Новости за 27.10.2023

د کرکټ نړیوال جام په ۲۶مه سیالۍ کې سویلي افریقا د یوې ویکټې په توپير پاکستان ته ماتې ورکړه. نن پاکستان یو وار بیا توپوهنه کړې وه چې ټول لوبغاړي یې په ۴۷ اورونو کې وسوځیدل او د ۲۷۱ منډو هدف یې وټاکه. یادې لوبډلې ته سعود شکیل ۵۲ او بابراعظم ۵۰ منډې وکړې. د سویلي افریقا لپاره تبریز شمسي ۴ ویکټې اخیستې وې چې د لوبې غوره لوبغاړی ونومول شو او مارکو ینسین د ۳ لوبغاړو سوځولو ترڅنګ شل منډې هم کړې وې چې د اغېزمن لوبغاړي جایزه یې وګټله. سویلي افریقا ورکړل شوی هدف په داسې وخت کې پوره کړ چې ۹ لوبغاړي یې له لاسه ورکړي و او د لوبې ۴۸م اور و. Читать дальше...

د کابل ښار په دشت برچي کې د پنجشنبې ماښام د چاودنې یو شمېر عیني شاهدان او قربانیان ادعا کوي چې په دې پېښه کې د وژل شویو او ټپیانو شمېر  له هغه څه چې د طالبانو حکومت اعلان کړی ډېر دی. خان اقا د کابل ښار په لوېدیځ کې د ملت په نوم د سوکوهنې په کلپ کې د پنجشنبې ماښام د چاودنې له قربانیانو څخه دی. هغه، چې يو ورزشکار او د دغه ورزشي کلپ غړى دى، په دې چاودنه کې ټپي او وراره يې وژل شوى دى. نوموړي ازادي راډيو ته وويل چې د چاودنې پر مهال په کلب کې شاوخوا ٦٠ کسان موجود وو. که څه هم د طالبانو حکومت وايي... Читать дальше...

د تیرې اونۍ مهمو پېښو ته سعید شینواري کتنه کړې

د ایران حکومت اعلان کړی چې بهرني اتباع باید په دغه هېواد کې د ځینو ځایونو له شاوخوا لکه د شاه چراغ له زیارت څخه وایستل شي. د ایران په شیراز ښار کې د شاه چراغ په زیارت له دویمې حملې وروسته د دغه هېواد حکومت تازه ویلي چې بهرني وګړي باید د دغه هېواد د ځینو ځایونو په محدوده کې استوګن نه وي، وایستل شي. د ایران د کورنیو چارو وزیر احمد وحیدي د پنجشنبې په ورځ د ایران له ایسنا خبري اژانس سره په خبرو کې وویل چې د دغو سیمو امنیت باید تامین شي او په خبره یې په همدې بنسټ د دغه هېواد د ولایتونو په کچه د بهرنیو وګړو د ویستلو طرحه د عملي کېدو په حال کې ده.

په کندهار کې د ربړینو توکو جوړولو صنعت له ورکېدو سره مخ دی. د ربړینو توکو جوړول، چې د کندهار یو له لرغونو کسبونو ګڼل کېږي، د تېر پرتله یي بازار پیکه شوی دی. د دې توکو جوړونکو وچکالي د دغه کسب د پیکه کېدو لامل بولي. د ربړینو توکو جوړوونکي د موټر له زړو ټایرونو سطلونه، رسۍ، چوټې، ګلدانۍ او نور توکي جوړوي. نور جزییات د لاندې لېنک په کېکاږلو اورېدلی شئ:

د سپین بولدک چمن پر دروازه له ویزې پرته د خلکو پر تګ راتګ د محدودیت د لیرې کولو په هدف د پښتون ژغورنې غورځنګ په ملاتړ د زرګونه کسانو اعتراضونه لاهم دوام لري. اعتراض کوونکو د چمن لویه لاره بنده کړې او له اسلام آباد څخه غواړي چې خپله پرېکړه بېرته واخلي.

د اسراییل پوځ وايي چې په غزه کې د پراخو ځمکنیو عملیاتو له پیلولو مخکې یې په دې تړانګه کې یو شمېر اهداف په نښه کړي دي. اسراییل په تېرو نږدې دریو اونیو کې د غزې پر تړانګه له هوايي حملو وروسته نن نیمه شپه په داسې حال کې چې جنګي جېټ الوتکې او ډرونونه ورسره وو، د غزې په مرکزي برخه کې یو شمېر اهداف په نښه کړل. دا په داسې حال کې ده چې اسراییلي ځواکونه د غزې د اشغال لپاره پراخو عملیاتو ته تیاری نیسي. د اسراییل پوځ نن وویل، په تېره یوه ورځ کې ځمکنیو دفاعي ځواکونو د جنګي جېټ او بې پیلوټه الوتکو په مرسته د غزې په مرکز کې پر یو شمېر اهدافو برید وکړ. Читать дальше...

په هرات ولایت کې له ویجاړونکې زلزلې درې اوونۍ وروسته او د ژمې په رارسېدو سره ګڼ شمېر کورنۍ لا هم په خیمو کې د ژوند سختې شپې او ورځې تېروي. د هرات له زلزلزې درې اوونۍ وروسته لا هم خیمې ولاړې او خلک خپلو کورونو ته د تګ لپاره زړه نه ښه کوي. دوی پرله پسې زلزلزو او له زلزلزو ورسته ټکانونو دومره وېرولي چې د مني سړو شپو ته هم نه ګوري. دوی وايي، خلک بې وزله دي، مرستې او امکانات نه شته او که وضعیت ته په وخت رسېدنه ونه شي، په ټکو یې یو بله ناورین به رامنځته کړي. یوې زلزله ځپلې سوریا وايي، دوی د ورځې... Читать дальше...

د چمن-سپین بولدک ترمنځ د تګ راتګ لپاره د پاکستان له لوري د ویزې د شرط پر ضد په چمن ښارګوټي کې د زرګونو سیمه‌ییزو اوسېدونکو اعتراضي پرلت نن په اومه ورځ هم روان دی. د چمن-سپین بولدک ترمنځ د تګ راتګ لپاره د پاکستان د حکومت له لوري د ویزې او پاسپورټ د لرلو د پرېکړې پر وړاندې غبرګونونه او اعتراضونه دوام لري. په چمن ښارګوټي کې د زرګونه سیمه‌ییزو اوسېدونکو له لوري پیل شوی اعتراضي پرلت لا هم روان دی. د روانې اکټوبر میاشتې په ۲۱مه د پیل شوي دې پرلت ګډون کوونکو د چمن لویه لار تړلې او وايي، تر هغو به... Читать дальше...

په خوست کې د ۶۹ ښوونځیو د زده کوونکو ترمنیځ تر درسي سیالۍ وروسته ۷۰ غوره زده کوونکو ته ستاینلیکونه ورکړل شوي دي. د اکتوبر پر۲۶مه په غونډه کې پر هغو زده کونکوو ډالۍ هم وویشل شوې. بریالیو زده کوونکو وویل اضافي مطالعه، د ادابو پلي کول او په ځانګړو ښوونیز مرکزونو کې د ساینسي مضمونونو تعقیبولو له لارې هغې مقام ته ورسېدل. تفصیل په ویډیو کې.

په کابل کې د هندوانو او سېکانو يو شمېر استازي وايي، په بېلابېلو ولايتونو کې دې د دوی غصب شوي ملکيتونه او جايدونه ورکړل شي. په افغانستان کې د مذهبي لږکيو د ستونزو او اندېښنو په دوام، د هندوانو او سېکانو يو شمېر استازي وايي، په بېلابېلو ولايتونو کې د دوی ملکيتونه غصب شوي دي. افغانستان کې د هندوانو او سېکانو د سرتاسري شورا مشر مجنيت سينګ لامبه چې د خپلو ستونزو د حل په موخه يې پرون د طالبانو د رياست الوزرا د دفتر له ریيس سره ليدلي، ازادي راډيو ته وويل، دوی د طالبانو له حکومت غواړي چې ملکيتونه او غصب شوي درمسالونه دې ورته بېرته ورکړي. Читать дальше...

ملګري ملتونه وايي چې د اسراییلو د تېرو نږدې درېیو اوونیو له بمباریو وروسته د غزې په تړانګه کې بې خنډه مرستو ته اړتیا ده. د اکټوبر په اوومه د اسراییلو پر قلمرو د حماس ډلې تر برید وروسته د اسراییلو بمباریو او کلابندۍ د غزې په تړانګه کې یو بشري ناورین رامنځته کړی دی. د فلسطیني کډوالو لپاره د ملګرو ملتونو لوی کمېشنر فیلیپ لازارېني وايي، د غزې لپاره د بامفهومه او بې خنډه مرستو جریان ته اړتیا شته. د لازاریني په وینا، هغه مرستې چې تر دې دمه غزې ته استول شوي ډېرې لږې دي. نوموړی زیاتوي د دې لپاره... Читать дальше...

له پاکستان څخه افغانستان ته ستانه شوي افغان کډوال د مرستو او سرپناه غوښتنه کوي. له پاکستان څخه یو شمېر هغه افغان کډوال چې تازه د افغانستان جنوبي ولایتونو ته کډه شوي شکایت کوي او وايي چې تراوسه پورې د هېڅ یوې ادارې له لوري ورسره مرسته نه ده شوې. د دې کډوالو یوه برخه د هلمند ولایت یو شمېر ولسوالیو او مرکز لښکرګاه ته کډه شوي او غوښتنه کوي چې سرپناه دې ورته برابره او مرستې دې هم ورسره وشي. طالبان وايي، له پاکستان څخه افغانستان ته د ستنېدونکو افغان کډوالو د ستونزو حل لپاره یې نوی کمېسیون جوړ کړی دی. Читать дальше...

د پاکستان یوې محکمې د دولتي اسرارو د افشا کولو په قضیه کې د پخواني صدراعظم عمران خان ضمانت رد کړ. د خان مدافع وکیل نعیم پنجوتا نن پر ایکس شبکې ولیکل چې سترې محکمې د نوموړي د خوشې کېدو ضمانت او د دې قضیې د فسخ کولو غوښتنه رد کړل. عمران خان تورن دی چې تېر کال یې په واشنګټن کې د پاکستان د پخواني سفیر له خوا استول شوي محرم اسناد افشا کړي دي. خان دا تورونه رد کړي او وايي، د دې اسنادو منځپانګه مخکې رسنیو افشا کړې وه. عمران خان چې په ۲۰۲۲ کال کې د پارلمان کې د سلب اعتماد د رایې په نتیجه کې له واکه لیرې شو په لسګونه نورو قضیو کې هم تورن دی.

امریکايي چارواکو د طالبانو له بنده د قلم لار ټولنې د مشر مطیع الله ویسا د خوشې کېدو هرکلی کړی. د افغانستان د ښځو، نجونو او بشري حقونو لپاره د امریکا ځانګړې استازې رینا امیري پر ایکس شبکې په یوه بیان کې لیکلي چې د ویسا، د هغه چا چې د نجونو د تعلیم په پلوي د درېدو په خاطر باید هېڅکله نه وای نیول شوی د خوشې کېدو لپاره د خوښۍ احساس کوي. مېرمن امیري یوځل بیا د ټولو هغو کسانو د خوشې کېدو غوښتنه کړې چې د دې په وینا، په زړورتیا سره د خپل حق د دفاع لپاره د درېدو په خاطر په ناحقه نیول شوي. همداراز د... Читать дальше...

د سپین بولدک-چمن پر دروازه له ویزې پرته د خلکو پر تګ راتګ د محدودیت د لیرې کولو په هدف د پښتون ژغورنې غورځنګ په ملاتړ د زرګونه کسانو پرلت دوام لري. اعتراض کوونکو د چمن لویه لاره بنده کړې ده او له اسلام آباد څخه غواړي چې خپله پرېکړه بېرته واخلي. د پاکستان د موقت حکومت اطلاعاتو وزیر جان اڅکزي د چارشنبې په ورځ په چمن کې له معترضانو سره وکتل او غوښتنه یې ترې وکړه چې پرلت پای ته ورسوي، خو د پښتون ژغورنې غورځنګ مشر منظور پشتین ویلي چې دا اعتراض به تر هغه وخته دوام وکړي چې د پاکستان حکومت خپله پرېکړه بېرته نه وي اخیستې. Читать дальше...

د طالبانو د حکومت د اطلاعاتو او کلتور وزارت د ژبو د عالي شورا د جوړېدو او د دې شورا د لومړۍ غونډې د جوړېدو خبر ورکوي. باختر خبري اژانس چې طالبان یې اداره کوي، خبر ورکړی چې د ژبو عالي شورا د طالبانو د لوی مشر ملا هبت الله آخوندزاده په امر د هېواد د ژبو د لا بډاینې او معیاري کولو په موخه جوړه شوې ده. د باختر د خبر له مخې په نوموړې شورا کې د اطلاعاتو او کلتور، د لوړو زده کړو او پوهنې د وزارتونو او د علومو د اکاډیمۍ استازي او د هېواد یو شمېر لیکوال او ژبپوهان غړیتوب لري.

نواز شريف نن (د اکتوبر پر ۲۴مه) د عدالت له امر سره سم اسلام اباد های کورټ ته حاضر شو. پر دې مهال د احتساب ملي ادارې (نېب) وکيل عدالت ته وويل چې نېب نواز شريف ته پر ضمانت هېڅ اعتراض نه لري. دا ډول عدالت د اکتوبر تر ۲۶مې د نواز شريف ضمانت منظور کړ.

په شام کې یو هنرمند پخواني کتابونه او قالینونه غونډوي او ورباندې انځورګري کوي. هغه وايي چې د دې موخه یې د چاپېریال خوندي کول او د کارول شویو شیانو بیا استعمالول دي. نور د رویټرز اژانس له ویډیو په جوړ رپورټ کې.

دا په داسې حال کې ده چې د پاکستان له خوا اسناد نه لرونکو کډوالو ته ورکړل شوی وخت د اکتوبر پر ۳۱مه پای ته رسېدونکی دی.

د پاکستان د کرکټ لوبډله د اکتوبر پر ۲۷مه په نړیوال کپ کې له جنوبي افریقا سره لوبه کوي. دا لوبه د پېښور له وخت سره سمه د ماسپښین پر یوه نیمه بجه د هند د چینايي په میدان کې پیلېږي. د پاکستان لپاره دا لوبه په دې ډېره مهمه ده چې یو خوا په پواینټ ټېبل کې پر شپږم نمبر دی او بل یې تېرې درې لوبې ټولې بایللې دي. پاکستان تر اوسه په پنځه لوبو کې دوې ګټلې او درې یې بایللې دي. خو جنوبي‌ افریقا په پنځه لوبو کې څلور ګټلې دي. تېره ورځ  د سري لنکا لوبډلې انګلستان ته په اتو وېکټو ماتې ورکړه. د بنګلور په لوبغالي... Читать дальше...

د بریتانیا حکومت پرون له اسلام اباده دوه سوه افغان پناه غوښتونکي په یوه چارټر الوتکه کې بریتانیا ته انتقال کړل. د جرمني خبري آژانس د راپور له مخې دا هغه افغانان دي چې بریتانیا ورسره د ویزې ورکولو ژمنه کړې ده. دا له پاکستانه بریتانیا ته د تلو په تمه د انتظارو افغانانو لومړنی پرواز و. د راپورونو له مخې د ښځو او ماشومانو په ګډون بریتانیا ته د لېږدولو په شرایطو برابر شاوخوا ۳۲۵۰ تنه په اوس وخت کې د پاکستان د پلازمېنې اسلام اباد په هوټلونو او مېلمستونونو کې اوسي. د بریتانیا حکومت په پام کې لري... Читать дальше...

د کرکټ په نړیوال جام کې نن پاکستان له جنوبي افریقا سره لوبه کوي. د دوی لوبه د چینای په سټډیوم کې ترسره کېږي. جنوبي افریقا په سږني نړیوال جام کې له پنځو لوبو څلور ګټلي او د ګټې تناسب یې تر ټولو لوبډلو زیات دی. پاکستان بیا له پنځو دوه ګټلي. د پاکستان لوبډله داسې وخت له جنوبي افریقا سره مخ کېږي چې د افغانستان په وړاندې د ماتې په خاطر پر لوبډلې د پخوانیو کرکټرانو او خلکو له خوا پراخې نیوکې وشوې.

امريکامتحده ایالتونو پرون له اوکراين سره نوې مرستې اعلان کړې. د امريکا د بهرنيو چارو وزير انتوني بلينکن وويل چې د دې مرستو ارزښت ۱۵۰ ميليونو ډالرو دی. هغه زیاته کړه چې دا مرستې له مخکې تصویب شوې وې. اخوا د امریکا دفاع وزارت پنټاګون وویل چې په دې بسته کې د پرمختللو ځمکې نه هوا ته د توغندیو سیستمونو لپاره اضافي مهمات، د سټینګر توغندي، او د لوړو توغندیزو سیستمونو لپاره اضافي مهمات شامل دي. د امریکا د مرستو په دې بسته کې د جیولین ضد زغره وال سیستمونه، د کوچنیو وسلو له ۲ میلیونو څخه زیات مرمۍ، او د ژمي په مخه البسه شامله ده.

د کډوالو په چارو کې د ملګرو ملتونو عالي کمېشنري په افغانستان کې د قابلو د روزنې د یوه پروګرام خبر ورکړی دی. دغه بنسټ پرون پر خپله ایکسپاڼه لیکلي چې د دې پروګرام هدف د مور او ماشوم د مړینې د لوړې کچې راټیټول دي. د خبر په دوام کې راغلي چې په دغه پروګرام کې اتیا ځوانې مېرمنې روزنه ترلاسه کوي چې د افغانستان په لرې پرتو سیمو کې کار وکړي. طاهره د دې مېرمنو له ډلې یوه ده. هغه وايي: "زما هدف دا دی چې د مېندو او ماشومانو ژوند و ژغورم. زما عمه غبرګولي ماشومان درلودل، خو دواړه ماشومان یې له لاسه ورکړل،... Читать дальше...