 3-класста окуган кызын жогорку класстын окуучусу - өспүрүм бала катуу сабап койгонун апасы жазып чыкты. Анын сөзүнө караганда, токмоктон улам эсин жоготкон кыз аны таап алышканга чейин бир нече саат бою мектептин артында, короодо жаткан. Окуя болгон 27-апрель күнү жаан жана мөндүр жааган. Ленин райондук милициясынын маалыматына караганда, бул окуя №58 орто мектепте катталды. 27-апрель күнү саат 16:00 чамасында 12 жаштагы Б. Э. аттуу кыздын жоголгону, мектепке кеткен боюнча кайрылбаганы тууралуу маалымат түшкөн. Читать дальше...