Новости за 16.08.2021

Баъди ба Кобул ворид шудани гурӯҳи "Толибон", ҳазорҳо нафар дар Афғонистон талош доранд, ки ба хориҷ бираванд. Иддае дар фикри зиндагии хуб дар берун ҳастанд, гурӯҳе дигар аз тарзи ҳукмронии "Толибон" дар ҳаросанд. Дар ҳоле ки ин гурӯҳ таъмини амният ва шароити хуби зиндагиро ваъда додааст. Рӯзи 16-уми август шумори зиёди мардум дар Фурудгоҳи байналмилалии Кобул ҷамъ шуда, бо ҳар роҳе мехостанд, ба ҳавопаймо ворид шаванд. Дар аксҳои зер бубинед, ки дар фурудгоҳи Кобул чӣ гузашт.

Телевизиони "Тулуъ", шабакаи маъруфи хабарӣ дар Афғонистон, бо такя ба манобеаш иттилоъ дод, ки шаби 15-уми август аз ин кишвар "ба Тоҷикистону шаҳри Тирмизи Узбекистон 45 парвоз анҷом шудаааст".

Даҳҳо кишвари ҷаҳон даъват карданд, барои берун рафтани хориҷиҳо ва он шаҳрвандони Афғонистон, ки хоҳони тарки кишвар ҳастанд, оромиву амният фароҳам шавад.

Арзиши хидмати алтернативӣ дар артиши Тоҷикистонро, ки як моҳ тӯл хоҳад кашид, муайян кардаанд. Бино ба қарори нави ҳукумати Тоҷикистон, нархи ин навъи хидмати сарбозӣ 420 нишондиҳанда барои ҳисобҳо (як нишондиҳанда 60 сомонӣ) аст, ки ба 25 ҳазору 200 сомонӣ баробар мебошад.

Ба иттилои расмӣ, ҳавопаймо шаби 15-уми август дар вилояти Сурхондарё афтодааст, аммо мақомот дақиқ нагуфтанд, ки дар дохили он чанд нафар буд.

Дар ноҳияи Вахши вилояти Хатлон дар посух ба шикояти сокинони ду деҳа, ки иддао доштанд "яке аз хешони президент" онҳоро беоб гузошт, раиси Идораи оби ноҳияро аз мансаб барканор кардаанд.

Дар натиҷаи бебандуборие, ки дар миёни ҳазорҳо хостори тарки Афғонистон кардан дар терминалҳои фурудгоҳи Кобул  рӯй дод, панҷ нафар кушта шуд. Нирӯҳои ИМА гуфтанд, ки баъди ду даҳсола Афғонистонро тарк мекунанд ва ҷангиёни Толибон тавонистанд рӯзҳои истироҳати гузашта вориди Кобул шаванд. Чанд кишвари ғарбӣ гуфтанд, дипломатҳои сафоратҳои хориҷӣ ва ҳам нафаронеро, ки барои ҳукумат ва созмону кишварҳои хориҷӣ кор кардаанд, берун мебаранд. Мақомот натавонистанд сабаби кушта шудани ин нафаронро бигӯянд... Читать дальше...

Кумитаи давлатии амнияти миллии Қирғизистон мавқеи худро дар бораи ҳаводиси сиёсии Афғонистон баён намуд.

Ҳудуди 50 кишвар ва аъзои Иттиҳоди Аврупо бо нашри изҳороти муштарак хостори таъмини амнияти бурунрафти онҳое шуданд, ки баъди ғасби шаҳри Кобул аз сӯи ҳаракати Толибон мехоҳанд, Афғонистонро тарк кунанд.

Бо даромадани толибҳо ба Кохи раёсатҷумҳурии Афғонистон вазъ дар ин кишвар босуръат дигар мешавад. Ин дар ҳолест, ки президенти кишвар фирор кард ва нерӯҳои амниятӣ нопадид гаштанд. Ҳарчанд фол дидан мушкил аст, чанд пурсиши асосӣ пеш меояд, ки посух мехоҳанд.

Ангурпарварони хатлонӣ мегӯянд, ҳосил хуб шуд, фарзандонро ба муҳоҷират намефиристем.

Баъди фирори президенти Афғонистон Ашраф Ғанӣ аз Афғонистон як идда низомёни мусаллаҳи афғон ба вилояти Хатлони Тоҷикистон убур намуданд. Феълан онҳоро дар шаҳри Бохтар ҷойгир намудаанд ва аз ин бештар маълумот дасрас нашудааст.

Гурӯҳи "Толибон" рӯзи 15-уми август вориди Кобул шуд ва пас аз бист соли сарнагунии ҳокимияташ дигарбора назорат бар Афғонистонро ба даст овард. Ин ҷунбиш аз соли 1996 то 2001 қудратро ба даст дошт, вале дар пайи амалиёти нирӯҳои байналмилалӣ ба раҳбарии Амрико вожгун шуд. Ҳоло бисёриҳо аз такрори ҳукуматдории гузаштаи "Толибон", ки қоидаҳои сахти шариатро ҷорӣ карда, монеи таҳсили духтарон ва боис ба нақзи ҳуқуқу озодиҳои мардум шуда буд, нигарон ҳастанд. Дар аксҳои зер бубинед, ки ҳоло дар Кобул ва гӯшаҳои дигари Афғонистон чӣ мегузарад.

Албания ва Косово дархости ИМА-ро дар бораи ба паноҳҷӯёни Афғонистон пеш аз  визаи муҳоҷират ба ИМА сарпаноҳ гирифтанашон  қабул карданд. Нахуствазири Албания Эди Рама рӯзи 15-уми август гуфт, ки маъмурияти президенти ИМА Ҷо Байден аз Албания ба унвони як кишвари муттафиқ дар паймони НАТО хост, ки дар хокаш муваққатан паноҳҷӯёни афғонро қабул кунад. Рама дар Фейсбук навишт: “Мо на ба он хотир “не” намегӯем, ки муттафиқи  бузурги мо чунин дархосте кардааст, балки ба хотири он ки мо албанӣ ҳастем”. Читать дальше...

Полиси Украина аз рӯи ҳодисаи марги шаҳрдори Кривой Рог, ки ҷасадаш  рӯзи якшанбе ошкор шуд, парвандаи ҷиноӣ боз кардааст. Полис гуфт, ки ҷасади Константин Павлови 48-сола, як узви фаъоли ҳизби рӯ ба Русияи “Барои зиндагӣ” рӯзи 15-уми август дар хонааш дар деҳаи Вилно ошкор шуд. Ҷасад осори тири туфанг дорад. Полис гуфт, ки силоҳ ҳам дар дохили хона пайдо шуд ва тафтишот фарзияи куштор ва ҳам худкуширо баробар таҳқиқ мекунад. Президент Владимир Зеленский, ки худ зодаи Кривой Рог мебошад, дар изҳороте тавассути Телеграм гуфт... Читать дальше...

Бо расидани “Толибон” ба Кобул, барои Тоҷикистон ва кишварҳои дигар тақдири он шаҳрвандонашон, ки дар канори ин гуруҳ ва созмонҳои дигари террористӣ меҷанганд, хеле муҳим мегардад. Мақом ва нуфузи минбаъдаи онҳо чӣ гуна хоҳад буд? Чӣ чизеро аз ин гурӯҳҳо мунтазир шудан мумкин аст?

Дилмурод Давлатзода, раиси Агентии нафақа ва суғуртаи иҷтимоии Тоҷикистон гуфтааст, ки ахиран миёни ин ниҳод ва идораи нафақаи Русия видеоконфронсе баргузор шуд ва нукоти баҳсноки шартномаи  нафақаи миёни ду кишвар бартараф гардид. Давлатзода дар як суҳбат бо нашрияи порлумонии "Садои мардум" гуфтааст, ки пас аз бартараф шудани нукоти баҳсӣ созишнома ба баррасии ҳукуматҳои ду кишвар ирсол шуд ва интизор меравад дар вохӯрии навбатии сарони ду кишвар ин санад ба имзо расад. Дар сурати ба имзо расидани ин созишнома муҳоҷирони кории тоҷик... Читать дальше...

Субҳи 16-уми август баъди ишғоли Кобул аз тарафи Толибони афғон издиҳоми бузурге дар фурудгоҳи Кобул ҷамъ шуд. Ҷамъомадагон аксаран афғонҳое буданд, ки мехостанд Афғонистонро тарк кунанд. Дар наворе, ки корбарон ба хабаргузории Рейтерс фиристодаанд, дидан мумкин аст, ки сарфи назар садои тир издиҳом кӯшиш кард ба дохили фурудгоҳи Кобул роҳ ёбад. Ходимони фурудгоҳ мегӯянд, ҳавопаймои ширкати Kam-Air, ки мебоист аз Кобул ба Истанбул парвоз кунад, натавонист сари вақт ба ҳаво хезад, зеро хоҳишманди парвоз зиёд буд ва ҷойи нишаст ба ҳама нарасид. Читать дальше...

Даҳҳо ҳукуматҳо аз ҳама ҷонибҳои дахил дар таҳаввулоти Афғонистон тақозо карданд, ки ҷараёни тарки Афғонистон кардани шаҳрвандони хориҷӣ ва ҳам худи афғонҳоро “эҳтиром ва барояшон мусоидат кунанд”. Бисёр кишварҳои хориҷӣ сафоратҳои  худро дар Афғонистон мебанданд ва кишварро тарк мекунанд. Рӯзи 15-уми август Толибон вориди Кобул шуда худро пирӯз эълон карданд. Ҳузури 20-солаи нирӯҳои байналмилалӣ дар ин кишвари ҷангзада бо ҳамин ба охир мерасад. Ҳукумат пош хӯрд, президент Ашраф Ғанӣ  аз Афғонистон рафт. Читать дальше...

Хадамоти муҳоҷирати Русия хабар дод, ки 33 шаҳрванди Тоҷикистон барои даст доштан дар занозании дастҷамъона аз Санкт-Петербург ихроҷ мешаванд.

Мақомот дар  Ҳаити, як кишвари ҷойгир дар минтақаи Карриб, гуфтанд, ки шумори қурбониёни зилзилае бо шиддати 7,2 дараҷаи Риҳтер то 1300 нафар афзоиш ёфт. Барои идомаи корҳои ҷустуҷӯву наҷоти одамон тимҳои ёрирасон аз кишварҳои дигар ҳам сафарбар шудаанд. Оҷонсии ҳимояти мулкӣ гуфт, ки дар зилзилаи ахир инчунин 5700 нафар маҷрӯҳ шуд ва ҳамаи онҳо беморхонаҳои маҳаллиро пур кардаанд. Рӯзи 16-уми август мақомот тимҳои калони табибонро ба минтақаҳои осебдида фиристоданд. Дар як арзёбии муфассали Оҷонсии ҳимояти мулкӣ ҳисоб шудааст... Читать дальше...

Департаменти давлатии ИМА дар изҳороте гуфт, ки тамоми кормандони сафорати ин кишвар дар Кобул ба фурудгоҳи шаҳри Кобул интиқол дода шуданд ва  фурудгоҳ таҳти назорати амниятии амрикоиҳо қарор дорад. Дар изҳорот инчунин омадааст, ки интиқоли дипломатҳо, кормандони мулкии амрикоӣ ва шаҳрвандони Афғонистон, ки дар давоми ҷанг ба амрикоиҳо ёрӣ расониданд, шурӯъ хоҳад шуд. Дар як изҳорот Нед Прайс, сухангӯи Департаменти давлатӣ рӯзи 15-уми август гуфт, ки “интиқоли амни кормандони сафорат ба анҷом расид”. Читать дальше...

143 низомии Афғонистон шаби 15-уми август тавассути чархболу ҳавопаймо аз ин кишвар фирор карда, дар фурудгоҳи шаҳри Бохтари Тоҷикистон поин омадаанд.

Тоҷикистон ба таври расмӣ хабарҳоро дар мавриди фуруд омадани ҳавопаймои Ашраф Ғанӣ, президенти Афғонистон дар хоки ин кишвар рад кард.

Вазорати корҳои хориҷии Қазоқистон хабари ташкили паноҳгоҳҳоро барои гурезаҳои афғон дар он кишвар рад кард.