Новости за 06.08.2021

چین نن جمعه (د زمري ۱۵مه) په محلي سطحه د کرونا ویروس ۸۰ مثبتې پېښې ثبت کړي دي.   دا تازه پېښې داسې مهال ثبتېږي چې دغه هېواد هڅه کوي، په پراخه کچه د کرونا ویروس د خپرې شوې څپې مخه ونیسي.  دغه مثبتې پېښې د ۲۰۱۹میلادي کال په وروستیو کې په دغه هېواد کې د کرونا ویروس د خپرېدو له پیل راهیسې بې سارې بلل شوې دي.  چین له څو نورو هېوادونو سره هڅه کوي چې د کرونا ویروس یا کووېډـ۱۹ ناروغۍ د ډېلټا بڼې په وړاندې مبارزه وکړي چې په چټکۍ په خلکو کې خپرېږي.  په چین کې ۵۸ تازه پېښې په ختیځ ښار یانګژو او نورې په شپږو نورو ولایتونو کې ثبت شوي دي.

د نړۍ په بېلابېلو برخو کې د ځنګلونو اورلګېدنې، د سیمو د جبري تخلیې، د ملکیتونو د تخریب او په ځینو مواردو کې د خلکو د مړینو سبب شوې دي.  تر ډېره چارواکو د دغو اورلګېدنو علت اقلیمي بدلون بللی دی.   له درېیو اوونیو د کلفورنیا په شمال کې د ځنګله اور یو تاریخي ښارګوټی تخریب کړی، ګڼ کورونه او تجارتي مرکزونه یې په ایرو کې ډوب کړي دي.  بل خوا په ترکیه کې هم پرون په یوه برښناکوټ کې د اورلګېدو له کبله په سلګونو کلي له خلکو تخلیه شوي دي.   په همدې حال کې د یونان د اور وژنې مامورین د المپیک یوې لرغونې... Читать дальше...

سخت محافظه کاره ابراهیم رییسي د قضا پخوانی مشر دی او امریکا ورباندې په زرګونو اعدامونو کې د لاس درلودو په تور بندیزونه لګولي او ویلي يې دي چې رییسي د قضا د مشر په توګه د خپل کار پر مهال له بشري حقونو سرغړونه کړې ده.  رییسي د لوړې د مراسمو پر مهال په خپلو خبرو کې وویل: "زه به ځان د خلکو خدمت، د هېواد عزت، د مذهب او اخلاقو ترغیب ته وقف کړم او د حقیقت او عدالت ملاتړ به کوم."   د اګسټ په درېیمه نېټه د ایران ستر مذهبي مشر ایت الله علي خامنه اي د قضا دغه پخوانی ناندریز مشر د ولسمشر په توګه تایید کړ. Читать дальше...

د بلخ د پولیسو ځايي چارواکي وايي چې د دې ولایت په مرکز مزارشریف ښار کې د ماین په چاودنه کې لږ تر لږه ۱۲ کسان ټپيان شول.   د بلخ د امنیې قوماندانۍ ویاند عادل شاه عادل د پنجشنبې(د زمري ۱۴مه) په ورځ ازادي راډيو ته وویل چې دا پېښه پرون تر مازېګر مخکې د روضې شریف په لویديځه برخه کې د نظرګاه سیمه کې وشوه.   د ده په وینا، ماین په یوه بایسکل کې ځای پرځای شوی وو.   له بلې خوا د بلخ حوزوي روغتون مشر غوث الدین انوري وویل چې په ټپيانو کې کوچنیان او دوه نظاميان شامل دي.   د دې چاودنې مسوولیت تراوسه هېڅ چا نه دی منلی.

ټاکل شوې ده د ملګرو ملتونو امنیت شورا نن جمعه (د زمري ۱۵مه) په افغانستان کې د طالبانو د مخ پر زیاتېدونکو حملو او پراخ تاوتریخوالي په اړه غونډه جوړه کړي. دا غونډه د هند په مشرتابه جوړیږي.   په ملګرو ملتونو کې د هند استازي ټي اېس تریمورتي د پنجشنبې په ورځ پر خپله ټويټر پاڼه د دې غونډې اعلان وکړ.   دا دوې ورځې وروسته له هغه چې د افغانستان د بهرنیو چارو وزیر محمد حنیف اتمر د سې شنبې په ورځ له خپل هندي سیال اېس جې شنکر سره ټیلیفوني خبرې وکړې او په افغانستان کې یې د طالبانو د تاوتریخوالي د مخنیوي پر... Читать дальше...

د اروپايي ټولنې لوړپوړي چارواکي وايي، له بشري حقونو سرغړوونکو طالبانو سره باید حساب وشي.   یادې ټولنې د پنجشنبې (د زمري ۱۴مه) په ورځ په افغانستان کې د یوه بېړني، پراخ او دایمي اوربند غوښتنه وکړه او ويې ویل چې سولې ته باید یو فرصت ورکړل شي.   د اروپايي ټولنې د بهرنۍ پالیسۍ مشر جوزېپ بورېل او د بحران د اداره کولو په چارو کې د اروپايي ټولنې کمېشنر یانیز لینارچیچ Janez Lenarcic په یوه ګډه اعلامیه کې په ټول افغانستان کې د طالبانو د تاوتریخوالي زیاتوالی وغانده.   دوی په اعلامیه کې زیاته کړې چې په... Читать дальше...

د کاناډا د کډوالو چارو وزیر خبر ورکوي چې د افغان ترجمانانو، په کابل کې د کاناډا سفارت د کار کوونکو او هغوی د کورنیو لومړۍ ډله کاناډا ته رسېدلې ده.   مارکو مینډیسینو د پنجشنبې(د زمري ۱۴مه) په ورځ په دې اړه یوه خبري کنفرانس ته وویل: "زه ټينګار کوم چې د دې پروګرام له لارې به کاناډا ته د زرګونو افغانانو هرکلی وشي. او د کورنۍ د غړیو د تعریف برخه کې مو پراخه تګلاره غوره کړې ده. د بېلګې په توګه ټول شموله تګلاره د کډوالۍ د دې ځانګړي پروګرام یوه مهمه برخه ده."   ډېری افغانانو چې په افغانستان کې يې د... Читать дальше...

د امریکا د بهرنیو چارو وزیر د پنجشنبې (د زمري ۱۴مه) په ورځ د افغانستان د ملي مصالحې شورا له رییس سره د سولې د مذاکراتو او په هېواد کې د تاوتریخوالي زیاتېدو په اړه خبرې کړي دي. د امریکا د بهرنیو چارو وزارت په یوه اعلامیه کې وايي چې انتوني بلېنکن او عبدالله عبدالله په افغانستان کې د طالبانو د حملو د دوام، د بې ګناه افغانانو د وژل کېدو او ملکیانو د بې ځایه کېدو په اړه خپګان څرګند کړ. د اعلامیې له مخې، ښاغلي بلېنکن او ښاغلي عبدالله د افغانستان د سولې د مذاکراتو د چټکولو او یوې سیاسي حل لارې ته... Читать дальше...

مسعوده له هغو معتادانو څخه ده چې څو کاله د نشو درد ځورولې او په دې وروستیو وختونو کې يې نشه پرې ایښې ده. دا وايي، خپل مېړه په نشو اخته کړه، خو د ښځينه معتادينو د درملنې په روغتيايي مرکز کې يې تر ۴۵ ورځو بستري کېدو وروسته درملنه وشوه او بېرته عادي ژوند ته راوګرځېده. مسعوده وايي: "زه د کندز ولايت اوسېدونکې یمه، یو چا د معتادينو د علاج د مرکز پته راوښودله، زه هم راغلمه او دلته مې علاج وشو، يو څه موده مې په خپله خوښه له معاش پرته کار وکړ، وروسته ډاکټرانو لارښوونه راته وکړه چې دلته وظيفه اجرا کړم... Читать дальше...

هرات د افغانستان یو له هغو ولایتونو څخه دی چې بهرنیو هېوادونو ته د نشه يي موادو د قاچاقو لاره بلل کېږي، ځکه نو په دې ولایت کې نشه يي مواد اسانه او ارزانه پيدا کېږي. د دې ولایت پر اصلي اوسېدونکو معتادینو سربېره د افغانستان د نورو ولایتونو زرګونه هغه معتادین هم د هرات پر واټونو شپې او ورځې تېروي چې له ایرانه را شړل شوي دي. د هرات ولایت د معتادینو د درملنې مرکزونو مسوول محمد عارف وايي چې سږکال په دې ولایت کې د معتادینو راټولولو هېڅ ډول پروګرام نه دی عملي شوی، ځکه خو په دې ښار کې معتادین ډېر شوي او خلک يې اندېښمن کړي دي. Читать дальше...

امریکا له ایرانه غوښتي چې بېرته دې د اټمي مذاکراتو برخه شي.  دا مذاکرات د ایران او نړۍ د قدرتونو تر منځ د ۲۰۱۵میلادي کال د اټمي موافقې د ژغورلو په اړه شوي.   امریکا په ۲۰۱۸میلادي کال کې له ایران سره له اټمي موافقې ووته او پر دې هېواد یې نوي بندیزونه ولګول.   د امریکا د بهرنیو چارو وزارت ویاند نېډ پرایس په یوه خبري غونډه کې د پنجشنبې په ورځ وویل: "موږ ایران ته هیله کوو چې ژر دې مذاکراتو ته ستون شي."   د ایران نوي ولسمشر ابراهیم رییسي د پنجشنبې (د زمري ۱۴مه) په ورځ د خپلې لوړې په مراسمو کې وویل... Читать дальше...

پاکستاني چارواکو وروسته له هغې سیمې ته امنیتي ځواکونه ولېږل چې د پنجاب په رحیمیار خان ولسوالۍ کې د قهرجنو خلکو د هندوانو یوه عبادتځای ته اور ورته کړ.   رویټرز خبري اژانس د رحیمیار خان ولسوالۍ د پولیسو ویاند احمد نواز له قوله ویلي چې قهرجنو خلکو وروسته له هغې د هندوانو پر عبادت ځای حمله وکړه چې راپورونه خپاره شول چې یوه هندو هلک د یوه اسلامي ادارې په کتابتون کې متیازې کړي.   نواز ویلي چې پولیس په حمله کوونکو پسې ګرځي او په دې اړه تحقیق کوي چې په کتابتون کې کثافت خپروونکی توقیف شوی هلک هندو دی... Читать дальше...

د اسراییل دفاع وزیر بني ګانتز وايي چې هېواد یې د ایران پر وړاندې نظامي اقداماتو ته چمتو دی.   اسراییل، امریکا او بریتانیا پر ایران په عُمان کې د جولای د ۲۹مه د اسراییلي شرکت پر یوه تېل وړونکې بیړۍ په حمله کې د لاس درلودو تور پورې کړی دی. تر اوسه هېڅ هېواد د دغو ادعاوو شواهد نه دي وړاندې کړي.   ایران په دې پېښه کې لاس درلودل رد کړي. امریکايي او نورو چارواکو ویلي چې دا حمله د ډرون په وسیله شوې ده.   په هغه حمله کې یو بریتانوی او یو رومانیايي وګړی ووژل شول.   اسراییل د ایران او نړۍ د قدرتونو تر منځ د اټمي موافقې د ژغورلو مخالفت کوي. Читать дальше...

ټاکل شوې ده د امریکا د نارینه وو باسکټ بال ټيم له فرانسې سره میدان ته لاړ شي. دوی هڅه کوي چې څلورم د سرو زرو مډال وګټي.   امریکايي ټیم د پنجشنبې په ورځ (د اګست په پنځمه) اسټرالیا ته په نیمه پایلوبه کې په ۷۸-۹۷ ماتې ورکړه.   فرانسې بیا سلوانیا ته په ۸۹-۹۰ ماتې ورکړه چې فاینل لوبو ته ووځي.   د سرو زرو د مډال لوبې سبا د اګسټ په اوومه کېږي.

پولنډ پر بلاروس تور پورې کړی چې ګڼ شمېر پناه غوښتونکو ته یې اجازه ورکړې چې د پولنډ پر لور ورشي او دا کار يې د پولنډ د هغه اقدام په غبرګون کې کړی چې تېره اوونۍ يې د بلاروس ورزشکارې کرسټينا څيمانوسکایا ته پناه ورکړه.   څيمانوسکایا له توکیو المپیک لوبو څخه خپل هېواد ته له تګه ډډه وکړه او د پولنډ تر ډپلوماټيک خوندیتوب لاندې وارسا ته لاړه.   څیمانوسکایا پر خپله انسټاګرام پاڼه لیکلي وو چې ګڼې بلاروسۍ لوبغاړې د ډوپېنګ د ټېسټونو لپاره د کافي وسایلو د نشتوالي له کبله د توکیو له المپیک لوبو بې برخې شوې. Читать дальше...

درې تنه داسې مهال ونیول شول چې له افغانستان څخه دباندې يې هيرويين قاچاق کول. يو تن چې غوښتل يې اووه کېلو او ۵۲۶ ګرامه هيرويين چې په سفري بکس کې يې پټ ايښي وو او غوښتل يې د حامد کرزي نړيوال هوايي ډګر له لارې يې اندونيزیا ته قاچاق کړي، پولیسو ونيو. له ده څخه تر پوښتنو ګروېږنو وروسته د کابل ښار په اتمه ناحیه کې د دې ډلې مشر هم ونيول شو.  له نشه يي موادو سره د مبارزې معينيت د رسنيو دفتر ازادي راډيو ته وويل، دوه تنه نور چې تر څلور کيلوګرامو ډېر هيرويين يې په خپلو جامو کې پټ کړي او غوښتل يې چې هند... Читать дальше...

کابل ولایت ته تر شپږو کيلوګرامو ډېرو ښیښې د قاچاقو مخه ونيول شوه. څلور کيلوګرامه ښیښه چې په کندهار ولايت کې په یوه موټر کې بار شوې او په پام کې وه کابل ولایت ته قاچاق کړل شي، د غزني ولايت له نشه يي موادو سره د مبارزې ځانګړو پولیسو په غزني ښار کې ونيوله. دغه ډول د ملي امنيت عمومي رياست کار کوونکو په کابل ښار کې دوه کيلو او ۳۰۰ ګرامه ښیښه داسې مهال ونيوله چې د کابل ښار ۱۲مې ناحيې ته قاچاق کېدله. د کورنيو چارو وزارت وياند ميرویس ستانکزي ازادي راډيو ته وويل چې د دې نشه يي موادو د قاچاقو په تور دوه تنه هم نيول شوي دي.

په تخار او ننګرهار ولايتونو کې نژدې دېرش کيلوګرامه نشه يي مواد ونيول شول. د ننګرهار پولیسو تر شلو کيلوګرامو ډېر چرس چې په يوه رېکشا کې پټ ايښودل شوي وو او په پام کې وه چې د دې ولايت يوې ولسوالۍ ته یې قاچاق کړي، په جلال اباد ښار کې یې ونيول . دغه ډول د تخار ولايت سرپرست امنيه قوماندان شمس الحق سادات ازادي راډيو ته وويل چې په تالقان ښار کې يو تن داسې مهال ونيول شو چې غوښتل يې څه اندازه هيرويين دې ښار ته قاچاق او پر معتادينو  وپلوري.