Новости за 19.08.2021

Бо парчами миллии Афғонистон ба кӯчаҳо баромадани мардум барои таҷлил аз ҷашни Истиқлоли ин кишвар дар чанд шаҳри он сабаби хушунат ва кушта шудани намоишгарон гаштааст.

Нирӯҳои Тоҷикистону Чин ҳангоми тамрини низомӣ аз "силоҳу лавозимоти ҳарбӣ, танку тӯпҳои дурандоз, нерӯҳои ҳавоӣ, ҳавопаймоҳои бесарнишин ва артиллерияи ҷангӣ" истифода кардаанд.

Аҳмад Масъуд, писари Аҳмадшоҳи Масъуд, қаҳрамони миллии Афғонистон, ки​ аз оғози муқовимат алайҳи гурӯҳи Толибон хабар дод, хоҳони пуштибонӣ ва ёрии кишварҳои ғарбӣ шудааст.

Хабари афзоиши парвози мунтазами ҳавопаймоҳо миёни Душанбе ва Маскав умеди баъзе аз сокинонро ба харидани билети нисбатан арзон бештар кардааст.

Ду бинои, тибқи нақша, барҳавои ҷашнӣ, ки хишти аввали онҳоро чанд сол пеш президенти Тоҷикистон дар Хуҷанд гузошта буд, ҳамоно рӯйи коғаз монда, ҳатто пойдевори онҳо бунёд нашудааст.

Акмал Қодиров, варзишгари маълули тоҷик, дар Бозиҳои XVI тобистонаи паралимпӣ, ки аз 24-уми август то 5-уми сентябр дар шаҳри Токиои Ҷопон баргузор мешавад, Тоҷикистонро намояндагӣ хоҳад кард. Ӯ дар Паралимпиада дар риштаи варзиши сабук дар рақобатҳо оид ба гулулапартоӣ иштирок менамоя. Ба иттилои дафтари матбуоти Кумитаи миллии олимпии Тоҷикистон, Акмал Қодиров ягона варзишгарест, ки дар Паралимпиадаи Токио-2020 Тоҷикистонро намояндагӣ мекунад. Зимнан, Акмал аслан ҳамчун варзишгар дар риштаи армрестлинг ё дастхобонӣ маъруф аст. Читать дальше...

Афзоиши равуои ҳавоӣ миёни Тоҷикистону Русия нархи билетро арзон хоҳад кард?

Нурулло ронандаи такси дар пойтахти Қирғизистон пас аз фавти завҷааш бо ду тифли хурдсол танҳо монд. Ӯ дар радаи аввали мошини худ барои тифлон ҷойи хоб дуруст карду шабона такси меронад.

Дар арафаи 30 солагии Истиқлоли Тоҷикистон 10 бинову иншооти ҷашнӣ ба истифода дода мешавад. Аҳли фарҳанги шаҳри Хуҷанд ва донишҷӯён ҳам интизор буданд ки ҷашни истиқлолро ва бинои нав ҷашн мегиранд. Аммо пас аз хишти аввалро гузоштани раисҷумҳур сохтмони ин биноҳо идома наёфт.

Кристина Тимановская, варзишгари беларусӣ, ки се ҳафта пеш дар Полша паноҳанда шуд, гуфт, мехоҳад дар варзиш аз Полша намояндагӣ кунад. Рӯзи 18-уми август дар мусоҳиба бо телевизиони РБК Тимановская гуфт, ки ният дорад аризаи шаҳрвандии Полшаро дода, бар асоси он баъдан ба ҳайси як варзишгари полшагӣ ҳунарнамоӣ кунад. Давандаи 24-сола, ки аз интиқоли маҷбуриаш аз Токио ба Минск пешгирӣ карду бо ёрии ҷомеаи байналмилалӣ муқими Полша шуд, гуфт, барои гирифтани шаҳрвандии Полша се сол интизор шудан лозим аст... Читать дальше...

Ҷасади халабон Сергей Тютинро, ки ҳангоми садамаи чархбол дар ноҳияи Ванҷи Бадахшон, дар баландии ба гуфтаи мақомот панҷ ҳазор метр "банд монда буд", ба Душанбе оварда, 19-уми август дар оромгоҳи масеҳиён дафн карданд.

Михаил Горбачёв, охирин раҳбари Иттиҳоди Шӯравӣ дар остонаи 30-юмин солгарди кудатои ноком барои ҳифзи низоми шӯравӣ гуфт, ҷомеаи Русия бояд ба “қудрати афзоянда” мухолифат нишон диҳад. Ин истилоҳест, ки онро маъмулан мухолифони президенти амалкунандаи Русия Владимир Путин ба кор мебаранд. Горбачёви 90-сола гуфт, дарси талоши кудатои августи соли 1991 имрӯз ҳам муҳим боқӣ мемонанд. Горбачёв дар изҳороте, ки матнаш 18-уми август дар вебсайти  Бунёди Горбачёв нашр шуд, навишт: “Ҳимояи усулҳои демократӣ ва ҳукумати қонун... Читать дальше...

Оҷонсии рушди ИМА (USAID) барои кӯдакони мактаб-интернати нобиноёни Тоҷикистон дар Ҳисор 464 китобе тақдим кард, ки бо ҳуруфи Брайл чоп шудаанд. Маросими тақдими адабиёти кӯдакона рӯзи 19-уми август бо ширкати  Сафири ИМА Ҷон Марк Поммершайм,  иҷрокунандаи вазифаи Директори намояндагии USAID дар Тоҷикистон Рэнди Колстад ва вазири маориф ва илми  Тоҷикистон Муҳаммадюсуф Имомзода баргузор шуд. Дар иттилоияи сафорати ИМА дар Душанбе гуфта мешавад, ки 500 китоби иловагӣ қарор  то оғози соли хониши имсола... Читать дальше...

Ҳукумати Эрон гузориши Оҷонсии нирӯи атомии СММ-ро тасдиқ кард, ки гуфтааст, Ҷумҳурии Исломӣ истеҳсоли ураниуми поккоришударо то  дараҷаи 60-дарсадии кофӣ барои истеҳсоли аслиҳа афзоиш додааст. Саид Хатибзода, сухангӯи вазорати умури хориҷии Эрон рӯзи 18-уми август гуфт, ки ин посухи  “иҷро нашудани созиши атомӣ ва таҳримҳои ИМА” мебошад. Ӯ гуфт, ҳар вақте ки  созишномаи соли 2015-и ҳастаӣ бо Эрон дар бораи адами тавсеаи силоҳи ҳастаӣ иҷро гардад ва ИМА таҳримҳоро бекор кунад, Эрон ба иҷрои ӯҳдадориҳои... Читать дальше...

Иттиҳоди Аврупо  мақомоти Беларусро, ки муҳоҷирони ғайриқонуниро водор мекунанд ба хоки кишварҳои узви ин созмон   ворид шаванд, ҳамчун “ҳамлаи мустақим” ва “рафтори хашини” Беларус интиқод кард. Вазирони умури хориҷии Иттиҳоди Аврупо дар ҷаласаи изтирории рӯзи 18-уми август ҳангоми баррасии мушкили убури ғайриқонунии марзи Латвия, Литва ва Полша аз ҷониби муҳоҷирон Беларусро интиқод карданд, ки “даст ба истифодаи инсонҳо ҳамчун василаи ҳадафҳои сиёсӣ” мезанад. Дар изҳороти баъди ҷаласа вазирони корҳои хориҷӣ гуфтанд... Читать дальше...

Суқути Кобул ва пирӯзии Толибон дар Афғонистон чашмҳоро сӯйи Тоҷикистон кард, ки ба фарқ аз ҳамсоягонаш дар Осиёи Марказӣ ва шариконаш дар қаламрави пасошӯравӣ ягона кишварест, ки то ҳол бо Толибон гуфтушуниде анҷом надодааст.

Кормандони Ҳайати СММ оид ба кӯмак ба Афғонистон (UNAMA) ва дигар намояндагиҳои СММ, ки дар ин кишвар кор мекарданд, бо сабаби хатари ноамниҳо баъди омадани ҷангиёни Толибон ба Кобул барои муваққат ба Алмаато, шаҳри азими Қазоқистон мекӯчанд. Интиқоли кормандони СММ дар Афғонистон ба Қазоқистон тоза шурӯъ шудааст. Ба иттилои вазорати корҳои хориҷии Қазоқистон, аввалин ҳайати кормандони UNAMA шабонгоҳи 19-уми август вориди ин кишвар шуданд. Вазорат дар изҳороташ мегӯяд, ки “дар шароити тавсеаи ноамниҳои дохилии сиёсии Афғонистон... Читать дальше...

Ҳукуматҳои хориҷӣ берун бурдани шаҳрвандони худ ва ҳам афғонҳоеро, ки бо онҳо ҳамкорӣ кардаанд, идома медиҳанд, айни замон, нигарониҳо аз масдуд шудани роҳҳои дастрасӣ ба фурудгоҳи Кобул ва хатари афзоиши хушунатҳо дар ҷашни истиқлолияти ин кишвар боло мегирад. Баъди 15-уми август, ки Толибон Кобулро ишғол карданд, ҳазорҳо нафар талош доранд ба фурудгоҳ расида, аз он ҷо ба хориҷа бираванд. Бисёр сокинони ҳаросон аз омадани ҷангиёни усулгаро мехоҳанд Афғонистонро тарк кунанд. Раҳбарони Толибон  мегӯянд... Читать дальше...

Кумитаи назорат ва интизоми Федератсияи футболи Тоҷикистон (ФФТ) ҳамлагари бошгоҳи футболи лигаи олии Тоҷикистон “Душанбе”-и шаҳри Душанбе Амир Меъморӣ Манешро аз фаъолияти футбол дар қаламрави ин кишвар як умр маҳрум кард. Дар ин бора сомонаи ФФТ хабар медиҳад. Ба иттилои манбаъ, легионери 28-солаи эронӣ Амир Меъморӣ Манеш дар як бозии букмекерӣ фош шуд. Худи бозигар иқрор шуд, ки ба бозиҳои бо ширкати дастааш дар мусобиқаи қаҳрамонии Тоҷикистон шартгузорӣ кардааст. Барои риоя накардани моддаи 2... Читать дальше...

Дар фазои таҳдидҳои афзояндаи коронавируси навъи «Делта», мақомоти ИМА аз раҳбарони кишварҳое, ки мехоҳанд моҳи сентябр дар ыаласаи солонаи Маҷмаи кулии СММ иштирок кунанд, даъват намуд, ки паёмҳои худро ба ҷаҳониён на ҳузурӣ, балки фосилавӣ тавассути интернет бирасонанд. Намояндагии ИМА дар СММ дар муроҷиаташ ба 192 кишвари узви СММ даъват намуд, ки тамоми ҷаласаи сарони кишварҳои узви СММ ва ҳам нишастҳои паҳлӯӣ дар чаҳорчӯби ин маърака ба таври фосилавӣ барпо шаванд. Линда-Томас Гринфилд, сафири... Читать дальше...

30 сол пеш гурӯҳе аз сарони ҳизбӣ ва давлатии Иттиҳоди Шӯравӣ даст ба табаддулоти давлатӣ заданд, ки дар таърих бо номи ГКЧП ёд мешавад.

Президенти ИМА Ҷо Байден дар нахустин мусоҳибааш баъди аз ҷониби Толибон ишғол шудани Кобул гуфт,  вақте ИМА тасмим гирифт, ки баъди  20 соли ҷанг Афғонистонро тарк кунад, дарк мекард, ки аз “бебандуборӣ” ҷои гурез набуд. Байден рӯзи 18-уми август дар сӯҳбат бо ABC News гуфт, ҳолати беназмиву бетартибиро бо рафтани нирӯҳои ИМА аз қабл пешбинӣ мекард ва ин чиз дар мисоли фурудгоҳи Кобул бараъло дида шуд. Ҳаракати босуръати Толибон дар саросари Афғонистон ва ишғоли пайдарпаи қаламравҳои калони ин кишвар ҳазорҳо намояндагони кишварҳои ғарбӣ ... Читать дальше...

Дастаи "Истиқлол"-и Душанбе, ки дар бозии мавқуфгузоштаи даври 5-уми мусобиқаи қаҳрамонии футболи Тоҷикистон тими “Файзканд”-и Восеъро бо ҳисоби бузурги 4:0 шикаст дод, бори аввал дар мавсими имсола дар ҷадвали мусобиқа садрнишин шуд. Ин бозӣ 18-уми август дар Душанбе, дар Варзишгоҳи марказии ҷумҳуриявӣ доир гардид. Алишер Ҷалилов ва Манучеҳр Сафаров дуголӣ ба самар расониданд. Пас аз ин пирӯзӣ «Истиқлол» дар ҷадвали мусобиқа аз «Хуҷанд» пеш гузашт ва бо 30 имтиёз аз 13 бозӣ ба зинаи аввал баромад. Читать дальше...

Додситонии низомии Қирғизистон дар робита ба интиқоли президенти муассисаҳои байналхалқии омӯзишии "Сапат" Орҳан Инондӣ аз ин кишвар ба хориҷ тафтишотро оғоз кардааст. Тафтишот баъди муроҷиати вакили дифои Инондӣ ба Додситонии кулли Қирғизистон шуруъ шудааст. Ба огаҳии додситонӣ, ҳоло зидди марзбонони Қирғизистон бо бандҳои "Хунукназарӣ" ва "Нақзи қоидаҳои хадамоти марзбонӣ" парванда боз гаштааст. Вакили дифои Инондӣ -- Таалайгул Токтакунова бар ин аст, ки рабуда шудани шахси зери ҳимояааш аз... Читать дальше...

Мақомоти Узбекистон барои гурезаҳои Афғонистон паноҳгоҳеро ташкил кардаанд. Дар ин бора расонаи "Gazeta.uz" бо истинод ба табибоне хабар додааст, ки дар паноҳгоҳ кор мекунанд. Ин хаймаҳо дар ноҳияи Тирмизи вилояти Сурхандарёи Узбекистон, ки бо Афғонистон ҳаммарз аст, насб шудаанд. Дар онҳо беш аз 100 гурезаи афғон ҷойгир карда шудааст. Ҳаракати Толибон 15 август шаҳри Кобул, пойтахти Афғонистонро тасарруф кард. Дар натиҷа қисме аз низомиёни он кишвар ба Узбекистону Тоҷикистон фирор карданд. Ба иттилои додситонии кулли Узбекистон... Читать дальше...