Новости за 13.08.2021

Соли 2016, вақте Ҳасибулло Файзӣ ва гурӯҳи дигари низомиён ба дасти  Толибон асир шуданд, тасаввур ҳам намекарданд бо чӣ даҳшатҳое рӯбарӯ мешаванд. Низомии собиқ дар сӯҳбат бо радиои “Афғонистони озод” мегӯяд, дар орзуи марг буд, чун таҳаммули шиканҷаҳои Толибонро надошт.

Бо афзоиши шумораи гирифторони бемории COVID-19 дар Тоҷикистон, масъалаи ҷалби сокинон ба дарёфти ваксина ва шеваҳои мубориза ба ин беморӣ доғтар мешавад. Намояндагии Оҷонсии USAID дар Душанбе, аз созмонҳоест, ки дар мубориза бо пандемияи COVID-19, дастрасӣ ба ваксина ва кӯмак ба беморхонаҳо бо мақомоти Тоҷикистон ҳамкорӣ дорад. Рэнди Колстад, иҷрокунандаи раҳбари намояндагии Оҷонсии Иёлоти Муттаҳидаи Амрико оид ба рушди байналмилалӣ ё USAID дар Тоҷикистон рӯзи 12-уми август дар як мусоҳибаи ихтисосӣ... Читать дальше...

Рэнди Колстад, иҷрокунандаи раҳбари намояндагии Оҷонсии Иёлоти Муттаҳидаи Амрико оид ба рушди байналмилалӣ ё USAID дар Тоҷикистон, дар як мусоҳибаи ихтисосӣ ба пурсишҳои Радиои Озодӣ посух дод.

Баҳси пурсарусадои атрофи як хона дар Хуҷанд ба поён расид. Тарафҳои баҳс ҳарчанд хешу таборанд, яке аз Тоҷикистон ва дигаре аз Исроил аст. Ахиран маълум шуд, ки хона дар моҳи июн барои зиндагии Елена Гринберг холӣ карда шуд. Масъулони Хадамоти иҷрои қарорҳои додгоҳӣ дар вилояти Суғд гуфтанд, хонаро ба соҳиби аслиаш баргардонидаанд. Ба гуфтаи Алиҷон Амонзода, сардори намояндагии Хадамоти иҷро дар Суғд, борҳо ба Муқаддас Шамсиддинова муҳлат доданд, ки хонаро холӣ кунад, аммо дар вақти ҷудогардида талаботро иҷро накард. Читать дальше...

Сокини Хуҷандро аз манзили зисташ берун карданд. Хабарнигори Радиои Озодӣ Фарзон Муҳаммадӣ гузориш медиҳад, ки сокини Хуҷанд натавонист собит кунад, ки пули манзилро ба қадояш пардохт кардааст.

Назари сокинони Душанбе дар бораи пирӯзиҳои Толибони афғон.

Паноҳҷӯёни афғон мегӯянд, Толибон духтаронро иҷборан ба никоҳи худ медароранд.

Толибон Қандаҳору Ҳиротро ишғол намуда, Исмоилхонро ба асорат гирифтанд.

Бен Уоллес, вазири дифои Бритониё гуфт, агар дар заминаи пешрафти Толибон гурӯҳи террористии «Ал-Қоида» ҷойгоҳи худро дар Афғонистон устувор кунад, эҳтимол дорад, кишварҳои Ғарб низомиёни худро ба Афғонистон баргардонанд. Уоллес ин андешаро рӯзи 13-уми август дар мусоҳибааш бо радиои LBC баён кард. Ӯ гуфт, агар Толибон бо “Ал-Қоида” ҳамкорӣ кунад, ин чиз боиси ҳамла ба давлатҳои ғарбӣ ва кишварҳои дигар мешавад. Он гоҳ Ғарб “метавонад” ба Афғонистон баргардад. Уоллес амалан нахустин мансабдори баландпояи Ғарб аст... Читать дальше...

Муҳаммад Исмоилхон, аз фармондеҳои маъруфи ҷиҳодӣ дар замони Шӯравӣ ва муқовимат алайҳи Толибон дар охири солҳои 90-ум ва аз раҳбарони хезишҳои мардум дар Ҳирот, ба асорати Толибон афтодааст. Ӯ аз чанд ҳафта ба ин тараф раҳбарии хезишҳои мардумӣ дар Ҳиротро ба дӯш дошт ва алайҳи Толибон меҷангид. Шаҳри Ҳирот шоми 12-уми август ба чанги Толибон афтод. Толибон ҳам дар як эъломия гуфтаанд, ки Муҳаммад Исмоилхон ва низ шуморе аз мақомоти вилояти Ҳирот, аз ҷумла волии он Абдусабур Қонеъ "таслим"-и онҳо шудаанд. Читать дальше...

Таалайбек Сарибашов аз мақоми иҷрокунандаи вазифаи раиси шаҳри Бишкек истеъфо дод. Дар як паёми видеоӣ, ки ёвари ӯ Азамат Абсатторов дар шабакаҳои иҷтимоӣ нашр кардааст, дар бораи ин тасмими Сарибашов хабар медиҳад. Ба гуфти Сарибашов, ин қарорро худаш қабул кардааст ва дар ин ҷо ягон ангезаи сиёсӣ вуҷуд надорад. Ӯ афзудааст, ки то ин дам се сол ҳамчун шаҳрдори Ӯш кор кардаву то ҳадди имкон ба мардум хидмат намудааст. Вай қайд кард, ки дар моҳҳои наздик ӯ дар бораи нақшаҳои минбаъда гузориш хоҳад дод.

Мақомоти пулис дар шаҳри Душанбе гуфтанд, ки ҳудди як тонна маводи мухаддире, ки аз ҷониби кормандони ҳифзи ҳуқуқ кашф ва мусодира шудааст, дар оташ нобуд карданд. Дафтари матбуоти вазорати корҳои дохилӣ рӯзи 12-уми август гуфт, маҳви маводи мухаддир дар шаҳри Душанбе бо ҳузури намояндагони додситонӣ, додгоҳ ва  хабарнигорон доир шуд. Дар миёни маводи нобудшуда, ба навиштаи вазорат, беш аз 34 килограмм ҳероин, 214,5 килограмм афюн, 605 килорамм бангдона ва 272,5 килограмм ҳашиш будааст. Гуфта мешавад... Читать дальше...

Ҷанҷолу кашокаш миёни раис ва кормандони ҳукумати ноҳияи Ховалинг сабаби истеъфои раиси дастгоҳ ва баъзе кормандони он шуда, ин баҳс нишасти хабарии раисро баҳам зад.

Субҳи 13-уми август Русия ба ҳайси ёрии башарӣ ба Тоҷикистон 50 ҳазор воя ва ё дозаи ваксинаи зидди коронавирус - "Спутник V"-ро ирсол намудааст.  Дар ин бора хадамоти матбуоти вазорати тандурустии Тоҷикистон ба расонаҳо хабар додааст. Аввали ин ҳафта Олмон ба Тоҷикистон беш аз 100 ҳазор  воя ваксинаи AstraZeneca ваъда кард. Феълан сокинони Тоҷикистон со ваксинаҳои британиявиву шведии AstraZeneca, ваксинаи чинии "Короновак" ва ваксинаи амрикоии "Модерна" моякӯбӣ мешаванд. Тибқи омори вазорати тандурустии Тоҷикистон... Читать дальше...

Шаби 11-ум ба 12-уми август як мошини сабукрав бо 5 мусофир, ки ҷасадеро аз Душанбе ба Ишкошим барои хоксупорӣ интиқол медоданд, дар ҳудуди ноҳияи Дарвоз ба дарёи Панҷ сарозер шудааст. Дар ин садама панҷ мусофири ин мошин, ки ҳамагӣ аъзои як оила будаанд, ҳалок шудаанд. Яке аз пайвандони ин оила бо номи Аминҷон, ки дар Кумитаи ҳолатҳои фавқуллодаи Тоҷикистон кор мекунад, рӯзи 12-уми август дар суҳбат бо Радиои Озодӣ гуфт, панҷ нафар аз хешовандонаш дар мошин як ҷасадро барои хоксупорӣ ба Ишкошим мебурданд. Читать дальше...

Дар ҳоле, ки ҷангиёни Толибон қаламравҳои ҳарчи бештарро дар саросари Афғонистон ишғол мекунанд, ИМА барои таъмини амнияти кӯч додани кормандони дипломатиаш ба фурудгоҳи Кобул нирӯҳои иловагиро сафарбар мекунад. Нед Прайс, сухангӯи Департаменти давлатӣ рӯзи 12-уми август ба журналистон гуфт, “дар шароити тағйирёбии вазъи амниятӣ дар кишвар мо ҳузури кормандони мулкиамонро дар Кобул коҳиш медиҳем”.   Сухангӯи Пентагон Ҷон Кирби гуфт, ки 3 ҳазор нирӯи иловагӣ ба сафи 650 сарбози дигар дар Кобул мепайвандад... Читать дальше...

Баҳси раис бо мансабдорони ноҳияи Ховалинг. Гузориши Маҳмудҷон Раҳматзода.

Эрон барои нашри аксе дар  шабакаи Твиттери сафорати Русия, ки ҳодисаҳои таърихии замони Ҷанги дуюми ҷаҳонро  ба ёд меоранд, сафирони Русия ва Бритониёро даъват кард. Матбуоти давлатӣ рӯзи 12-уми август гузориш дод, ки вазорати корҳои хориҷии Эрон сафирон Леван Ҷагарян ва Саймон Шерклиффро барои аксе, ки конфронси соли 1943-и Теҳрон, замони аз ҷониби Русия ва Бритониё ишғол шудани Эронро ба ёд меорад, “даъват намуд”. Дар ин акс дида мешавад, ки сафирони Русия ва Бритониё мисле, ки нахуствазири Бритониё... Читать дальше...

Идораи хӯрок ва дорувори Иёлоти Муттаҳида (Food and Drug Administration) як вояи иловагии ваксинаи COVID-19-ро барои одамони дорои иммунитет ё масунияти суст маъқул донист, то аз нигаҳдории онҳо аз коронавирус қавтиар шавад. Пештар гуфта мешуд, вояи сеюм зиёдатист. Аммо ин ниҳод рӯзи 12 август гуфт, дастураш ба миллионҳо амрикоие дахл дорад, ки бо сабаби пайванд ё трансплантатсияи узвҳои бадан, баъзе намудҳои саратон ё мушкилоти дигари тандурустӣ махсусан осебпазиранд. Доктор Рошел Валенский, раиси... Читать дальше...

Кумитаи дифоъ аз журналистон (CPJ) аз мақомоти Беларус тақозо кард,  журналист Сергей Ҳардиевичро, ки бо иттиҳоми таҳқири раҳбари худкома Александр Лукашенко ва ду ходими полис ба 18 моҳи ҳабс маҳкум шудааст, билофосила озод кунанд. Карлос Мартинес де ла Серга, раҳбари барномавии CPJ  рӯзи 12 август бо нашри изҳороте гуфт, ки “ҳабси журналист Сергей Ҳардиевич бори дигар вайрон кардани қонун аз ҷониби мақомоти Беларусро ба намоиш мегузорад, ки ҳадафаш пахши садои журналистони пӯшишдиҳандаи қонушиканиҳои кормандони ҳифзи қонун мебошад”. Читать дальше...

Манбаъҳои маҳаллии Радиои “Афғонистони озод” мегӯянд, Толибон рӯзи 13-уми август шаҳри Қандаҳор, дуюмин калонтарин шаҳри Афғонистонро ишғол карданд. Барои гурӯҳи ҷангӣ, ки бо шурӯи тарки Афғонистон кардани нирӯҳои ИМА даст ба ҳуҷумҳои густарда задааст,  ин як дастоварди азим ба шумор меравад. Як намояндаи ҳукумати маҳаллӣ ба оҷонсии Ройтерс гуфт: “Дар паи задухӯрдҳои шадиди шаби гузашта Толибон Қандаҳорро ба даст оварданд”. Дар фурудгоҳи Қандаҳор дуюмин пойгоҳи калонтарини амрикоиҳо ҷойгир буд ва онро ҳанӯз нирӯҳои давлатӣ назорат мекунанд. Читать дальше...

Вазири дифоъ ва котиби давлатии ИМА ба президенти Афғонистон Ашраф Ғанӣ гуфтанд, бо вуҷуди қарори маҳдуд кардани шумори кормандони сафорат дар Кобул, ИМА “ӯҳдадории худро дар амри саҳмгузорӣ ба дифоъ аз  амнияту суботи Афғонистон дар пешорӯи хушунати Толибон иҷро хоҳад кард”. Котиби давлатии ИМА Энтони Блинкен ва вазири дифоъ Ллойд Остин рӯзи 12-уми август ин нуктаро дар сӯҳбати телефонӣ бо Ғанӣ баъди эълони кам шудани кормандони сафорат дар Кобул аз ҳисоби кормандони мулкӣ  таъкид карданд. Нед Прайс... Читать дальше...

Вазорати ҳолатҳои фавқулоддаи Русия ба Тоҷикистон 50 ҳазор вояи "Спутник V" тақдим кард. Ин кӯмак рӯзи 13 август ба Душанбде расонда шудааст. Дар ин бора хадамоти матбуоти вазорати тандурустии Тоҷикистон ба расонаҳо хабар додааст.  Аввали ин ҳафта Олмон а Тоҷикистон 100800 воя ваксинаи AstraZeneca ваъда кард. Пештар аз он аз ИМА ва Чин ба Тоҷикистон садҳо ҳазор вояи CoronaVac ва Moderna расонда шудаанд. Вазорати тандурустии Тоҷикистон мегӯяд, шумораи умумии эмшудагони зидди COVID-19 дар кишвар аз 1 миллион нафар гузаштааст. Читать дальше...

Маҷаллаи молиявӣ-иқтисодии Forbes феҳристи кишварҳоеро тартиб додааст, ки ба ҷоизадорони Олимпиадаи Токио-2020 аз ҳама зиёд пул пардохт кардаанд, хабар медиҳад "Спорт-Экспресс". Дар ин феҳрист Италия пешсаф аст, ки ба барандагони ҷоизаҳо 9,07 миллион доллар пардохт намудааст. Шумораи умумии медалҳои онҳо дар Токио-2020 чилто мебошад - 10 тилло, 10 нуқра, 20 биринҷӣ. Дар феҳристи Forbes ҷойи дувумро ИМА (7,84 миллион доллар бо 39 тилло, 41 нуқра, 33 биринҷӣ) касб кардааст. Фаронса (6,51 миллион доллар бо 10 тилло... Читать дальше...

Сооронбой Ҷеенбеков, президенти пешини Қирғизистон ба ҳайси шоҳид дар доираи парвандаи "Қумтор" бозпурсӣ шудааст. Кумитаи давлатии амнияти миллии Қирғизистон хабар дод, ки бозпурсӣ давраи сарвазирии Ҷеенбековро дар бар гирифтааст. КДАМ гуфт, нисбати вай тафтишот давом мекунад. Сооронбой Ҷеенбеков аз моҳи апрели соли 2016 то августи соли 2017 сарвазири Қирғизистон буд. Дар доираи парвандаи ҷиноии фасодкорӣ дар кони тилои "Қумтор"-и Қирғизистон бародари Сооронбой - Асилбек Ҷеенбеков, сарвазири дигари пешини он кишвар Омурбек Бабанов... Читать дальше...