Самараның «Яктылык» мәктәбендә «Яктылык» татарча сөйләшә» проекты башланды
(Казан, 12 февраль, «Татар-информ»). 18 гыйнвардан Самара шәһәренең «Яктылык» мәктәбендә «Яктылык» татарча сөйләшә» милли проекты гамәлгә ашырыла.
«Самар татарлары» сайты хәбәр иткәнчә, әлеге проектның максаты — үзенең милли мәдәниятен һәм индивидуальлеген саклый торган, күпмилләтле мохиттә актив яшәргә әзер булган милли-мәдәни үзенчәлекне сакларга сәләтле этномәдәни шәхес тәрбияләү.
Әлеге проектны гамәлгә ашыру өчен татар, рус һәм инглиз телләрендә көнкүреш лексикасы буенча радиотапшырулар үткәрелә. Шулай ук тәнәфесләрдә татар телендә уеннар оештырыла.
Проектта укучылар һәм хезмәткәрләр катнаша.