Новости за 12.08.2021

Пайвандони ду шахси гумонбар ба куштани чаҳор узви як оила дар ноҳияи Ҷайҳуни вилояти Хатлон иддао доранд, ки онҳо шиканҷа шудаанд ва эҳтимол зери фишор гуноҳро ба гардан бигиранд. Як маъмури милиса дар ноҳияи Ҷайҳун шикояти онҳоро беасос номид, аммо дар бораи парванда ҷузъиёт надод.

Пайвандони ду шахси гумонбар ба куштани чаҳор узви як оила дар ноҳияи Ҷайҳуни вилояти Хатлон иддао доранд, ки онҳо шиканҷа шудаанд ва эҳтимол зери фишор гуноҳро ба гардан бигиранд. Як маъмури милиса дар ноҳияи Ҷайҳун шикояти онҳоро беасос номид, аммо дар бораи парванда ҷузъиёт надод.

Соли нави хониш дар Қирғизистон 15-уми сентябр шуруъ мешавад. Улуғбек Марипов, раиси девони вазирони Қирғизистон, рӯзи 12-уми август дар ин бора фармон содир кардааст.

Намояндагони расмии Туркманистон ва Узбекистону Русия бо Мулло Абдулғанӣ Бародар, раиси дафтари сиёсии Толибон, мулоқот кардаанд.

Ширкати узбекистонии Jurabek Laboratories аз мақомоти Русия иҷозат гирифт, ки истеҳсоли ваксинаи "Спутник V"-и русиро аз ҳафтаи оянда дар Узбекистон ба роҳ монад.

Ҷангҷӯёни Толибон шаҳри Ғазнии Афғонистонро низ зери назорати худ гирифтаанд. Дар давоми як ҳафтаи охир ин даҳумин маркази вилоят дар Афғонистон аст, ки ба дасти шӯришиён мегузарад.

Дабири Шӯрои амнияти Қирғизистон рӯзи 12-уми август гуфтааст, марзи ин кишвар бо Тоҷикистон "ҳангоми ҳалли масоили сарҳадӣ боз хоҳад шуд".

Як гурӯҳ аз сокинони деҳаҳои Рӯдакӣ ва Дӯстии Вахш шикоят карданд, ки ду ҳафта боз аз оби ошомиданӣ маҳруманд. Чун, ба иддаои онҳо, Муҳибуллои Тошрободӣ, яке аз хешовандони президенти Тоҷикистон, лӯлаи оби бозмонда аз Шӯравиро канда, "ба тарафи хоҷагии чорводорияш дар ҷамоати Машъал бурданист".

Оби деҳа ба ферма. Соҳибкоре худсарона хати оби сокинони ду деҳаро ба фермаи чорвопарвари худ бурданист.

Молики фермаи хукпарварии ноҳияи Ҷаббор Расулов ҷазо гирифт.

Назокат Ашурова ороишгар аз Душанбе ба фарқ аз дигар ҳампешагонаш тасмим гирифтааст ба ҷуз аз афроди доро ба шахсони нодор, ятимону бошандагони хонаи пиронсолон ройгон хидмат расонад.

Мақомот дар Русия гуфтанд, ки дар натиҷаи ба як кӯл дар Шарқи Дур афтодани чархболе бо 16 ҷаҳонгард, ҳашт нафар кушта шуда, ду нафар дар ҳолати сангин қарор доранд. Владимир Солодов, раиси минтақаи Камчатка гуфт, чархболи навъи Mi-8 субҳи панҷшанбе ба кӯли Курили воқеъ дар ҳудуди як мамнӯъгоҳи нимҷазираи Камчатка афтода ғарқ шуд. Кормандони мамнӯъгоҳи Кронотский, ки кӯли Камчатка дар ҳудуди он ҷойгир аст, нисфи мусофирони чархболро пайдо карданд ва ду нафари онҳо ҳоло бо ҷароҳатҳои сангин дар шӯъбаи эҳёгарӣ қарор доранд. Читать дальше...

Рӯзи 12-уми август задухӯрдҳои  ҷангиёни Толибон бо нирӯҳои давлатии Афғонистон дар саросари кишвар идома ёфт. Дар ин рӯз инчунин хабар расид, ки шаҳри Ғазнии воқеъ дар 150-километрии ҷанубуғарби шаҳри Кобул ба дасти Толибон гузаштааст.  Агар ин хабар дуруст бошад, пас Ғазнӣ аз миёни 34 маркази маъмурии вилоятҳо даҳумин шаҳре хоҳад буд, ки ба дасти Толибон гузаштааст. Ғазнӣ як шаҳри стратегӣ ба шумор меравад ва дар канори шоҳроҳи Кобул-Қандаҳор ҷойгир шуда, пойтахтро бо ҷануби кишвар мепайвандад. Читать дальше...

Молики фермаи хукпарвариро дар Деҳмой, канори шаҳри Хуҷанд, ба "ифлос ё олуда кардани об" гунаҳкор дониста, ба якуним сол кори ислоҳӣ маҷбур кардаанд.

Исломиддин Ашӯров,  як узви созмони дар Тоҷикистон мамнӯи “Гурӯҳи 24” мегӯяд, мақомот аз волидонаш тақозо кардаанд, ки писарашонро ба Тоҷикистон баргардонанд ва дар ин сурат "ӯ афв хоҳад шуд ва агар наояд, ӯро дар пайгарди байналмилалӣ қарор хоҳанд дод". "Гурӯҳи 24" як созмони сиёсии мухолифи ҳукумати Тоҷикистон буда, аъзои он бештар тавассути шабакаҳои иҷтимоӣ ба пайгириву интиқоди кори ҳукумати Тоҷикистон машғул мешаванд. Ба иттилои худи Исломиддин Ашӯров, ӯ  аз соли 2016 ба ин тараф дар Полша ва ё Лаҳистон ба сар мебарад. Читать дальше...

Мақомоти Русия беш аз 100 муҳоҷиреро, ки дар занозании гурӯҳии шаби 11-уми июл дар назди истгоҳи метрои Кузминкии шаҳри Маскав ширкат карда буданд, барои 40 сол аз ҳаққи ворид шудан ба Русия маҳрум карданд. Ба навиштаи расонаҳои Русия, ин муҳоҷирон шаҳрвандони Қирғизистон, Узбекистон, Тоҷикистон мебошанд. Ба иттилои расонаҳои русӣ, шаби 27-уми июл низ муҳоҷирон дар яке аз кӯчаҳои марказии Санкт-Петербург занозанӣ карданд ва он бештар ба муҳорибаи бидуни қоида монандӣ дошт. Вазорати корҳои дохилии Русия ҳушдор дод... Читать дальше...

Маркази муҳоҷирати “Сахарово” дар Маскав гуфтааст, ки ҳудуди 50 ҳазор нафар муҳоҷиронӣ корӣ беш аз ду моҳ боз пули патентро пардохт намекунанд. Вадим Коженов, роҳбари Федератсияи муҳоҷирон дар Русия бар пояи ин омор гуфт, бисёре аз муҳоҷирон тамдид шудани фармони президентро ғалат фаҳмида патент намегиранд ва пули онро ҳам пардохт намекунанд, ки метавонад боиси ихроҷи онҳо аз Русия шавад. Коженов гуфт, тамдиди фармони Путин ҷиҳати сабти номи ҷойи иқомат бидуни убури сарҳад ба маъное нест, ки муҳоҷирон... Читать дальше...

Режими раҳбари худкомаи Беларус Александр Лукашенка дар посух ба даври нави таҳримҳои  ИМА, аз Вашингтон тақозо кард, ки то 1-уми сентябр шумори кормандонаш дар сафорати Минскро то панҷ нафар коҳиш диҳад. Анатол Ҳлаз, сухангӯи вазорати хориҷаи Беларус дар як мусоҳибааш, ки рӯзи 11-уми август дар вебсайти вазорат нашр шуд, хабар дод, ки Минск инчунин ризоияташро  бо таъин шудани  Ҷулиа Фишер ба мақоми сафири ИМА бозпас гирифтааст. Ҳлаз гуфтааст: “Бо назардошти ин ки эътимоди Беларус ба маъмурияти кунунии ИМА аз даст рафтааст... Читать дальше...

Вазорати корҳои хориҷии Амрико зидди ширкате таҳрим ҷорӣ кард, ки бо Тоҷикистон ҳамкорӣ мекунад.

Мақомоти  амрикоӣ аз занони ҳомиладор даъват карданд, ки воксинаи зидди  COVID-19-ро бигиранд, чун, ба гуфтаи онҳо, санҷишҳои ахир нишон дод, ки эмшавӣ хатаре барои кӯдаку бордорӣ надоштааст. Рошеллл Валенски, раиси Маркази назорат ва пешгирӣ аз бемориҳои ИМА рӯзи 11-уми август гуфт, ки ин ниҳод модарони ширдиҳанда, бонувони ҳомиладор ва ҳам онҳоеро, ки барои ҳомиладор шудан омодагӣ мебинанд, ташвиқ мекунад, ки ҳатман эм карда шаванд. Озмоиши 2500 зани ҳомиладор, ки воксинаҳои навъи Pfizer ва Moderna-ро... Читать дальше...

Созмони Афви байнулмилал ё Amnesty International дар гузорише рӯзи 12-уми август гуфт, мақомоти Русия ҳаққи мардумро ба эътирозҳои сулҳомез ба андозае танг кардаанд, ки ҳоло дигар баргузории эътирозҳои осоишта тақрибан номумкин шудааст. Гузорише бо номи “Русия: Ҷое барои эътироз намондааст” дар остонаи интихоботи парлумониву маҳаллии моҳи оянда нашр шуда, дар он омадааст, ки “мақомоти Русия бо қабули қонунҳои маҳдудкунанда ва шеваи сангини кори полису таъқибҳои ҷиноии дигарандешон ҳаққи мардумро ба ҷамъомадҳои сулҳомез аз байн бурдаанд”. Читать дальше...

Дар нимҷазираи Камчаткаи Русия дар минтақаи Шарқи Дур дар паи афтодани як чархбол рӯзи 12-уми август, ба иттилои матбуот, нӯҳ нафар зинда пайдо шуданд ва ҷустуҷӯи ҳафт нафари дигар  идома дорад. Ҳодиса тахминан соатҳои 10-и субҳи панҷшанбе дар мамнӯъгоҳи Кронотский рух дод. Вазорати ҳолатҳои изтирории Русия гуфт, ки 13 нафари онҳо мусофирон ва се нафарашон халабонҳо буданд. Аз миёни нӯҳ нафари зинда пайдошуда ду нафар халабон ва ҳафт нафар мусофирон мебошанд. Ба иттилои вазорат, чархболи навъи  Mi-8 ба кӯли Курил афтодааст... Читать дальше...

Рӯзи 12-уми август дар пойтахти Қатар шаҳри Давҳа рӯзи сеюм ва ниҳоии музокираҳои Толибон ва ҳукумати Кобул шурӯъ шуд. Ин музокираҳо дар ҳоле баргузор мешаванд, ки амалиёти ишғолгаронаи Толибон дар саросари кишвар босуръат идома дорад ва қисмати калони кишвар зери дасти ҷангҷӯён гузаштааст.  Дар канори ҳукумати Кобул, намояндагони ИМА, Чин, Русия ва Покистон ҳам дар Давҳа талош доранд ба созиши ниҳоие дар заминаи оташбас ва ҳалли сиёсии бӯҳрони Афғонистон даст ёбанд. Дар ҳамин ҳол, бар асоси иттилои тасдиқношуда... Читать дальше...

Аз моҳи август то декабри соли ҷорӣ Туркманистон ба Қирғизистон 501,9 млн кВт/соат барқ интиқол медиҳад. Мақомоти Қирғизистон гуфтанд, ки ду кишвар дар ин робита созишнома имзо кардаанд. Туркманистон то рӯзи 9 август ба Қирғизистон аллакай 19,2 млн киловат барқ интиқол додааст. Гуфтугӯҳо дар мавриди воридоти гази табиӣ аз Туркманистон ба Қирғизистон идома доранд. Мақомоти Қирғизистон қиматеро, ки бояд барои барқу гази Туркманистон пардозанд, эълом намекунанд. Созиши интиқоли барқу газ аз Туркманистон... Читать дальше...

Аввалин Бозиҳои кишварҳои ИДМ (Иттиҳоди Давлатҳои Мустақил) аз 4-ум то 11-уми сентябри соли равон дар Қазони Тотористон баргузор мешаванд, хабар медиҳад Оҷонсии иттилоотии "Татар-информ". Ба иттилои манбаъ, дар мусобиқот ҳудуди 1,5 ҳазор варзишгарони ҷавон аз Арманистон, Беларус, Қазоқистон, Қирғизистон, Молдова, Озарбойҷон, Русия, Тоҷикистон, Туркманистон ва Узбекистон дар 16 намуди варзиш рақобат хоҳанд кард. Синну соли варзишгарон аз 14 то 23-сола аст. Онҳо барои 184 маҷмӯи ҷоизаҳо мубориза хоҳанд бурд. Читать дальше...