Новости за 09.06.2020

Вазорати тандурустии Қазоқистон эътироф кард, ки шаҳрвандони дорои коронавирус, вале ба нишонаҳои онро дар руйхатти алоҳида номнавис мекардааст ва шумораи чунин беморон ба 1696 нафар расидааст. Дафтари матбуоти вазорат эълом дошт, ки рӯзи 8 июн боз 313 касе ошкор гашт, ки ин вирус дар вуҷуди онҳо ҳаст, аммо ягон нишонаи онро надоранд ва бистарӣ ҳам нашудаанд. Шарҳ дода намешавад, ки чаро барои бақайдгирии онҳо вазорат феҳристи ҷудогона таъсис додааст. Бархе аз нозирони вазъ, инро ба зарурати табобати расмии беморон бастагӣ медиҳанд. Читать дальше...

Баъди беш аз як моҳи эътирофи расмии мавҷудияти коронавируси нав дар Тоҷикистон, ҳукумат ба порлумон санадеро пешниҳод намудааст, ки тибқи он барои надоштани ниқобҳои тиббӣ муҷозот пешбинӣ мешавад.

Манбаъҳои огоҳ рӯзи душанбеи 8-уми июн гуфтанд, ки Арабистони Сауд дар назар дорад шумораи зоирон дар маросими ҳаҷро барои пешгирӣ аз паҳншавии коронавирус, маҳдуд кунад. Дар ҳоли ҳозир дар Арабистони Саудӣ беш аз 100 ҳазор ба ин беморӣ гирифтор шудаанд. Шумораи афроде, ки дар маросими солонаи ҳаҷ ширкат мекунанд дар солҳои ахир ба ҳудуди 2,5 миллион расидааст. Оморҳои давлатӣ нишон медиҳад, ки даромади Арабистони Саудӣ аз ин маросим ва низ ҳаҷи умра, ки давоми сол анҷом мешавад, ҳудуди 12 миллиард доллар дар сол аст. Читать дальше...

Вазорати умури хориҷии Туркманистон дар робита ба чораҳое, ки барои пешгирӣ аз паҳн шудани коронавирус андешида мешаванд, нишастеро бо иштироки намояндагони маъмуриятҳои дипломатӣ, созмонҳои хориҷӣ ва мақомҳои расмии ин кишвару рӯзноманигорон баргузор кард. Мақомоти Туркманистон, ки мегӯянд то ҳол дар ин кишвар ҳеч касе ба коронавирус мубтало нашудааст, тадбирҳо барои гузаронидани кормандони буҷавиро аз санҷиши тиббӣ тақвият мебахшанд. Тавре хабарнигори бахши туркмании Радиои Озодӣ дар шаҳри Ишқобод иттилоъ дод... Читать дальше...

Шаҳрдори Москва Сергей Собянин гуфт, аз 9 июн дар пойтахти Русия низоми гушанишинӣ, гаштугузор бар асоси ҷадвал ва бо иҷозатномаи электронӣ бекор мешавад Ӯ ҳамчунин қайд кард, ки ба эҳтимоли зиёд, сокинон ба зиндагии пешин метавонанд як сол баъд баргарданд. Сергей Собянин ба бекор кардани маҳдудиятҳое, ки дар робита ба коронавирус ҷорӣ шудаанд, бо дархости мансабдорони маъмурияти президент суръат бахшид. Дар ин бора "Расонаи боз" бо истинод ба манбаъҳои худ иттилоъ додааст. "Мардум баъди гушанишинӣ ва пеш аз раъйдиҳӣ бояд нафас бикашад"... Читать дальше...

Вазири умури хориҷии Қирғизистон Чингиз Айдарбеков бо ҳамтои қазоқи худ Мухтор Тлеубердӣ 8 июн дар як суҳбати телефонӣ вазъ дар марзи ду кишвар, аз ҷумла гузаштани мошинҳои боркашро баррасӣ кард. Ба иттилои Вазорати умури хориҷии Қирғизистон, "ҷонибҳо бо таъкид ба аҳамияти фароҳам овардани шароити мусоид барои соҳибкорони Қирғизистону Қазоқистон ба созиш расидаанд, ки бояд монеаҳо дар гузаргоҳҳои марзии ду кишвар бардошта шаванд. Ҳамчунин Бишкек Нурсултонро ба риояи меъёрҳои Иттиҳоди иқтисодии Авруосиё даъват кардааст". Читать дальше...

Шахсоне, ки пас аз табобати бемории COVID-19 дубора ба ҷои корашон баргаштанд, мегӯянд, надоштани варақаи муолиҷа сабаб шуд, ки маоши худро дарёфт накунанд, ё танҳо 50 дарсади онро бигиранд.