Синоптиклар Үзәк Россиядә яшәүчеләрне температураның түбәнәячәге хакында кисәтте
(Казан, 31 гыйнвар, «Татар-информ»). Россиянең Европа өлеше үзәге бу атнада антициклон тармагы йогынтысында калачак, нәтиҗәдә температура түбәнәячәк.
Бу хакта РИА Новости агентлыгы Гидрометеоүзәкнең фәнни җитәкчесе Роман Вильфандка сылтама белән хәбәр итә.
Антициклон тармагы – атмосфераның бер өлкәсе ул, анда басым шул ук биеклектәге өлкәләргә караганда югарырак.
«Чәршәмбедән атмосфера басымы күтәреләчәк, ә температура түбәнәячәк. Россиянең Европа өлеше үзәгендә, кара туфраклы булмаган өлкәләрдә төнлә температура -7..-8 градуска кадәр төшәчәк, көндез исә -5 градус тирәсе салкын булачак», - дип белдерде синоптик.
Шул ук вакытта җилсез, уңайлы һава торышы көтелә, дип өстәде ул.