Новости за 31.08.2021

Имсол даҳҳо донишҷӯйи донишгоҳҳои Душанбе соли нави таҳсилро дар "маршировка" оғоз мекунанд. Онҳо барои таҷлил аз 30-солагии истиқлоли Тоҷикистон як ҳафтаи дигар бояд машқ кунанд.

Хабарҳо дар бораи он ки "Толибон" қудратро дар Афғонистон ба даст гирифта, худро бебокона "Аморати исломӣ" номидааст, барои тамоми дунё бонги хатар мебошад. Ҳаракате, ки аз сӯйи Созмони Милали Муттаҳид террористӣ эълон шудааст.

Низомиёни Амрико ҷараёни ба берун бурдани нерӯҳои ин кишвар ва даҳҳо ҳазор шаҳрвандони Афғонистонро, ки бо омадани “Толибон” ҳаёташон зери хатар аст, ба поён расонданд. Мақомоти амрикоӣ гуфтанд, бо ёрии шарикони байналмилалии худ аз 14 то 30-юми август 123 ҳазор касро аз Кобул ба хориҷа бурданд.

Мусоҳиба бо фармондеҳи Толибон дар ҳузури 7 муҳофизи мусаллаҳи ӯ.

Соли нави таҳсил бо "маршировка" оғоз ёфт.

Паноҳҷӯёни афғон дар фурудгоҳи Кӯлоб ҷойгир шудаанд. Гузориши Маҳмудҷон Раҳматзода.

Нурлан Эрмекбаев, вазири дифои Қазоқистон дар паи таркишҳои ахир дар як анбори низомӣ, ки боиси кушта шудани 15 нафар шуд, ба истеъфо рафт. Номаи истеъфои Эрмекбаевро рӯзи 31-уми август президенти ин кишвар Қосимжомарт Тоқаев имзо кард.  Вазорати ҳолатҳои фавқулодаи Қазоқистон хабар додааст, ки дар пойгоҳи низомии вилояти Ҷамбули ин кишвар, ки ахиран таркиш ба амал омада буд, ҷасади як тани дигарро пайдо карданд. Вале шахсияти он ҳанӯз маълум нест. "Ҳамин тариқ шумори қурбониёни таркиш ба 15 нафар расид", - омадааст дар иттилоияи вазорат. Читать дальше...

Мақомоти низоми адлияи Эрон гуфтанд, дар робита бо видеоҳои шиканҷаи маҳбусон дар зиндони Эвини Теҳрон ду нафар ҳабс ва чор тани дигар ба шарти берун нарафтан аз макони зист боздошт шуданд. Исму вазифаҳои онҳо фош намешавад. Чанде пеш гурӯҳи рахнагарони “Адолати Алӣ” дастгоҳҳои сабти видеои зиндони Эвинро шикаста наворҳои латукӯби шадиди зиндониҳоро дар интернет нашр кард. Рӯзи 30-юми август хабаргузории “Мизон” гуфт, ки дар робита бо ин наворҳо шаш нафар ба ҷавобгарии ҷиноӣ ҷалб шудаанд. Созмони ҳомии ҳуқуқи Amnesty International гуфт... Читать дальше...

Раиси як шаҳр дар Полша дар муроҷиатномае ба зарурати анҷоми амалиёти изтирории тағйири гурда барои ду кӯдаки афғон даъват кардааст, ки баъди хӯрдани замбӯруғи заҳролудшуда дучори бемории сангин шудаанд. Артур Тусински, шаҳрдори Подкова Лесна рӯзи 30-уми август дар саҳифаи фейсбукиаш навишт, ки ду тифли паноҳҷӯёни афғон аз хӯрдани замбӯруғи заҳрогин бемор шуданд. Ҳоло ин ду кӯдак дар як беморхонаи шаҳри Варшава мебошанд ва табибон гуфтанд, ки ба ин ду нафар  амалиёти табдили гурда зарур аст. OKO.press гуфт... Читать дальше...

Вазири корҳои хориҷии Бритониё Доминик Рааб  аз кишварҳое, ки дар берун бурдани паноҳҷӯёни афғон кӯмак кардаанд, тақозо намуд, ки барои онҳое, ки метавонанд кишварро тарк кунанд, дар ҳамкорӣ як долони амне бунёд бикунанд. Рааб рӯзи 30-юми август дар ҷаласае бо ширкати вазирони хориҷаи кишварҳои мухталиф, ки аз ҷониби Департаменти давлатӣ ташкил шудааст, гуфт, ки Толибонро  аз рӯи рафтор ва ҳам мувофиқаташон ба тарки кишвар кардани мардум баҳогузорӣ кардан лозим аст. Дар ин ҷаласа мақомот Канада, Фаронса... Читать дальше...

Варзишгарони тоҷик дар мусобиқаи қаҳрамонии бокси Осиё миёни наврасон ва ҷавонон, ки рӯзҳои 20-30-юми август дар шаҳри Дубайи Имороти Муттаҳидаи Араб баргузор шуд, ҳамагӣ 15 медал (6 медали биринҷӣ миёни ҷавонон ва 9 медал – 1 нуқра ва 8 биринҷӣ миёни наврасон) ба даст оварданд. Шумораи умумии иштироккунандагони қаҳрамонии бокси Осиё миёни наврасон ва ҷавонон дар Дубай 293 нафар, аз ҷумла 84 духтар аз 15 кишвар буд. Дар ин мусобиқа Тоҷикистонро 21 варзишгар, аз ҷумла 2 духтар, намояндагӣ карданд. Читать дальше...

Бо тарки Кобул кардани охирин ҳавопаймои низомиёни амрикоӣ баъди хатми ҷанги 20-солаи Афғонистон, Толибон фурудгоҳи байналмилалии Кобулро таҳти назорати худ дароварданд.  Рӯзи 31-уми август дар кӯчаҳои шаҳри Кобул садои тирандозии шодбошии Толибон аз хуруҷи нирӯҳои хориҷӣ ба гӯш мерасид. Нирӯҳои ИМА ва муттафиқонашон дар як амалиёти бебандуборе шитобон Афғонистонро тарк карданд  ва ҳазорҳо афғонистониҳоеро, ки бо ҳукумати пешин ва ғарбиҳо кор мекарданд, дар ҳолати нигарониву тарс аз интиқомҷӯиҳои ҳукумати Толибон гузоштанд. Читать дальше...

Додситонии кулли Русия гуфт, ки шурӯъ аз соли ҷорӣ дар саросари кишвар фасоду ришвахорӣ якбора боло рафтааст. Рӯзи 30-юми август дар як гузорише, ки  ин ниҳод нашр кард, гуфта шуд, ки то 30-юми июн 24,500 ҳодисаҳои фасод расман сабт шудааст ва дар ҳашт соли охир ин омори азимтарин будааст. Дар гузориш омадааст, ки тахминан нисфи ин ҳодисаҳо ба порагирӣ рабт дошта, сеяки онҳо порахӯрӣ дар ҳаҷми 10 ҳазор рубл, муодили 135 доллар ё камтарро дар бар мегиранд. Аксари ин ҳодисаҳо дар ватани президент Владимир Путин шаҳри Санкт-Петербург... Читать дальше...

Энтони Блинкен, котиби давлатии ИМА рӯзи 30-юми август, чанд соат баъди он ки нирӯҳои амрикоӣ Афғонистонро тарк карданд, гуфт, тамоми дипломатҳои амрикоӣ аз Кобул рафтанд ва фаъолияти сафорати ИМА дар Афғонистон боздошта шуд. Блинкен гуфт, баъди 20 соли ҷанг Вашингтон ҳузури дипломатии худро аз Кобул ба Давҳа, пойтахти Қатар интиқол дод. Дар ин кишвар дафтари сиёсии Толибон ҷойгир шудааст. Блинкен, ки суханронии муфассалашро ба мавзӯи сиёсати ИМА дар Афғонистон бахшида буд, гуфт, “нирӯҳои мо аз Афғонистон берун шуданд”. Читать дальше...

Вазири корҳои хориҷии Фаронса гуфт, ки Толибон бо Туркия ва Қатар мавзӯи мудирияти фурудгоҳи байналмилалии Кобулро машварат мекунанд. Толибон пойфишорӣ доранд, ки гурӯҳи тундрави исломӣ бояд ба зудтарин фурсат ин муассисаро зери даст гирад, то ки хоҳишмандони парвоз аз Афғонистон тавонанд базудӣ аз хидмати ҳавопаймоҳои тиҷоратӣ истифода кунанд. Рӯзи 31-уми август баъди тарки Афғонистон кардани нирӯҳои ИМА Жан-Ив Ле Дриан дар як сӯҳбати телевизиониаш гуфт, “Қатъномаи Шӯрои амният дар бораи ҳимояти фурудгоҳ бояд иҷро шавад”. Читать дальше...

Шӯрои амнияти Созмони Милали Муттаҳид бо судури қатъномае аз Толибон хостааст, ки бигузорад мардум Афғонистонро тарк кунад. Ин қатънома дар нишасти рузи душанбеи Шӯрои амният содир шуд. Дар ин қатънома дар бораи эҷоди "минтақаи амн" дар Кобул чизе гуфта нашудааст. Эммануэл Макрон, раиси ҷумҳури Фаронса эҷоди чунин як минтақа дар Кобул барои интиқоли бехатари касонеро пешниҳод карда буд, ки мехоҳанд Афғонистонро тарк кунанд. Дар қатънома ба аҳамияти дастрасии мардум ба хадамоти башардустона, риояи ҳуқуқи башар... Читать дальше...

Намоиши асари як рассоми қирғиз дар Бишкек, ки шаш президенти ин кишварро бо чеҳраҳои гирифта назди гулчанбар тасвир кардааст, ҷанҷолбарангез шуд.

Президенти Қирғизистон Содир Ҷабборов мегӯяд, дар мавриди таъйини беш аз 50 дарсади марз бо Тоҷикистон созиш ҳосил шудааст. Вай 30-юми август дар мулоқот бо сафирони кишварҳои хориҷӣ ва намояндагони созмонҳои байналмилалӣ, ки бахшида ба 30-умин солгарди истиқлоли давлатии Қирғизистон дар шаҳри Бишкек баргузор шуд, гуфт, "ҳукуматҳои Тоҷикистону Қирғизистон барои ҳалли масъалаҳои марзӣ бояд тасмими сиёсӣ гирифта, гуфтугӯро дар асоси меъёрҳои эҳтироми ҳамдигар идома диҳанд". Ҷабборов ҳамчунин изҳор доштааст... Читать дальше...

Хадамоти матбуотии Вазорати умури хориҷии Узбекистон хабари боз будани марзҳояш барои афғонистониҳоеро, ки ҳаёташон дар режими ҳаракати Толибон таҳти хатар аст, рад кард. "Дар ҳоли ҳозир марзи Узбекистону Афғонистон ба далели таъмини амният комилан баста аст. Гузаргоҳи марзии "Тирмиз"-и миёни ду кишвар низ фаъолият намекунад ва боз шудани он низ дар ояндаи наздик дар назар нест", - омадааст дар иттилоияи вазорат. Ин ниҳод ҳамчунин ёдовар шудааст, ки "ба ҳамагуна кушиши убури ғайриқонунии марзи... Читать дальше...

Президенти Туркманистон Қурбонгулӣ Бердимуҳаммадов гуфт, "дар вазъияти кунунии эпидемиологӣ дар мавриди қабули гурезаҳои афғон бояд қарори оқилона қабул кард". Ӯ бо ин суханҳои худ расман тасдиқ кард, ки гурезаҳои афғон ба ҳудуди Туркманистон роҳ дода нахоҳанд шуд. Бердимуҳаммадов 29-уми август дар як суҳбати телефонӣ бо президенти Шӯрои Иттиҳоди Аврупо вазъи Афғонистонро баррасӣ кард. Ба иттилои хабаргузории расмии Туркманистон, Бердимуҳаммадов сабаби роҳ надодани гурезаҳои афғонро ба пандемияи коронавирус рабт дода... Читать дальше...

Вазорати дифои Амрико эълон кард, ки рӯзи душанбеи 30-юми август охирин нерӯҳои амрикоӣ аз Афғонистон берун шуданд ва ба ин тартиб, ҳузури низомии 20-солаи ИМА дар Афғонистон поён ёфт.