ځینو ښوونکو او د نجونو د زده کړو فعالانو کابل کې د زده کړو پټ مرکزونه جوړ کړي او له شپږم ټولګي پورته زده کوونکو ته درس ورکوي. د نجونو منځني او ثانوي ښوونځیو له تړلو څلور سوه ورځې تېرېږي خو د طالبانو حکومت لا هم نه دي ویلي چې کله به دغه ښوونځي پرانیزي.
د کرېکټ په شل اوريز نړيوال جام کې نن کوربه هېواد استراليا سرېلانکا ته ماتې ورکړه. نن لومړۍ ورځ ده چې په دې جام کې یوه لوبه وشوه، سرېلانکا په ټاکلیو شل اورونو کې یو سل او اوه پنځوس منډې جوړې کړې او شپږ لوبغاړي یې وسوځېدل. استرالیا دې هدف ته په اولسم اور کې ورسېده او درې لوبغاړي یې له لاسه ورکړل. دا لوبه د کوربه استرالیا لپاره ډېره مهمه وه ځکه چې خپله لومړۍ لوبه یې د نهه اتیا منډو په توپیر له نیوزیلنډ څخه بایللې وه. سرېلانکا بیا له ایرلنډ څخه په دې ګروپ کې یوه لوبه ګټلې ده یوه یې هم اوس وبایلوده. Читать дальше...
د مایور پلازا د مادرید یو له پېژندل شویو میدانونو څخه دی، دغلته سېلانیان او د سیمې اوسېدونکي د زرګونو پسونو نندارې لپاره راټول شوی دی. د پسونو په غاړه کې د ځوړندو ګینګړیو اشنا غږونو د زوړ فرهنګ او سنت یاد تازه کړ. د پسونو دغه رمه له دې ځایه د ژمې څړ ځای ته د رسېدو په موخه تېرېده. سنتې نڅا او موسيقي ددې فرهنګ یوه برخه ده؛ هغه مراسم چې مخینه يې څو پېړیو ته رسېږي. دغه کلني مراسم چې په ۱۹۹۴ کال کې پیل شول شپونکیو ته يې فرصت برابر کړ چې د اسپانیا له شمال څخه سوېل ته د خپلو مالونو د لېږدولو لپاره له دې عنعنوي لارې څخه کار واخلي. Читать дальше...
یو شمېر افغان هندوان او سېکهان وايي، سږ کال یې له دې امله چې ډېر عزیزان يې افغانستان کې نهوو، د دیوالي مراسم کمرنګه و. من موهن سنگهـ استالفي چې کابل کې اوسېږي وايي، سږ کال د دیوالۍ مراسم د نورو کلونو په شان نه و. هغه د سهشنبې په ورځ ازادي راډیو ته وویل: "موږ له دې امله سږ کال دیوالي کمرنګه ونمانځله چې زیات شور جوړ نهشي او کومه ستونزه منځته را نهشي. بله دا چې خلک هم کم وو، یوازې مو درمسال کې شمعې روښانه کړې او یو څو تنه چې هلته راغونډ وو، خپله خوښي مو ونمانځله." د ازادي راډیو د راپورونو... Читать дальше...
د پاکستان په بلوچستان ایالت کې وسلهوالو کسانو هغه پولیس افسر وواژه چې د ماشومانو د ګوزڼ ناروغۍ یا پولیو پر ضد د واکسین د کمپاین د یوې ډلې د امنیت مسؤل و. د ازادي راډیو د مشال څانګې د راپور له مخې د واکسین ډلې ته زیان نهدی اوښتی او دوه تنه بریدګر چې پر موټرسایکلونو سپاره وو په تېښته بریالي شوي دي. د پولیسو یوه چارواکي غلام اصغر ویلي چې، پېښه د بلوچستان ایالت په پشین ولسوالۍ کې شوې ده. د برید پړه تر اوسه کومې ډلې نهده منلې.
یو شمېر خبریالان او د رسنیزو ادارو مسؤلين اندېښمن دي، چې د جرمني له لوري د پناه غوښتونکو نوي پروګرام ته به د خبریالانو پر ځای نور کسان لار ومومي. يو خبريال چې نهغواړي د امنيتي ستونزو له امله يې نوم راپور کې ياد شي وایي، چې ژوند یې په خطر او اندېښنو کې دی. نوموړی وايي، د کډوالۍ اړوندې ادارې باید هڅه وکړي، چې حق حقدار ته ورکړل شي. دا افغان خبریال ادعا کوي، چې د افغانانو د تخلیې په بهیر کې نورو کسانو د خبریالانو له نامه استفاده کړې او له هېواده وتلي. له همدې امله دی اندېښمن دی چې د جرمني له... Читать дальше...
اوکراین او متحدینو يې د روسې دا ادعا چې کېیف غواړي په راډیو اکټیف ککړ بمونه جوړ کړي او د روسیې په ځواکونو یې وکاروي، رد کړي دي. د اوکراین د بهرنیو چارو وزیر ډیمیتري کوبله ددې ادعا د سپیناوي لپاره د نړیوالې اټومې انرژۍ له ادارې غوښتي څو په بېړنۍ توګه اوکراین ته پلټونکي واستوي او دده په وینا "په اوکراین کې هغه سولهيیز " تاسیسات تفتیش کړي چې روسیه پهکې د ککړو بمونو د جوړېدو ادعا کوي. د اوکراین د بهرنیو چارو وزیر زیاته کړې چې هېواد یې رښتینی دی او د پټولو لپاره څه نهلري. د کوبله د غوښتنې په... Читать дальше...
د طالبانو حکومت د دفاع وزارت پر خپله ټوېټر پاڼه لیکلي دي چې، د دفاع وزارت د رهبرۍ د پرېکړې پر بنسټ ملا محمد شفیق د سردار محمد داود خان روغتون مشر ګومارل شوی دی. په اعلامیه کې ویل شوي چې نوی مشر نن په یوه ناسته کې د سردار محمد داود خان روغتون کارکوونکو ته ور وپېژندل شو. د دې روغتون مخکينی مشر د ارتوپیدي متخصص ډاکتر محمد اسماعیل وردګ و. ازادي راډیو هڅه وکړه د دې خبر د جزیاتو په اړه د طالبانو د دفاع وزارت له ویاند عنایت الله خوارزمي سره خبرې وکړي، خو ځواب یې ور نهکړ. طالبان داسې مهال ملا محمد... Читать дальше...
مشهور نړیوال اپلېکېشن وټس اپ بېرته کار پیل کړ. د پیغام استولو دغه مشهور او نړیوال اپلېکېشن د نړۍ په ګوټ ګوټ کې د لنډ وخت لپاره کار پرېښی و. د افغانستان او پاکستان په ګډون په اسیايي هېوادونو، اروپا، جنوبي افریقا او نوره نړۍ کې د وټس اپ کاروونکو د شاوخوا د دوو ساعتونو لپاره د دې اپلېکېشن له لارې د پیغامونو په استولو کې د ستونزې راپور ورکړی وو. د دې ستونزې علت نه دی څرګند شوی، خو رویټرز خبري اژانس د میټا کمپنۍ چې وټس اپ یې ملکیت دی د ویاند له قوله ویلي چې دوی له ستونزې خبر دي او پر جوړولو یې کار روان دی. Читать дальше...
د اوکراین ولسمشر ولودیمیر زیلینسکي وايي، روسیې د ده د هېواد د انرژۍ څه باندې درېیمه برخه تاسیسات ویجاړ کړي دي. زیلینسکي نن په برلین کې د اوکراین د رغونې په اړه غونډې ته د ویډیو کنفرانس له لارې په وینا کې وویل چې روسیې د اوکراین هر څه وران کړي او د دې هېواد لپاره به دا ګرانه وي چې راروان ژمی تېر کړي. په برلین کې د اوکراین د رغونې په کنفرانس کې د جرمني د صدراعظم اولاف شولڅ او د اروپايي کمېسیون د مشرې اورزولا وان دېرلین په ګډون د اروپا جګپوړو چارواکو ګډون کړی و. مېرمن وان دیرلین د اوکراین پر ملکي تاسیساتو برید تروریستي عمل وباله. Читать дальше...
د پیغام استولو مشهور اپلېکېشن وټس اپ د نړۍ په ګوټ ګوټ کې د ګڼو کارونکو لپاره کار پرېښی دی. په اروپا، د افغانستان پاکستان په شمول اسیايي هېوادونو، جنوبي افریقا او نوره نړۍ کې د وټس اپ کارونکو ددې اپلېکېشن له لارې د پیغامونو په استولو کې د ستونزې راپور ورکړی دی. تر اوسه د ګڼو کارونکو لپاره د وټس اپ د ناکاره کېدو سبب نه دی څرګند خو رویټرز خبري اژانس د میټا کمپنۍ چې د وټس اپ مالکیت لري د یو ویاند له خولې ویلي: "موږ خبرو یوو چې ځینې خلک دا مهال د پیغامونو په استولو کې ستونزه لري، موږ کار کوو څو هر... Читать дальше...
په زابل کې لسګونه بې ځایه شوې کورنۍ راتلونکي ژمي ته خواړه او سرپناه غواړي. دغه کورنۍ وايي، له سختو اقتصادي ستونزو سره مخامخ دي او د طالبانو حکومت او مرستندویه بنسټونه دې ورسره مرسته وکړي. بلخوا ځايي طالب چارواکي د یادو کورنیو ستونزې مني او وایي، دغو کورنیو سره د مرستې لپاره هڅې کوي. نور تفصیل په دې راپور کې د لاندې لېنک په کېکاږلو اورېدلی شئ:
د امریکا متحده ایالات اوکراین ته د هاوک په نوم د هوایي مدافعې ضد زوړ سیسټم پر ورکولو غور کوي څو دا هېواد وکولای شي د دغه سیسټم پرمټ د روسیې د بې پیلوټه الوتکو د راغورځولو او لیرې واټن ویشتونکو توغندیو د شنډولو لپاره کار واخلي. امریکایي چارواکو د خپل نوم نه ښودلو په شرط رویټرز ته ویلي چې اوکراین ته د دغه سیسټم د ورکولو وړاندیز چمتو شوی دی. هاوک چې د سټرینګر میزایلو د سیسټم پرمختللې بڼه ده، له ځمکې هوا ته منځني واټن ویشتونکي مزایل مختل کوي. له کله چې روسیې پراوکراین یرغل پیل کړی، متحدو ایالاتونو... Читать дальше...
د طالبانو لهخوا د نجونو په ثانوي زدهکړو د بندیز په ۴۰۰مه ورځ رینا امیري وايي، طالبانو سربېره پر دې چې عملاً د نجونو ښوونځي تړلي، تر خوا یې د هغوی د لوړو زدهکړو پر وړاندې هم خنډونه جوړ کړي دي. عادله د کندهار اوسېدونکې او د دوولسم ټولګې زدهکوونکې ده. هغه وايي، طالبانو یې ترې شرعي او انساني حق اخیستی او هره ورځ دې ته په تمه وي چې کله به د ښوونځیو دروازې پرانیستل کېږي. نوموړې وویل: "موږ خپل شرعي حق له لاسه ورکړی. هره ورځ موږ په دې انتظار تېرو چې نن ورځ به موږ زدهکړې پيلوو، نن ورځ به د ښوونځي... Читать дальше...
ناروې د افغانستان په اړه د بحثونو لپاره د یوې مهمې غونډې د جوړېدو خبر ورکړی دی. د ملګرو ملتونو په امنیت شورا کې د ناروې دایمې استازولۍ په دې اړه په یوه خپره کړې خبرپاڼه کې که څه هم د دغه غونډې دقیق وخت نه دی ښودلی خو ویلي دي چې د بندو دروازو تر شاه به د افغانستان په اړه په بېلابېلو مسایلو په کې بحثونه وشي. په اعلامیه کې راغلي: "يوناما چې په افغانستان کې د ملګرو ملتونو او نړيوالې ټولنې استازولي کوي څنګه کولای شي چې افغانان او سياسيون سره همغږي کړي او دا چې امنيت شورا څه بايد وکړي چې په افغانستان... Читать дальше...
د طالبانو د حکومت چارواکي په کابل کې پر نشه یي توکو د روږدو کسانو د درملنې لپاره د یوه پنځه زره بستریز مرکز د جوړېدو خبر ورکوي. د طالبانو د اطلاعاتو او فرهنګ وزرات نشراتي مرستیال مهاجر فراهي پرون په څو ټوېټونو کې ویلي چې د دغه مرکز د جوړېدو کارونه نوي سلنه بشپړ شوي او په یوه میاشت کې دننه به په کې د روږدو کسانو ځای پر ځای کول پیل شي. د هغه په خبره په دې مرکز کې به د معتادینو لپاره د درملنې ترڅنګ د بېلابېلو مهارتونو د روزنې امکانات برابر شي او هم به ورته دیني او عقیدوي زده کړې ورکړل شي. د ښاغلي... Читать дальше...
د افغانستان د بشري حقونو او ښځو لپاره د امریکا ځانګړې استازې رینا امیري وایي، طالبان چې ادعا کوي، افغانستان د اقتصادي خپلواکۍ لور ته روان دی، نه شي کولای د دې هېواد د نیمایي وګړو له زده کړې او کاري فرصتونو سترګې پټې کړي. مېرمن امیري نن په څو ټوېټونو کې ویلي چې د ښځو او نجونو په ګډون د ټولو افغانانو ښوونه او روزنه له بېوزلۍ څخه د افغانستان د وتلو او د هیلو د راژوندي کولو لپاره یوه کلیدي مسئله ده. رینا امیري ویلي، ۴۰۰ ورځې کېږي چې طالبانو نجونې ښوونځي ته له تلو منع کړي دي. د دې په وینا دوی په... Читать дальше...
د اروپا پارلمان نن د طالبانو د واکمنۍ پر سیمه ییز اغېزو بحث کوي. دغه بحث د اروپا د پارلمان د بهرنیو اړیکو په کمېته کې جوړېږي. تمه ده د افغانستان لپاره د اروپايي ټولنې ځانګړی استازی توماس نیکلاسن، د بشري حقونو د څار سازمان یوه مسووله هیدر بار، د افغانستان لپاره د اروپايي پارلمان د ټاکل شوي ډلګۍ مشر او ځينې افغان فعالان برخه واخلي. د اروپا په پارلمان کې داسې وخت د طالبانو د واکمنۍ په اغېزو بحث کېږي چې په افغانستان کې د نجونو د ښوونځیو له تړل کېدو ۴۰۰ ورځې تېرې شوې. د اروپايي ټولنې ځانګړي استازي... Читать дальше...
د ملګرو ملتونو د ښځو څانګه وایي، د ناورین ځپلو ښځو د مرستې لپاره په ټول افغانستان کې یو شمېر مرکزونه جوړوي. دا خبره یادې ادارې دوشنبه په یوه ټوېټ کې کړې ده. د ټوېټ له مخې له ملګرو ملتونو سره به په دې کار کې د جاپان هېواد، د ژغورنې نړیواله کمېټه او د ښځو ځينې سازمانونه برخه ولري. تمه ده چې څه باندې پنځه زره ښځې د دې پروګرام له لارې مرستې ترلاسه کړي او تر څنګ یې د خپلو غونډو لپاره ځای ولري.
د طالبانو حکومت وايي چې په تخار کې یې د استوګنې د کورونو او کرنیزو ځمکو پر سر قومي شخړه هواره کړې ده. د طالبانو د حکومت د اطلاعاتو او رسنیو د مرکز مشر انعام الله سمنګاني تېره شپه په خپل ټوېټر کې لیکلي چې د خواجه بهاءالدین ولسوالۍ د مهاجر قشلاق شخړه د ټولو خواوو په رضایت د موظفې ډلې له خوا حل او پرېکړه ورباندې وشوه. په پرېکړه ليک کې ويل شوي، له دې چې د مهاجر قشلاق اوسنيو اوسېدونکو د اصلي خاوندانو تخريب شوي کورونه له سره رغولي، د اوسېدو ځای ته څېرمه ۱۵۰ جريبه ځمکه به د دوی ترمنځ وويشل شي. په... Читать дальше...
اوکراین او لوېدیځو متحدینو د مسکو هغه ادعا په کلکه رد کړه چې ګواکې کییف د روسیې ځواکونو پر ضد د یوه 'ککړ بم' د جوړولو هڅه کوي. ککړ بم که څه هم غیر اټومي دی، خو له دې چې چاپېریال په راډیو اکټیف موادو ککړوي په اټومي وسلو کې شمېرل کېږي. د اوکراین د بهرنیو چارو وزیر وویل چې اوکراین ته یې کارپوهان وربللي چې د دې هېواد له تاسیساتو څخه لیدنه وکړي او پخپله وګوري چې اوکراین د پټولو لپاره هېڅ شی نه لري. د روسیې د دفاع وزیر سرګي شویګو د ناټو په غړو هېوادونو کې له خپلو سیالانو سره په وروستیو ټیلیفوني خبرو... Читать дальше...
واشنګټن ټایمز: واشنګټن ټایمز ورځپاڼې د متحدوایالتونو د منځمهالو انتخاباتو په درشل کې په کانګرس کې د جمهوريپال ګوند د غړو د هغه پلان په اړه یو مطلب خپور کړی چې غواړي پر ډیموکراتانو د فشار راوړلو لپاره له افغانستانه د امریکايي ځواکونو په وتلو کې د ګډوډۍ مسئله رابرسېره کړي. د ورځپاڼې د راپور له مخې په داسې حال کې چې د کانګرس غړي په راروان کال کې په دې اړه څېړنو ته تیاري نیسي د استازو جرګې جمهوريپالو غړو ولسمشر جو بایډن ته ویلي چې له افغانستانه د امریکايي سرتېرو د اېستلو په اړه اسناد د راتلونکو څېړنو لپاره خوندي وساتي. Читать дальше...
نن سه شنبه د لړم میاشتې درېیمه په افغانستان کې د طالبانو لخوا له شپږم ټولګي پورته د نجونو د ښوونځیو د تړل کېدو ۴۰۰ ورځې پوره شوې. یوه زده کوونکې د پوښتنې په توګه وايي: "ولې مو زمونږ ښوونځي بند ساتلي؟" هغه وویل چې د طالبان په بیا ځلي واکمنېدو سره دا دی ۴۰۰ ورځې کېږي چې په کور ناسته ده. دیانا وايي، د اووم ټولکي زده کونکې وه چې طالبانو د نجونو د ښوونځیو دروازې وتړلې. نوموړې ازادي راډیو سره په خبرو کې وویل، نه غواړي له زده کړو محرومه شي. دیانا زیاته کړه: "موږ له دې اندېښنه لرو چې ښځې بې سواده پاتې شي، دا د مېرمنو له برخلیک سره لوبه ده. Читать дальше...
د ایران حکومت د ښوونکو د ټولنې درې فعالان په بند محکوم کړل. رسول بداقي د تهران د انقلابي محکمې له خوا د رژيم پر ضد د غونډې جوړولو او پروپاګند په جرم په پنځه کاله او شپږ مياشتو بند محکوم شو. همدارنګه جعفر ابراهیمي په ۵ کاله بند او محمد حبیبي په ۴ کاله او ۷ میاشتې بند محکوم شول. د دوی وکیل رامین صفرنیا ویلي چې موکلین یې له هېواده له وتلو منع شوي دي. د ښوونکو د ټولنې فعالان څو میاشتې مخکې او د هېواد په کچه د ښوونکو د اعتراضونو څخه وړاندې ونیول شول او د هغوی له حال او احول له هېڅ راز خبر پرته له اوونیو وروسته اېوېن زندان ته لېږدول شوي.
د بریتانیا منتخب صدراعظم ریشي سوناک وايي، هېواد یې له سختو اقتصادي ننګونو سره مخ دی او یووالي او ثبات ته اړتیا لري. ریشي سوناک به داسې وخت د بریتانیا د صدراعظمۍ دنده په غاړه واخلي چې هېواد یې له سختو اقتصادي ننګونو سره مخ دی. سوناک د لیز ټرس پر ځای چې شاوخوا اوه اونۍ صدراعظمه وه د محافظه کاره ګوند مشرۍ او د بریتانیا صدراعظمۍ ته ورسېد. ریشي سوناک دوشنبه ماښام ولس ته په خپله لومړنۍ وینا کې د لومړیتوبونو په اړه وویل: "بریتانیا یو غوره هېواد دی، خو په دې کې شک نه شته چې موږ له یوې ژورې اقتصادي ننګونې سره مخ یوو. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости