Новости за 12.10.2023

د اسرائیلو پوځ وايي، د حماس له خوا د یرغمل شویو ۹۷ اسرائیلیانو او د وژل شویو ۲۲۲ پوځیانو کورنیو ته خبر ورکړل شوی دی. د فلسطین د روغتیا وزارت وايي، د اسراییل په برید کې شاوخوا ۱۲۰۰ فلسطینیان وژل شوي او ۵۶۰۰ نور ټپیان شوي دي. صفي الله ستانکزی او نور جزییات

د کرکټ ملي لوبغاړو د هرات له زلزله ځپلو سره د مرستو لپاره هڅې کوي. دوی له هند سره د لوبې پر مهال د دې غمیزې د قربانیانو د یادښت په پار په خپلو مټو تورې پټۍ هم تړلې وې. راشدخان او ځینې نور لوبغاړي په انلاین بڼه هم د مرستو کمپاین پیل کړی دی. صفي الله ستانکزی او نور جزییات

په هرات کې د تېرې اوونۍ بېلابېلو زلزلو د عامه ځايونو د ويجاړولو ترڅنګ تاريخي ځایونو ته هم زیانونه اړولي دي. د افغانستان په هرات ولایت کې وروستیو زلزلې د عامه ځایونو د ویجاړولو ترڅنګ د دغه ولایت تاریخي او لرغوني ځایونه هم زیانمن کړي دي. په دې زلزله کې چې د چهارشنبې په سهار رامنځته شوه د ريښتر په کچه شپږ اعشاريه درې درجې ښودل شوې وه چې له امله يې د نورو مالي او ځاني زيانونو ترڅنګ د هرات د جامع جومات، اختيارالدين کلا، د جومات منارې او د دغه ولايت ځينې نور تاريخي ځايونه زيانمن او ويجاړ کړي دي. ... Читать дальше...

د افغانستان د هرات زلزله ځپلي وايي مرستو او استوګنځایونو ته اړتیا لري. د سرې میاشتې ادارې کارکوونکي وايي، د یخنۍ زیاتېدو له وجې ځینې زلزله ځپلي د بېلابېلو ناروغیو ښکار شوي دي. د خوړو نړیوال پروګرام له نړیوالې ټولنې څخه د اکتوبر اوومې او ۱۱مې د زلزله ځپلو لپاره مرسته غوښتې ده. په زلزلو کې زرګونه کسانو ته مرګژوبله اوښتې وه. د رویټرز اژانس له ویډیوګانو جوړ رپورټ.

د ملګرو ملتونو د بشري حقونو شورا د یوه پرېکړه‌لیک په تصویبولو سره د افغانستان لپاره د بشري حقونو د ځانګړي راپور ورکوونکي د ماموریت موده د یوه بل کال لپاره وغځوله. دا پرېکړه‌لیک چې مسوده یې د هسپانیا له‌خوا د اروپایي ټولنې په استازیتوب د بشري حقونو د ٤٦ غړیو شورا ته وړاندې شوی و، د چهارشنبې په ورځ د ملګرو ملتونو د بشري حقونو شورا په ٥٤مه غونډه کې پرته له رایې اخیستنې تصویب شو. په دغه پرېکړه‌ليک کې له طالبانو غوښتل شوي چې د ټولو هغو پالیسیو او اقداماتو څخه لاس واخلي چې د افغانانو اساسي حقونو... Читать дальше...

د دې اوونۍ د "هارون باچا هنري ګړۍ" خپرونې مېلمه د خيبر پښتونخوا د صوابۍ د زېدې کلي يو سندرغاړی او باجه (هارمونيم) غږوونکی عرفان زېده وال دی. نوموړی د يوې هنري کورنۍ دی. زېده وال د هنر پيل له تبلې غږولو کړی وو خو وروسته يې باجه او ورسره سندره ويل زده کړل. دی وايي، ۲۵ کاله د نوميالي ولسي سندرغاړي کفايت شاه باچا په هنري ډله کې پاتې شوی. هغه زياتوي چې د خلکو د اقتصادي ستونزو له وجې د هنرمندانو کار روزګار خراب شوی دی. د عرفان زېده وال دا خبرې او ځينې سندرې يې په خپرونه کې اورېدای شئ.

د افغانستان لپاره د ملګرو ملتونو د کډوالو د عالي کمېشنرۍ څانګه وايي چې د هرات له زلزله ځپلو سره د مرستو لپاره سیمې ته په سلګونو خیمې او د سرپناه لپاره موقتي کورونه په لاره دي. 'یو این ایچ سي آر' نن په خپله ایکسپاڼه کې ویلي چې دغه وسایل یې په مزارشریف او کندهار ښارونو کې له ګدامونو بار شوي او د دې ادارې له‌خوا د مرستو د ګړندي شوي بهیر په ترڅ کې به پر هغو کورنیو وویشل شي چې هر څه یې له لاسه ورکړي دي. په عین حال کې د ملګرو ملتونو د بشري چارو د همغږۍ ادارې یا اوچا ویلي چې وروستۍ زلزلې شاوخوا اولس زره کسان زیانمن کړي دي. Читать дальше...

يو چارواکي، چې له رسنیو سره یې د خبرو اجازه نه لرله، د نوم نه ښوولو په شرط یې مشال راډیو ته وويل چې عمليات صرف د افغانانو پر ضد نه دي بلکې مقصد یې د قبضه یا غصب شویو دولتي ځمکو خلاصول دي.

د متحده عربي اماراتو هوایي شرکت فلای دوبۍ نن اعلان وکړ چې د کابل نړیوال هوایي ډګر ته خپلې الوتنې له سره پیلوي. فلای دوبۍ نن پنجشنبې په خپله ویبپاڼه کې په یوه اعلامیه کې ویلي چې دغه الوتنې به د روان میلادي کال د نومبر میاشتې له پنځلسمې بېرته پیل شي او الوتنې به د دوبۍ د نړیوال هوایي ډګر له دوهم ترمینل څخه ترسره کېږي. د ۲۰۲۱ کال د اګسټ په پنځلسمه پر افغانستان د طالبانو له بیا واکمنېدو وروسته د فلای دوبۍ په شمول اکثرو نړیوالو هوایي شرکتونو افغانستان ته الوتنې درولې دي. فلای دوبۍ به لومړنی لوی... Читать дальше...

د راپورونو له مخکې اسراییلو د اکتوبر پر ۱۲مه هم د غزې تړانګې پر یوشمېر برخو بمباري کړې ده. اسراییلو او حماس ډلې په بریدونو او نښتو کې یو بل ته مرګژوبلې اړولو دعوې کړې دي. اخوا د امریکا د بهرنیو چارو وزیر د اسراییلو په سفر دی. اسراییلیو ځواکونو د غزې زیاتره برخو ته د خوړو او نورو اړینو شیانو د لېږد لارې تړلې دي او د بمبارۍ له کبله زرګونه کورنۍ بې کوره شوې دي. د رویټرز اژانس له ویډیوګانو جوړ رپورټ.

د امریکا د بهرنیو چارو وزیر انټوني بلېنکن نن د اسراییل صدراعظم بینامین نتانیاهو ته له حماس سره په روانه جګړه کې د واشنګټن د ملاتړ ډاډ ورکړ. د اسوشېټېډپرېس اژانس د راپور له مخې بلېنکن نن تلبیب ته له رسېدو سره سم له نتانیاهو سره وکتل او هغه ته یې وویل: "موږ دلته یو، موږ به چېرته لاړ نه‌شو." د امریکا د بهرنیو چارو وزیر په دې سفر کې چې پر اسراییل سربېره د منځني ختیځ د سیمې یو شمېر نورو هېوادونو ته یې ترسره کوي هڅه کوي چې د حماس او اسراییل ترمنځ کړکېچ پراخ نه‌شي. په عین حال کې اسراییل نن هم په غزه... Читать дальше...

د افغانستان لپاره د امریکا متحده ایالاتو ځانګړو استازو پر افغان نجونو د بندیزونو له امله یوځل بیا پر طالبانو تندې نیوکې کړي. د افغانستان لپاره د امریکا متحده ایالاتو ځانګړو استازو ټوماس وېسټ او رینا امیري ویلي چې طالبان د افغان نجونو د ځپلو مسوول دي او د دوی دا ظالمانه تګلارې یوازې د افغانستان ستونزه نه ده. دوی دواړو د ماشومو نجونو د نړیوالې ورځې په مناسبت په بېلابېلو بیانونو کې له نړیوالې ټولنې غوښتنه کړې چې د افغان نجونو ملاتړ ته دوام ورکړي. وېسټ په خپله ایکسپاڼه په یو بیان کې چې نن خپور... Читать дальше...

د ملګرو ملتونو د بشري چارو د همغږۍ دفتر یا اوچا وايي، د افغانستان لوېدیځ کې د روانۍ اوونۍ زلزلو ۱۷۰۰۰ کسان زیانمن کړي دي. اوچا په خپل هغه راپور کې چې پرون ناوخته یې خپور کړی، ویلي چې یوازې پرونۍ زلزلې په هرات کې ۱۱۲ کلي اغېزمن کړي دي. په راپور کې زیاته شوې، پرونۍ زلزله چې د ریښتر په اندازه ۶.۳ درجې وه، یو تن په کې وژل شوی او شاوخوا ۱۴۰ تنه یې ټپيان کړي دي. د اوچا په راپور کې همدا شان ویل شوي چې په هرات کې د روانې اوونۍ د زلزلو له امله ښايي د تلفاتو شمېر ډېر شي. بلخوا د ملګرو ملتونو د ماشومانو... Читать дальше...

د پاکستان حکومت په وروستیو کې ویلي دي چې د ټول هېواد په څېر په ملاکنډ کې هم پر هغو ګاډو مالیه لګوي چې د ګمرک یا کسټم محصول یې نه دی ورکړی. په ملاکنډ ډېوېژن کې اوسمهال شاوخوا ۴۰۰،۰۰۰ داسې ګاډي چلېږي چې کسټم یې نه دی ورکړی. خو د هغې سیمې سیاستوالان، سوداګر او اوسېدونکي وايي، هغه ټیکس نه ورکوي. ویډیويي رپورټ.

د کرکټ د نړیوال جام سیالیو په دوام کې نن د اسټرالیا او جنوبي افریقا لوبډلې مخامخ شوي. دا سیالي نن د لکنهو د کرکټ په لوبغالي کې پیل شوې او لومړی بېټېنګ یا توپوهنه جنوبي افریقا کوي. اسټرالیا په روان نړیوال جام کې لومړۍ سیالۍ پر هند بایللې او جنوبي افریقا بیا په لومړۍ سیالۍ کې سریلانکا ته ماتې ورکړې ده. په همدې حال کې افغانستان پرون خپله دوهمه لوبه پر هند وبایلله. د افغانستان بله لوبه به د انګلستان له پیاوړې لوبډلې سره وي.

د طالبانو د حکومت د مالیې وزارت وايي، له هغو موټرو مالیه نه اخلي چې له پاکستانه د افغان کډوالو مالونه رالېږدوي. دغه وزارت نن اکټوبر۱۲مه په یوه خبرپاڼه کې ویلي چې دغه اقدام له پاکستانه د افغان کډوالو د راستنېدو د اسانتیا په هدف شوی دی. تر دې مخکې د افغانستان خاورې ته د کډوالو د مالونو بار لارۍ ۲۵۰۰ افغانۍ او وړو موټرو ۱۵۰۰ افغانۍ ورکولې. د پاکستان د موقت حکومت د کورنیو چارو وزارت هغو یو میلیون او ۷۳۰ افغان کډوالو ته چې قانوني اسناد نه لري د اکټوبر تر پایه له پاکستانه د وتلو مهلت ورکړی دی، که نه نو دوی به په زوره ایستل کېږي. Читать дальше...

د طالبانو د حکومت د کانونو او پټرولیم وزارت د جبل‌السراج سمنټو په پروژه کې د پانګونې اعلان وکړ. د طالبانو د حکومت ویاند ذبیح الله مجاهد نن اکټوبر ۱۲مه له یوه قطري شرکت سره د دې پروژې د تړون د لاسلیک د مراسمو ویډیو خپره کړه. په دې ویډیو کې د طالبانو د حکومت د کانونو او پټرولیم سرپرست وزیر شهاب‌الدین دلاور وايي: "د جبل‌السراج د سمنټو په پروژه کې به څه باندې دوه سوه میلیونه ډالره ولګول شي او د هغې په پلي کېدو سره به شاوخوا پنځه زره ټنو ته د کار زمینه برابره شي." د دلاور په وينا، د دې پروژې د ټولو... Читать дальше...

ثنا الله بلوڅ وویل چې مذهبي سختدریځي یوازې د خلکو ژوند ته نه بلکې په مجموعي توګه د هر ډول پرمختګ مخې ته خنډ دروي او ګواښي یې. د پاکستانیو حکومتي او امنیتي چارواکو دا تور رد کړی چې ګواکې دولت یا ریاست د سختدریځۍ په خپرولو کې لاس لري.

د سپریم کورټ پریکټس اېنډ پروسیجرز اېکټ ۲۰۲۳ یا د سترې محکمې د چارو او کاري بهیر په اړه قانون د پخواني وزیراعظم شهباز شریف په مشرۍ د پاکستان پخواني اېتلافي حکومت د روان کال په اپرېل کې منظور کړی وو.

د افغانستان د ښځو او بشري حقونو لپاره د امریکا ځانګړې استازې یو وار بیا له تعلیمه د افغان نجونو په محرومولو باندې کلکه نیوکه کړې ده. رینا امیري د نجونو د نړیوالې ورځې په مناسبت چې پرون وه په یو لړ بیانونو کې ویلي چې طالبانو له کورنیو او نړیوالو غوښتنو سربېره نجونې له تعلیم او افغانستان له ښې راتلونکې بې برخې کړی. هغې د طالبانو تګلاره ظالمانه بللې او ژمنه یې کړې امریکا به د ټولو ممکنه لارو نه د افغان نجونو ملاتړ ته دوام ورکړي. د طالبانو بیا واکمنېدو سره لومړی افغان نجونې له شپږم ټولګي څخه تر... Читать дальше...

د ملګرو ملتونو د بشري مرستو د همغږۍ ادارې اوچا ویلي د هرات له اولې زلزلې راهیسې شاوخوا ۱۷زره کسان اغېزمن شوي. دې ادارې په یوه بیان کې ویلي چې له زلزلې د اغېزمنو کسانو شمېر ښايي لوړ شي. پرون هم یوې زورورې زلزلې هرات لړزولی چې د ملګرو ملتونو د بشري مرستو د همغږۍ د ادارې په وینا ۱۱۲ کلي یې زیانمن کړي. په ورته مهال د طالبانو د حکومت د عامې روغتیا سرپرست وزیر قلندر عباد په هرات کې د زلزله ځپلو وضعیت ډېر خراب او جدي وباله او ویې ویل چې هغوی ډېرو مرستو ته اړ دي. هغه پرون چهارشنبې په یوه خبري غونډه... Читать дальше...

ایرانۍ دولتي رسنۍ وايي چې رییسي او سلمان د اکتوبر پر ۱۱مه د "فلسطینیانو پرضد د جنګي جنایتونو یا جرمونو د درولو پر اړتیا" وغږېدل. په همدې حال کې د امریکا د بهرنیو چارو وزیر اینتني بلېنکن د حماس تر بریدونو وروسته یووالي ښوولو په موخه اسراییلو ته تللی دی.

د امریکا په شېکاګو ایالت کې یوې ۱۰۴ کلنې ښځې له الوتکې څخه د پیراشوټ په وسیله ټوپ وهلی دی. هغه له ځمکې څخه ۱۳،۰۰۰ فوټه پورته له فضا څخه ټوپ وهونکې تر ټولو زیات عمر لرونکې ښځه ده. په اړه یې د رویټرز اژانس له ویډیو جوړ رپورټ وګورئ.

د اروپایي ټولنې د بهرنۍ تګلارې مشر جوزیپ بورېل نن چین ته ورسېد. بورېل د چین د درې ورځني سفر په ترڅ کې غواړي چې هلته سږ کال د اروپایي ټولنې او چین یوې سرمشریزې ته زمینه برابره کړي. دی به د چین له بهرنیو چارو وزیر وانګ اي او نورو چارواکو سره پر دوه اړخیزو اړیکو، نړیوالو ګواښونو او سوداګرۍ خبرې وکړي. چین ته د اروپایي ټولنې د مشر سفر سږ کال تر دې مخکې دوه ځله وځنډېد.