«Ел бинасы 2022» бәйгесендә Татарстан Милли китапханәсе өчен тавыш биреп була
(Казан, 31 гыйнвар, «Татар-информ»). Казанның архитектура проектлары ArchDaily архитектура басмасы версиясе буенча «Ел бинасы 2022» премиясенә номинацияләнгән.«Мәдәният объектлары архитектурасы» номинациясендә ТР Милли китапханәсе катнаша.
«УРАМ» экстрим-паркы берьюлы өч номинациядә тәкъдим ителгән: «Спорт архитектурасы», «Иң яхшы кулланылган материаллар», «Иҗтимагый һәм ландшафт архитектурасы». «Спорт архитектурасы» категориясендә экстрим-парк белән бергә «УРАМ» ябык комплексы да катнаша. Бу турыда Казан мэриясе хәбәр итте.
Тавыш бирүнең беренче этабы 9 февральгә кадәр дәвам итәчәк, шуннан соң финалистлар исемлеге булдырыла, аңа һәр номинациядән бишәр катнашучы керәчәк, дип хәбәр ителә конкурс сайтында.
Җиңүчеләрне 17 февральдә игълан итәчәкләр.