Россия мөселманнары Кыргызстан-Таҗикстан чигендә низагны тизрәк туктатырга чакырды
(Казан, 28 гыйнвар, «Татар-информ»). Россия мөселманнары Диния нәзарәте мәчетләрендә Кыргызстан-Таҗикстан чигендәге конфликтны тизрәк туктатырга чакырдылар.
Бүген җомга көнендә Мәскәү Җәмигъ мәчетендә, шулай ук Россия мөселманнары Диния нәзарәтенең барлык мәчетләрендә һәм оешмаларында имамнар Кыргызстан-Таҗикстан чигендә тынычлыкны сакларга чакырды. Бу хакта Россия Мөфтиләр шурасы матбугат хезмәте хәбәр итә.
Шулай ук алар кыргыз һәм таҗик халыклары арасындагы конфликтны тизрәк туктатуны Аллаһтан сорап дога кылды, диелә бу хәбәрдә.