بغداد کې ځینې مشران او فرانسوي ولسمشر د منځني ختیځ پر کړکېچ غږیږي
د دې غونډې کوربه عراق دی چې غواړي ګاونډیان یې د دې هېواد په قلمرو کې د امتیازونو د ګټلو پر ځای له یو بل سره خبرې وکړي.
په سیمه کې حالات تر ډېره د امریکا او ایران او له ایران سره د عربي هېوادونو د اختلافونو له کبله ترینګلي شوي دي.
د فرانسې ولسمشر ایمانوئل مکرون د سرمشریزې له پیلېدو مخکې د عراق له صدراعظم مصطفی الکاظمي سره په ګډه خبري غونډه کې دا غونډه مهمه وبلله.
مکرون زیاته کړه: "نننۍ غونډه له دې کبله تاریخي ده چې د یوې پروسې نتیجه ده ځکه تر څو چې د ټولې سیمې همکاري نه وي په عراق کې ثبات نه شي راتلای."
په غونډه کې پر مکرون سربېره د مصر ولسمشر عبدالفتاح السیسي، د اردن پاچا دوهم عبدالله او د قطر امیر شیخ تمیم بن حَمد الثاني هم ګډون لري.
کویټ او متحده عربي اماراتو سرمشریزې د حکومتونو مشران او ترکیې خپل د بهرنیو چارو وزیر استولي دي.