Новости за 16.09.2021

Лоиҳаи қонуни Қазоқистон дар бораи интиқоли ройгони силоҳ аз ин кишвар ба Тоҷикистон барои баррасӣ ба порлумон пешниҳод шудааст. Дар ин бора раиси кумитаи умури байналмилалӣ ва дифои порлумони Қазоқистон Ойгул Куспан хабар дод. Раиси порлумони Қазоқистон Нурлан Нигматуллин гуфтааст, лоиҳаи қонун "Тасвиби созишнома байни ҳукуматҳои Қазоқистону Тоҷикистон дар бораи мусоидати техникию низомӣ барои таъмини амният дар минтақаҳои марзии Тоҷикистон бо Афғонистон" номгузорӣ шудааст. Ба гуфтаи Куспан... Читать дальше...

Моҳи ноябри имсол Шӯрои ҳамкориҳои кишварҳои туркзабон ба "Созмони кишварҳои туркзабон" табдили ном хоҳад кард. Интизор меравад, ки Туркманистон низ узви комилҳуқуқи ин созмон шавад. Дар ин бора нашрияи озарбойҷонии Report.az ​бо такя ба сарвазири Туркия Биналӣ Йилдирим хабар медиҳад. Саммити VIII Шӯрои туркӣ рӯзи 12 ноябр дар шаҳри Истамбули Туркия дар назар аст. Айни замон Озарбойҷон, Қазоқистон, Қирғизистон, Узбекистон ва Туркия шомили шӯрои мазкур ҳастанд. Шӯрои соли 2009 таъсис шудааст.

Парвозҳои мусофирбарӣ байни Эрон ва Афғонистон дигарбора оғоз шудааст. Дар пайи суқути Кобул ба дасти Толибон дар миёнаҳои моҳи август, парвозҳо миёни ду кишвар қатъ шуда буд. Хабаргузории эронии "Форс" рузи чаҳоршанбеи 15-уми сентябр хабар дод, ки дар ин руз ширкати ҳавопаймоии "Моҳон" як парвози чартерӣ анҷом дод ва 19 мусофирро ба фурудгоҳи Кобул бурд. Ба гуфтаи манбаъ, дар ҳоли ҳозир ин ҳавопаймои мусофирбар бо 26 мусофир дар ҳоли баргашт ба Теҳрон аст. Дар рузҳои ахир ширкатҳои ҳавонавардии Қатар... Читать дальше...