Новости за 28.08.2021

د داعش پر یوه غړي په ننګرهار کې د بې پیلوټه الوتکې برید شوی دی.  د امریکا د مرکزي قومانداني یوه مسوول، بل اوربان په یوه خبرپاڼه کې ویلي دي چې دا کس نن ووژل شو.  د دې کس نوم تر اوسه نه دی افشا شوی.  د اسلامي دولت یا داعش خراسان څانګې په کابل کې د پنجشنبې د ورځې د چاودنې مسوولیت منلی دی.  د امریکا د متحد ایالاتونو ولسمشر جوبایډن تر دې چاودنې وروسته وویل چې د دې حملې عاملین به له پښو وغورځوي.  په دې برید کې چې د حامد کرزي هوایي ډګر مخې ته وشو، یو سل او اویا افغانان او دیارلس امریکایي سرتیرې ووژل شول.

په کابل کې د امریکا د متحد ایالاتونو سفارت  له امریکایانو غوښتي دي چې د حامد کرزي په هوایي ډګر کې د  امنیتي ګواښونو له امله دې له تګ څخه ډډه وکړي.  دې سفارت په یوه بیان کې ویلي دي، هغه امریکایان چې د 'ابې' له وره، له ختیځ وره او شمالي دروازې سره دي یا هم د کورنیو چارو د وزارت د نوې ودانۍ له دروازې سره دي باید سمدستي سیمه پریږدي.  سپینې ماڼۍ په کابل کې د بل احتمالي برید خبر ورکړی دی.

د کابل د نړیوال هوایي‌ ډګر له لارې بهر ته د بهرنیو وګړو او افغانانو د ایستلو چارې وروستي پړاو ته نژدې شوي دي.  د راپورونو له مخې امریکا او متحدانو یې د اګسټ له ۱۴مې نېټې راهیسې نژدې ۱۱۱ زره کسان له کابله اېستلې دي. سپینې ماڼۍ پرون وویل چې په تېرو ۲۴ ساعتونو کې یې دولس نیم زره کسان د کابل له هوایي ډګره په الوتکو کې بهر ته انتقال کړي دي.   د فرانسې په ګډون له شلو ډېرو هېوادونو ویلي دي چې دا عملیات یې د جمعې تر ورځ بشپړ کړل.  د فرانسې دفاع وزیرې فلورنس پارلي پرون وویل، له دوو اونیو په لږه موده... Читать дальше...

د افغانستان لپاره د ناټو ملکي استازی د تل لپاره له افغانستانه ووت. ایټالوي ډيپلومات سټیفانو پونټې کوروو چې په افغانستان کې یې د ناټو د ملکي استازي په توګه دنده ترسره کوله پرون جمعه (د وږې ۶مه) اعلان وکړ چې له افغانستان سره د تل لپاره خدای په اماني کوي. ښاغلي پونټي کوروو پر خپله ټویټرپاڼه لیکلي چې له کابل به خواشیني زړه ځي. هغه د ناټو له متحدانو او شریکانو، له افغانستانه د خلکو د وتلو په بهېر کې د مرستې په خاطر مننه کړې او ویلي یې دي چې ده له ګڼو ستونزو سره-سره له افغانستانه د زرګونه انسانانو د وتلو په چاره کې مهم رول لوبولی دی. Читать дальше...

طالبانو د عامې روغتیا وزارت ښځینه کار کوونکو ته خبر ورکړی چې په مرکز او ولایتونو کې خپلو دندو ته حاضرې شي. په هغه اعلامیه کې چې د طالبانو د ادارې د روغتیا وزارت خپره کړې ده روغتیاپالو ښځو ته ډاډ ورکړل شوی چې د دوی لپاره د کارکولو هېڅ ډول ممانعت نه شته. په بیان کې راغلي دي چې د روغتیا وزارت ښځینه کار کوونکې دې په منظم ډول خپلو دندو ته حاضرې شي. طالبانو په نوېیمه لسیزه کې په خپله تېر ځل واکمنۍ کې د روغتیا وزارت په ګډون په هېڅ یوه دولتي اداره کې ښځو ته د کار اجازه نه ورکوله، خو د طالبانو ویاند... Читать дальше...

د ملګرو ملتونو امنیت شورا د کابل پر هوايي ډګر برید غندلی او عدالت ته یې د دې برید د عاملانو، تنظیموونکو او تمویلوونکو د را کاږلو غوښتنه کړې ده. امنیت شورا په خپله پرونۍ غونډه کې ټېنګار وکړ چې هر تروریستي عمل، د هغه انګېزې، وخت، ځای او عاملانو ته له پام پرته جنایت دی او هېڅ توجیه نه لري. امنیت شورا د ملګرو ملتونو له ټولو غړو غوښتنه وکړه چې د دې پېښې په اړه په تحقیقاتو کې مرسته وکړي، څو د تروریستي فعالیتونو له کبله د نړیوالې سولې او امنیت پر وړاندې د ګواښونو مخنیوی وشي. دا په داسې حال کې ده... Читать дальше...

د کابل په نړیوال هوايي ډګر کې د پنجشنبې د ماښام د چاودنې د مړو شمېر له ۱۷۰ کسانو واوښت. 'سي.اېن.اېن' او 'سي.بي.اېس' ټلوېزیوني چینلونو د افغانستان د روغتیا وزارت د سرچینو په حواله راپور ورکړی چې وايي، نوي شمېرې د پخوانیو هغو پرتله چې سل تنه ښودل شوي وو، په ډېر توپیر سره لوړ دي. د 'سي بي. اېس' خبریال همدا راز راپور ورکړی چې لږ تر لږه ۲۰۰ نور کسان په دې چاودنه کې ټپیان شوي دي. د بریټانیا د بهرنیو چارو وزیر ډومنینک راب پرون جمعه (د وږې په ۵مه) په یوه بیان کې وویل، دا لویه تراژیدي ده ځکه دا بې... Читать дальше...

د بریتانیا صدراعظم وايي چې د کابل د هوايي ډګر له لارې د خلکو د اېستلو د مهلت له پای ته رسېدو وروسته به بریتانیا ته نور افغانان هم راولي.  د بریتانیا پوځ په تېرو دوو اونیو کې د ځانګړو عملیاتو په ترڅ کې کابو ۱۴ زره بریتانویان او هغه افغانان واېستل چې ژوند یې په خطر کې دی خو ویل کېږي چې سلګونه نور لا هم هلته بند پاتې دي.  بورېس جانسن پرون په لندن کې خبریالانو ته وویل چې د اګسټ د ۳۱ مې له مهلت وروسته به بریتانیا ته د نورو افغانانو د بیولو هڅه وکړي. ښاغلي جانسن زیاته کړه: "اوس چې موږ د خپلو عملیاتو... Читать дальше...

په داسې حال کې چې د کابل نړیوال هوايي ډګر ته نژدې د بمي چاودنې د تلفاتو شمېر لوړ شوی، د سپینې ماڼۍ د امنیت ټیم ولسمشر جو بایډن ته ویلي چې په کابل کې د یوې بلې تروریستي حملې احتمال هم شته. د سپینې ماڼۍ ویاندې جېن ساکي پرون د اګست په ۲۷مه په یوه خبري غونډه کې وویل چې د حامد کرزي په نړیوال هوايي ډګر کې هر اړخیز او پراخ امنیتي تدابیر نیول شوي دي، خو مېرمن ساکي ولسمشر بایډن ته د امنيتي ټیم د دې ارزونې جزییات په ډاګه نه کړل. پرون له دې مخکې د پنټاګون ویاند هم وویل چې ښايي داعش ډله په کابل کې نورې حملې وکړي. Читать дальше...

ګڼو لوېدیځو ورځپاڼو د کابل د هوايي ډګر په خوله کې د پنجشنبې د ماښام پر خونړیو ترورېستي حملو او د داعش په اړه لیکنې خپرې کړې دي.  د داعش یا د اسلامي دولت د خراسان څانګې د دغو انتحاري بریدونو مسؤلیت ومانه. ایفنینګ سټنډرډ او میرر د بریتانیا ایفنینګ سټنډرډ او میرر ورځپاڼو په دې اړه خپلې لیکنې په دې پوښتنې پیل کړي چې د داعش خراسان څانګه څوک ده؟ دواړو ورځپاڼو دا ډله په عراق او سوریه کې د اسلامي دولت یا داعش څانګې بللي چې په افغانستان او پاکستان کې فعالیت کوي. په عراق او سوریه کې دا ډله په ۲۰۱۴م... Читать дальше...

د ناټو غړي هېوادونه هڅه کوي چې د کابل نړیوال هوايي ډګر د بهرنیو سرتېرو د وتلو د پروسې له بشپړېدو وروسته د بشري مرستو لپاره پرانیستی وساتي. له افغانستانه د بهرنیو وګړو او د هغو د افغان همکارانو د وتلو لپاره مهلت د اګسټ په ۳۱مه پای ته رسېږي. ترکیې ویلي دي چې له طالبانو سره یې خبرې روانې دي، څو له دې نېټې وروسته د حامد کرزي د نړیوال هوايي ډګر د فعال ساتلو لپاره تخنیکي مرسته وکړي، خو ترکي چارواکو ویلي چې د پنجشنبې ورځې برید د هوايي ډګر د متخصصانو د امنیت په برخه کې د ترکي ځواکونو هڅې زیانمنې کړې. Читать дальше...

د قزاقستان په یوه پوځي اډه کې چاودنو لږ تر لږه ۱۲ کسان وژلي او نژدې سل نور یې ټپیان کړي دي. چارواکي وايي، دا مرګ ژوبله د قزاقستان د جنوب، په یوه پوځي اډه کې د وسلو او مهماتو په زېرمتون کې هغه مهال پېښه شوه چې له څو چاودنو وروسته هلته اور ولګېد. د بېړنیو حالاتو د وزارت یوه ویاند پرون د اګسټ په ۲۷مه وویل، لږ تر لږه دوه کسان تر اوسه لا درکه دي او د موندلو لپاره یې هڅې پیل شوي دي. د قزاقستان دفاع وزیر نور لان ایرمېک بایوف له پېښې وروسته ازادي راډیو ته وویل چې دی له خپلې دندې استعفا ته چمتو دی.

لاس انجلس ټایمز د لاس انجلس ټایمز ورځپاڼې په خپلې وروستۍ ګڼې کې یوه لېکنه خپره کړې چې سرلیک یې دی "افغانستان خپل غوره وګړي له لاسه ورکوي." ورځپاڼې د درې کسانو ژوند ته اشاره کړې چې یو یې یوه بهرنۍ رسنۍ کې ژورنالیست دی، دوهم په یو نادولتي پراختیايي سازمان کې کار کاوه او دریېم یو هنرمند دی چې کابل کې یې ګڼ مینه وال درلودل. څو ورځې مخکې پورې له دې درې کسانو یو هم نه غوښتل له افغانستانه ووځي، خو اوس درې واړه غواړي افغانستان پږېږدي. ورځپاڼه وايي، له افغانستانه د استعدادوونو تېښته، هغه هم په دې... Читать дальше...