Новости за 08.08.2021

Иёлоти Муттаҳидаи Амрико аз сабти беш аз 107 ҳазор мавриди сирояти коронавирус дар шабонарӯзи охир хабар дод. Пас аз зимистони гузашта бори аввал аст, ки шумори мубталоён ба ин ҳад дар Амрико афзоиш ёфтааст.

Пулиси зидди терроризм дар Покистон гуфт, дар ҷараёни амалиёти 8-уми август се ҷангҷӯйи эҳтимолиро дар пинҳонгоҳашон, дар наздики шаҳри Лоҳур, куштааст.

Ба гузориши бахши афғонистонии Радиои Озодӣ, ҳавопаймоҳои амрикоии B-52 ба маконҳои Толибон дар шаҳри Шибирғон, маркази вилояти Ҷузҷон, ҳамла кардаанд. Муовини сухангӯйи Вазорати мудофиаи Афғонистон дар Твиттер навиштааст, ҳамла шоми 7-уми август сурат гирифт ва "Толибон талафоти сангин доданд".

Мансабдорони Афғонистон рӯзи 8-уми август тасдиқ карданд, ки Толибон вориди шаҳрҳои Кундуз ва Сарипул шудаанд ва даргирии шадиде дар ин шаҳрҳо ҷараён дорад.

Аз рӯи натиҷагирии мусобиқот дар Олимпиада варзишгарони 93 кишвар медал ба даст оварданд, аз он ҷумла намояндагони 65 кишвар бо медалҳои тилло сарфароз шуданд.

Арабистони Саудӣ аз 9-уми август дархости хориҷиёнро барои Ҳаҷи Умра қабул мекунад, ба шарте ки довталабон гувоҳиномаи ваксинаи зидди коронавирусро дошта бошанд.

Тоҷирон иддао доранд, ки ин кор ба зарари онҳо ва хонаводаашон аст. Намояндагони "Тоҷ Меъмор" бовар доранд, корашон тибқи нақшаи куллӣ ва қарори шаҳрдори Душанбе пеш меравад. Дар бораи моликони ширкати сохтмонӣ феълан иттилое дар даст нест.

Вазорати тандурустии Тоҷикистон 7-уми август хабар дод, ки дар шабонарӯзи охир 70 каси дигар ба бемории коронавирус мубтало шуданд.

Арманистон даступо мезанад, то ҷанги соли 2020 бо ҳамсояаш Озарбойҷон ва талотумҳои сиёсӣ ва ҷанҷолҳои интихоботи баъди онро паси сар кунад. Бо онки ин талотуму ҷанҷолҳо ба тадриҷ фурӯ менишинанд, арманиҳо бештар дар бораи рафъи захму оқибатҳои ҷанг, аз ҷумла талафоти 4000 сарбоз фикр мекунанд.