Новости за 24.08.2021

Ба иттилои расмӣ, дар 30 соли охир беш аз 3 миллион нафар тарки Қазоқистон кардаанд, аммо омори хушк ба суоли он ки "чаро рафтанд?" посух намегӯяд. Чанде аз онҳо дар шабакаҳои иҷтимоӣ гуфтаанд, ки ба хотири ояндаи кӯдакон рафтанд ва қисмеро коррупсия нигарон кардааст.

Кишварҳои узви Созмони Паймони Амнияти Дастҷамъӣ (ОДКБ), як ташкилоти зери нуфузи Русия, вазъи паноҳҷӯён ва мавҷи муҳоҷират аз Афғонистонро баррасӣ кардаанд.

Сафорати Узбекистон дар Русия аз кормандони худ ҳимоят кард, ки рӯзи 19-уми август блогнависи бухороӣ Ҷӯрабек Омоновро дар бинои консулгарӣ задаанд. Омонов дар наворе сару рӯйи хуншорашро нишон дод.

Дар вилояти Бодканди Қирғизистон мулоқоти навбатии гуруҳҳои кории таъйин ва нишонагузории марзи Тоҷикистону Қирғизистон ба поён расид. Ин мулоқот аз 16 то 22-юми август дар шаҳри Исфана баргузор гардид.

Сергей Лавров, вазири корҳои хориҷии Русия, гуфт, Маскав намехоҳад, ки нирӯҳои Амрикоро дар хоки Осиёи Марказӣ бубинад, чун, ба гуфтаи ӯ, минтақаро таҳти хатари ҳамлаҳо қарор дода метавонад.

Раҳбарони ҳафт иқтисоди пешрафтаи ҷаҳон (G7) дар нишасти фаврии онлайн масъалаи ёрӣ ба Афғонистон ва ҳамоҳангии сиёсатҳои худро дар баробари ин кишвар, ки аз 15-уми август зери назари “Толибон” аст, баррасӣ мекунанд.

Вазири корҳои хориҷии Қирғизистон тахмин кардааст, ки як роҳи ҳалли баҳси марзӣ бо Тоҷикистон "даст кашидани ду ҷониб аз қаламравҳои даъвоӣ" буда метавонад. Руслан Қазоқбоев ин фарзияро дар суҳбат бо хабаргузории давлатии Русия - РИА Новости баён кард. Ҷониби Тоҷикистон ҳанӯз вокуниш накардааст.

Бонки Миллии Тоҷикистон дар як нишаст бо иштироки намояндагони бонкҳои кишвар ҷузъиёти афви дороиҳо ва маблағҳоро шарҳ дод.

Дар як мавриди бисёр камназир раиси низоми зиндонҳои Эрон барои ба гуфтааш “рафтори ғайри қобили қабул” дар зиндони Эвини Теҳрон узрхоҳӣ кардааст.

Дар Қазоқистон "фирори мағзҳо" вусъат меёбад.

Як мақоми баландпояи Созмони Милали Муттаҳид дар умури ҳуқуқи башар мегӯяд, дар бораи хушунату саркӯбгариҳои "Толибон", аз ҷумла кушторҳои бидуни баррасии шаҳрвандон дар Афғонистон, гузориш гирифтааст.

Вазири қирғиз ба Тоҷикистон: "Биёед, аз даъвоҳои марзӣ даст кашем!"

Паноҳандагони афғон Тоҷикистонро кишвари транзитӣ мешуморанд.

Урсула вон дер Лейен, президенти Комиссиюни Аврупо дар бораи аз 50 то ба 200 миллион евро афзоиш додани мизони кӯмакҳои башарӣ ба Афғонистон хабар дод. Ӯ гуфт, ки дар бораи ин кӯмакҳои кишварҳои узви Иттиҳоди Аврупо инчунин дар ҷаласаи Гурӯҳи Ҳафтгонаи иқтисодҳои пешрафтаи ҷаҳон хабар медиҳад. Ин маблағҳо барои шаҳрвандони Афғонистони воқеъ дар дохили кишвар ва ҳам паноҳҷӯёни афғон дар беруни мамлакат пешбинӣ шудааст. Вазъи Афғонистон бо сари қудрат омадани Толибон ва ояндаи ин кишваре, ки нирӯҳои ИМА ва эътилофӣ онро тарк мекунанд... Читать дальше...

Мақомоти Узбекистон гуфтанд, бо вуҷуди ин ки дар Афғонистон қудратро ҷангиёни гурӯҳи Толибон ба даст гирифтаанд, Тошканд мутобиқ бо ӯҳдадориҳош амал карда, ба Афғонистон нирӯи барқ интиқол медиҳад. Вазорати энержии Узбекистон рӯзи 24-ми август бо нашри изҳороте гуфт, ки “таъмини нирӯи барқ мутобиқ бо ҷадвали муайяншуда бетанаффус таъмин мешавад”. Вазорати энержӣ гуфт, ки тобистон ба хотири афзоиши содироти барқ аз Тоҷикистон одатан истифодаи барқ аз Узбекистон кам мешавад.  Шабакаи миллии барқи... Читать дальше...

Ҳаракати "Толибон", ки дар бисёр кишварҳо ҳамчун як ниҳоди тундрав ва террористӣ манъ шудааст, мехоҳад барои идора кардани афғонистон як шӯрои иборат ва 12 нафарро таъсис диҳад. Дар ин бора нашрияи Foreign Policy хабар додааст. Ба қавли сарчашмаҳои ин нашрия, раҳбари бахши сиёсии "Толибон" Абдулғанӣ Бародар, раиси бахши ҳарбии ин ниҳод ва писари бунёдгузори ҳаракат Мулло Умар бо номи Муҳаммад Яъқуб ва ҳамчунин узви гуруҳи террористии "Шаабкаи ҳаққонӣ" Халилураҳмон Ҳаққонӣ узви шӯро хоҳанд шуд. Нашрия инчунин хабар додааст... Читать дальше...

Дар кишварҳои Осиёи Марказӣ он чиро, ки ҳафтаҳои охир дар Афғонистон мегузарад, бодиққат назорат доранд ва аз пайомаду таъсири эҳтимолии он дар оянда нигаронанд.

Раҳбарони Гурӯҳи Ҳафтгонаи иқтисодҳои пешрафта дар ҷаласаи изтирории 24-ми август мавзӯи берун бурдани мардум аз Афғонистон ва татбиқи сиёсати ҳамоҳангшуда дар ин кишварро баррасӣ мекунанд. Ин ҷаласа дар ҳоле барпо мешавад, ки рӯзи 23-юми август низомиёни амрикоӣ азимтарин шумори мардум – амрикоиҳову дигар хориҷиҳо ва ҳам афғонҳоеро, ки ҳаёташон дар режими Толибон таҳти хатар аст, аз фурудгоҳи Кобул берун бурданд. Пентагон рӯзи 23-юми август гуфт, ки дар 24 соат 17 ҳазор нафар берун бурда шуданд... Читать дальше...

Идораи назорати беҳдоштии сифати ғизо ва маҳсулоти тиббии Амрико ваксинаи зидди COVID-19-ро, ки аз сӯи ширкати амрикоии Pfizer ва олмонии BioNTech ихтироъ шудааст, барои истифода ба таври комил қабул кард.

Русия гуфт, дар пасманзари таҳаввулоти Афғонистон пойгоҳи низомии 201-уми ин кишвар дар Тоҷикистон “бо маҷмаи мушакии зиддитонкии "Корнет" тақвият дода шуд”.

Аҳмад Масъуд ҳазорон нерӯи артишро дар дараи Панҷшер, дар шимол-ғарби Кобул, ҷамъ кардааст ва гуфта мешавад, ки ҳамакнун 9 ҳазор нерӯи муқовимат бо "Толибон" ба раҳбарии вай дар Панҷшер ҳузур доранд.

Имрӯз, 24-уми август, дар варзишгоҳи миллии шаҳри Токиои Ҷопон маросими ифтитоҳи Бозиҳои XVI тобистонаи паралимпӣ баргузор мешавад. Дар Паралимпиадаи Токио-2020, ки аз 24-уми август то 5-уми сентябр доир мегардад, ширкати беш аз 4000 варзишгар аз 162 кишвар дар назар аст. Варзишгарони маълул барои 539 маҷмӯи медалҳо дар 22 намуди варзиш мубориза хоҳанд бурд. Дар Бозиҳои XVI тобистонаи паралимпӣ Тоҷикистонро Акмал Қодиров, варзишгари маъруфи тоҷик, намояндагӣ хоҳад кард. Ӯ дар Паралимпиада дар... Читать дальше...

Шуруъ аз соли 1989 наздики як миллион рустабор тарки Узбекистон кардааст. Дар ин бора Кумитаи давлатии омори Узбекистон хабар медиҳад. Дар соли 2021 теъдоди рустаборон дар Узбекистон 720,3 ҳазор касро ташкил додааст. Онҳо дар соли 1989 дар он кишвар 1 млн 653 ҳазор буданд. Шумори умумии аҳолии Узбекистон дар соли 2021 ба 34,6 млн расидааст. Дар ҳоле, ки дар соли 1989 аҳолии Узбекистон 19,81 миллионро ташкил медод. Аҳолии Узбекистонро узбекҳо, тоҷикон, қазоқҳо, қарақлпоқиҳо ва русҳо ташкил медиҳанд. Читать дальше...

Расонаҳои Ҳиндустон хабар доданд, ки 78 нафар, ба шумули 46 шаҳрванди сик ва ҳиндутабори Афғонистон аз Кобул берун карда шуданд ва рузи сешанбе тавассути як парвози вижа, аз Душанбеи Тоҷикистон ба Деҳлӣ интиқол дода мешаванд. Мақомоти тоҷик то кунун дар ин робита ибрози назар накардаанд.  Рӯзномаи "Hindustan Times" рӯзи 24-уми август бо такя ба Вазорати корҳои хориҷии Ҳинд хабар дод, ки ин 78 нафар, ки 25 тани онҳо шаҳрвандони Ҳинд мебошанд, рӯзи сешанбе тавассути як парвози вижа аз пойтахти Тоҷикистон ба Деҳлӣ интиқол дода мешаванд. Читать дальше...

Мақомоти Русия гуфтанд, намехоҳанд ба масъалаи Толибон ва мухолифонашон дар Панҷшер дахолат кунанд. Дмитрий Песков, сухангӯи президенти Русия рӯзи 23-юми август ба расонаҳои он кишвар гуфтааст, қазияи Панҷшер метавонад боиси сар задани ҷанги нави шаҳрвандӣ дар Афғонистон шавад. Изҳороти Песков дар пайи он нашр мешавад, ки чанд рӯз қабл сафири Русия дар Кобул гуфта буд, Толибон аз онҳо хостаанд, то миёни онҳо ва неруҳои мухолифашон дар Панҷшер як навъ миёнҷигӣ кунанд.  Русия дар солҳои 1996-2001 ба Эътилофи шимол... Читать дальше...