Новости за 07.10.2023

د کډوالو لپاره د ملګرو ملتونو عالي کمېشنرۍ او د ملګرو ملتونو د کډوالۍ سازمان له پاکستان غوښتي، څو د هغو زیانمنیدونکو افغانانو خوندیتوب ته دوام ورکړي، چې خپل وطن ته په ستنېدو له احتمالي ګواښ سره مخ کېږي.  دې دواړو ادارو نن سهار په یوه ګډه اعلامیه کې چې د کډوالو لپاره د ملګرو ملتونو عالي کمېشنرۍ په خپله ویب‌پاڼه خپره کړې لیکلي، افغانستان د بشري حقونو په برخه کې له ډېرو ننګونو؛ په ځانګړې توګه د ښځو او نجونو له سخت بشري بحران سره مخ دی او دا ډول پلان به د ټولو هغو کسانو لپاره بدې پایلې ولري چې د خپل هېواد پرېښودو ته اړ شوي. Читать дальше...

د نوبل د سولې جایزې ګټونکې نرګس محمدي وایي، دا جایزه به د دې هوډ پیاوړي کړی چې له ظلم سره مبارزه وکړي. میرمن محمدي په ایران کې زنداني ده. دې په یوه بیان کې چې په نیویارک ټایمز ورځپانې کې خپور شوی ویلي دي، کله به هم د ډیموکراسۍ او ازادۍ لپاره له مبارزې لاس وانخلي. دې د ایران ښځې زړه ورې وبللې او ویې ویل، چې له ښځو سره ظلم او زیاتی د جنسیت پر بنسټ په ایران کې روان دی. له میرمن محمدي سره د سولې د نوبل جایزې ته د افغان ښځو فعاله محبوبه سراج نومانده شوې وه، خو پرون د نوبل د سولې د جایزې کمیټې... Читать дальше...

د فراه د بخش اباد د بند د یوه تونل د سوري کولو چارې پرون بشپړې شوې او ټاکل شوې ده، چې روانه اونۍ د دې بند د دوهم تونل د سوري کولو چارې تکمیل شي. یو تونل پنځوس کیلومتره او دوهم یې دوه پنځوس کیلومتره اوږدوالی لري. دا بند د شاوخوا اته شپيته زره او پنځه سوه نوي هکتاره مځکې د خړوبولو ظرفیت لري. د دې بند د جوړیدو چارې د جمهوریت په وخت کې پيل شوې، چې بیا د طالبانو له واکمنۍ سره سم ودریدې او وروسته بیرته شروع شوې. د بخش اباد د بند د تونلونو د کانکریټ کارونه لا پاتې دي.

نن د اکتوبر اوومه پر افغانستان د امریکا د متحد ایالتونو له لورې د طالبانو د رژیم او القاعده شبکې پر ضد د عملیاتو د پیلیدو ورځ ده. له ننه دوه ویشت کاله مخکې د اوږدمهاله ازادي په نوم عملیات د دوه زره لومړي کال د سپتمبر د یولسمې نیټې د بریدونو په ځواب کې پیل شول. د دوه زره لومړي کال د سپتمبر د یولسې نیټې په حمله کې، چې مشري یې القاعده کوله په امریکا کې شاوخوا درې زره کسان ووژل شول. هغه وخت د القاعده شبکې مشران د طالبانو تر حاکمیت لاندې په افغانستان کې اوسیدل. د امریکا په مشرۍ په افغانستان کې جګړې نژدې شل کاله دوام وکړ. Читать дальше...

د افغانستان د کرکټ د ملي ټیم لوبغاړي نن په هند کې د یو ورځني نړیوال جام په ترڅ کې خپله لومړۍ لوبه له بنګله دېش سره کوي. په ورته وخت کې د ابدالیانو په نوم د افغانستان د کرکټ الف لوبډله، چې د چین په هانګژو کې یې پرون په نیمه پایلوبه کې پاکستان ته ماتې ورکړه، نن به د سرو زرو د میډال د اخیستو لپاره د هند له الف لوبډلې سره مسابقه وکړي. د نړیوال جام لوبې د پنجشنبې په ورځ په هند کې پیل شوې، چې د تېرو دوو ورځو په ترڅ کې هره ورځ یوه- یوه لوبه ترسره شوه او نن به د افغانستان او بنګله دېش ترڅنګ جنوبي افریقا له سریلانکا سره مخامخ شي. Читать дальше...

درې شپیته کلن ایرانی بایسکل ځغلوونکی رحمت الله ازاد چې د نړۍ بېلابېلو هېوادونو ته یې په بایسکل سفرونه کړې دي، پرون ننګرهار ته ورسید. دی تېره اونۍ د هرات له لارې تر کابله ولاړ او اوس غواړي، چې د ننګرهار له لارې پاکستان ته داخل شي او له هغه ځایه بیرته ایران ته ستون شي. ازاد په جلال اباد کې افغان رسنیو ته وویل، چې د دې سفر هدف یې د ملتونو تر منځ د سولې د پیغام لیږدول دي.

د پاکستان د بهرنیو چارو د وزارت ویانده وایي، افغان کډوال به په څو مرحلو کې له خپلې خاورې وباسي. زهرا بلوچ دا خبره په اسلام اباد کې رسنیو ته وکړه، خو دا یې ونه ویل چې د نومبر تر لومړۍ نېټې وروسته به هم یو شمېر هغه افغانان باسي چې د پاکستان د استوګني قانوني اسناد نه لري. د پاکستان د دې ضرب الاجل لپاره درې اونۍ پاتې دي. پر افغان کډوالو د پاکستان دننه په ځانګړي ډول په اسلام اباد کې د فشارونو له زیاتیدو سره د پاکستان د بهرنیو چارو وزارت وایي چې د کډوالو د ایستلو پروګرام به د څو پړاوونو په ترڅ کې ترسره شي. Читать дальше...

نن د افغانستان د ابدالیانو کرکټ لوبډله په چین کې د سرو زرو د میډال د ترلاسه کولو لپاره میدان ته کوزیږي او په هند کې د افغانستان ملي لوبډله د کرکټ په نړیوال جام کې له بنګله دیش سره مسابقه کوي. دا لوبه د چین په هانګژو کې د اسیایي لوبو په ترڅ کې د شل اورونو ده. افغان لوبغاړو د دې سیالیو په ترڅ کې پرون د پاکستان الف لوبډلې ته په نیمه پایلوبه کې ماتې ورکړه او پایلوبې ته ووته. تر دې مخکې یې په کوارټرز فاینل کې د سریلانکا لوبډله ماته کړې وه، په هغه لوبه کې افغان باولر قیس احمد درې ویکټې اخیستې وې،... Читать дальше...

د طالبانو د حکومت سترې محکمې د دوی د مشر د فرمان پر بنسټ، د یوه متحد المال سند په صادرولو سره محاکمو ته لارښوونه کړې چې د دې سند له مخې د نشه يي بوټو کښت، نشه يي موادو تولید او قاچاقو ته پام وکړي. د نشه يي موادو اړوند جرمونو په اړه تر دوه کلنې قانوني او قضايي خلا وروسته اوس د طالبانو د حکومت سترې محکمې د نشه يي موادو د جزايي برخې لپاره یو طرزالعمل جوړ کړی او د عملي کېدو لپاره يې محاکمو ته لېږلی دی. دا جزايي سند چې سترې محکمې د متحدالمال په نوم یاد کړی د یوې غونډې په ترڅ کې بحث ورباندې شوی دی. Читать дальше...

ډیپلومات: ډیپلومات خپرونې پرون په پاکستان کې پر افغان کډوالو د ژوند د فضا تنګېدو په باب لیکنه خپره کړې ده. د لیکنې په یوه برخه کې راغلي، په میلیونونو افغانان له لسیزو راهیسې په خپل هېواد کې د ناکراریو او وینې تویېدنې له کبله پاکستان ته اوښتي چې ځینې له کلونو راهیسې په پاکستان کې ژوند کوي. د لیکوال په وینا، په زرګونو نور افغانان وروسته له هغې پاکستان ته کډه شول چې څه باندې ۲ کاله مخکې طالبانو پر افغانستان بیا ولکه ټینګه کړه. د ډیپلومات په لیکنه، د افغان کډوالو پر وړاندې د پاکستان د فشارونو له کبله د طالبانو حکومت هم عکس العمل ښودلی دی. Читать дальше...