Татарстан юлында ике машина бәрелешкән, бер хатын-кыз үлгән, ике бала зыян күргән
(Казан, 1 гыйнвар, «Татар-информ», Павел Климчак). Кичә Түбән Кама районында, Чистай – Түбән Кама трассасында юл-транспорт һәлакәте булган:
Skoda автомобиле каршы як полосага чыккан һәм Hyundai машинасы белән бәрелешкән.
Авариядә Skoda автомобиленең пассажиры һәлак булган. Шулай ук тагын дүрт кеше, шул исәптән ике бала зыян күргән. Бу хакта «Татар-информ» агентлыгына авариянең шаһитлары хәбәр итте.