Новости за 14.08.2021

ارزګان کې روغتیاپالان وايي، په تېرو دوو ورځو کې له هغې  وروسته چې څلور ورځې وړاندې طالبانو پر ترینکوټ ښار ډله ییز بریدونه وکړل او ترینکوټ یې محاصره کړ افغان سرتیرو او وسله والو طالبانو ته د مرګ ژوبلې ترڅنګ لسګونه ملکیانو ته هم مرګ ژوبله اوښتې. دوی وايي، دغه ولایت کې د تېرو دوو  ورځو جګړو له امله ۵۵ ملکیانو ته مرګ ژوبله اوښتې.  د ارزګان ولایت د ولایتي روغتون مشر امین الله توخي نن شنبه (د زمري په ۲۳مه) ازادي راډیو ته وویل، دغه ملکیان چې د جګړو له سیمې ولایتي روغتون ته راوړل شوي له دې ډلې ۱۳ کسانو خپل ژوند له لاسه ورکړی دی. Читать дальше...

د ننګرهار چارواکي په دغه ولایت کې د ۷۲ وسله والو طالبانو د وژنې او سلو نورو د ټپي کېدو خبر ورکوي. په ختېځ کې د ۲۰۱ سیلاب قل اردو مطبوعاتي دفتر په یو خپره کړې خبرپاڼه کې ویلي چې په تېرو ۴۸ ساعتونو کې د ننګرهار په شېرزادو ولسوالۍ کې د هوایي، توپچي او پیاده ځواکونو په تعرضي بریدونو کې ۷۲ وسله وال طالبان وژل شوي او سل تنه نور ټپيان شوي دي. په خبرپاڼه کې زیاته شوې چې په دغو بریدونو کې د وسله والو طالبانو درې موټر سایکلونه، ګڼ شمېر وسلې او مهمات هم له منځه تللي دي. د خبرپاڼې په خبره، په یاده موده... Читать дальше...

د ملګرو ملتو سرمنشي پر طالبانو غږ کړی دی چې له جګړو لاس واخلي او د سولې له خبرو سره یوځای شي. انتونیو ګوتیرش په خپل ټویتر کې د ښځو او نجونو وضعیت ته په هغو سیمو کې چې طالبانو نیولې دي اندېښنه ښکاره کړې، دا یې هم لیکلي دي چې د افغانستان وضعیت ورځ په ورځ د خرابېدو په حال کې دی او د جګړو له امله ډېر ملکیان وژل کېږي په ځانګړي ډول ښځې او ماشومان د دې جګړې قربانیان دي.   ښاغلي ګوتیرش په افغانستان کې له ټولو ښکېلو ډلو هیله کړې ده چې د ملکیانو د خوندیتوب په خاطر خپل مسوولیتونه ادا کړي. په افغانستان... Читать дальше...

د زرګونو نوېو امریکایي ځواکونو له ډلې چې افغانستان ته روان دي لومړۍ ډله کابل ته ورسېده. د امریکا د دفاع وزارت ویاند جان کربي وایي، نژدې درې زره پوځیان به تر سبا پورې په کابل کې وي او دا سرتیري به له افغانستانه د امریکا د سفارت د کار کوونکو د خوندي اېستلو په چارو کې مرسته وکړي. امریکایي پوځیان داسې مهال کابل ته روان دي چې طالبانو په وروستیو ورځو کې خپل بریدونه زیات کړي دي او د هرات او کندهار ښارونو په ګډون یې د یو شمېر ولایتونو مرکزونه نیولي دي. جان کربي وویل، طالبان هڅه کوي چې د کابل رابطه... Читать дальше...

ټاکل شوې ده چې یو شمیر افغانان نن د چک جمهوریت په پلازمېنه پراګ کې د پاکستان د سفارت مخې ته مظاهره وکړې. تر دې مخکې افغانانو په ناروې، سویډن، جرمني، اتریش، بریتانیا او یو شمېر نورو اروپایي هېوادونو کې مظاهرې کړې وې او پاکستان یې تورن کړی و چې د افغانستان په چارو کې لاسوهنه کوي. چک جمهوریت له هغو اروپایي هېوادونو څخه دی چې د افغانانو شمېر په کې کم دی او محدود شمېر افغانان په کې د کډوالو په توګه منل شوي دي.

کابل چاپ ورځپاڼو نن تر ډېره د افغانستان په وروستي وضعیت، روانو جګړو او د سولې د نامعلوم برخلیک په اړه لیکنې او تبصرې کړې دي. هشت صبح هشت صبح لیکلي، نیم ولایتونه طالبانو نیولي، لسګونه زره کورنۍ د جګړو له امله له خپلو مېنو بې ځایه شوي چې ډېری بې سرپناه دي، د البسې او وسایلو په ګډون روغتیايي خدمتونو ته لاس رسی نه لري او په ناوړه حالت کې شپې ورځې سبا کوي. په سرمقاله کې راغلي، خو له دې سره سم هم د جګړې ښکېلو غاړو جګړه نه ده هېره کړې او له خپله اړخه پر مقاومت ټېنګار کوي او د سولې او ملي پخلاینې خبرې، خو بېخي ورکې دي. Читать дальше...

د کندز ولایت له دوو میاشتو راهیسې د محاصرې په حال کې و او بالاخره  د یکشنبې په ورځ د زمري په ۱۷مه د وسله والو طالبانو په لاس سقوط شو. ګڼ شمېر خلک انتقاد کوي چې دغه ولایت کې په کافي اندازه ځواکونه، پوځي تجهیزات او مهمات موجود وو، خو د سیمه ییزو چارواکو د ناسم مدیریت له کبله  کندز د وسله والو طالبانو په لاس سقوط شو. د کندز ولایت اوسیدونکی ۳۰ کلن عبدالله الکوزی په دې اړه وویل: "که امنیتي ځواکونو مقاومت کړی وای، زه ډاډ درکوم چې تر دوو میاشتو پورې دوی مقاومت کولی شوای، ځکه دوی په کافي اندازه مهمات،... Читать дальше...

ناروې ټوډې ناروې ټوډې ورځپاڼې د خپل هېواد د دفاع وزیر خبرې خپرې کړي چې وايي، طالبانو د افغانستان د خاورې پراخې برخې ونیولې او دا هېواد د یوې بشپړې کورنۍ جګړې په لور روان دی. د ناروې دفاع وزیر ایریک کریستوفرسن همداراز ویلي، افغانستان هغه هېواد دی چې دوی یې د ښېګڼې او ښه کېدو هیله لرله، خو اوس دا هېواد د بدمرغۍ لور ته روان دی او دا بدمرغي لا پوره نه‌ده پیل شوې.  د بریتانیا دفاع وزیر خبرداری ورکړی چې القاعده ممکن بیا افغانستان ته وګرځي. سکاټلنډ هیرالډ د سکاټلنډ هیرالډ ورځپاڼې د بریتانیا... Читать дальше...

د ملګرو ملتونو د کډوالو لویې کمېشنرۍ په افغانستان کې پر ښځو، نجونو او ماشومانو د وروستیو پراخو جګړو او تشدد د اغېزو له کبله اندېښنه ښودلې.  د 'یو.اېن.اېچ.سي.ار' د راپور له مخې د تېرې مې میاشتې له پای راهیسې د جګړو له کبله له خپلو مېنو شااوخوا دوه نیمه لکه بې ځایه شوېو افغانانو په سلو کې اتیا ښځې او ماشومان دي.  د کډوالو لپاره د ملګرو ملتونو د لویې کمېشنرۍ ویاندې شابیه مانتو پرون جمعه(د زمري ۲۲مه) په جنیوا کې خبریالانو ته د څرګندونو پر مهال دا ارقام ټکان ورکوونکي وبلل، ویې ویل، هغه څه چې په افغانستان کې پېښېږي، د خبرداري وړ دي. Читать дальше...

د اروپايي خبریالانو فدراسیون په جرمني او هالنډ کې د دې فدراسیون له سیمه ییزو دفترونو سره خپل غږ غبرګ کړی او د اروپايي ټولنې له غړو هېوادونو یې غوښتي دي چې د افغان خبریالانو او د افغانستان د رسنیو د کار کوونکو لپاره د سیاسي پناه د ویزو پروګرامونه زیات کړي.  اي اف جې EFJ پرون جمعه (د زمري ۲۲مه) په یوه بیان کې چې د دې ادارې پر وېب پاڼه خپور شو د افغان خبریالانو د ملاتړ له نړیوال کمپاینه چې د اګسټ په ۱۳مه نېټه پیل شو، هم خپل ملاتړ اعلان کړی دی.  د اروپايي خبریالانو د فدراسیون د راپور له مخې اوس مهال... Читать дальше...

د ډنمارک د بهرنیو چارو وزیر پرون د جمعې(د زمري ۲۲مه) په ورځ د خپل هېواد له ټولو وګړو وغوښتل چې له افغانستانه ووځي.   د اې بي سي نیوز خبري چینل د راپور له مخې جِپ کوفوډ په افغانستان کې مخ په زیاتېدو بحران یو جدي وضعیت بللی دی. د ډنمارک د بهرنیو چارو وزیر تایید کړه چې په کابل کې د دې هېواد سفارت تړل کېږي، خو ده وویل چې د امنیتي دلایلو له کبله یې دقیقه نېټه نه شي ښودلی.  دا په داسې حال کې ده چې د چهارشنبې په ورځ د ډنمارک پارلمان له افغانستانه د هغو ۴۵ افغانانو پر ایستلو موافقه وکړه چې په افغانستان... Читать дальше...

د جرمني د بهرنیو چارو وزیر وايي، د بحران پر وړاندې د ملاتړ یو ټیم به سمدستي افغانستان ته واستوي.  هایکو ماس پرون جمعه (د زمري ۲۲مه) په افغانستان کې د طالبانو پراخو حملو ته د اشارې په ترڅ کې خبریالانو ته وویل:"موږ به په را روانو څو ورځو کې په کابل کې د جرمني د سفارت د کار کوونکو شمېر تر ټولو ټیټې کچې ته ورسوو او سمدستي به کابل ته د بحران پر مهال د ملاتړ یو ټیم واستوو، څو د هغو تدابیرو پر اساس چې موافقه پرې شوې، له موږ سره د امنیتي اقداماتو پر پراخولو او تطبیق کې مرسته وکړي."  جرمني ځواکونه د ناټو... Читать дальше...

په روسیه کې د یوې ممنوع مذهبي ډلې د دوامداره ځپلو په ترڅ کې د روسیې یوې محکمې د دې ډلې یو غړی په درې کاله بند محکوم کړ.  د روسیې په جنوب لویدیځه سیمه کراسنادار کې د ابینسک ښار محکمې پرون وروسته له دې چې د یهوه د شاهدانو په نوم د دې ډلې غړی واسیلي مېلېشکو په یوه افراطي سازمان کې په غړیتوب مجرم وپېژند، نوموړی یې په درې کاله بند محکوم کړ.  ښاغلي مېلېشکو ویلي چې د دې ډلې غړی دی، خو په افراطي ډله کې د غړیتوب تور یې رد کړی دی.  په روسیه کې چې د ولسمشر ولادیمیر پوتین تر ملاتړ لاندې ارتودوکس کلیسا... Читать дальше...

د بلاروس یوې محکمې پرون جمعه (د زمري ۲۲مه) د یوې خپلواکې انلاین خبري شبکې وېب پاڼې د افراطي وېب پاڼو په توګه ونومولې.  د 'zerkalo.io' په نوم خبري وېب پاڼه تېره میاشت د توت ډاټ بای (tut.by) د خپلواکې انلاین خبري شبکې د بریالانو له خوا جوړ شوی و، خو د بلاروس حکومت دا شبکه چې ډېر پلویان لري او د هغې بانکي حسابونه بند کړي او د هغې یو شمېر کار کوونکي یې له مالیاتو د تېښتې په تور نیولي دي.  توت ډاټ بای یوه له ډېرو منلو وېبپاڼه وه چې په بلاروس کې د حکومت پر ضد د اعتراضونو د ځپلو په اړه یې راپورونه خپرول. Читать дальше...

فرانسه وايي، له هغو هېوادونو پر پله یې پل ایښی چې له یهودانو سره د ضدیت د سوابقو له کبله یې د نژادپالنې په اړه د ملګرو ملتونو کنفرانس تحریم کړی. د ولسمشر ایمانوئل مکرون دفتر پرون جمعه (د زمري ۲۲مه) اعلان وکړ چې د دوربان په نوم د نژادې توپیر په اړه په دې کنفرانس کې به ګډون ونه کړي. د دوربان راتلونکې غونډه د دې کنفرانس د شلمې کلیزې په مناسبت په نیویارک ښار کې جوړېږي. د نژاد پالنې په اړه د ملګرو ملتونو لومړنی کنفرانس په ۲۰۰۱ میلادي کال کې د جنوبي افریقا په دوربان ښار کې جوړ شو او له هماغه وخته د دې کنفرانس نوم هم دوربان شو. Читать дальше...

ملګرو ملتونو د افغانستان په ښارونو کې د جګړو د دوام په اړه خبرداری ورکړی او ویلي یې دي چې د دې ډول جګړو عواقب به ډېر خطرناک وي. طالبانو په تېرو څو اونیو کې د چټک پرمختګ په ترڅ کې د افغانستان له نیمايي د زیاتو ولایتونو مرکزونه ونیول. د ملګرو ملتونو د سرمنشي ویاند سټیفن دویاریچ پرون جمعه (د زمري ۲۲مه) په نیویارک کې په یوه خبري غونډه کې وویل، په ښارونو کې جګړه به یو ناورین وي. دویاریچ زیاته کړه چې ملګرو ملتونو لا له مخکې په کندهار او لښکرګاه ښارونو کې د ملکي وګړو پر ژوند د ښاري جګړو د اغېز یادونه... Читать дальше...