ملګرو ملتونو د افغان بزګرانو لپاره د نړیوالو مرستو غوښتنه وکړه
افغان بزګران هسې هم د کرونا د وبا له کبله له یو سخت حالت سره لاس او ګرېوان دي خو په کابل کې د مخکیني دولت له سقوط وروسته پېچلي حالت او سختې وچکالۍ د دوی ستونزې لا زیاتې کړي دي.
د ملګرو ملتونو د خوړو او کرنې ادارې نن په یوه بیان کې وویل، افغان بزګران د هغو ۱۴ میلیونه افغانانو په ډله کې شامل دي چې د خوړو له کمښت سره مخامخ دي او سمدستي بشري مرستو ته اړتیا لري.